استفسار وارجوكم ما تقصرو معاي

[FoxDie]

أممممممم والله مااقدر اعطيك اياه بالظبط لأن لازم ندرس الخطة الدراسية لتخصصك :mh19:
يعني كل تخصص لها خطة دراسية تختلف عن الاخر :mh19:
انا تخصص لدي 132 ساعة، تخصصك ممكن يزيد او ينقص

وبالنسبة للدوام المسائي، مع الاسف الشديد ان الجداول قد تصعب لدرجة ماتتوقعها لأن عدد الطلاب قليل في بعض السمسترات
طبعا بالنسبة للكهرباء والميكانيكا، ممكن ماتحصل صعوبة لأن كثير من اللي مختارين هل التخصصين ولكن يضل المسائي ليس بتوفر النهاري :011:
لازم تحط في بالك انك لست الوحيد اللي يدرس، لازم تضبط جدولك مع اخوياك، ولازم تماشيهم :mh19:
لأن ان تقدموا عليك وخلصوا مواد انت ماخلصتها، ممكن السمستر اللي بعده ماتحصل احد ياخذ معك نفس المادة اللي ماخلصتها، اتمنى فهمت قصدي؟؟

والاوقات، ماتقدر تتوقعها، كل سمستر يختلف عن الاخر بحسب توفر الدكاترة والطلاب والخ
بالنسبة لي ماأقدر اعطيك كلام اكيد لأن بجد وروني الشيب في سالفة الجداول

شوف اذا انت قادر ومستطيع وناوي تضحي، ليش ماتجرب سمستر وتشوف الوضع بنفسك :praying:
أول سمستر مااعتقد راح تحصل مشكلة لك، الجدول ممكن يتوفر باللي تبيه ولكن السمسترات اللي بعدها ممكن اشوية تتصعب

ولو ياخوي، اللي عندك قوله، وإن شاء الله ان توفرتي لدي الاجابة ماراح اقصر
و الله يوفقك يارب :praying:

[rb25turbo]

يعني تتوقع اخوي ان اغلب الطلاب يريدو اداومو كل يوم

طيب انا زي ما قلت لك انا عادي عندي لو طولت في الدراسة حتى لو كانت 7 سنوات

بس الي فهمته من كلامك ان ممكن ادا داومت يومين او ثلاثة وفي مواد ما خلصتها والطلاب خلصوها ممكن اني اتعطل لان ما راح يكون في طلاب

بس انا اتوقع ان حتى لو طلاب خلصو ....... اتوقع 70% ان في قروب ثاني راح يكون موجود وانضم اليه

وش رايك اخوي في كلامي ادا ممكن او لا

انا بنتضار ردك

وشكرا

[FoxDie]

لا والله ماحد يبي، بس ساعات الواحد يضطر خاصتا اذا كان يبي يكمل 12 ساعة ، زي حالتي تمااااااما
السمستر اللي طاف كان عندي يوم واحد فاضي، السمستر هذا ولا يوم دخيييييلك
الله يعينا، علما ان حالي شوية صعبة ولكن لازم نصبر ونتصابر ونحاول نجد الحلول بأي طريقة، وإن شاء الله التوفيق من الله

حلوه اذا ماعندك مشكلة، توكل على الله، بس تأكد ان مافي شيء مضمون ان حصل قروب ثاني ومع ذلك لابد من التفائل

ماادري بس مااعتقد راح تواجه مشكلة كبيرة لو اخذت هندسة الكهرباء او الميكانيكا لأن الطلاب ينجذبون لها اكثر
وبالتوفيق لك :praying:

[rb25turbo]

انا اتوقع بعد كدا
بس لاهنت اخوي دام انك في الجامعة ابيك تسئل لي ناس يدرسون هندسة في المساء عن حالتي ادا ممكن اني انزل لي ساعات قليلة ولا اتعطل في الدراسة .... يعني ما اتعطل بحيث اني احصل قروب ثاني

وثاني شي انا اخطط اني اخد صيف كل سنة فهل اقدر او لا

(ناوي انزل لي 5 ساعات كل صيف)

مشكور يا خوي على هادي الوقفة الي وقفتها ويايي

بس تكفى رد لي على هادا الاستفسار باسرع وقت

وشكرا

[FoxDie]

اممممم مااعتقد ان في احد يقدر يفيدك لأن مافي احد يقدر يتنبأ بما يحمله المستقبل

أخي انت في الوقت الحالي، السمستر الاول أو الثاني لن تواجه مشاكل في كمية الساعات اللي تريدها
بس المشكلة في المستقبل، هل راح تتوفر لك مواد وألا لا؟
أتمنى انك فاهمني ؟؟

بالنسبة للصيف، نعم مافي مشكلة

وهذا واجبنا اخوي ولو

[rb25turbo]

هلا اخوي

يا اخوي انا صار لي طول اليوم ادق على الجامعة وماحد يرفع

ممكن تقول لي كيف اقدر اكلمهم واستشيرهم عن موضوع الساعات

وادا ممكن تقدر تقول لي في اي وقت اقدر اروح الجامعة واستشيرهم عن موضوعي يعني من الساعة كم الى كم اقدر اروح وتكون الادارة فاتحة

واي قسم في الادارة ممكن يفيدني ادا رحة لهم في الموضوع اكثر

وشكرا

[FoxDie]

هلا بك اخوي rb25turbo
والله مع الاسف هل اليومين ماحد صاير يرد على التلفون
في رجال سنع وكفو ممكن يفيدك كثير بس مع الاسف توه طالع اجازة :011:
لذلك ماراح ينفع اعطيك رقمه، والحق ماعندي غيره
لذلك لازم تروح الجامعة بنفسك وتسأل عن هل الشغلات
والناس اللي راح تنفعك هم مكتب التسجيل ودوامهم من الساعة 8 الصباح الى 4 العصر
في المسائي نادراا مايداومون :011:

[rb25turbo]

يا شباب الحين كيف اقدر اني اعدي السنة التحضيرية كاملة

او يضل لي منها بس سمستر

وهل الجبرة سهل او صعب

واخيرا ابيكم تشوفو لي اي طريقة بحيث اني اقدر انزل لي بس 10 ساعات واوزعها على يومين في الليل ... اي طريقة

مع العلم اني انا دارس في ارامكو والانقلش الي عندي متوسط

وشنو تنصحوني اسوي عشان اعدي السنة التحضيرية

[FoxDie]

أووووه حبة حبة علينا

أممم السنة التحظيرية تاخذ 3 سمسترات :mh19: يعني سنة ونص
أما الجبرة تعتمد عليك، اذا كنت جيد ايام المدرسة، إن شاء الله ماراح تواجه مشاكل كثيرة
لأن كلها من المتوسط والثانوي

اما توزيع الساعات يعتمد اعتماد كلي على الجدوال المطروح لكل سمستر
مانقدر نحدد لك شنو بالظبط، حتى نرى وندرس الخطة الدراسية للتخصصك وجدول المواد للسمستر المطلوب
ماهي صعبة اذا كنت تريد 10 ساعات فقط في السمستر الاول من الدراسة

أما السبيل للنجاح في السنة التحظيرية فهو سهل جدا وهو الاجتهاد والمثابرة
تابع مع المدرس وخلص واجباتك اول بأول وربنا يوفقك

صحيح أنت سجلت والا بعدك :mh19: ؟؟؟

[rb25turbo]

انت با سجل ان شاء الله السمستر الثاني