[ جميع التخصصات ] : تجربتي مع الدكاترة والأساتذة في التحضيري

[AIOSH]

السلام عليكم ورحمه الله وبركاته

اليوم بتكلم عن كل الدكاترة اللي اخذت عندهم السنه اللي فاتت
أدري ان الموضوع متاخر شوي بس أنا توني مسجله في المنتدى
وشفت استفساراتكم عن هذا الموضوع وحبيت أني افديكم .

المستوى الأول :

العقيدة الأسلامية : أخذت عند أ. نورة العويشز هاذي الانسانه عسسسل أخلاق وشرح وتعاون مع طالبات والاختبارات عندها سهلة ومثقفه واذا فاتك شي من الواجبات تعوضك عنه بشي ثاني ما راح تندمون ابدا لو اخذتوا عندها , بس الواجبات عندها تحتاج جهد ,

تحرير عربي : أخذت عند د. سهام سلامه دكتورة من كلية الأداب محترمه وتتعاون مع الطالبات تشرح المحاضرة في نص ساعه تعطي واجبات كثيرة واغلب حلها من الكتاب يعني انتي كذا ضمنتي درجه الواجب بكل سهوله اسئلتها من الكتاب يعني سهله مراا والمادة اساسا سهله مثل الاملاء

مبادئ تربية : في بداية اخذت عند د. نادية الدوسري وبعدها ما قدرت تستمر وتغيرت الى غادة عصر وكمان تغيرت واخر شي استقرت على د. سماح ,, راح اتكلم عن كل وحده 1- د. نادية الدوسري شرحها كويس ما تقبل اي عمل عشوائي ولازم تكون المشاريع عندها توب تنتقد الطالبات بشده تعطي درجات زياده من عندها وبس هذا اللي اعرف عنها 2- أ. غادة عصر أخلاق وطيبه ومتعاونه وشرحها كويس مع الطالبات بس طلبات ما تخلص والبعض قال أسئلتها صعبه وبس هذا اللي اعرفه عنها 3- د. سماح هاذي الانسانه أحبها عسسل وأخلاق وتعاون وثقة وشرحها كويس و أي شي تعطينها تقدر تعبك فيه واذا في شي غلط تساعدك واسئلتها مافي اسهل منها

مبادئ إحصاء التربوي : أخذت عند . أسامه محترم واخلاق شرحه كويس أسئلته تجي مثل الشرح بالضبط لان ما في كتاب وطلب نكتب معه الواجبات سهله وحتى الاختبارات كانت سهله واذا ما فهمتي ممكن يعيد اكثر من مرا الى ما تفهمين وما يظلم أحد

مبادى علم النفس : أخذت عند د. نعمه شرحها كويس وتطلب من بنات يشرحون واذا ما شرحتي صح ما راح تعطيك الدرجه ما تحب اللي تقرأ في شرح تحب اللي تعطي أمثله واللي تتفاعل مع الطالبات ولازم تحلين الواجب مثل ما تبي ولا تنقص اسئلة الاختبارات كانت صعبه وسهله بس الاغلب كان سهل

الصحه واللياقه : أخذت عند د. نهى عوض وكل البنات أخذوا عندها لان هي الوحيد اللي تدرس المادة شرحها كويس في كثير بنات ما حبوها بس بالنسبه لي عادي مو سيئة مثل ما كانوا يقولون تطلب بحث مع شرح ولازم تكونوا مستعدين على اي سؤال مختص بالبحث وبالنسبة للمشاريع لازم يكون على مستوى ولا ما راح تاخذون الدرجه كامله اسئلة سهله وتحذف في النهائي

مقدمة في التربية الخاصة : أخذت عند أ. خولة الحمد هاذي الانسانه عسسل تجنن شرحها كويس الجو في محاضرة مريح مو ملل أبدا متعاونه مع الطالبات وتقدر عمل وجهد الطالبات وتساعدهم واسئلة كانت سهله

ما اخذت انجليزي لذلك ما عندي علم ..


المستوى الثاني :

النظام الاجتماعي في الاسلام : أخذت عند أ. حصه العبدالعظيم أخلاق ومحترمه شرحها كويس الواجبات عندها تحتاج جهد الاسئلة كانت سهله بس فيها صعوبة شوي ما تحب تظلم أحد تعطي فرص يعني متعاونه مع الطالبات

الاتصال اللغوي : أخذت عند د. جمال عوض شرحه كويس واذا كنت منتبه معه راح تعرفين طريقة الاسئلة اللي ممكن تجي, في كل نهاية محاضرة يطلب مشاركة من اسئله موجوده بالعرض واغلبها من الكتاب يعني فتحي الكتاب وجاوبي وخذي درجه بكل سهوله و هاذي الاسئله نفسها تجي في الامتحان يعني في النهاية ان شاء الله درجه كامله في المادة

إدارة تربوية : أخذت عن أ. أريج الجابر إنسانه عسسل ومتعاونه مع الطالبات شرحها كويس المختصر المفيد والاسئله سهله سهله اتعب وانا اقول سهله ركزي معها تعرفين وش راح يجي بالامتحان ونفذي كل اللي تطلبه وراح تاخذي الدرجة كامله

علم نفس نمو : أخذت عند د. آمنه إنسانه عسسل وتجنن تقدر جهد الطالبات وتساعدهم وشرحها كويس و جو المحاضرة مريح والاسئلة سهله و واضحه

بناء وتطوير المناهج :أخذت عند د. تهاني الخلف انسانه محترمه واخلاق ومتعاونه مع الطالبات شرحها كويس ونصيحه اكتبي معها ولا راح تضيعين لان الكتاب جدا سئ الكلام فيه كثير واذا جيتي تذاكرين ما راح تعرفين وش تذاكرين وش تتركين فالافضل تكتبين معها رؤوس اقلام وذاكري المحاضرات اول باول والا راح تضعيين الاسئله سهله وتجي من الاشياء اللي تركز عليها والمشاريع كانت سهله

تقنيات التعليم : أخذت عند أ. شذى المالكي اخلاق ومحترمة شرحها كويس دقيقه جدا خاصة في المشروع تحب الافكار الابداعيه والواجبات والاسئله سهله تتفاعل مع البنات اللي عندهم علم بتقنيه والبرامج .

علم التجويد : أخذت عند أ. ايمان الغامدي محترمه واخلاق ومتعاونه مع الطالبات شرحها كويس وتعيد اكثر من مرا الاسئله كان فيها سهل والصعب دقيقه من ناحية نطق احكام التجويد

مهارات البحث : أخذت عند د. سماح ونفس كلام اللي كتبته عنها في مبادى التربية .


ملاحظه :

انا كتبت تجربتي مع كل الدكاترة اللي اخذت عندهم مقررات هذا ما يعني ان باقي الدكاترة مو كويسين هذا بس من وجهة نظري و مو ضروري تتقيدون فيها .

نصحية
1- اذا كنتوا تبون الدرجة الكامله نفذوا كل المطلوب منكم من واجبات و مشاريع وبحوث وعروض ومذاكرة قبل المحاضرة والامتحان وراح تشوفون الدرجة الكاملة باذن الله .

2- الاهتمام حاولوا انكم اذا غبتوا بسبب او بدون سبب تروحون لدكتورة المادة وتسالوها ايش اخذتوا في محاضرة واذا في واجب هذا شي راح يعطي انطباع انك شخص متهم ومجتهد وراح تتعاون معكم وتعطيكم فرصه اذا صارت اي مشكله .

3- رفعوا المعدل في التحضيري أكيد انكم سمعتوا هذا الكلام أكثر من مرا بس هذا لمصلحتكم ولان مواد أول سنه سهله مرا يعني حرام تاخذين فيها درجات نازله بسبب الاهمال .



ادري اني كثرت كلام بس هذا ان شاء الله راح يفيدكم وما ابي منكم الا دعوة صادقة ان ربي يوفقني
وبس + إعذروني اذا في أخطاء إملائية

[AIOSH]

أتمنى من باقي البنات يكتبون عن باقي الدكاترة اللي ما ذكرتهم عشان الكل يستفيد ..

[tole]

السلام عليكم بنات بسألكم عن مبادئ احصاء مين تنصحوني فيه اخذ عنده ممدوح أحمد او عمر سليمان عبيدات بليز أحد يرد علي

[اسرارر]

يعطيك الف عافيه عايشه بس حبيت أسئلك هل درستي الإنجليزي الحين أو متى راح تدرسينه

[روينة]

يعطيك ألف عافية عيوش

[فروالة وردية]

يعطيك العافية عيوش ...
بالنسبة للي يسألون عن الإنجليزي أنا أخذته عند زيبا خان شرحها كويس أهم شيء تقعدي قدام وتشاركي معاها وتسلمي الواجبات بوقتها و أهم شيء تكتبي معاها لأن الاسئلة الي تكتبها تجي في الاختبارات تبعها ...
التربية الخاصة أخذته عند الجوهرة النشوان محاضراتها خفيفة وشرحها كويس كل مناقشة تحب البنت المهتمة والي تشارك معاها وتناقش أسئلتها سهلة وتحذف في النهائي <<اهم شيء ومتساعدة مع البنات ..
الاحصاء أخذته عند أسامة أنصحكم تاخذون عنده يا أنه شرحه كذا وأسئلته سهلة مرررررة
الصحة واللياقة أخذته عند نهى عوض ما حبيت شرحها أسئلتها صعبة أشوي تتطلب تركيز والمشاريع لازم يكون متعوب عليها وتسأل في كل محاضرة يعني لازم تحضرين أول بأول بس في النهائي تحذف
مبادئ التربية أخذته عند سماح هالأنسانة عسل وربي تساعد البنات أنصحكم تاخذون عندها

الزبدة الدكاترة الا عجبوني في التحضيري <<زهقانة تكتب
سماح =مهارات البحث ومبادئ التربية
حصة عبدالعظيم =النظام الاجتماعي
أريج الجابر=إدارة تربوية
خلود =علم النفس النمو هذي محاضراتها ممتعة جداً أسئلتها سهلة مرة نصيحة مني لا تطوفكم

وبس اذا عندكم أي سؤال حياكم انا موجودة والبنات مايقصروا معاكم ان شاء الله

[دلول33]

طيب حبايبي الدكتورة نهى موسى هي نفسها نهى عوض لمادة الصحة واللياقة !؟

[AIOSH]

المشاركة الأصلية كتبت بواسطة دلول33

طيب حبايبي الدكتورة نهى موسى هي نفسها نهى عوض لمادة الصحة واللياقة !؟

ايه هي نفسها

[دلول33]

المشاركة الأصلية كتبت بواسطة aiosh

ايه هي نفسها

اها مشكورة ما قصرتي حبيبتي الله يوفقنا يارب

[Hessa.96]

جزاك الله خير الووش حبييَت بس للاسف اغلبهم مو عندي
بس ان شاء الله بنستفيد للمستقبل
و فراوله ورديه شكرًا ياعمري ماقصرتي بعد
منكم نستفيد