 |
|
||||||
| منتدى كلية الأمير سلطان العسكرية للعلوم الصحية بالظهران منتدى كلية الأمير سلطان العسكرية للعلوم الصحية بالظهران ; مساحة للتعاون و تبادل الخبرات بين طلاب و طالبات كلية الأمير سلطان العسكرية للعلوم الصحية بالظهران و نقل آخر الأخبار و المستجدات . |
 |
|
|
أدوات الموضوع | إبحث في الموضوع |
|
#1
2013- 7- 26
|
|||
|
|||
|
نصيحة اخوية لجميع المتقدمين والمتقدمات
السلام عليكم ورحمة الله وبركاته
تقبل الله صيامكم وقيامكم ووفقكم لمرادكم ورزقكم القبول في الكلية يارب انا حابة اقدم نصيحة اخوية مني لكم من تجربة انا عشتها كانت صعبه جدا والله يعني مدري من وين ابدا انا ماودي احطمكم ابدا باذن الله الواحد الاحد اذا كتب لكم القبول انتم مقبولين طبعا كلامي موجه للي للحين ماجاهم قبول ومايمنع المقبولين يستفيدون اذا حبو انا اختكم خريجة العام وطبعا المسار الصحي كان طموحي وميولي وكنت حابة الكلية هذه وسامعه فيها وحاطتها فبالي الا مثبتتها بعد .. قدر الله اني اجتهدت بالثنوية وجبت درجة معقولة بالقدرات لكن بالتحصيلي ماتوفقت بسبب اهمالي او اعتقادي ان مثل مامشيت بالقدرات بمشي بالتحصيلي بس تفاجأت وانفجعت ان نسبتي كانت نازلة بالتحصيلي ومع هذا سويت اللي براسي وقدمت بالكلية وانتظر وانتظر ومايطلع قبولي طبعا ماخليت حد ماكلمته وغير حنتي على ابوي اللي قام يحوس يدور لي واسطات وخالتي وصديق خالي وزوج مدري مين من قرايبنا وماخليت حد وانتظر ومايطلع طبعا تحطمت نفسيا مع اني كنت ادعي وابكي وحالتي حاله بس جاني قبول بجامعة الدمام كلية العلوم الحمدلله بس طبعا ماكانت عاحبتني بس قلت احسن من قعدت البيت ودخلت الكلية وماكنت مقتنعه فيها وكأني حبيتها شوي ومشيت نفسي فيها درست الترم الاول بس وشوي من الترم الثاني وسويت ايقاف قيد وجلست بالبيت  رجعت لي الحالة هههههههه كنت كلما اتذكر اني اداوم بكلية العلوم تخنقني العبرة مع ان كثير يقولون لي انتي احسن من غيرك غيرك مو لاقين مكان والخ بس كنت حس لا انا مو احسن من احد ولا حد احسن مني انا كان فبالي شي وخسرته عشان كذا زعلانه والحمدلله اختبرت القدرات والتحصيلي مره ثانيه وجبت نسبه اعلى والحمدلله قبلتني كلية سلطان هذي السنه اللي ابغى اقوله الواحد مايدري وين الخيره له يمكن قبولي العام كان شر لي ! وربي كاتب لي هذه السنه! بس اهم شي ابي اقوله لكم لاتتنازلون عن حلمكم ابدا ابدا ابدا!! وطموحكم اصرو عليه وخلكم عنيدين فيه اذا ماصار نصيب هذه السنه قولو السنه الجايه احنا فيها باذن الله تشدون على انفسكم وتعيدون اختبارات القياس واذا جاكم قبول بمكان ثاني مايمنع تداومون فيه واذا ارتحتو فيه واقتنعتو يعني بعد خيره لكم انا وحده اعرفها كانت مثلي تبي سلطان بس ماقدمت تقول خلاص اقتنعت بكلية العلوم! او انكم تستغلون الوقت بتقوية لغتكم اذا حطيتو شي فبالكم سوو المستحيل عشانه لكن اذا في منكم مو فارقه معاه صحي ولاعلمي ولاهندسه هذا غير انا اقصد اللي مصرين ع الصحي خلكم مصرين عليه سواء في هذه الكلية او غيرها كانت دايم فبالي مقولة اينشتاين مب حافظتها بس يعني بمعناها انه يخطيء 99 مره وفي المره ال 100 يصيب!! اذا ما انقبلتو هالسنه خيره لكم واذا انقبلتو تمام لكن اللي ابي اقوله لا تيأسون ابدا الله يوفقنا وياكم يارب العالمين لكل خير يارب يطلع قبولكم كلكم وتفرحون وتفرحون اهاليكم يارب ياكريم 
التعديل الأخير تم بواسطة كل شي جايز ; 2013- 7- 26 الساعة 06:51 AM 
|
|
2013- 7- 26
|
#2 |
|
أكـاديـمـي نــشـط
|
رد: نصيحة اخوية لجميع المتقدمين والمتقدمات
انا زي حالتك قعدت سنه بالبيت م انقبلت بولا جامعه
وذي السنه انقبلت بالجبيل تربيه و امس اقبلوني بسلطان انا خايفه اسوي اخلاء طرف من الدمام بعدين اتحسف اذا قدر الله و م توفقت بسلطان بس بنفس الوقت ابي سلطان لاني من ثاني ثانوي و هي طموحي انتي عطيني رايك انا استخرت و ارتحت بس خايفه لانه مستقبل ما ينلعب فيه عطيني رايك |
|
|
|
2013- 7- 26
|
#3 |
|
أكـاديـمـي
|
رد: نصيحة اخوية لجميع المتقدمين والمتقدمات
مبروك قبولك تستاهلين
 انا مابقى مكان ماقدمت فيه و في جامعه كلمتني ورحت للمقابله بس كانو يبوني تمريض وامي رفضت التمريض وقدمت على الدمام وانقبلت التربيه بالجبيل وقد ايش اقولك مابيها ولاهي طموحي  وقدمت على سلطان وللحين ماقبلوني .... بس انا بسوي زيك ان شاء الله بداوم بالتربيه وبرجع اختبر القدرات والتحصيلي والله يكتب لي الي فيه الخير |
|
|
|
2013- 7- 26
|
#4 |
|
أكـاديـمـي
|
رد: نصيحة اخوية لجميع المتقدمين والمتقدمات
مرة كلامك ريحني انا زي حالتك الحين جبت درجات مرة عالية بالمدرسة والقدرات وتحطمت تحطيم مو طبيعي بدرجة التحصيلي وبكيت وجاتني حالة نفسية حتى الاجازة كاملة ولايوم استمتعت فية مررررررررررررة طموحي المجال الصحي قدمت بجامعة سعود بالحرس العلوم الصحية الي بالحساء انا وصديقتي نفس الموزون سبحان الله ماكان لي نصيب فيها وهي دقوا عليها انا انتظر يدقون بس مافية احد دق رحت لهم قلت يمكن ما انتبهوا بس قالتلي المسوولة اسمك مو موجود بالسستم اصلا يمكن ملخبطة مسجلة يابفرع الرياض او جدة قلت يلا خيرة لي وانقبلت بالعلوم بالدمام الدفعة الثالثة وسلمت اوراقي مع اني مابيها ولا مقتنعة فيها ابببببببببببدا قلت يلا بنتظر هالكلية ان شاء الله ربي يكتبلي فيها للحين باقي متمسكة ولا بياس وكلامك بصراحة جا بوقتة
|
|
|
|
2013- 7- 26
|
#5 |
|
أكـاديـمـي
|
رد: نصيحة اخوية لجميع المتقدمين والمتقدمات
بس بسالك كم كانت درجاتك العام
|
|
|
|
2013- 7- 26
|
#6 | |
|
أكـاديـمـي فـعّـال
|
رد: نصيحة اخوية لجميع المتقدمين والمتقدمات
اقتباس:
لكن انتي شوفي وش ميولك صحي ولا تربوي وش ترتاحين له وين تحسين قلبك متعلق فيه ودي انصحك لكن انا اخاف اقرر عن احد مصيره سواء بدراسة ولازواج ههههه انا محايدة لكن صدقيني انتي بتعرفين الجواب شوفي نفسك لوين متحمسه ووين ماكنتي شدي حيلك وتفوقي ولاتخافين دامك تذاكرين بتجيبين زين لكل مجتهد نصيب لكن بصراحة انا نا اقدر اوجهك انتي اختاري استخيري اكثر من مره وادعي ربي يوفقك وييسرلك يارب توفقها وتسعدها |
|
|
|
|
2013- 7- 26
|
#7 | |
|
أكـاديـمـي فـعّـال
|
رد: نصيحة اخوية لجميع المتقدمين والمتقدمات
اقتباس:
ان شالله يطلع قبولك بالدفعات الجايه وان ماطلع وللحين متعلقه فيها اشتغلي على نفسك وباذن الله بتوصلين مرادك الله يوفقك يارب ويختارلك اللي فيه الخير لك |
|
|
|
|
2013- 7- 26
|
#8 | |
|
أكـاديـمـي فـعّـال
|
رد: نصيحة اخوية لجميع المتقدمين والمتقدمات
اقتباس:
ان شالله يارب اللي صارلك خيره لك مبروك قبولك ويارب عقبال ماتنقبلين بسلطان الدفعات الجايه وترى كلية العلوم كويسة ومريحة من ناحية الدراسه ماعليها لكن انا لاني كنت متعلقه بالتخصصات الصحية كنت حتى مااحضر محاضرات واسحب واخذت حرمان ههههه يارب ربي يفرح قلبك بقبولك فيها |
|
|
|
|
2013- 7- 26
|
#9 | |
|
أكـاديـمـي فـعّـال
|
رد: نصيحة اخوية لجميع المتقدمين والمتقدمات
اقتباس:
وانتي الحين كم؟ |
|
|
|
|
2013- 7- 26
|
#10 |
|
أكـاديـمـي
|
رد: نصيحة اخوية لجميع المتقدمين والمتقدمات
امين تسلمين حبيبتي
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ android ] : بـرامج & ألعاب .. طـلبـات للجالكسي | رصيف | منتدى الهواتف الذكية والاجهزة اللوحية Smart Phones & Tablets | 304 | 2015- 10- 26 09:45 AM |
