[ تجمع ] : رفع تظلم لمادة الادارة الماليه ٢

[صالح أبو عايض]

السلام عليكم

الي صار اليوم شي مو طبيعي واسأله غريبه ومشتته وفيها صعوبه وبغض النظر عن السبب الدكتور او الجامعه او الي يقول بنت ارسلت للفريدي او اياً كان

لابد الكل يرفع تظلم على هذه الماده وعلى دكتورها وعلى الجامعه نفسها ونتفق كلنا على صيغه وحده شامله وارجوا من الجميع التكاتف بصراحه اختبار كان ينشف الدم

( انا كان عندي تحفظ كبير على الماده من الاول مدري ليه محسسينا ان تخصصنا اقتصاد او ماليه !!! يعني ماده دسمه متفرعه متشعبه دسمه كان بالإمكان اضافة مثلا ادارة ماليه ٣ او حذف الكثير من هذه الماده وانا اذاكر كنت احس اني محلل سوق اسهم او استشاري مالي بصراحه من وضع محتويات هذه الماده شخص غريب جدآ )

وارجوا من الجميع عدم السب والشتم وعدم تحويل الموضوع من تظلم الا من كان السبب واياً كان السبب الله حسيبه بصراحه يكفي تحليل الاسهم والنقد والسوق الي في الماده مانبي تحليلات زيادة :)

واتمنى من الجميع يفكر بالجاي بعد رفع التظلم ونسيان الموضوع " ماراح يتوقف الحال على ماده ان شاء الله "

[Ahmad_Zahrani]

شكراً صالح ، عطونا صيغة التظلم

[صالح أبو عايض]

وياخوان الاختبار الجاي بعد بكره ادارة التسويق وهذا بعد دكتور يحب مابين السطور ويغير بالاسئله والماده بعد فيها دسومه وتشابه الله يكون بالعون للجميع ان شاء الله ويمكن بعد تتدخل الجامعه وتحط اسأله من عندها او من دكتور ثاني الترم هذا الله يعديه على خير ان شاء الله ونشوف اخرتها مع هالفريدان وهالجامعه وهالدكاتره

[majeed1406]

السلام عليكم ورحمة الله وبركاته
اقدم لكم تظلمي على اختبار مادة الماليه 2 حيث بأن دكتور الماده عبدالعزيز السهلاوي افاد جميع الطلبه بالتركيز على المحاضرات المباشره وخصوصا الرابعه وما ورد فيها من معادلات واسئلة نظريه واشار الى التركيز على البعض من المعادلات الهامه وبانه سيتم طرحها في الاختبار مع تغيير بعض الارقام . وما حدث في اختبار مادة الماليه 2 خروج الدكتور بشكل كامل عن جميع ماطلب التركيز عليه محاولآ تعقيد وتشتيت ذهن الطالب بطرح اسئله معقده واغلبها لم تذكر في المحاضرات ولم يتم شرحها من قبل الدكتور . كما قام بوضع اسئله نظريه مطوله ومعقدة بشكل كامل . ولم يرد اي سؤال قام الدكتور بذكره في المحاضرات المباشره علمآ انه طلب سابقآ واثناء المحاضرات المباشره التركيز عليها وبانها سترد في الاختبار . لذآ نتمنى منكم مراعاة التعقيد في اسئلة الاختبار ومساعدة ابنائكم الطلبه الساعين للعلم وليس للنجاح فقط وتقديرآ لما بذلناه من وقت وجهد في هذه الماده

[صالح أبو عايض]

ماقصرت ياخوي ماجد وننتظر من الاخوان صيغ اخرى ونتفق على صيغه موحدة شامله

( لكن لابد الكل يرفع تظلم حتى الي ضامن النجاح )

[totoo22]

انزل الصيغه هاذي في التظلم


Sent from my iPhone using ملتقى فيصل

[majeed1406]

صحيح لازم الكلعشان ننصف

[كراعين نمله]

الاسئله اللى اليوم مايقدر يحلها حتى مخترع الادارة ماليه الحاسبه كانت معي ضيف شرف
ذاكرت كتاب وجاني كتاب ثاني
كيف نرفع تظلم يا قوم

[منى سبيعي]

المشاركة الأصلية كتبت بواسطة صالح أبو عايض

ماقصرت ياخوي ماجد وننتظر من الاخوان صيغ اخرى ونتفق على صيغه موحدة شامله

( لكن لابد الكل يرفع تظلم حتى الي ضامن النجاح )

الله يجزاك خير اول مره برفع تظلم وصح لازم الكل نفس الصيغة
الاسئلة حقت اليوم تقريبا نفس اسئلة الفصل الاول لعام 1437 - 1438
للدكتور عبدالكريم بس حقت اليوم اصعب والله العظيم الاسئلة اليوم وانا اراجع شفتها وقلت صعبة مره مستحيل تجينا اسئلة زي كذا

[abo talal]

اعتمدو الصيغه عشان نوحد التظلم