استفتاء بخصوص مراكز الاختبارات

[dh.a.a]

السلام عليكم

اتمنى للجميع التوفيق

حبيت أخذ رأيكم بخصوص مراكز الاختبارات

بتكلم عن مدينه الرياض كمثال

الان في الاختيارات يقولك اختار شمال او شرق او غرب او جنوب الرياض

ولما تختار على سبيل المثال شمال الرياض يحطونك في ابعد مركز عن بيتك وانت رايح الاختبار تمر على ثلاث مراكز اقرب منه

اقترح انه لما تختار المركز مثلا شمال الرياض يحطون بعده اختيار فرعي يضعون فيه اسماء المراكز (مدارس-كليات) تختار بالافضليه مثلا المركز الاول وبعده الثاني .....الى الاخير

وبهذه الطريقه يحطونك في اقرب مركز اذا كان ما فيه مجال يروحون للخيار الثاني.........الى الاخير

ياليت تشاركوني الرأي واذا فيه اصوات كثيره راح نرفع خطاب للجامعه نظرا للمصلحه العامه

وشكرا

[واثق الخطوات]

اخر اختبار يوم الثلثا نزلت للدكتور المسؤول عن مركز الاختبار حقنا واستفسرت منه لانه ثاني اختبار اختبره بعيد عن بيتي مع العلم انه يوجد مركز اختبار قدام البيت
قالي سمعنا أنهم راح يحطون اختيارات مع اماكن المراكز قدام كل منطقه يعني مركز شمال الرياض ويشمل الاماكن التاليه .....و,,,,,,و......و,,,,,,و.......و,,,,,,,,
مركز غرب الرياض ويشمل ............ وانت تختار المقر الي يناسبك وهكذا
ابتدائا من المستوى القادم
طبعا يقول سمعنا يعني مو اكيد

[*hala*]

والله أنا أوافقك الرأي جملة وتفصيلا يا dh.a.a

بقولك موقفي أنا دايم احط شمال الرياض وزي ماتعرفون شمال الرياض من الشرق للغرب 20 حي>>كثيرة مدري كم بالضبط

المهم فصلين اختبرتهم مدارس تعتبر قريبة من بيتي

هذا الفصل في البداية حطو لي نفس مقر اختبار الفصل الماضي

ثم أتفاجأ انهم غيروه طبعا بعد ما اختبرت اول مادة وعرفت ان هذا مو مقر اختباري

يعني نفس المقر فصل صار لشمال الرياض والفصل اللي بعده صار لغرب الرياض

وقتها كانت حوسة عظيمة ولخبطة محد عارف قاعة اختباره ولما شكينا لمديرة المدرسة قالت لنا انهم ماعطوها خبر الا قبل يوم الخميس بيومين بس ولا عطوها قوائم الاسماء ولا شي

إذا مديرة المدرسة تقول كذا اجل كيف يخبرونا يا الطلاب والطالبات من قبل

[أبو تركي الرياض]

http://www.ckfu.org/vb/t411952.html

[haskfusa]

بشأن مراكز الأختبارات

من خلال ما وردني من مصادر أحتسبها ثقة بإذن الله

بأن من أراد أن يرتاح في تقديم الأختبار ويواجه التسهيلات أثناء تأدية الأختبارات وبأقل مجهود وبدون تشديد ...... وبقاعات مهيئة صحيا ونفسيا عليه أن يبتعد عن المركز الرئيسي وهو جامعة الملك فيصل ( إنارة ضعيفة جداً ومقاعد تجيب الهم ومراقبين يرفعون الضغط تخيل أن الطلاب يأتون قبل المراقبين وناهيك عن الهرج والمرج بعد ما يوزعون الاسئلة ويشغلون ويزعجون الطلاب بشكل لامثيل له. ( طبعاً لا نشمل كل المراقبين أما من ناحية الأضاء فالصالة الرياضية أفضل يقلبوها مقهى كوفي شوب فهي لاتختلف من درجة الأضاءة رايقة على الأخر، أما المقاعد فحدث ولا حرج تهتز كأنها جوال على الهزار ترفع الضغط).

بصراحة اشياء توسع الصدر وتسهيلات ومرونة في التشديد بشكل لامثيل له.


ليه الله أعلم ....