البيان رقم (4) : وداعــاً لبطئ التحميل ، شرح لأهم برنامج للطلاب + ترتيب المحاضرات (بالصـور) .. (تفضل للفائدة)

[وطني الجبيل]

السلام عليكم ورحمة الله وبركاتة

اسعد الله اوقاتكم بكل خير اخواني اخواتي ..

اولاً احمد الله واشكره على نجاح البيانات السابقة و استفادة كافة الزملاء منهـا ..

وهذا من فضل الله علي ،، وللإطلاع على البيانات السابقة ارجوا زيارتها ..

البيان رقم (1)

http://www.ckfu.org/vb/t223350.html

البيان رقم (2)

http://www.ckfu.org/vb/t223804.html

البيان رقم (3)

http://www.ckfu.org/vb/t227564.html

اخواني أكرر لكم بأننا هنـا من اجل بعضنا البعض ، ولكي يستفيد كلاً منا من زميله وزميلته ..

واتمنى ان ينال هذا البيان اعجابكم و استحسانكم وان يكون في مستوى البيانات السابقة وافضل

انتهت المقدمة ..


تخبرون صديقي الأشهب ؟؟ هذا ياجماعة الخير زي بعض الاخوان في المنتدى يقدم الشر قبل الخير

شخصية ترفع الضغط ماعنده صبر ولا عنده استعداد انه يتعب نفسه عشان يستفيد .. ولا المشكلة

الاكبر انه يشيلني هم مشاكله وبالاخير لما اعطيه الحل مايرد علي مايقول انه ضبط معاه ولا لا

دايماً يحسسني اني دلخ .. المهم اليوم قصتنا مع هالصديق الاقشر الله يكفينا شره ..

جاني وعيونه تطاير شرار ..

هلا بالأشهب .. وش عندك قافلة اخلاقك .. تفضل وهات علومك ..

هلابك .. انا قررت اسحب ملفي وحريقة تحرق الجامعة واللي فيها ،، اوووف اوووف عين خير

وين حماسك الأول .. وين كلامك تعال نسجل ونآخذ الشهادة ولسى كلنا بأول العمر .. ويمكن نحقق الدكتوراه

على طول من اول عقبة يالاشهب تبي تنسحب ؟؟!! ياخوك طفشت من حياتي وضيقوها علي في المنتدى

كل الناس مشاكل وانا نفس مشاكلهم بلاك بورد برامج وخربطة والى الان ماني قادر افهم وش اسوي !!

حسيت اني ضايع ،، مابي اتعب نفسي ونفسيتي في جامعة ماهمها الا الفلوس ..

طيب يالاشهب اذا انت تقول ان هالجامعة ماهمها الا الفلوس .. انت همك الشهادة خذها بالطيب ولا بالغصب

وخلهم ياخذون فلوسهم .. ونحقق النجاح مع بعض .. تكفى يالاشهب اللي فيني مكفيني وتعال علمني مشاكلك

ونحاول نحلها مع بعض و نساعد بعض لين نوصل النهاية .. اليد الوحدة ماتصفق .. شلني واشيلك يالاشهب

.. وبعد تنهيييده طويلة ونظرته المعتادة اللي ترفع الضغط.. طيب انا بصبر عشانك وبشوف انت تحل مشاكلي ولا لا ..


طيب عزيزي شهووب .. انت تابعت البيان السابق رقم 3 ؟؟ ايه تابعته وطبقت كل اللي فيه ..

حلو حلو تعال اليوم بشرح لك كم برنامج يحبهم قلبك . وبشرح لك كيف ترتب نفسك وتضبط امورك

ترى اذا ماتابعت نفسك محد متابع وراك يالاشهب ..


تعال معي لاول برنامج نحتاجه في جهازنا .. الا وهو WinRar

شهوبي حمل هالملف وتعال تابع معي الشرح تراه سهل ..















شفت يالاشهب الون رار برنامج سهل التنزيل بس لا تنسى تراه مو كامل ومايهمك كامل ولا ناقص

المهم انه يؤدي الغرض .. والله انك صادق .. بس ماقلت لي وشوله ذا البرنامج وش ابي فيه

الله ياخذك من اليوم اشرح ولا تدري وش نبي فيه .. ياخي هذا عشان المحاضرات كلها مرفوعه بملفات

مضغوطة الله يرفع ضغطك ومانقدر نفكها الا بذا البرنامج وبرامج الضغط الثانية .. آآآهـاااه عشان كذا

طيب وهذا خلصنا منه وش عندك بعد ؟؟ << والله من النفس الشينة

الحين عندنا برنامج ثاني اسمه داون لود مانجر Internet Download Manager هذا عاد

زبدة الحتسي .. وش يسوي ؟؟ هذا يالغالي بعلمك سالفته بحكم اننا في السعودية وعندنا شركة زي

الاتصالات السعودية رافعة ضغط نص الشعب السعودي زي منت رافع ضغطي وعندنا خرابيط ثانية مثل

الكونكت وهالسوالف اللي زي قلتها ودايم تفصل على المسلمين بنص التحميل .. وحنا لنا الله تلقى لنا

ساعة نحمل و يفصل النت خلاص يروح علينا التحميل .. بذا البرنامج لااا ، انسى هالسوالف يفصل النت

ولا مايفصل محمل محمل الله لايعوق بشر وبنفس الوقت يسرع لك الاتصال لأضعاف مضاعفة

ياسلاااام يعني يكمل التحميل بعد مايرجع النت .. ايه ايه يالأشهب تصدق حبيت الجامعة يوم تذكرت الاتصالات :)

المهم تعال حمل البرنامج من هالأيقونة وبعدها تابع الشرح وخلني اشرب كاستي ..





رابط التحميل >>> http://www.gulfup.com/X2ydmewmia3sw4oc




















على فكرة يبي يطلب منك البرنامج تحديث لنسخة حديثة .. طنشه ماعليك قله لاااااا .. وترى البرنامج كامل

طيب ياخوك الحين هالبرامج وحملناها وكيف نستفيد منها .. طيب يالاشهب انا وياك الان نبي نسوي مجلدات

جديدة على سطح مكتبنا ونبي نرتب امورنا .. وتخيل ان سطح المكتب هو شنطتك الفسفورية اللي عليها صورة

الكابتن ماجد .. ومقسمة لاكثر من قسم وكل قسم فيه كتب مادة من المواد .. شلون ؟؟ تعال للصور وتبي تفهم

بس اهم شي تخيل :)

تعال لسطح المكتب واضغط زر الماوس الايمن و بتجي معاك بالشكل هذا ..









كذا انتهينا من تقسيم الشنطة .. الحين تعال للبلاك بورد وخلينا حبة حبة يالاشهب بس ركز معاي ..
















































الان عرفنا نحمل من البرنامج ، وملفات قدرنا نقسمها على حسب المواد الموجوده عندنا وراح نلقاها بالشكل التالي :






بكذا نعرف كم محاضرة حضرنا ونرتاح من هم الترتيب واللخبطة :)

طيب اشوف المجلدات جاية مضغوطة كيف افك الضغط عنهـا ؟؟ بالأول انت عشان ترتاح نسيت اقولك لازم تستخدم

متصفح قوقل ومثل ماشرحته لك في البيان رقم (3) .. والحين تعال نتعلم كيف نفك الضغط ونتابع المحاضرة ...

















الحين ياصديقي الاشهب انتهينا من ترتيب المحاضرات و تعلمنا كيف نحملها بالبرنامج الجديد و كيف نفك ضغطها ..

بس لازم تركز ولا تلخبط وتحط محاضرات في مجلدات خطأ .. المهم ان شاء الله انك استفدت وتعلمت وطاح اللي

براسك و صار عندك تركيز اكثر بالدراسة .. مو مشكلة نبي نشوف تضبط معنا ولا برجع لك وملفي معي ..

لاحول ولا قوة الا بالله العلي العظيم .. يالأشهب .. تعرف رواية البؤساء ؟؟ لا !! ليش ؟؟ لا بس طرت علي الحين




اخواني اخواتي .. إعتدت ان اتفرغ لإصدار هذه البيانات في عطلة نهاية الأسبوع وقد اضطررت لإصدار هذا

البيان من اجل الكثير من الأخوة والاخوات الذين يواجهون بعض المشكلات التي جعلت من هذه الجامعة كابوساً يؤرق

منامهم .. ولذلك و من اجل ان نبقى مع بعضنا البعض و نتعاون جميعاً من اجل الوصول الى نهاية المطاف بنجاح

وتفوق فقد تفرغت لهذا البيان آملاً من الله عزوجل ان يوفقني لإيصال المعلومة لكم ..وان يحل هذا البيان الكثير

من المشاكل التي واجهتكم .

إخواني اخواتي .. البيان القادم أنتظره منكم فقد سئمت المتابعة والمراقبة لمشاكل الأخوة لكثرة مشاغلي وتعدد

اهتماماتي خارج نطاق هذا المنتدى .. ارجوا منكم ترشيح مشكلاتكم التي تريدون حلها حتى نسلط الضوء عليها

في البيانات القادمة ..وبإنتظار ردودكم واستفساراتكم في رسائل الزوار او هنـا .

** دعواتكم و اعجابكم و تقييمكم لهذا البيان يدفعني إلى الأمام لإصدار البيان رقم (5) **

أخوكم / وطني الجبيل

[^تركي^]

وطني الجبيل .. انت مو تستحق التميز فقط تستحق وسام يعلق في واجهة الملتقى لهذه الجهود المباركه والشروحات المميزه ..!

شكراً لك يا صديقي ونفع الله بك وبجهودك المباركه

صدقني لو بيدي الآن ان اضع لك وسام كشكر وعرفان على جهودك لفعلت بدون تردد !

على فكره صديقك الأشهب يستحق التميز ايضاً لأنه كان سبباً في بيانك رقم (4)

مين تتوقع يكون سبب في بيانك رقم (5) ... ؟

سؤال بريء <<<<< ما يقصد احد

وفقك الله

[لهفة دراسة]

المشاركة الأصلية كتبت بواسطة ^تركي^

محجوز

ضحكتني يا تركي اجل تحجز المكان ـ


وطني الجبيل بصراحه في بداياتي اشوف ردودك ع المواضيع واقول وش هالأنسان اللي ماعنده احساس
ودايم يحب المشاكل بس بعدين تغيرت النظره واصبحت انسان مفيد في المجتمع وعسى الله يكثر من امثالك
واعذرني على سوء الظن
وتستاهل احلى تقييم

[وطني الجبيل]

المشاركة الأصلية كتبت بواسطة ^تركي^

وطني الجبيل .. انت مو تستحق التميز فقط تستحق وسام يعلق في واجهة الملتقى لهذه الجهود المباركه والشروحات المميزه ..!

شكراً لك يا صديقي ونفع الله بك وبجهودك المباركه

صدقني لو بيدي الآن ان اضع لك وسام كشكر وعرفان على جهودك لفعلت بدون تردد !

على فكره صديقك الأشهب يستحق التميز ايضاً لأنه كان سبباً في بيانك رقم (4)

مين تتوقع يكون سبب في بيانك رقم (5) ... ؟

سؤال بريء <<<<< ما يقصد احد

وفقك الله

الله يرفع قدرك ياتركي والله سعادتي لا توصف بكلماتك الطيبة يالغالي ..

والشهبان واجد والله العالم انك واحد منهم

شكراً لك ياتركي فوالله ان هالمنتدى يستحق اكثر من اللي نسويه

شكراً

[abeer-y]

يسعد مساك أخوي

ما أقول الا روح الله يوفقك دنيآ وآخره

قسم بالله مواضيع مفيدة جدآ

لا توووووووووووووووووووووووووووقف بياناتك

[Manoosh~]

مشكور يعطيك العافية

[وطني الجبيل]

المشاركة الأصلية كتبت بواسطة لهفة دراسة

ضحكتني يا تركي اجل تحجز المكان ـ


وطني الجبيل بصراحه في بداياتي اشوف ردودك ع المواضيع واقول وش هالأنسان اللي ماعنده احساس
ودايم يحب المشاكل بس بعدين تغيرت النظره واصبحت انسان مفيد في المجتمع وعسى الله يكثر من امثالك
واعذرني على سوء الظن
وتستاهل احلى تقييم

اذا عندي صديق اشهب .. فأنتي الزميلة الشهباء الله يكفينا شرك

زين انك غيرتي نظرتك و هذا من فضل الله .. المهم ان الموضوع اعجبك واستفدتي منه

شكراً لمرورك اختي ونورتي الموضوع بمرورك

[منوة الخيال]

جزاك الله كل خير

[وطني الجبيل]

المشاركة الأصلية كتبت بواسطة abeer-y

يسعد مساك أخوي

ما أقول الا روح الله يوفقك دنيآ وآخره

قسم بالله مواضيع مفيدة جدآ

لا توووووووووووووووووووووووووووقف بياناتك

مسائك أسعد وأجمل واحلى اختي .. ورووحي انتي وفالك التوفيق والنجاح والتفوق

والله سعادتي مالها حدود مادامي اشوف ناس مستفيدة بعد تعبي هذا ..

مرورك اسعدني اختي

[^تركي^]

المشاركة الأصلية كتبت بواسطة لهفة دراسة

ضحكتني يا تركي اجل تحجز المكان ـ

بلا شك يا استاذه .. مثل هذه المواضيع تستحق الرد وان نتسابق عليها !

في بيان رقم 3 تأخرت في الرد لإنشغالي وعوضته في هذا البيان ويستحق ذلك !

ادام الله سعادتك وسعادة الجميع

وفقك الله