اجراءات القبول و الاقرار بضوابط كلية الدراسات التطبيقية ؟

[خريجه !]

-



السلام عليكم

انا انقبلت بجامعه الدمام الرغبه الثانيه و ان شاء الله ع امل يرقوني للرغبه الاولى
و اللي هي : ( كلية الدراسات التطبيقية وخدمة المجتمع )

وصلت للاقرار تبع الاجراءات لاكمال القبول .. كاتبين نقطتين ما فهمتها :

أعلم أن كلية الدراسات التطبيقية تقدم برنامجا تأهيلياً برسوم دراسية لمدة سنتين دراسيتين و يجب على الطالب الراغب في المواصلة لدرجة البكالوريوس الحصول على معدل لا يــقل عــن (2 من 5) و من لا يحقق الشرط أو لا يرغب في المواصلةلدرجة البكالوريوس يعطى سـجلا دراسيا بالمقررات و الدرجات دون أي درجة علمية.

هل هذا يعني ان الجامعه برسوم لمده سنتين ولازم ادفع لهم ولالا ؟

+

لايمكن تحويل الطالبــ/ ــة من كلية الدراسات التطبيقية وخدمة المجتمع إلى أي من الكليات التابعة للسنة التحضيرية وهي ( الطــــب – الأسنان – العلوم الطبية التطبيقية – التمريض – الصيدلة – الهندسة – العمارة والتخطيط - التصاميم – علوم الحاسب – ادارة الاعمال ) وذلك حسب لوائح الجامعة .

بإذن الله ناويه ادرس ادارة اعمال بكليه الدراسات التطبيقيه ، هل يعني اني ما اقدر ادرسه فيها ؟
ولا قصدهم فيه ما اقدر احول لكليه اداره الاعمال ، لكن اقدر ادرس الاداره بالدراسات التطبيقيه ؟


افيدوني الله يجزاكم خير

[o x]

اولا كلية الدراسات التطبيقيه وخدمة المجتمع كانت بفلوس بعدين حولها على حساب الحكومه اول سنتين تأهيلي مايعطونك مكافأت إذا حبيتي تدرسين بس السنتين الاولى يعطونك سجل فيه قريدات المواد اللي اخذتيها
ثانياً بعد السنتين تنتقلين مرحلة البكلريوس ولا زم يكون المعدل 2 وما فوق لتكملة دراسة البكلريوس و تاخذين مكافأة
تخصصات الكلية محاسبة و تسويق و نظم معلومات و إدارة اعمال و إدارة مالية
إنشاء الله قدرة افيدك و الاخوان والخوات اللي بالمنتدى إنشاء الله مارح يقصرون معاك إذا كانت المعلومات اللي كتبتها ناقصه ....
و اتمنى لك التوفيق ....

[αℓαα αłкнαłαf]

وعليكم السلام ورحمة الله وبركاته ..~
ما قصر معاك أخوي o x الله يجزاه خير :)
التعهد هذا قديم بس ما يضر لو وقعتي عليه ما راح تدفعي شي
وبالنسبة لتخصص إدارة الأعمال فهو موجود داخل كلية الدراسات
التطبيقية ، هم قصدهم ما تقدري تحولي إلي كلية إدارة الأعمال
لكن تقدري تدرسيه ضمن تخصصات كليتنا . . بالتوفيق يارب :)

[خريجه !]

-



الله يسعدكم و يعطيكم العافيه .

[jωαнєя~♥]

اعتذر من صاحبه الموضوع
لكن اختي نسبتها 83 فيه امل تنقبل بالدراسات !!

[αℓαα αłкнαłαf]

المشاركة الأصلية كتبت بواسطة jωαнєя~♥

اعتذر من صاحبه الموضوع
لكن اختي نسبتها 83 فيه امل تنقبل بالدراسات !!

والله يَ عزيزتي يعتمد على عدد المتقدمين ونسبهم . .
الدفعة الأولى وقفت ع نسبة 87.11 والفرق تقريباً 4 نسب
هو باقي دفعتين ونقول إن شاء الله تنزل ع الدفعة الثالثة ،
العامين السابقين وقفت نسب الدفعة الثالثة على 80 و 81
أهم شي انها تسوي تنشيط للطلب هالدفعتين والله ييسر
أمورها وفالها القبول إن شاء الله . . بالتوفيق يارب :)

[jωαнєя~♥]

المشاركة الأصلية كتبت بواسطة بسمة أمل ..~

والله يَ عزيزتي يعتمد على عدد المتقدمين ونسبهم . .
الدفعة الأولى وقفت ع نسبة 87.11 والفرق تقريباً 4 نسب
هو باقي دفعتين ونقول إن شاء الله تنزل ع الدفعة الثالثة ،
العامين السابقين وقفت نسب الدفعة الثالثة على 80 و 81
أهم شي انها تسوي تنشيط للطلب هالدفعتين والله ييسر
أمورها وفالها القبول إن شاء الله . . بالتوفيق يارب :)

هي آردي مقبوله بتربيه الجبيل , ان شاء الله تنزل لنسبتها
شكراً ..

[خريجه !]

المشاركة الأصلية كتبت بواسطة jωαнєя~♥

هي آردي مقبوله بتربيه الجبيل , ان شاء الله تنزل لنسبتها
شكراً ..

-



انا كمان نفس الوضع .. مقبوله الرغبه الثانيه ( كليه التربيه بالجبيل ) .
و ع امل تنزل النسبه و يرقوني للدراسات التطبيقيه .
الله يكتب اللي فيه الخير

[αℓαα αłкнαłαf]

الله يوفقكم حبايبي ويحقق أحلامكم ياارب :)

[o x]

بالتوفيق لكم يارب