كل ماتحتاج معرفته بخصوص تغيير التخصص + التقويم الدراسي الجديد للفصل الدراسي الثاني لعام 1436هــ 2015مــ ...

[o_lg_ll]

بسم الله الرحمن الرحيم

السلام عليكم ورحمة الله وبركاتة



نزلت هذا الموضوع لنا أشوف كثير يسأل عن تغيير التخصص وفي نأس بصراحة جألسه تعطي معلومة ماهو متأكد منها


على العموم الطريقة كالتألي

تغيير التخصص لعام 1436هــ 2015مــ للفصل الدراسي الثاني


مسموح لك ومتأح لك حالياً لهذا الفصل الثاني لعام 1436هــ تغير الى هذي التخصصات




الحين شنو الشروط المطلوبة لتغيير التخصص

شرط و احد فقط فقط فقط

انك تخلص 24 ساعة بنجاح فقط

يعني لاتسمعون كلام أحد وشيك بنفسك

خلاص خلصت 24 ساعة بنجاح روح أفتح الخدمات الطلابية وادخل على أيقونة تغيير التخصص وشوف بنفسك وأنتهينا


وهذا حساب لشخص توني داخل عليه الحين الحين وشوف الشرط

===============================================

الملاحظات

في ناس راح تسأل لمن تطلع النتايج وتنجحون هل راح تتم أيقونة تغيير التخصص وماراح يقفلونها ويمدينا نغير التخصص


الجواب في الصورة




مثل ماهو واضح في الصورة ايقونة تغيير التخصص راح تتقفل في تاريخ

2015/01/11

1436/03/20

الأحد

أحب أنبه على حاجه

الجامعة دايماً تحط تواريخ بداية ونهاية

مرات الجامعة تتأخر في تسكير ايقونة معينه ومايعلنون عن تمديد يعني هم مرات يتأخرون في التسكير

فقط أنتو لنجحتو ان شاء الله وعديتو 24 ساعة دخلو على الخدمات الطلابية وشيكو هل سكرت والا لا

وأنتو وحضكم ....

===============================================

ملاحظة عن التخصصات

راح اوجه كلامي لفئة معينه فقط ( يعني رجاء خاص الشخص الى عارف شنو مواد التخصص الى اختاره و شنو تتكلم عنه هذي المواد لايعور رأسي )


في كثير يسألون في المنتدى وأشخاص أعرفهم شخصياً واقابلهم في حياتي يقولون لي سجلنا في الجامعة واخترنا تخصص ادارة أعمال

أقوله ليش اخترت ادارة أعمال

يقولي عشان مواده اخف وانا ابي شهادة وبس ,,, وفلان وفلان داخلينه ودخلته معهم يعني الاخ امعه معاهم معاهم عليهم عليهم

اسأله اقوله تعرف وشو ادارة اعمال يقولي لا ,,, بس كل الناس تدخله ويقولون هو أسهل واحد

اقوله اوك بالتوفيق مع التخصص الخفيف الى أهم شي تبي شهادة وبس



بعد مايدرس السمستر الثاني والثالث يجي يبكي يقول يأخي كل محاسبة ومسائل هههههههه

اقوله يأخي الشخص مايجي امعه وأقل تخصص في المواد اروح ادخله وانتهينا

انت شوف مخك هالمصدي وشو التخصص الى ينأسبك ويأخي اتعب شوية وكلف على نفسك المشغوله المو فاضيه البزنسية هذي خلها تسأل شويه وتعرف شنو مواد التخصص هذا


أرجع وأعيد كلامي انا ما أعيب اي تخصص بس على الأقل يا اخوان لاتطاوعون أحد واعرفو شنو المواد الى راح تدرسونها في هذا التخصص

لنا بصراحة في نأس ماتعرف أنجلش وماهي فالحه بكل امانه ويروح يدخل انجلش

وفي نأس طول عمره من ابتدائي وهو يرسب في الرياضيات ويروح يدخل لي ادارة اعمال والمشكلة تكتشف انه لسه ماهو فالح في الرياضيات والمسائل الخ الخ

ارجع واقول انا ما استهين في أحد بس جد في نأس مفهيه وتدخل تدرس أنتساب ومايدري وين الله حاطه


لاتضيعون فلوسكم وعمركم في تخصص مايناسبكم

أهم شي انك تعرف مواد هذا التخصص عن أيش تتكلم بالضبط وانت بعدها بكيفك اختار التخصص الى تشوفه ينفع مصلحتك

- تبي الشهادة بس تترزز فيها والسلام

- تبي الشهادة مضيعه وقت

- تبي الشهادة عشأن ترفع من نفسك في الدوام

- تبي الشهاة عشان تبحث عن وظيفة

براحتك وما انتقد أحد أنت ومزاجك بس أقل شي أعرف شنو مواد التخصص الى راح تدرسه هل تنأسبك والا لا

انا مايذبحني الا الى قبل مايدخل انتساب ويقول سهل ترا وبدخل كل بس اختار الاجابه الصحيحه ههههههه

ولمن يدخل ويدرس تشوفه بعد سمستر او سمسترين موقف الدراسه ههههههههه تسأله تقوله وشفيك موقف الدراسه يقول بعدين بكمل اهم شي اني موظف وراتبي يمشي

===============================================

.

بخصوص التقويم الدراسي للفصل الدارسي الثاني لعام 1436هـ 2015م

.

شوفو أهم حاجه تأبعو اخبار الجامعة في الخطط الدراسية ,,, الجامعة تنزل جدول فيه خطة موسمية كاملة شاملة والكامل وجهه سبحانة فيها تواريخ بداية ونهاية

- مثلأ متى يبتدى التسديد ومتى ينتهى
- متى تقدر تنسحب وانت مسدد ويرجع لك المبلغ كامل والكامل وجهة
- متى تبتدى معادلة المواد ومتى تنتهي لهذا الفصل
- متى تقدر تقدم الاعذار حقت الغياب ومتى تنتهى

- متى يبتدي تسجيل المواد للفصل الدراسي ومتى تنتهي
- الخ الخ

في كل سمستر ( فصل دراسي ) الجامعة تنزل خطة دراسية وتاريخ كل حاجه بكذا انت تفهم شنو لك و شنو عليك

.

وهذا الخطة الدراسية لكل فصل تتحدث في كل فصل دراسي

.

http://www.kfu.edu.sa/ar/Deans/E-Learning/Pages/calender.aspx

عشان لاتسألون انا مدريت ان اليوم اخر تسديد او فأتني التسديد او ما ادري او متى اخر يوم ارفع الغياب الخ الخ

كل شي واضح لكم الأن احنا مانجيب شي من عندنا ونجاوب على استفساركم من عندنا كل شي تحطه الجامعه وهذا الخطة عندكم والتواريخ عندكم

.

.

كل مره الجامعة تغير في التواريخ او تمدد فترة احتساب الدرجات او تمدد تاريخ دفع الرسوم او اي خبر اخر

الجامعة يحطون اعلأن عن هذي الأشياء

..

لمتابعة هذي الاخبار وأعلانات الجامعة أدخلو على الرابط التالي

.

http://www.kfu.edu.sa/ar/Deans/E-Learning/Pages/AllAnnouncements.aspx

.

بصراحة في مواضيع تنزل في المنتدى من طلاب قديمين في دراسة الأنتساب وماهو عارف

.

متى يبتدي التسدي ومتى ينتهي

.

متى تبتدي معادلة المواد ومتى تنتهي

.

متى تبتدى الاختبارات

.

متى يبتدي تسجيل المواد للفصل الدراسي ومتى تنتهي

.

الخ الخ

.

يأخي يحسسك انه بزنس مو فاضي جد ولا هو قادر يفتح رابط صفحة ويشوف أخبار المواعيد بنفسه

بس هو عنده وقت فاضي يفتح مواضيع ويسأل << في فتح المواضيع ويسأل عنده وقت وفاضي بس غيره مو فاضي فديتكم

.

( قلت الطلاب القدامى المحاربين هع )

.

.

بالتوفيق للجميع

.

وأسف على الاطالة

[سامية المعاني]

الله يعطيــــــــك العافية ... و ما قصرت
شكرا لك على الافادة
و كلامك صحيح وواقعي و من تجربة
فقد صادفت احدى الاخوات تخصص ادارة و هي ادبي و حايسة و مالها في الحساب

[o_lg_ll]

المشاركة الأصلية كتبت بواسطة سامية المعاني

الله يعطيــــــــك العافية ... و ما قصرت
شكرا لك على الافادة
و كلامك صحيح وواقعي و من تجربة
فقد صادفت احدى الاخوات تخصص ادارة و هي ادبي و حايسة و مالها في الحساب

الله يعافيك

لاشكر على واجب

ويما راح تشوفين مثلها كثير


روحي اسأليها قولي لها كيف ليه اخترتي هذا التخصص ؟؟؟ وشوفي الجواب

[~ شمآلي ~]

والله بيني وبينك ودي بانجليزي

بس خلاص عقب ايش الحين وصلت مستوى خامس

الله يوفق الجميع

الله اعلم يمكن بعد ما اتخرج ارجع اسجل ثانية انجليزي :)

اطلب العلم ولو في الصين
وهذا العلم وانا فالبيت لا روحه ولا جيّه ..

[o_lg_ll]

ماضنتي يا شمالي بتطلب العلم لو في الصين

لو يحصلك الصين وعلم اتوقع تسحب على العلم هههههههه


يارجال الخيره فيما اختاره الله

بالتوفيق ...

[خطوة بخطوة]

لا تعبت يالوله شرح كافي ووافي

[شباصه ماركه]

من اي مستوى يتغير التخصص وهل يرجعون مثلا للبدايه بالمستوى الثاني

[نوآآره*]

يعطيك الف عافيه ,,,

[بشآير الشمري]

يعطيك العافيه

يعني الترم ذا مافي تسجيل بالجامعه ؟

[Dima]

الله يعطيــــــــك العافية