مساعدة من طالبات اللغة الإنجليزية ....

[شمس الضحى]

السلام عليكم ورحمة الله وبركاته ....


أنا حابه أحول لكلية التربية وأتخصص لغة إنجليزية بس أنا خايفة من الأختبار اللي يسونه .... فأتمنى من كل طالبة


أختبرت هذا الأختبار تعطيني معلومات عنه من حيث عدد الأسئلة ومدى صعوبتها وكم الدرجة المطلوبة للنجاح ؟؟؟؟

[*"الحالمة"*]

>×وعلـ*السلام ورحمة الله وبركاته*ـيكم×<

هلا بك شمس الضـ ح ـى,.
اختبــار القبول لتخصص اللغة الإنجليزية سهل مو صعب للدرجة اللي تتوقعينها
لكــن اذا كنتي ضامنة نفسك في الإنجليزي,.
*
وبالنسبة لدرجة القبول في الإختبار.. اظن لازم تاخذين أكثر من النص
عــدد الأسئلة بصـراحة مااذكرهم لأني الحين صار لي سنتين من اختبرت اختبار القبول
لكــن اظن 50 سؤال ومتنوعة.. يعني في الستركشر والفوكابيلري على مااظن..
*
الأسئلة يبغالها تركيز ووقت.. ولا تستعجلين في شي..
.
الله يوفقك اختي

*"مع خالص محبتي"*

[شمس الضحى]

مشكورة أختي الحالمة ....


أنا الحمدلله مستواي حلو في الإنجليزي بس خايفة إني أخور وأعفس الدنيا وبعدين يحطوني لغة عربية <<ليه إنتي أصلاً حولتي >>>....


وأنا اللي مخوفني زيادة إني لما جيت أحل أسئلة الإنجليزي حق أختبار القدرات للبنات ماعرفت أحلها حسيت أنها

صعبة ومحيرة .... :mh19:



أختي سؤال vocabulary يجي على هيئة تعبئة فراغات وإلا كلمة ومعناها زي الــ word study ... وإذا ماعليك أمر



ممكن تذكريني بطريقة سؤال الستركشر ..... أدري إني طفشتك بأسئلتي الزايدة عن حدها بس والله إني محتارة


ومش عارفة شسوي .....

[*"الحالمة"*]

ولاووووو ياستي
اتمنى فــعلاً انك تنضمين لقائمة طالبات اللغة الإنجليزية
*
اختبار القبول للإنجليزي ورقة كمبيوتر يعني مافيه شي تكتبينه فلا تحاتين الإملاء..
.. يعني على مااظن.. تـ ج ـيك كلمة -في الفوكابيلوري- وتختارين معناها.. او المعنى الأقرب لها..
او جملة وفــراغ. وتختارين الكلمة الأنسب للفرااغ (لتكملة الجملة)
.
أما بالنسبة للستركشر.. فهو التركيب اللغوي,.
تركيب الجملة,.
يعني ايش الصيغة الأنسب للجملة.. مثلاً في الكونتينوس..في جملة.. هل الفعل تحطين معه اس ولا لا؟<----------<<مثلاً يعني,.

أي سؤال احنا بالخدمة دير,.

*"مع خالص محبتي"*

[شمس الضحى]

مشكورة أختي " الحالمة " لإنك الوحيدة اللي عطتيني أهمية وجاوبتي على أسئلتي .....


وأنا بعد أتمنى إني أنضم لطالبات اللغة الإنجليزية .... بس قبل كذا لازم أفكر وأقرر إذا أنا بكمل أو أحول وهذا اللي


مضايقني ومشغل تفكيري ....


وأختي إذا تعرفين وحدة من المسؤلات بالجامعة ممكن تساعدني ياليت والله تدليني عليها لأن نفسيتي تعبانة ومش


عارفة شسوي وإذا سألت أهلي يقولون لي بكيفك ....

[*"الحالمة"*]

امممممممممممم..

ماادري شوفي منسقة قسم اللغات الأجنبية الدكتورة فايزة الحمادي
ودي اقولك عمـيدة كلية التربية الدكتورة منيرة الأزرقي بس احسها دايم مشغولة وفيه حولها ألغام<--------<<سكريتارات وحوسة
شوفي أي وحـدة واستشيريها..
ولا تنسين اذا محتاااارة استخيري والله يسوي اللي فيه الخير,.

*"مع خالص محبتي"*

[شمس الضحى]

مشكورة أختي " الحالمة " والله إني منحرجة منك لإني تعبتك معي ... :c8:


وإن شاء الله أروح الجامعة وتتيسر أموري ... وأتمنى أنهم يعطوني وجه لأنهم معروفين بالتصريفات ...


وإن شاء الله أستخير ربي وأتوصل لقرار يناسبني .... والله يكتب اللي فيه الخير .... :praying:


بس الله يجزيك خير سمعت أن البنات اللي يحولون لكلية التربية يحطونهم إجباري باللغة العربية ... يعني إذا كان عندي


واسطة ممكن يحطوني بالتخصص اللي أبيه ؟؟؟؟ :mh19:

[*"الحالمة"*]

لالا عــزيزتي مو الكل -على الأقل-
معي بنات كثيرات كانوا بكــلية العلوم وحولوا إلى كلية التربية عشان الإنجليزي.. وهذا هم الحمـد لله الحين بالإنجليزي,.
المسألة أهم شي قـدراتكـ في الإنـ ج ـليزي,.
إذا قدمتي عــدل في الإختبار وتم قبولكـ خلاص انتي ماتحتاجين واسطة ولا شي..
شي ثاني.. ماادري سمعت به بس ماادري اذا اكيد ولا لا,.
قسم اللغات الإنجليزية ماتدخل وحـدة فيه بالواسطة
هو على قدراتك انتي وبس..
يعني فيه وحـدة لما ماانقبلت حاولت بالواسطة مارضوا لها قالوا هالقسم مايعتمد على أي واسطة..
الله أعــلم,.
*
أول سمستر راح تدرسين مواد عامة في كلية التربية هذا طبيعي,.
لكــن السمستر الثاني تتخصصين المفروضـ,.
*
.
والله يووفقكـ ان شاء الله,.
وبشــرينا عنكـ لاتنسين

*"مع خالــص مـ ح ـبتي"*

[شمس الضحى]

مشكورة أختي " الحالمة " ماقصرتي كفيتي ووفيتي ... ولو أقعد أشكر ماراح أقدر أوفيك حقك من الشكر والثناء ... :c8:


وكلامك دايماً ريحني ويرفع معنوياتي ويزيد ثقتي بنفسي ويعطيني دافع إني أحقق رغبتي و ما أتشائم أو أتردد ....


والله يكتب اللي فيه الخير .... والخيرة فيما أختاره الله .... :praying:


دعواتي القلبية لكِ أختي بدوام التوفيق والنجاح والتفوق ........ :praying:

[شمس الضحى]

أختي في شغلة ضرورية جداً جداً أنا ما ذكرتها بموضوعي ........اللي هي ......

" ..............أسم الكلية اللي أنا أدرس فيها ................"





أنــــا أدرس بكلية العلوم الزراعية والأغذية



بصراحة كنت خايفة وما ذكرت هذا الشيء بالبداية لأني كنت حاطة في بالي إني من طالبات العلوم الزراعية فمستحيل


يتم قبول تحويلي لكلية التربية وأيضاً مستحيل أتخصص بالقسم اللي أبيه ...فأتمنى أنك تعذريني وتتفهمين موقفي


لإني دايماً أشوف الناس ينظرون للعلوم الزراعية بنظرة تختلف عن الكليات الأخرى وللأسف الشديد أنا وحدة منهم .....


<< ترا الكلام اللي فوق مش موجه لك يعني لا تفهميني غلط وأتمنى أنك ماتزعلين مني >>..........


وأتمنى لك أختي التوفيق وإن شاء الله ما أكون سببت لك إزعاج بأسئلتي الزايدة عن حدها .... :c8: