[ تجمع ] : الدكتور محمد دليم القحطاني

[فهد السويلمي]

السلام عليكم ورحمة الله وبركاته

انا مدري من وين ابدأ او وش اكتب ووش اخلي

امس لما كنت اذاكر وكنت اراجع الاسئله والملخصات كنت اقول بنفسي اتوقع الاختبار راح يكون كويس لان الدكتور استنفذ جميع الطرق باللف والدوران يعني صارله ٤ سنوات (٧ نماذج) واتوقع خلاص جميع طرق اللف والدوران واللعب بالمفردات والاسئله خلصهم مابقى منهم شي ..

اليوم بن دليم أكد لنا وللجميع انه لا يبحث عن الطالب الفاهم او الطالب المهمل لا يبحث عن الطالب المجتهد او الطالب النايم !! طريقته بالاسئله تتوه حتى اللي مذاكر زين ، يعني مثلا في اسئله حلوه وخفيفه وتفرق بين الطالب المجتهد او لا ..

لكن طريقة بن دليم اليوم العكس .. اثبت انه يسعى لتشتيت ذهن الطالب حتى لو كان مذاكر ؟؟ انا متأكد ان الاغلب يعرفون اسئلة اختبار اليوم او عالاقل يقرون السؤال ويدرون انهم درسوا هالشي وفاهمينه لكن مايدرون وش الجواب يعني كمية تشتيت ولخبطه مو طبيعيه !!!

يامحمد دليم انا عارف ان بعض دكاترة الجامعه يدخلون الموقع عشان يعرفون ردة فعل الطلاب للاختبار وان شاء الله انك تقرأ كلامي وتقرأ كلام اخواني واخواتي بالموقع وتعرف ان الجميع صار لا يطمح لفهم موادك او شرحك قد مانطمح اننا نفهم طريقتك بوضع الاسئلة ..

بالنسبه لي بأذن الله درجه عاليه وهذا بفضل الله ثم بفضل الاخوان القائمين بالموقع وليس بفضل شرحك او تقديمك للماده ..

ودي اكمل واحس في باقي كلام ودي اقوله بس بقوم اصلي المغرب واتعوذ من الشيطان كنت اطمح ل A+ الحين اغسل

بصراحه انا كنت في غفله لما افكر اجيب A+ مع دكتور مثله


Sent from my iPhone using ملتقى فيصل

[وليد عبود]

الله لا يسامحة علي الي سواه فينا اليوم ليش ياخي حرام قسم بالله

[Shagi]

ان كأنه يشوف أحب أقوله الله يشل أعضائه عضو عضو يارب انك ماتوفقه بحياته
قسم بالله رايحه الاختبار ما تغديت من الخوف من أسالته والحين نسدت نفسي عن الحياة الله يسد نفسه
حسبي الله ونعم الوكيل
حسبي الله ونعم الوكيل
حسبي الله ونعم الوكيل
اااخ اااخ بس

[saad4646]

الماده مو صعبه
و داخل والله مذاكر مضبوط و حاط في بالي الـ A+ بس مع ابو دليم ما ينفع معروف كيذا اسلوبه

ان شاء الله عاد نعدي بدرجه حلوه ما تنرل عن A

و حسبي عليك يا ابن دليم


Sent from my iPhone using ملتقى فيصل

[ابوباسل الحربي]

وعليكم السلام

صدقت ماحد عنده اعتراض على اسئله صعبه تبين من اللي فاهم ومذاكر وبعد ماحد معترض على حتى لو 10 اسئله معقده وصعبه نفس طريقته
بس فوق 40 من 50 كلها معقده ومتعمد تغليط الطالب فيها !

[علي الفيفي]

حسبنا الله ونعم الوكيل

[بلقيس 88]

ياجعل نار تشب فيه وحسبي الله ونعم الوكيل

[faisal_km]

حسبي الله ونعم الوكيل

[القيصر السعودي]

مع الاسف طريقة الأسئلة تثبت عقلية الدكتور وهدفه التعقيد وليس التعليم .. حفظ المادة حرفيا ليس المطلوب بقدر الفهم للمادة وترسيخ المفهوم يا "أستاذ"

[فيصل البدنة]

راسلوه ع تويتر واكتبوا هالكلام