|
منتدى كلية التربية بالدمام منتدى كلية التربية بالدمام ; مساحة للتعاون و تبادل الخبرات بين طلاب كلية التربية بالدمام و نقل آخر الأخبار و المستجدات . |
|
أدوات الموضوع |
#1
|
|||
|
|||
تجمع طالبات التحضيريه سنه 1434 - 1335 ..
_
سلام عليكم . بما اننا على ابوب سنه جديده . قلت نفتح هالموضوع من جديد ! هُنا تجمع طالبات السنه التحضيريه ل هذه السنه .. طالبات التربيه اللي تخصصو ليت تفيدوننا ! س : الكليه بكبرها وينها ! الدراسه / اللبس / المكافاءه / المسموح والمنوع / في لوكرات ولا لا .. الخ هيا , كم هير صديقاتي $ : |
2013- 7- 19 | #2 |
أكـاديـمـي فـعّـال
|
رد: تجمع طالبات التحضيريه سنه 1434 - 1335 ..
اهلاً ببنات التحضيري ومبروك قبولكم في كليتنا .
أول شي ماعندنا مبنى خاص فينا كلها أسياب يعني باختصار قسم كامل مع بنات الدبلوم . موجودة في كلية العلوم بوصف لكم بالضبط , بعد ماتدخلين من البوابة الرئيسية لفي يمين على طول بتلقين جسر طويل أمشي وأمشي وبتلقين قدامك مبنى امشي شوي ولفي يسار وبتلقين بوابة كلية العلوم أدخلي بتشوفين ساحة كبيرة مرة امشي وانتي تمشين خليك لافة وجهك على اليمين بتلقين غرفة زي القزاز خليها وكملي مشي بعدين بتلقين مكتب صغير وفيه وحدة من الأمن او كذا وحدة البوابة اللي جنب مكتبها بالضبط هذي كليتنا ادخلي بتلقين درج اطلعي فوق وهلا بك في التربية , في كلام شبه أكيد يغيرون موقع الكلية بيصير المبنى اللي جنب الكافتيريا عاد لا غيروه اسألوا وين الكافتيريا ولا لقيتوها بتلقون جنبها مبنى قديم شوي هذي كليتنا إن شاء الله . بخصوص اللبس : بالسمستر الأول كانوا مشددين مرة على ألوان التنانير وضيقها وقصرها بس على السمستر الثاني صدر قرار بأنو نلبس اللي نبي بس بحدود . التنانير : الجينز + الأسترتش + الميد + الكلوش + أي قماش وترا بطلوا الجينز . الألوان : الأسود + كحلي + الرمادي بجميع درجاته + البيج . البلايز والتيشرتات والقمصان البسي اللي ودك فيه بس الحد المسموح فيه لنص الكم . الشنط : نصيحتي لكم لاتأخذون شنط كبيرة بتتعبين وانتي تشيلينها خذي وسط ولا صغيرة . وإذا على الكتب شيليها بيدك ولا الله يخلي اللواكر . الشوز : الفلات الفلات الفلات أي لون وأي نوع أهم شي فلات لأن بيذبحك المشي,لا تلبسين الكعب لأنك بتصيرين مسخرة وعلى العموم هي حرية شخصية . الميك آب : خليك ناعمة ولو تبين نصيحتي حطي واقي شمس أو إي كريم حابة وأكتفي بماسكارا وروج ناعم . الشعر : اللي ودك فيه ويناسبك بس خلي شعرك على طبيعته أحلى أو ستريت , وإذا بتسوين تكسير او ويفي حبذا يكون ناعم مرة . المسموح والممنوع : - جوال الكاميرا ممنوع بس أغلب البنات اذا مو كلهم يجيبون جوالاتهم المهم لا تطلعونه قدام الأمن عشان ماتشوفينه الا آخر السمستر وخلوا معكم جوال أبو لمبة دايم ترا بينفعكم . - فيه دكتورات يحاسبون على اللبس والألوان وأحياناً توصل تطردك برا أنتبهوا من الضيق والقصير , طبعاً فيه دكتورات يوضحون لكم أيش المسموح والممنوع في محاضرتها . - العباية داخل القاعة ممنوع بس فيه دكتورات عادي عندهم . المكافأة : 850 نعمة وشيء أحسن من لاشيء . الكتب : اسعارها من 20 إلى 100 ماتتعداها . اللواكر : أول ماتدخلين من البوابة الرئيسية بتلقين مبنى قدامك هذا مبنى اللواكر , أيجار اللوكر ب 100 للسنة كاملة . ونصيحتي لكم لا تبالغون في اللبس والميك آب و وتسوون تسريحات ترا مايليق في بنت جاية تطلب العلم , يعني جد في أشكال في الجامعة تصدم من كثر ماهي أوفر , خليك ناعمة ومرتبة , ونظافتك أهم من أي شي والعطورات اللي ودك بس عود مع الصبح وقوي لا تكفين ترا تقلب كبودنا . و إذا بديتي تقضين خذي لك تنورتين وشوز وشنطة وكم بلوزة لا تكثرين يعني تكفي للأسبوع الأول لأن بتشوفين هناك اشكال وانواع وبتعرفين ستايلات بنات الجامعة وكيف يلبسون . الدراسة حلوة وممتعة وتختلف كثير عن المراحل السابقة وكل ماتقدمتي وصرتي مستوى أعلى يصعب اكثر بس ترا فيه الصعب وفيه السهل وطبيعي إن الجامعة تختلف عن المدرسة , لأن هنا بتصيرين انتي مسؤولة عن نفسك يعني خلاص كبيرة , أعتمدي على نفسك في كل شي ولا تثقين في أحد بسرعة وبرضو لا تصيرين معقدة ترا الجامعة من أجمل المراحل والحياة حلوة لو عرفتي تعيشيها صح . واللي تبي كتبي تبع السنة التحضيرية ما احتاجها ترا ومع بداية السنة نلتقي إن شاء الله وأعطيها . وبالنهاية أتمنى افدتكم لو شوي واتمنى لكم سنة دراسية جميلة وممتعة . ولو في سؤال او أي شي أنا حاضرة . |
2013- 7- 19 | #3 |
أكـاديـمـي
|
رد: تجمع طالبات التحضيريه سنه 1434 - 1335 ..
و عليكم السلام و الرحمة
مبروكك للمقبولات كلهم عندي اسئلة كثيرة * كيف تعامل الدكتورات بشكل عام * و تحسفتوا انكم دخلتوا تربية !! |
2013- 7- 20 | #4 |
أكـاديـمـي نــشـط
|
رد: تجمع طالبات التحضيريه سنه 1434 - 1335 ..
لا ابداا ماتحسفناا كليتنا أناا اعتبرها من أحسن الكليات ودكاترتنا من أحسن الدكاتره مهما رحتي أي كلية مرح تلاقين زي تعامل دكاترتنا ترااهم مررة حليوين وطيوبين بس ....أتوقع أنهم يجيبون ناس جدد بعدد لأن أعداد البنات بدت تزيد العيب في كليتنا أن ماعندها مبنى ويمكن عشان احنا أول دفعة فكان الوضع شوي موو مرتب بس كل مالهم يشوفون الأخطاء ويعدلونها والحمد لله انهم يستمعون لنا ويحاولون يسوون اللي نبغاه
|
2013- 7- 20 | #5 |
أكـاديـمـي فـعّـال
|
رد: تجمع طالبات التحضيريه سنه 1434 - 1335 ..
|
2013- 7- 20 | #6 |
أكـاديـمـي
|
رد: تجمع طالبات التحضيريه سنه 1434 - 1335 ..
احساس / ياجعلك للجنه كفيتي ووفيتي ردك كامل ماشاء الله ياخخي مدري شقول بس جدا ججدا شكرا يعني الحين صرت اعرف وش اخذ ووش البس وين اروح .
عايشه , رون / وان شاء الله حنا مانتحسف نفسكم . |
2013- 7- 21 | #7 |
أكـاديـمـي
|
رد: تجمع طالبات التحضيريه سنه 1434 - 1335 ..
عائشة :
الجميل أنكم مشجعينا كاندي : حبيبتي أنا لسى مثلك تحضيري |
2013- 7- 21 | #8 |
أكـاديـمـي
|
رد: تجمع طالبات التحضيريه سنه 1434 - 1335 ..
بالنسبة للمقررات اللي بتاخذونها هالسنة :
المستوى الاول : سلم1 (ثقافه اسلاميه ) عرب1(كتابه وتعبير ) مبادى التربيه مقدمه فالتربيه الخاصه مبادى الأحصاء التربوي لغه انجليزي (101) مبادئ علم النفس الصحه والياقه المستوى الثاني : سلم 2 (عقيده واخلاق) عرب2 (تذوق ادبي ) اداره تربويه مهارات البحث علم النفس النمو بناء وتطوير المناهج تقنيات التعليم اختياري 1 |
2013- 7- 25 | #9 |
أكـاديـمـي
|
رد: تجمع طالبات التحضيريه سنه 1434 - 1335 ..
حبيباتي بسالكم ..
هلل الجامعه بارده ؟ يعني نقضي لنا بلوفرات ومن هالطقه ولا حرررر ! ثانيا : هل في ساحات يعني نحتاج نظارات شمسيه وواقي ومن هالاشياء ولا لا ! بالنسبه للباق .. يلبسون باك باق ولا لا ! وشكككرا .. |
2013- 7- 25 | #10 |
أكـاديـمـي فـعّـال
|
رد: تجمع طالبات التحضيريه سنه 1434 - 1335 ..
بالنسبة لبروده بس في كلاسات
وفي ساحات خارجية وساحات داخليه مكيفة انتي براحتك وبالنسبة للشنطة انتي بتداومين وتعرفين عشان كيذا لاتقضين كثيرر لين تتداومين وتشوفين فالجامعة اذواق يمكن يعجبك وما يععجب غغيرك . |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تلخيصي لمادة دراسه الحاله للاعاقة السمعيه. 12 صفحه فقط | ابو فهد ومشعل | اعاقة سمعية- ارشيف تربية المستوى 6 | 10 | 2013- 5- 15 06:32 AM |