آآآه ياعالم أفيدونا عن دكتورة الله يرضى عليكم

[طالبة محتارة]

السلام عليكم ورحمة الله وبركاته..



أهلا فيكم طلاب وطالبات جامعة الملك فيصل..


انا ظيفة ع منتداكم من جامعة الإمام..



قبل لأ اقول وش أبي لاتحذفون موضوعي الله يرضى عليكم..


وربي محتاجين مساعدتكم..



عندنا دكتورة اسمها سعاد الجوهري مصرية ..تدرس اقتصاد..


تقول انا جاية من جامعة الملك فيصل..


نبي نعرف معلومات عنها اول مرة تجينا ..


وتشرح لنا الإقتصاد بالعربي و بالأنجلش ..


وقسم بالله خايفين ..


مالنا ألا الله ثم أنتم..

اي احد يعرف عنها يقول لنا ..


وش طبيعتها وكيف مزاجها..

وأسألتها والدرجات ..




أنتظركم ..

لا تخيبوني..


ولا تنسون حديث الرسول صلى الله عليه وسلم..
(المؤمن للمؤمن كالبنيان يَشُدُّ بعضُه بعضاً – وشبك بين أصابعه) متفق عليه. ...

ربي يرضى عليكم ويوفقكم

[الموت البطيء]

[align=center]
عليكم السلام ورحمة الله وبركاته

آتمنى من عندهـ معلومات من البنات يفيدونكـ

بالتوفيق للجميع
[/align]

[s0-]

ههههههههههههههههههههه ياحليلها دكتوره سعاد جات عندكم واناافكرها راحت مصر !!

درستني اقتصاد جزئي و كلي لا تخافوووووون تطمنوا .. صدق شرحها بايخ وكأنها نايمه وهي تشرح بس وربي انها فلللله .. قبل الالاختبار تحدد لكم طبعا انتوا اطلبوا منها هالشي .. لا تخافين تراها تأشر وتحذف وتمووووووووت في الرسومات والشرح وما عليك من الكلام الانقلش اللي تقوله الا اذا هي حددت مصطلحات معكم ذاكروها ..

حطي ايدينك ورجولك بمويه بارده كتوره سعاد مهما كان شرجها سيء تبقى اسئلتها احسن اسئله ..

اسئلتها حلوة للي يذاكر التأشير صميييه .. بس يمكن طريقة تصحيحها تقهر شوي اذكر من زمان تصحح بالماينس .. بس الظاهر تغيرت على اخر السمستراات ..

عموووما تطمني

والله يوفقكم

[ليه؟]

وشو الماينس؟؟؟؟؟؟؟؟؟:d1:

[طالبة محتارة]

الموت البطيء شكرا للطفكم..


-so



قولي آمين الله يفرج لك يارب بالدنيا والآخرة ويطمنك باسمه ويسعدك يارب..


من جد خايفين يوم قامت تشرح بالأنجلش.. وحنا الله بالخير بهالانجلش وهي تدرسنا اقتصاد كلي ..


وقالت لنا اتمنى تكونون مثل اللي درستهم انهم اللحين بمناصب عليا وا انهم يدرسون دراسات عليا< ماكنت مركزه معها هههه..


لكن الحمدلله تطمنت اللحين..


بس فيه وحدة بمنتدى جامعتكم بس واحد ثاني مو هذا تقول درجاتي فيها تفشل ووحدة تقول انخسفت بس لما شديت حيلي اخذت درجة حلوة و زاد الخوف عندي..


طيب بسالك فيه احد يحمل المادهة عندها ؟ وليه يعني من تطنيش ولا منها هي؟


والشي الثاني وشو الماينس ؟


وتهتم بالمشاركة ولا عادي الوضع عندها؟


آمين وياك ياحبيلك والله ..


ماني عارفة كيف اشكرك..



انتظرك

[s0-]

ايه الله يعافيك كثري كثري من هالدعاوي الحلوة بحاجتها والله ههههههههه

شوفي دكتوره سعاد تحب اللي تحسسها انها معها وتتناقش وياها و اهم شي اهم شي تخلينها تحفظ اسمك روحي المكتب حسسيها انك مهتمه بالماده وربي هذا اللي يمشي معها

ما اقول لك ان الماده سهله ولا تدرسين لا طبعا ذاكري واهتمي بالمحاضرات .. ع فكره هي ما تعطي كل اللي بالكتاب تراها تشقح عنواين فخذي الكتاب واشري بس على اللي تشرحه

الماينس يعني سالب اذكر البنات يقولون انها تصحح بالسالب بس لما درست عندها كل تصحيحها عادي ..
يعني لو اجابتك صح وكامله وزدتي فلسفه من عندك تنقص << بس ما اظنها كذا الحين ..

هي يمكن بالبدايه تحسسكم انهم من النوع اللي لازم البنت تشارك عشان الدرجات وكذا انتوا عطوها جوها بس بنص الترم عادي ما تهتم بهالشي يعني درجتك هي درجتك عالورق هذا نظامها قبل

بس انتي اهم شي زي ما قلت لك روحي مكتبها حسسيها انك مهتمه حتى لو انك مطنشه الماده

وبالنسبه للبنات اللي رسبوا عندها ما اقولك ما في بس قليل جدا

انتي اهم شي ادرسي بفهم وروحوا لها قبل الاختبار بكم يوم تحدد لكم الاشياء المهمه
خلوها تحس انكم شعبه مهتمه فيها وبس ..

والله يوفقكم ان شاءالله تفائلوا ترى الدكتوره طيبه جدا بس عطوها جوها ,,

انا عن نفسي اتمناها تدرسني بعض المواد الحين لانها تحترم البنات

.. والعفو يا قلبي الناس للناس


قوووود لك :)