البلاك بورد بطئ

[سعداوي باشا]

يبدو ان البلاك بورد الرجل المريض لم يتعافا بشكل كامل
الاشكاليه بكثره المقررات و الحشو الاليم فيها
يا ساتر يارب وش هذا
انا اتذكر كنت اتابع المحاضرات بدايه الترم هي كلها اسبوعين اي بدايه ترم يبن الحلال بس بالبدايه كنت متحمس وبعد شهر من نزلت كومه محاضرات فتحو لي الحساب وخذلك حضور وانتباه وورقه وقلم شغل نظيف بس لما خلصت جا اسبوع توقف فيه البلاك بورد بحل المناقشات ماني فاهم شي هههههههههه نسيت كل حاجة لانه فعلا حشو في حشو بطريقه جباره شي ماهو سهل ولا عندي استطاعه احضر وبالاخير انسى
ياليت ياليت يلغون حضور المحاضرات و الواجبات والمناقشه ويخلونها بس اختبار نهائي لانو فعلا انا من المجموعه الي من جنبها
عسانا نذاكر للنهائي وبكذا كثر الله خير الجامعه ومعد نبي بلاك بورد حطو المحاضرات الي وده يذاكر ويحضر هو حر
الشي الثاني من متابعتي للمحاضرين يبدو لي ان المحاضرات لاعوام سابقه مهيب هالسنه تعبناهم كثير الجامعه تعبانه مره والله ما اقول الا حي الله تعليم عن بعد
معليش جالس ابربر بس زهقان والبلاك بورد بطئ
نرجع انا لي فلسفه بالتعليم الجامعي اعتقد انها من افضل الطرق بدل هالحشو الي مامنه فايده الاصل بالتعليم الجامعي هو فهم الطالب للمقرر وهذا هو المطلوب والمطلوب من المحاضر انه يعرف هل الطالب فهم او لا المساله بسيطه ما يحتاج لها اي ذكاء تقسم
اعتقد انو افضل طريقه الغاء الاختبار النهائي الغاء الحضور للمحاضرات وحل الواجبات و المناقشات والاكتفاء بثلاث اختبارات عن بعد من الجهاز ينتهي تسليمها بنهايه الترم يعني الاختبار الاول والثاني ثلاثين درجة والاخير اربعين درجة وكفى الله المؤمنين القتال بكذا راح يكون فيه نقاش بمنتدى الحوار لحل الاسئله وهذا هو المطلوب و بيكون فيه مذاكره ومراجعةللمقرر وفهم وهذا هو المطلوب من الاختبارات اصلا وبيريح الجامعه وبيرتاح الطالب و ايضا راح تصل معلومات المقرر هههههههههههه والله لو اصير مدير جامعه ان تفلونها ومع الفله تتخرجون فاهمين بدال هالحشو و ملاحق الدرجات من غير فهم اعلمكم ليش لانو المناقشات يا حبايب قص ونسخ و الواجبات نقش من بعض والمحاضرات تحملونها وافلقوني اذا احد شافها الا القله القليله وبالاختبار النهائي عارف اننا بنجيب العيد دام هذا الحشو كله بالمقررات
هههههه عساكم سالمين ما ينفع احل المناقشه هنا بس ههههههههه

[انفاس مشرقة]

اي والله بطيى مررة تتوقعون لية

[вяσиżϊчά⊧]

ابطئ شيء رفع ضغطي

سلحفااااااااااااااااه

حتى المحاااضرات ماتفتح معي

الله يعين ويصبرنا على هالبلاااك

[امنيات]

بقوه بطيئ حتى المحاضرة تقطع معن النت حقي سرعته عاليه مره
وماخذته الا عشان المحاضرات وعقب التحديثات إلي سووها في البلاك بورد
صراحه مادري وش صار فيه يطفش عن نفسي بديت احس ب الملل منه
الله يعين بس

وش الحل ياناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حايره في الدنيا]

انا اقولكم الحل
حملو المحاضرات ولا تشوفونها مباشر حملوها الحين وبسرعه قبل لا يخرب البلاك بورد ثم بعدين ناكل هوا

[ايووت]

بطي لان الناس سهرانين
وضغط عليه
متعودين على الحركات البلاكيه

[rmmunajam]

من زود الى خاشين عليه
بس يافرحة ماتمت مات ..مره ثانيه..