مقابلتي الشخصيه مع د.عبدالله النجار بخصوص اختبار نقود وبنوك يوم الخميس 26/6

[areej]

حسسسبي الله انا من ضمن اول دفعه سجلت بهالجامعه كل دكتور يقول مو ملزمين تشترون الكتاب من الاصل بس ركزو ع المحاضرات يعني سالفة ان احنا مطالبين بأشياء ماقالها بالمحاضرات هذي تعجيزيــــــــــــــــــــه

[صقر نواف]

ياشيخ الله يكون بالعون بس
يعني كل هذا عشان مايبي يقول للمحروس دكتور المادة انت غلطان؟!! ليه معصووم ما يخطئ؟! وبعدين سالفة مو ملزم بالشرح فهذي خطيرررة جدااا وتنسف شيء اسمه دراسة عن بعد .. ولابد من الاخ العميد يستوعب الفرق بين التعليم عن بعد وبين الانتساب اللي تم ايقافه!!

اجل مو ملزم بالشرح؟؟ ولكن نحن ملزمين بالكتاب بدون شرح؟!! اجل ليه ماتقلبها انتساب وتخلينا نشتغل على انفسنا ( على كلامك ) وبلاش رواتب لدكتور لايستحقها دام مش ملزم بالشرح!!!
هذي كبيرة ولم يستوعب ابعادها سعادة الدكتور العميد .. وفعلا غلطة الشاطر بألف يا عميد !!


المصيبة ان الدكتور النجار بنفسه العالم ممتعضة منه بسبب اختباره من الترم الماضي والترم هذا , وكأنه يقول هذا اللي عندنا واللي مو عاجبه يطلع وبتروح عليه فلوسه اللي دفعها بالاترام الماضية!!

يعني سياسة سهلوا لهم الاختبارات لحد ما ينتصفون من الدراسة بعدها خلوهم يحوسون بكم مادة لانهم ماراح يتركون الدراسة بحكم انهم انتصفوا المدة !!
هالكلام يشد علي الله سمعته ببداية الدراسة وكنت اقول وش نظريات المؤامرة اللي عند ربعنا بس بالاخير شكلي بتوقف عند كلامهم كثير : )

الله يسهل الامور ويرزق اصحاب القرار روح منصفة وراقية تتعامل وفق الضمير والعدل والحق .. وتحق الحق وتنصف المظلوم دون البحث عن اعذار لدكتور اخل بعمله واحرج نفسه وادارته بسبب الترقيع له!

[شكلين مابحكي4]

واضح من كلام النجار بيحط اللوم على الطلاب ولاكيف يقول مطالبين باشياء من برا المنهج عجيبه ذي الكلمه على اساس منتظمين ترا حنا انتساب .
وعلى فكره اخوي كارلو تقدر تحجه بموضوع انه هو قال الكتاب مو معنا في المحاضره المباشره الثالثه تسكيته له واخيرا اقولك الله يعطيك العافيه وجزاك الله الف خير .

[absentstar]

المشاركة الأصلية كتبت بواسطة carlo

اخوي ابو زياد

بالنسبة للكلام في المحاضره المباشره صحيح قال انه انذاكر من الكتاب النقاط الي ذكرها بس

بس مع الاسف ما انتبهت لهالكلام الا بعد مارجعت من عند الدكتور

بس انا ماراح اسكت وعندي هالدليل انا برجع له يوم الاثنين وبسمعه المحاضره المباشره الثالثه الدقيقه 27

تسلم يالغالي ... ويعطيك الف عافيه ...
ووفاينا بالمستجداااات وبالذااااااات ما ذكره الدكتووور ...

وان لم نصل لنتيجه .. بيننا وبينهم المحاكم ورفع قضية ع الجامعه والدكتور

والادلة موجوووووووودة

[zahra's]

الله يعطيك الف عافية ياكارلو .. ويجعل مساعيك مثمرة
دعواتنا وقلوبنا معك .. واي مساعدة نحن جاهزين
خاصة وأنت بهذا العمل تعمل لمنفعة الجميع

للأسف الجرايد لم تعرنا اهتمام بهذه المادة ..
لكن لن نسكت عن الموضوع وسنرى من يضحك اخيرا ياجامعة الفيصل

[zahra's]

كذلك لا تنسى الاخطاء في الاختبار وسؤال راجع فقرة ١٦

[noufa_london]

بشروو ايش صار معاكم

[absentstar]

في المحاضرة المباشرة الثالثة يقول نصا ً في الدقيقة 15:50

" اسمع المحاضرات المسجلة وافتح على موضوع المحاضرة بالكتاب وانظر إلى ما تم تغطيته في المحاضرة من محتوى الكتاب "

" تنظر إلى السلايدات وترى ايش الموضوعات الي تغطيها السلايدات من الكتاب "

[absentstar]

تم فتح موضوع بالقاعه العامة .. ارجوا من الجميع المشاركة

http://kfuforums.kfu.edu.sa/showthre...E1%D8%E1%C8%C9

[zahra's]

المشاركة الأصلية كتبت بواسطة absentstar

تم فتح موضوع بالقاعه العامة .. ارجوا من الجميع المشاركة

http://kfuforums.kfu.edu.sa/showthre...e1%d8%e1%c8%c9

موضوع ممتاز وواضح ومرتب للأسف لا استطيع المشاركة حاليا
لا يقبل دخولي منذ مدة ..

يارب تكون جهودنا مثمرة ولو اني بدأت أفقد الأمل في النجار وكليته