~|ألف مبروووك القبول .. هنا جواب استفساراتكم حياكم الله 3:

[αℓαα αłкнαłαf]

[align=center][table1="width:95%;background-image:url('http://www.ckfu.org/pic4u/uploads/ckfu1421333057741.png');"][cell="filter:;"][align=center]

السلام عليكم ورحمة الله وبركاته }~

كيفكم وأخباركم مستجديننا ومستجداتنا ؟ إن شاء الله بخير وما تشكون باس ؟

فتحت هذا الموضوع نزولاً عند رغبة بعض الأعضاء الكرام . .

طبعاً كلنا نعرف شعور أول ما يجينا القبول ونكمل إجراءاتنا ، وش نسوي بعدها ؟
وين نروح ووش السالفة ؟ نبغى بس أحد يطمننا بكلمتين

لهالسبب فتحنا هذا الموضوع عشانكم يَ حلوين وعشان راحتكم
وبإذن الله راح يكون شامل لكل المعلومات اللي تحتاجونها لين تتعودون ع الوضع

نقول بسم الله ونبدأ موضوعنا ع بركة الله

نبذة عن الكلية :

طبعاً مالنا بالطويلة والهذرة اللي تلقونها بكل مكان

راح أكلمكم على النظام اللي يهمكم فقط !

زي ما تعرفوا الدراسة في الكلية 4 سنوات والتخرج بدرجة البكالوريوس . .

لكن نظامها يختلف شوي عن باقي كليات الجامعة ؛ التحضيري عندنا ترم واحد
وسنة ونص عبارة عن تأهيلي . . بكذا صارت سنتين صح ؟

وش هو التأهيلي ؟

السنة ونص هذي جداً مفيدة حق اللي داخل الكلية وهو ما يدري وش ناوي يتخصص . .

وحتى اللي كان محدد التخصص من البداية !
ممكن يغير رايه لما يتعرف ع باقي التخصصات الجميلة

ما هي تخصصات الكلية ؟

محاسبة

نظم معلومات إدارية

إدارة أعمال

إدارة مالية "علوم مالية"

تسويق

حابين تتعرفوا ع كل تخصص ؟ ادخلوا ذا الرابط راح يفيدكم
http://www.ckfu.org/vb/t275497.html

وحابين تتعرفوا ع قوانين الكلية وغيرها من الأمور ؟ تفضلوا هنا . .
http://www.ckfu.org/vb/t494417.html

نظام المكافأة :

المكافأة ما تصرف إلا بعد التخصص ؛ يعني لما نوصل مستوى خامس

يعني بعد التحضيري والتأهيلي . . الحين يجونا يقولوا وش هالكلية الخايسة


يا حبايب قلبي الكلية مو مكافأة وبس ، أعرف معاناة البعض بدونها لكن ما بيدنا شي

تعرفون ليش نظامها كذا مو زي باقي الكليات ؟

الكلية هذي كانت تعطي دبلوم وبفلوس بعد وما كانت ضمن الجامعة !

جاتنا مكرمة ملكية من ملكنا الله يحفظه ويطول بعمره وقال راح يضمها لجامعة الدمام
ويخليها تعطي بكالوريوس وبمكافأة بعد التخصص

كل اللي عليكم انتظروا شوي وراح تصير بإذن الله المكافأة زي باقي الكليات

,
أول يوم دوام !

أكثر شي يخوفنا ويوترنا هو هذا اليوم
ما ندري وش السالفة ويَ دوب ندل الكلية ونوصل لها بالسلامة . .
أول سؤال ممكن يخطر في بالنا وش ناخذ معانا ؟ أبد سلامتك حبايبي ,
ما تحتاجون شي لكن إشعار القبول احتياطاً احملوه معاكم

طيب وين نروح ؟

مِن سأل ما ضاع ، خلوا هالشي في بالكم وامشوا
وما أتوقع انكم بتحتاجوا تسألوا كثير ، عادة تكون فيه لافتات معلقة تدليكم
وين مبنى السنة التحضيرية . .

متى أول يوم نداوم فيه ؟

الأسبوع اللي يداومون فيه المدارس احنا ما نداومه ؛ يكون خاص بمشاكل التسجيل !

الدوام الفعلي يبدأ من الأسبوع اللي بعده . .
ووقت الدوام راح تعرفوه بعد اختيار الشعب

,
الرقم الأكاديمي ..

أخيراً بعد ما تطمنا وش بنسوي أول يوم ووش ناخذ
نتذكر إنا سمعنا عن شي اسمه رقم أكاديمي !

ما هذا ؟

الرقم الأكاديمي بكل بساطة يعتبر ثاني أهم رقم بعد رقم الهوية

قريباً جداً راح ينزل لكم خبر بخصوص متى تاخذوه وكيف

وش فايدة الرقم ؟

بدون هالرقم ماراح تقدروا تسجلوا المواد الخاصة بالمستوى الأول وغيره من المستويات

ممكن تقولوا طيب احنا الحين نقدر ندخل على النظام بدونه

ايه نعم تقدرون ، لكن مو النظام الحقيقي الخاص بسجلكم الجامعي

وبعد هذا الرقم لازم تحفظوه مثل أسماءكم بالضبط ؛ بتحتاجوه كثير في الجامعة

,
تسجيل المواد :

أتوقع انه يخوفكم أكثر من أول يوم دوام وإلا ؟

لا تتوتروا ولا شي يَ حلوين ، الموضوع سهل وما يحتاج غير التركيز

وش هي مواد مستوى أول ؟

اللغة الانجلزية - مبادئ الرياضيات - مبادئ الإحصاء - مهارات الحاسب

مهارات التعلم - مهارات الإتصال - الصحة واللياقة

هذي المواد اللي راح تدرسوها الترم التحضيري ~

وطريقة التسجيل حاولوا تشوفوا الفيديو من الحين عشان تكون عندكم خلفية . .

وإذا استلمتوا أرقامكم الأكاديمية تدخلوا على نظام السجلات الطلاب هذا ,
http://sis.ud.edu.sa:8000/psp/hcs9pr...languageCd=ARA

طريقة تسجيل الدخول إلى النظام راح تتغير وتصير كذا

اسم المستخدم : الرقم الأكاديمي
كلمة المرور : السجل المدني أو السجل المدني@ud
^
ما أدري كيف راح تصير لكم لكن جربوا الطريقتين ووحدة منهم أكيد بتضبط =]

أما طريقة تسجيل المواد تلقوها في هذا الموضوع بالتفصيل
http://www.ckfu.org/vb/t285266.html

,
البطاقة الجامعية !

طبعاً ما تقدروا تدخلوا الجامعة إلا ببطاقة ؛ باستثناء المستجدين أول اسبوع

كيف نطلع البطاقة ومتى ؟

بالنسبة للطالبات إصدار البطاقة الجامعية يكون من مبنى 300 الطابق الثاني
والطلاب من مبنى الأمن والسلامة ، بجانب صالة الفهد في المدينة الجامعية !

بخصوص الوقت ؛ تقدروا أسبوع التسجيل "اللي يكون فيه اليوم التعريفي" . .

وتقدروا أول يوم تداوموا فيه تطلبوا إصدارها ، وطبعاً كلما كنتوا أبكر كان أفضل


وش نحتاج عشان نصدرها ؟

الرقم الأكاديمي - صورة شخصية زي حق الجواز - فصيلة الدم - تاريخ الميلاد
,
الأساتذة والدكاترة ..

وبدينا الدوام الحقيقي والدراسة ، نظام الأساتذة والدكاترة في الجامعة يختلف عن المدرسة . .

من ناحية الحضور ومن ناحية الشرح ؛ من ناحية الحضور حاولوا دائماً انكم تكونوا ع الوقت

ما راح أخوفكم لكن بعضهم ما يسمح أحد يدخل القاعة بعده

نظام الغياب والحضور بالتفصيل بتسمعوه منهم ، فما راح أتكلم فيه بالتفصيل . .

أول محاضرة ؟

أكثر شي مهم في أول محاضرة من كل مادة هو خطة التدريس
+
الايميلات والساعات المكتبية حق كل أستاذ أو دكتور

في ايش تفيدنا ؟

الايميلات والساعات المكتبية تفيد لما يصير عندكم استفسار خارج المحاضرة . .

والساعات المكتبية مفيدة في حالة فيه جزء من الدرس ما فهمتوه كويس ترجعوا لها

فَ ضروري جداً تسجلوها مع الدكاترة ؛ لأن مو دايماً يحطوها في خطة المقرر

,
أنظمة الاختبارات في الكلية !

ع الأغلب راح يكون عندكم اختبارين ميدترم لكل مادة ؛ باستثاء بعض المواد يكون لها واحد

كل أستاذ راح يتفق معاكم ع التواريخ من أول المحاضرات وبعدها صعب تتغير . .

كل اختبار بيكون وقت المحاضرة ومدته ساعة واحدة فقط ؛ زي الاختبارات الشهرية

,
البلاك بورد + البيبل سوفت :

البيبل سوفت هو نفسه نظام سجلات الطلاب اللي تكلمنا عنه فوق
هذا النظام راح يفيدكم بشكل عام في تسجيل المواد والاطلاع على الدرجات . ..

أما نظام البلاك بورد ، تدخلوا عليه من هذا الرابط . .
https://vle.uod.edu.sa/webapps/login/?action=login

وش فايدته ؟

هذا النظام مهم أكثر من اللي قبله

بيكون أكثر حلقة تواصل بينكم وبين الأساتذة ، ينزلوا عليه الأشياء المهمة مثل . .
تواريخ الميدات - خطة تدريس المقرر - إعلانات مهمة - ... وغيرها !

طريقة تسجيل الدخول راح يعلموكم عليها بعدين ؛ لأنها تختلف من ترم لثاني ^^

,
حضانة الكلية ..

بالنسبة للأمهات الجميلات ، لا تحتاروا وين تودوا أولادكم الظريفين ~> إعلان

حضانة الكلية ما جربتها لكن سمعت كثير وشفت بعد معاملتهم للأطفال . .

المعاملة جداً رائعة ومهتمين بالأطفال بشكل كبير تطمنوا

وقت دوامهم ؟

تفتح يومياً ما عدا الإجازات الرسمية من الساعة 7:30 صباحاً وحتى 2 ظهراً . .

طبعاً عدد الأطفال محدود ؛ حاولي دائماً تكوني أبكر من غيرك

سعر الحضانة ؟

الموظفات وأعضاء هيئة التدريس : 1000 ريال
الطالبات : 600 ريال

طريقة التواصل ؟

صاحبة الحضانة اسمها عبير

رقمها : 0505621136

,
بعض النصائح :

النصيحة الأولى والأخيرة هي المعدل المعدل المعدل

المستوى الأول أسهل المستويات تجيبوا فيها معدل عالي كون المواد خفيفة . .

وبعد لازم تعرفوا ان المعدل أول ترم هو أساس معدلكم التراكمي اللي راح تمشوا به للنهاية

فلا تضيعوا الفرصة من بين يدينكم عشان ما تندموا بعدها ، الموضوع ما يحتاج غير إرادة قوية
وتشدوا حيلكم وكل شي يتيسر بإذن الله

,

وهذا الموضوع يَ حلوين زي ما وعدناكم

ها بشروا ؟ إن شاء الله جاوب على أغلب استفساراتكم ؟

لو فيه شي نسيته استفسروا عنه ، جل من لا يسهو

وإن شاء الله أحاول أجاوب ع استفساراتكم أول بأول قد ما أقدر ووقت ما أفضى

أستودعكم عناية الرحمن وأتمنى لكم عام دراسي مليء بالمتعة

أختكم | بسمة أمل ..~

[/align][/cell][/table1][/align]

[mr.nawaf]

شككككككككرا لك اختي بسمه

موضوع جا بوقته صراحه ..

وما قصرتي جاوبتي بكل اللي نبيه 3>

[أبو محمد]

وعليكم السلام ..

موضوع قيم ومُفيد .. بارك الله فيك ،،

[reem.f]

بسمه حبيبتي انتي ‹☹›

م قصرتي وكل شي جاوبتي عليه

ربي يجازيك الجنه يختي

م اتوقع نقصتي شي واذا جا ببالي سؤال

جيت هنا وسالتك :$

[hoor117]

تسللمين والله ماقصرتي
بس على سالفة دوام اول اسبوع وصلتني اليوم رساله ان اول دوام تاريخ 5 من الساعه عشر

[αℓαα αłкнαłαf]

^
يسلمكم ربي من عذابه . .

نورتوا موضوعي بردودكم الراقية أحبتي

المشاركة الأصلية كتبت بواسطة hoor117

تسللمين والله ماقصرتي
بس على سالفة دوام اول اسبوع وصلتني اليوم رساله ان اول دوام تاريخ 5 من الساعه عشر

الله يسلمك عزيزتي
يمكن هو اليوم التأهيلي حقكم يَ عسل . .
لو هو الدوام الفعلي كان من الساعة 8 أو في حدودها

[Khaled.k]

بسمة أمل ..~

تسلمين ماقصرتي
جهودك مميزة

[خريجة ثانوي2014]

حبيبتي ..اختي بسمة صراحه رايتك بيضة..ورغم اني جننتك بطلب الموضوع الى ان طلع جددا مجهود تشكري علييه..م قصرتي..و يعطيك الف الف عافيه..

[Fatimah ahmed]

شكراً حبيبتي من اعماق قلبي جداً افدتينا من هالموضوع 😘😘❤️❤️
يعطيييك الف الف عافيه والله يوفقك يارب

[reem.f]

صالخير جميعا
شسمه يوم التهيئه ضروري نحضره؟
لان تونا نستوعب للاجازه ويمكن نسافر
وكذا عاد يمكن م يمدي نرجع من اول يوم دوام