للجميع وخصوصا الاخ هتان

[سلمان اللحيدان]

صباخ الخير للاخوان والاخوات والمشرفين اولا اشكر اخوي هتان على المجهود اللي سواه معاي وانا اصلا ماكنت داري ايه ياخوي هتان صدقني انا ماراسلتك ولكن الله يجزاك خير وتمنيت اني اراسلك واطلب منك هالطلب لكن اللي حدث اني بعد نهاية الاختبارات بفتره فقدت شخص عزيز الله يرحمه وعلى ماعتقد اني كتبت مشاركه بسيطه بعنوان خاطره وكانت اخر مشاركه لي ولكن اللي حصل ان فيه صديق لي عطيته اسم المستخدم والرقم السري وطلبت منه يتابع الملتقى وخصوصا اخوي هتان لعله ينزل شي يتعلق بمستوى ثالث ويجمعه لي ووالله اني وصيته انه ماينزل مشاركات باسمي خفت انه يتبنى فكرة والا راي ويحسب علي والمشكله انه اكدلي بالتزامه بعدم المشاركه وللاسف بعد ماجيت من السفر اكتشفت انه مشارك باسمي وحقيقة خان الامانه والله يسامحه انا الغلطان ماعرفت اختار شخص ثقه انا ادري انه ماأساء لاي عضو او للملتقى بشكل عام ولكن اللي حز بخاطري عدم التزامه بالامانه ومن هالمنطلق حبيت اوضح لكم ان اصعب شي يواجهه الواحد اختيار الشخص المناسب والصادق بتحمل امانة ما على الاقل انا حسيت بهالشئ عموما انا اسف على اللي حصل وارجع واشكر اخوي هتان على اهتمامه بي وانا غايب (اجل شلون لو كنت موجود... امزح امزح) والله لا يحرمك الاجر ودمتم سالمين

[ألماااااس]

صباح النور اخوي

الله يهديه خويك ولا يعيد هالحركة مع أي أحد ثاني

وإذا على المواضيع المهمة ...الملتقى يقدر يتابعة من غير دخول العضوية يعني مايحتاج تعطيه الرقم السري و عضويتك


والحمدلله جات سليمة

[سلمان اللحيدان]

اشكر مرورك والمشكله هو عضو بالملتقى ماني عارف ليش ماشارك باسمه لكن وشتقصدين بان الملتقى يقدر يتابعه من غير دخول العضويه ان كان قصدك انه كان يقدر يحمل اي شئ من مشاركات الاخوان من غير مايدخل باسي وكان يعلم بهالشئ فالله لايسامحه انا والله على بالي ماقدر احمل شئ الا لمن ادخل باسمي عموما درس وعدا

[فجر الظهران]

الحمدالله على سسسسلامتك

[سلمان اللحيدان]

الله يسلمك واشكر مرورك

[هـمـس التميمي]

الله يعين

كثير من يخونون الامانه فوسع صدرك

وماصار الا الخير

[يآهملالي..~]

آمم
.
.

عظّم الله أجرك

[سلمان اللحيدان]

انا والله ودي يشارك الاخ هتان ومو قصور باللي شاركوا لكن له شكر خاص ودي يوصله (ماوث تو ماوث) اكيد مايصير فيس تو فيس

[ألماااااس]

المشاركة الأصلية كتبت بواسطة سلمان اللحيدان

اشكر مرورك والمشكله هو عضو بالملتقى ماني عارف ليش ماشارك باسمه لكن وشتقصدين بان الملتقى يقدر يتابعه من غير دخول العضويه ان كان قصدك انه كان يقدر يحمل اي شئ من مشاركات الاخوان من غير مايدخل باسي وكان يعلم بهالشئ فالله لايسامحه انا والله على بالي ماقدر احمل شئ الا لمن ادخل باسمي عموما درس وعدا

الله يعطي كل واحد على قد نيته

صحيح كلامك الحياة مدرسة نتعلم فيها من أخطاءنا و أخطاء الغير

والله يعطيك العافية على الموضوع لأن فيه تنبيه للجميع لعدم التهاون بأمور قد يرونها بسيطة

وهي عكس ذلك

وتحميل التلاخيص وغيرها اتوقع انه يقدر يحمل والله أعلم أنت جرب و شوف

[ناوي السوكبا]

بالنسبة لي

فـ وضعت رقم عضويتي في الجرائد لكي يتم الدخول الى هذا الملتقى ( الصرح الكبير )

أبحث عن استفادة الجميع بأكبر استطاعة

والله ولي التوفيق

انتهى