[ تصويري الخاص ] : شرح برنامج dropbox دروب بوكس لنقل الصور والملفات من اللابتوب الى الايفون والعكس بكل سهوله

[_التميمي]

السلام عليكم ورحمة الله وبركاته

موقع وخدمة دروب بوكس
هو موقع يقوم بالربط بين اجهزتك المختلفه بحيث تستطيع تبادل ملفات ( فيديو – صوت – صور – وورد وبور بوينت واكروبات PDF ) وغيرها من الملفات ويوفر لك مساحة تخزين مجانية 2 قيقا بايت مع روابط مباشرة

البرنامج يغنيك عن الايتونز وعن برنامج iTools لانه عملي وما يحتاج تشبك الايفون في اللابتوب

والشرح راح يكون تحت النقاط التاليه
- تثبيت البرنامج في اللابتوب
- التسجيل في الموقع
- تثبيت البرنامج في الايفون او الايباد
- نقل صورة من الايفون للابتوب والعكس

( الشرح حصري للملتقى ) وبمجهود شخصي

يمكن البعض يقول ان الشرح طويل ( ولكن طريقتي ) احب التفصيل في الشرح علشان تتضح الصوره للجميع )

بسم الله

الخطوة الاولى : نفتح موقع

www.dropbox.com

ونقوم بتحميل البرنامج من خلال الصورة




راح يتحمل البرنامج اتوماتيك وتظهر تعليمات التحميل




وبعد التحميل دبل كلك على ايقونة البرنامج



تابع الصور لاستكمال التحميل








تجي بعدها بيانات التسجيل












بعد الضغط على finish يفتح لنا مجلد البرنامج داخل اللابتوب لاحظوا امتداد البرنامج وموقعه




وهذي ايقونة البرنامج على سطح المكتب اذا يغينا نفتح المجلد نضغط عليها دبل كلك




وهذي صورة المجلد بعد تعبئته بالصور وبعض الملفات


الصور المفروض اني احطها داخل مجلد الصور ولكن البرنامج ما عنده مشكله والمجلدات للتنظيم فقط


الآن نروح للايفون او الايباد لتثبيت البرنامج
نفتح الاب ستور ونحمل البرنامج ( مجاني )




نفتح البرنامج



1- اذا كان لديك حساب في الدروب بوكس
2 - اذا لم يكن لديك حساب

طبعاً نضغط على ( 1 ) لاننا سجلنا في الموقع عن طريق اللابتوب تابع الصوره




الصورة الجايه راح اتكلم عنها شوي
في الاصدار الجديد من البرنامج صار فيه مزامنه بين الاستديو في الايفون وبين البرنامج بحيث انه يحفظ لك جميع الصور علشان ما تضيع منك
انا اشوف ان هذي الخاصية خايسه عندي 700 صوره في الاستديو ليش تحفظها لي في البرنامج
المفروض اللي ابيه من الاستديو ارفعه للبرنامج وبس


المهم انا ابشرح طريقة تقفيل المزامنه واللي يبيها ما عنده مشكله يخلي خيار المزامنه مفتوحه

تنبيه مهم اللي يبي يسوي مزامنه يختار الوايرلس فقط لانه يبي يستهلك بيانات الشريحه وراح ينتهي منه الرصيد





بعد الضغط على enable
ننتقل لطريقة تقفيل المزامنه








هذي الشاشة الرئيسية للبرنامج



طيب
جينا لأهم جزئية وهي طريقة نقل الصور من اللابتوب للايفون والعكس
( طبعاً الطريقة ما تاخذ دقايق خليك فاتح مجلد الصور في اللابتوب وفي نفس الوقت فاتح البرنامج في الايفون )

تابعوا الصور







تم رفع الصورة للموقع


نروح للايفون









الآن الصورة في استديو الايفون

طيب كيف ننقل صورة من الايفون للابتوب

نكون على الصفحة الرئيسية في البرنامج ونسوي هالخطوتين






يفتح لنا الاستديو نختار الصور المطلوبه


ونرفعها للبرنامج بمعنى انها صارت في مجلد الصور في اللابتوب

وللخروج من البرنامج بعد انتهاء المهمه
نروح للضبط





وسلامتكم

طبعاً اللي مرتاع من طول الشرح راح يستغرب لما يجي التطبيق ويشوف انه اسهل شي
ولكن مثل ما قلت احب افصّل بالموضوع علشان يتضح وتخفيفاً للاسئلة

نقاط متفرقه
- البرنامج والخدمة هذي خورافيه وتغنيك عن الايتونز وبرنامج iTools
- ما ادري هل البرنامج موجود في الجلكسي او لا
- البرنامج يعطيك روابط مباشرة بحيث لو بغيت ترفع مقطع صوتي وترسل رابطه لأحد
- اكثر برامج الايفون تسوي تزامن مع برنامج الدروب بوكس وخاصة برامج الصور والصوتيات وقارئ الاكروبات وملفات الاوفيس
- استفدت من البرنامج في الدراسة اذا بغيت انقل ملزمه من اللابتوب للايفون او الايباد للمذاكره
- اقوى دعايه للبرنامج يقول تخيل انك في افريقيا وصورت صور رائعه وحفظتها في اللابتوب وبعدين طحت في مستنقع وغرق جهاز اللابتوب اكيد راحت عليك الصور لكن لو كنت رافعها في الدروب بوكس ما ضاعت عليك وتلقاها اذا رحت للبيت

واللي حاب يسأل عن نقطه ما هي واضحه يتفضل

ولا تنسوني من صالح دعائكم في ظهر الغيب

وصلى الله على نبينا محمد وعلى آله وصحبه اجمعين

[_التميمي]

من زمان عن الشروحات احس اني مرتاع
يعني لو يقول احد لي اي شي ابقول سم ويمكن اصيح

[Red.Ro0ose]

وعليكم آلسلآم وآلرحمه

مآشآءالله تبآرك آلله
شرح وآفي وكآفي جِعل يمينك مآتمسهآ آلنآر
وبيفيدنآ كثير خص للي يحب ينقل صورهـ ويعدلهآ ببرآمج آلمعآلجه بالآيفون > مثلي
آنآ صرآحه وحدهـ آعآني من نقل آلصور للآيفون وصرت من وين لوين آرسل صوره لجوآلي لأنه آلآيتونز عندي وتآخذ معي وقت
بس بهآلبرنآمج سهلت علي آلله يسهل عليك كل آمر عسير

مآقصرت آخوي
+ ولكم بآك

إعجآب + تقييم + تثبيت + فآيف

[_التميمي]

^
آمين وإياك يارب
وشكراً على جميع الاجراءات اللي سويتيها

[_التميمي]

عندي فايده حلوه لعمل البرنامج
تخيلوا انكم طالعين لاستراحه وحفله وبزارين وصجه وقمت تصور بالايفون وترفع للدروب بوكس مباشرة وانت في الاستراحه
المهم
جاء بزر الله يصلحه واخذ الايفون ورماه في المسبح
وش ردة فعلك
اتوقع ابتسامه منك ويمكن تعطي البزر بوسه وتقول يفداك الايفون يابعدهم
لأنك تبي تلقى الصور في اللابتوب اذا رحت للبيت
مهوب حب في البزر والا كان علوم
انفع مندوب لشركتهم

[AZIZMIX]

يعطيك العافيه يالتميمي

شرح مميز

البرنامج عندي بالايفون استخدمه مررره

جدا مميز ويريحك برفع الصور ^_^

الف شكر لك على هالشرح

وتستاهل احلى تقيم ياعسل

[_التميمي]

المشاركة الأصلية كتبت بواسطة azizmix

يعطيك العافيه يالتميمي

شرح مميز

البرنامج عندي بالايفون استخدمه مررره

جدا مميز ويريحك برفع الصور ^_^

الف شكر لك على هالشرح

وتستاهل احلى تقيم ياعسل

الله يعافيك عزيز
وفعلاً البرنامج مميز
وتستاهل الطيب يالغالي

[مُلهمــــة]

موضوع ولا ارووووع .......وفرت علينا كثيير .....يستحق التقييم

اكثر شي اتعب فيه هو نقل الصور وخصوصا من و الى الجوال عشان برامج المعالجه

[_التميمي]

المشاركة الأصلية كتبت بواسطة ســــنديان

موضوع ولا ارووووع .......وفرت علينا كثيير .....يستحق التقييم

اكثر شي اتعب فيه هو نقل الصور وخصوصا من و الى الجوال عشان برامج المعالجه

تسملين اختي سنديان على التقييم
والحمد لله ان البرنامج تمت الاستفادة منه

<<< أنتي الاخت الامـــل صح

[الجفول*]

يعطيك العافية البرنامج موجود في الجالكسي ، ونقل الملفات افضلها عن طريق سلك usb اسهل من هالحوسة