[ المستوى الرابع ] : الله يعافيكم نبي احد يفهمنا طريقة التدريب الميداني

[ام يوري و ديمه]

الله يعافيكم نبي احد يفهمنا طريقة التدريب الميداني

[ام يوري و ديمه]

كيف التدريب الميداني يعني نغيب عن وظايفنا ونروح نتدرب في المستشفيات والله مشكلة

[N o o r a h]

طريقة التدريب الله يسلمك

تروحون مؤسستين اجتماعيه

اول مؤسسة بتكون دار ايتام او مراكز ذوي الاحتياجات الخاصة او دار المسنين ... الخ بشرط تكون فيه اخصائية اجتماعية

وبيكون نازل لكم في البلاك بورد التقرير وهو عبارة عن اسئلة

اللي عليكم تروحون للمؤسسة الاجتماعية وتاخذون موافقتهم وتقابلون الاخصائية الاجتماعية

وتسألونها الاسئلة اللي بالتقرير وهي تجاوبكم وتخلصون شغلكم بيوم مو اكثر :)

وترفعونه للبلاك بورد يوم التسليم


وثاني مؤسسة بتكون مستشفى بشرط تكون فيه اخصائية اجتماعية

وتكررون نفس ماصار في التقرير الاول بس الاسئلة طبعا تختلف عن التقرير الاول


بس طبعا كل تقرير محدد بوقت معين للبدء فيه ووقت محدد للتسليم



مقرر ممتع وتقدرون تجيبون درجات عاليه فيه

والاختبار النهائي بيكون شفهي وبتنسألون عن التقارير والمنهج

وفالكم التوفيق

[saaud]

الله يكتب الي فيه الخير ويوفقنا جميعا

[حُرّة]

طيب والتدريب الميداني 2 نفس الوضع ..ولا كيف

[N o o r a h]

المشاركة الأصلية كتبت بواسطة dwn

طيب والتدريب الميداني 2 نفس الوضع ..ولا كيف

التدريب الميداني 2 بيكون التطبيق في مدرسه

بس راح يكون 4 تقارير وكل تقرير له موضوعه

والدكاتره راح يشرحون لكم كل تقرير شنو يخص

فالكم التوفيق

[حُرّة]

المشاركة الأصلية كتبت بواسطة n o o r a h

التدريب الميداني 2 بيكون التطبيق في مدرسه

بس راح يكون 4 تقارير وكل تقرير له موضوعه

والدكاتره راح يشرحون لكم كل تقرير شنو يخص

فالكم التوفيق

طيب حبيبتي نورة تحمليني شوي ..محتاجة معلومات أكثر ..يعني هل هالزيارات قد تمتد لأيام ..أو فقط زيارة واحدة ؟وهل تدريب ميداني 2موجود في هذا الفصل ..لمستوئ سادس مكتوب 3 مو 2 فهل هذا خطا مطبعي.. شاكرة لك..

[عـلـي]

شكرا استاذة نورة على الاجابة الكافية الوافية

وشكرا ام يوري وديمه

الله يرزقنا بأخصائيين اجتماعيين مخلصين نافعين يفيدونا وبدون ما يطقطقون علينا

[ساره توت]

بالنسبة للتدريب الميداني 2 حسب تجربة صديقتي انه لازم تاخذين موافقة من المديرة للمدرسه اللي راح تطبقين فيها والورقة لازم تمرين فيها الرئاسة العامة لتعليم البنات علشان يحددون لك التاريخ اللي تباشرين فيه يعني اجراءات تنسيق وحاجه مهمة حاولي تختارين مدرسه تكون المشرفة الاخصائية الللي فيها متعاونة بالعامي يعني مو نفسها بخشمها وحط في بالك انه راح تداومين كل يوم لمدة اسبوع او اسبوع ونص تقريبا وبيكون فيه توقيع ويا حبذا لو توثقين كل حاجة بالصور كاثبات واجتهاد للانشطة وبالنسبة لصديقتي القت محاضرة للطالبات فترة ما كانت بالمدرسه والمطلوب منك خلال هذه الفترة اللي تكونين فيها بالمدرسة انك تمسكين لك حالتين مثلا وتدرسينها من حالات ومشكلات الطالبات طبعا بعد كل هذا ترسلين كل كبيرة وصغيرة وترفعينها على البلاك بورد للدكتورة وتقيمك والله يوفقنا بالنسبة للتدريب الميداني الكل يمدحه لانه يرفع المعدل وتحصل الطالبة على درجات حلوة

[حُرّة]

ياقلبي يا ساروووونة ..جزاك الله خيرا.. أنا بنتقل لمكان آخر للعيش ..لذلك أفكر آخذ التدريب الميداني ١ و٢ ..لكن متردد ة صراحة ..أحس تواجد الدكتورة إيمان شومان بحالة مسبب لي أزمة كيف أضيف مادة زيادة ..الله يكتب الي فيه الخير يارب .