ارجو الرد

[راكـــان]

انا عندي مشكله ولدي دايم يحبط نفسه والي عنده احسه غير عيالي بعيد عنا ولا يحب يجلس معنا من هو صغير مع اني ولا امه مقصرين عليه بشي حتى المدرسه علا اخر سنه طلع منه عمره 20 سنه الحين له شهر تقريبامتغير صاير ماياكل ولا ينام الا قليل ولا يطلع من غرفته ومنسدح طول الوقت وصاير بس يبكي بصوت عالي ويصارخ اذا احد كلمه مدري على ايش كل مانساله مايرد حاولت معاه ابي اطلعه من الجو الكئيب الي هو فيه مايبغا امس جيت اكلمه لقيت يده كلها جروح قلت وش فيك مارد علي احس تصرفاته مو طبيعه انا سالت شخص قالي يمكن عنده اكتئاب وده لدكتور نفسي قلت له رفض حاولت فيه قلت باوديك غصب قالي والله لااخليك تندم لو تسويها وخليت خاله لانه في سنه وصديقه يجي يتكلم معاه بس مافي فايده وانا الحين مو عارف وش اسوي معاه اليوم

[غربة نفس]

كان الله بعونكم
بجد معاناه ..الله يسهل أمره
تفضل بعطيك رابط تراسلهم
طبعا عزيزي المريض بتقوله بوديك مابيرضى وبيرفض لازم أجباري واذا مارضى يااخوي المستشفى ياخذونه ..
والشيء اللي بيجبرك توديه أنه صارت تصرفاته اكثر
وضوح وصار عدواني مع نفسه
ترى بعض الامراض النفسيه توصل للأنتحار ..

وواضح أن حالته تبيلها تنويم والله اعلم

الله يشفيه ويعينكم على متابعته ويسهل لكم ..

أ. عبدالكريم نايف الشهري
اخصائي نفسي وتربوي - السعودية

وهنا محمد الاهدل موجود بالسعوديه جبت لك موقعه لكن ماعندي خلفيه وين بالضبط موجود
http://www.hypnosis-hma.com/

[المستشار الأسري]

ابشر اخوي باذن الله ان حلها سهل جدا

اولا اخوي ارق ولدك عند الرقاة المعروفين بورعهم واذا لم تجد راقي اقراء عليه انت وخذ ماء زمزم واسقه منه

وخذ خلطة الشيخ ابن باز رحمه الله التي بها سدر وماء المقري بها
واذا فيه صور بالبيت معلقه انزعها واجعل القران شغال بالبيت اغلب الوقت وخاصه سورة البقره
مسألة الاكتئاب لاتكون انه يقطع يده

والاكتئاب علاجه بالقران

واتمنى انك تسأل عنه بالمدرسه ووصل هذه المعلومات للمدير وأسأل عن اقرب اصدقائه ربما تجد المشكله مصدرها المدرسه التي تخرج منها

وكذلك ربما انه حصل له شي ء لا تعلم عنه

واكثر اخوي من الدعاء له فدعوة الوالد مستجابه باذن الله

هذا ماتيسر ذكره واسأل الله العظيم رب العرش العظيم ان يشفيك