إيقونة حفل التخرج ( ايقونة المسخره )

[ابو غيداء]

السلام عليكم ورحمة الله وبركاته

طبعا كلنا نعلم ان جامعتنا المؤقره هذا الترم اضافة ايقونه جديده اسمها يقونة ( حفل التخرج )

طبعاً انا خريج هذا الترم ان يسر الله وبأذن الله بتقدير ممتاز مع مرتبة الشرف .

ولما ادخل على الايقونه تطلع لي رساله تقول ( غير مصرح لك بالدخول إلى هذه الصفحة)

وبعد تحري وبحث طلع حفل التخرج خاص بالخريجين المتفوقين الذين معدلهم فوق (4.75) وربما اكثر .

طبعاً زملائنا الخريجين المتفوقين يستاهلون اكثر من حفل تخرج والله يوفقهم ومنها الى الأعلى ان شاءالله .

انا عتبي على مسؤولين التعليم عن بعد
اذا انتم مو كفو تصلحون حفل تخرج لجميع الخريجين تصلحون حفل تخرج من اساسه ليش وليش تسمون الايقونه بأسم ( حفل التخرج ) لماذا لاتسمى ( حفل تخرج للمتوفقين جداً)

فرحة التخرج من حق الجميع بغض النظر عن المعدل

المعدل حسب الظروف والمعطيات



من وجهة نطري
ايقونة حفل التخرج تفتح للعموم ويضع فيها مكان الحفل وتاريخه ويطلب من الطالب الموافقه بالحضور او الرفض

وتغلق الايقونه بعد فتره معينه وبعدها يوخذ العدد المطلوب . ولا مانع ان يعمل مرتين او ثلاثة يستاهل من خسر ماديا وتعبى نفسياً وجسدياً وتغلب على اصعب الظروف لنيل العلم والتسلح بالشهاده


هذا ولعنا نجد من يقدر ظروفنا والله يتمم على خير .

[Moni0]

ماشاء الله عليك اخوي.. منها للأعلى
أنا معاك والله الحفل فرحة للجميع
ولكن يمكن لأن الموضوع جديد فأكيد لهم مخاوفهم ويمكن ع الاترام الجايه يصير للجميع

موفق اخوي ومبروك التخرج مقدما

[ابو غيداء]

المشاركة الأصلية كتبت بواسطة moni0

ماشاء الله عليك اخوي.. منها للأعلى
أنا معاك والله الحفل فرحة للجميع
ولكن يمكن لأن الموضوع جديد فأكيد لهم مخاوفهم ويمكن ع الاترام الجايه يصير للجميع

موفق اخوي ومبروك التخرج مقدما

الله يبارك فيك ويجزاك خير خيتووو وعقبالك ان شاءالله

بالنسبه للموضوع لا مو جديد العام الماضي نفس الطريقه

[AL-Maram]

و للطلاب فقط ,, والطالبات لا... سواء متفوقات اولا ... :(

[عويشق]

المفروض للجميع يكون حفل التخرج

و هدايا للمتفوقين تكون افضل و هدايا للخريجين

[أبو رشيد]

المشاركة الأصلية كتبت بواسطة ابو غيداء

من وجهة نطري
ايقونة حفل التخرج تفتح للعموم ويضع فيها مكان الحفل وتاريخه ويطلب من الطالب الموافقه بالحضور او الرفض

والله ياخي أنا وجهة نظري

الي معدلة 4.75 هو الي يستحق التكريم

ابو 1.75 هذا خله يحتفل ببيته زين بعد الي طبعوا له وثيقة

والله العظيم الواحد جايبن له معدل كحيتي وقاعد يسب الجامعة
ياخوي أصحاب المعدلات العالية يوم انت نايم وهم مذاكرة واجتهاد وتعب وسهر وجاي هالحين تبي يساوونك بهم

[المتدهور]

يا رجال اكبر هدية شهادتك الي جبتها لنفسك واكبر فرحة فرحة اهلك فيك اسأل الله ان يوفقك وينفع بك وبعلمك الاسلام والمسلمين والله يسدد خطاك

[خلدون-2010]

أبو رشيد ردك قاسي لا و من "طالب دراسات أسلاميه" للمعلوميه في الخارج بشكل عام معدلك 2 او 5 يحتفلون فيك أقصد معك

[عبقور]

المشاركة الأصلية كتبت بواسطة أبو رشيد

والله ياخي أنا وجهة نظري

الي معدلة 4.75 هو الي يستحق التكريم

ابو 1.75 هذا خله يحتفل ببيته زين بعد الي طبعوا له وثيقة

والله العظيم الواحد جايبن له معدل كحيتي وقاعد يسب الجامعة
ياخوي أصحاب المعدلات العالية يوم انت نايم وهم مذاكرة واجتهاد وتعب وسهر وجاي هالحين تبي يساوونك بهم

طيب والناس اللي معدلاتها 4.70 وش ذنبهم تعب وشقا ومثابرة وبالاخير نسبه وحده يخلونه مع النايمين
ع الأقل يسوون الحفل للي تقديرهم ممتاز 4.50 وفوق
وغير كذا البنات مالهم حفل .. عصر الجاهلية

[ابو غيداء]

المشاركة الأصلية كتبت بواسطة أبو رشيد

والله ياخي أنا وجهة نظري

الي معدلة 4.75 هو الي يستحق التكريم

ابو 1.75 هذا خله يحتفل ببيته زين بعد الي طبعوا له وثيقة

والله العظيم الواحد جايبن له معدل كحيتي وقاعد يسب الجامعة
ياخوي أصحاب المعدلات العالية يوم انت نايم وهم مذاكرة واجتهاد وتعب وسهر وجاي هالحين تبي يساوونك بهم

وجهة نظرك تحترم اخي الغالي

ولكن معدل ابو 1.75 يكفي انه درس واجهتد وتخرج وكثر الله خيره ومن حقه يعمل له حفل تخرج مثله مثل اي طالب
المتفوقين لهم ايقونه ولهم حوافز هذا من حقهم وحفل التخرج من حق الجميع .

ابو رشيد انت ردك يدل على جهلك في بعض الامور

فيه طلاب زملاء لك انت احد ابنائهم ولبعض لديهم ظروف مثل ( كبر السن ، عوائل ، ظروف عمل قاسيه ) وبعضهم توجد لديهم اعاقات وامرض وانت شفت في عينك في مراكز الاختبار فيه طلاب يختبرون على كراسي متحركه .

بالتوفيق للجميع