[ تجمع ] : تظلم نظرية المعرفة

[سوما عمر]

السلام عليكم يا انجليزيون ، مبروك انتهاء الاختبارات

بالنسبة لمادة "نظرية المعرفة" هو صح ما طلع عن المقرر بس الأسئلة صعبة والمقرر دسم وفي اجابتين صحيحة بواحد من الأسئلة لذلك قررنا نرفع تظلم ☺ إذا ما نفعنا ما ضرنا ، وإن شاء الله يكون العدد كبير ويرفعونا درجات ، قبل سنة أو سنة ونص جا اختبار تاريخ الخليج العربي الحديث والمعاصر صعب ورفعوا تظلم وعشان العدد كبير رفعوا الجميع 5 درجات وتأكدوا من كلامي الطلاب كاتبينه بالتويتر .. وان ما فادنا ما ضرنا .

الزبدة اللي حل زين ومايبي يرفع بكيفه ربي يوفقه وينجحه ، لحد يجي يتفلسف رجاءاً ❤

..

..

..

‎عميدنا الفاضل عبدالله الفريدان ..
‎السلام عليكم ورحمة الله وبركاته

‎بالنسبة لإختبار نظرية المعرفة للدكتور محمد قطاونة ، الاختبار كان صعب جداً وغير منوّع بالأسئلة ، تمّ التركيز فيه على محاضرات بعينها دون البقية ، والإجابات متقاربة جداً ، وبعض الإجابات صحيحة ومكررة مرتين لذلك تم الاختيار عشوائي عليها ، نرجو منكم النظر في أمرنا وإنصافنا بالدرجات جزيتم خيراً .

[منتسب من الشمال]

وعليكم السلام ورحمة الله وبركاته


مع اني حليت كويس بالاختبار

راح اكون معاكم

[منتسب من الشمال]

ولاكن متى تفتح أيقونة التظلمات

[سوما عمر]

المشاركة الأصلية كتبت بواسطة منتسب من الشمال

ولاكن متى تفتح أيقونة التظلمات

جزاك الله خير ، يمكن بعد شوي وبالكثير بكرة

[Ghalia87_]

[saeed0007]

شقلب الأسئلة

[الفارس المميز]

بالعكس الاسئله كانت سهله ومتقاربه لعموم الفئات سواء اللي ذاكر كويس او اللي شد حيله اخر يومين من الاختبار بس قرا المنهج على الاقل كامل
الظلم هو انكم ترفعون تظلم على اسئله تافهه وعاديه مثل هذي
انا مرت علي مواد اختبرتها من المستوى السابع والسادس ماشفت اتفه من هالاختبار لانه اسئلته مكرره وغير فقط اسلوب السؤال

المشكله في بعض الطلاب مايذاكر ابدا ولايفتح المذكره ولا الكويزات ولايتعب نفسه الا قبل الاختبار بعشر دقايق ويجيك يتبكبك والدكتور ظالم والدكتور متعسف والى اخره وهو بالنهايه هالطالب اتكالي

القصد من هالكلام انه كثرة التظلمات على غير سنع تنقلب ضد الطلبه عموما يعني يصير اللي يستاهل تظلم واللي مايستاهل تظلم في الهوا سوا وكثرتها تخلي ادارة الجامعه تبتعد عن الجديه في التعامل مع هذي التظلمات مستقبلا وبعضها يكون فعلا مستحق لكن الغث والسمين لما يتداخلون يخربون على العموم

وفقكم الرحمن

[مُوش]

وين الصعوبه ? بالعكس الاختبار كثير اسئلة مكرره غير 14 سؤال تقريباً او اقل لكن كلها من المحتوى هذا اولاً و ثانياً انا ماغير قرأت الملخص بتركيييز و عرفت احل و لله الحمد ماشفت ان فيه اسئلة معقده وغير واضحهه ، انا اقول هالكلام لاني من جد اشوف اسئلته كويسه بالنسبة للي مذاكر تمااام فما بالك فينا ياللي بس قرينا و حلينا ! اعتقد حرام رفع تظلم .. اللي يستاهل جددد الروايه الحديثة خياراته تحيررررر .

[soso nasser]

سوْال رقم ٤٢في نموذج dمكرر الإجابة مرتين

[lala144]

بالعكس الاختبار كان جدا رائع الحمدلله
حتى لو ماكرر الدكتور هذا مو مشغله لان انت طالب وعندك محتوى وملزوم تذاكر من بدايت السنه
اعجب من ناس لمن تجي وتسب وهي بالاساس ماذاكرو الا اسئلة الاعوام ويقولك الدكتور ظالم
انتو كذا تخربو على انفسكم والتظلم صار يترفع على كل شي بس تاكدو ماراح يسولكم شي
لان بالاخير الدكتور موملزوم يكرر اسئله بس ملزووم انه يجيب اي شي من المحتوى
وسلامتكم