ســــــــــــــوال يهم كل طالب في الكليه .. بتاريخ 3/3 / 1430

[محمد البشري]

يبيض وجهك والله انك حر ولد حر يا ولد العم .. المهم تكفون يا شباب وتكفى تهز الرجاجيل عندي كم سوال ابغاكم تجاوبون عليه ..

انا انقبل وقالوا لي تعالنا في 3/3 وعندي بعض الاسئله ..

1- ياخي الكليه الانجليزي فيها كيف يعني انا ماني فاهم صراحه هل لازم اكون بلبل انجليزي علشان افهم ولا عادي هم بيعلموني وان شاء الله انجح لانه فيه ناس فصلوهم من الكليه ..!

2- السكن ياخي السكن سبب لي معضله يقولون الي بالدمام مافيه سكن لازم يكون بعيد وانا ابغى سكن قريب من الكليه او بعيد مهنا مشكله لكن تعرف شقق عندكم هناك باسعار بسيطه وزينه بالايجار وكم بالشهر الله لايهينك ..

3- هل تنصحني بالكليه انت وش رايك فيها وتكفى عطني بكل صراحه وشفافيه ومصداقيه ونزاهه ( سلاماات انتخابات ماهي كليه ذي ) امزح .. لكن جد والله وش رايك بالكليه هل هي الصعبه والنجاح فيها صعب ولا الي بيجتهد هو الي بينجح ..

4- بعد التخرج من الكليه وجبت معدل مضبوط يقولون الوظائف مضمونه صدق هــ الكلام

وشكرا والله انك ابيض وجه والله قسم انحن غثيناكم على الاسئله والله يوفقكم

[torres]

السلام عليكم ورحمة الله وبركاته
ما ادري اذا كنت تقصد احد معين يرد على اسئلتك بس انا بارد بواقع خبرة ترم اول وان شا الله اجابتي تكون كافيه ووافيه.
1-يا حبيبي والله دخلنا الكليه ما في روسنا انجليزي بس اجتهدنا وتعبنا الين ماعدينا انجليش 1ويقولون2اسهل ان شا الله.
2-بالنسبه للسكن اذا ماعطوك سكن !! ترى في حي البحر شقق صغيره وحلوه وماهي بغاليه مره(750الى1000) بس لازم يبيلك خوي معاك.
3-بالنسبه للكليه والله مستقبلها مره حلو ونسبة التوظيف بعدالتخرج يمكن تكون 100%وعاد حسب اجتهادك.وبالنسبه لي انا والله انصحك فيها مره لاني ما خشيتها الا بعد ما اخذت نصايح من مهندسين لهم خبره.
4-والله على حسب ما سمعت في حفل التخرج يجون مندوبين من الشركات وياخذون اللي معدلاتهم زينه.
وشكرا

[night wolf]

انا ما راح ازيد على كلام الاخ توريس

بس الكلية ولله الحمد ممتازة و من ناحية التوظيف ماعليها كلام انا اعرف اخوياي اللي تخرجو وعددهم 6 كلهم اتوظفوا ولله الحمد وبرواتب لاتقل عن 8000 ريال

وبالنسبة للغة الحمد لله الكلية موفرة مدرسين على مستوى عال ومتمكنين من هذه اللغة وراح يفهمونك اللغة غصب عليك

واللي راح يجتهد راح يكون له نصيب وتذكر دائما ان الرزق على الله واذا كان لك رزق راح تاخذه حتى لو كنت في المعهد المهني

والرؤية المستقبلية للكلية الحمد لله انا كلمت واحد من خريجي الدفعة الاولى بكالوريوس هندسة كيميائية وقال بأن شركات سابك حجزت جميع الخريجين وعددهم سبعة ورواتبهم ومميزاتهم كخريجي البترول لكن في التطبيق العملي طلاب الكلية يتفوقون عليهم بكثير وهذا راجع الى التطبيق العملي داخل الورش الموجودة داخل الكلية والله اعلم ولاتنسى بأن هناك توسع في الجبيل الصناعية وانشاء الجبيل 2 واللي راح تطلب موظفين بصورة واسعة ولكل مجتهد نصيب

طالب تقنية هندسة الصيانة الميكانيكية

[محمد البشري]

الله يوفقكم والله انكم كفو قسم بالله اجرتوني مدري وش اقول لكن حبيب قلبي توريس انت متاكد من الشقق الي تقولها 750 والالف في الشهر انت متاكد من هذا الكلامولازم خوي معي لازم وشكرا لك

[عايض القحطاني]

اشكر الشباب على الردود والافاده

[SHALASH]

ماقصروا معاك الشباب

انا من جدة وجيت ادرس فيها لقوة الكلية واكثر المهندسين الي اعرفهم يشيدون بيها وبشهادتها
.
الله ييسر امرنا

[torres]

المشاركة الأصلية كتبت بواسطة محمد البشري

الله يوفقكم والله انكم كفو قسم بالله اجرتوني مدري وش اقول لكن حبيب قلبي توريس انت متاكد من الشقق الي تقولها 750 والالف في الشهر انت متاكد من هذا الكلامولازم خوي معي لازم وشكرا لك

بالنسبه للشقق انا متاكد خوياي ساكنين هناك
وبالنسبه لازم يكون معاك خوي هذا شي راجع لك بس انا اقصد عشان تستقر وتحس احد يونسك
واذا تقدر تعيش بلحالك الله يوفقك.

[محمد البشري]

شكرا لك يا توريس

[محمد البشري]

معليش يا شباب

[محمد البشري]

يييييبببببببببببببببببببببببببببببببببببببب