[ المستوى السابع ] : ●●●● الحل الاصح و الامثل لتسجيل مقررات المستوى الـسآاابـــع ●●●●

[j'adore]

السلام عليكم و رحمه الله و بركاته


اولا: هذا الكلام اللي بأكتبه ينظر لمصلحه الجميع وليس لي او لمصحه شخصين او ثلاث !! بل لجميع طلاب المستوى السابع .

ثانيا: هذا الكلام يشمل اللي معدلهم يسمح لهم واللي ما عندهم مواد من قبل واللي ماشين على الخطه من يوم ما دخلوا الجامعه .



((((( نبدأ )))))


اللي رايح للمستوى السابع و عنده المادتين اللي اجلوها لنا الجامعه يتبع هذا الجدول و يسجل مثله :-



هذا الجدول فيه 9 مواد و الخطه الل نزلوه لنا الجامعه فيه 11 ماده , و من الواضح اننا تركنا مادتين وهم:
1- النظريات الاجتماعيه
2- النظام السياسي في الاسلام


في طلاب بيسئلون ليش تركنا هالمادتين :-
اولا النظريات الاجتماعيه : الماده فيها نظريات و دسمه دام فيه نظريات و تدرسها الدكتوره سوسن البيطار وكانت حليوه بعهدنا و بيجي ناس تقول لا مو حليوه هذا راجع لاجتهاد الطالب بالمقرر بنسبه 90% و 10% راجع لاسلوب الدكتوره , يعني لو فرضا ال10% مالنا دخل فيه ,, فلنا دخل في ال90% اللي هو حسب اجتهادنا باعمال السنه حقتنا ... ولو جاء دكتور/ه غيرها بالمستوى الثامن او بالصيفي فعادي زي ما قلنا الماده راجعه للاجتهاد ,, وبعدين الدكتوره لو بغت تشد علينا بتسويها من غير ما يكون لنا دخل , ولو ما اخذنا هالماده هالترم بناخذه بالصيفي اذ فتحوه واذ ما فتحوه الصيفي بنحطه بالمستوى الثامن عادي جدا !! ..


ثانيا النظام السياسي : الماده حلوه و سهله و معلوماته طيبه جدا , و اللي يدرسها المبروك الشيباني , طبعا تركناه لان ما رضى يتسجل معنا الا تسع مواد للمستوى السابع فطلعناها مع النظريات ليش !!! هي ماده خفيفه فلو فتحوا الصيفي بناخذه مع ماده النظريات الاجتماعيه والصيفي بيكون وراه الترم الثامن ع طول بينهم شهر تقريبا , فبنكون سجلنا ماده النظريات و ماده النظام كماده خفيفه , وعشان كمان و الاهم من هالسبب ان لو ما فتحوا الصيفي ندخلها بالمستوى الثامن ^_^ , طيب الحين بيجي ناس تقول ليه ما نترك غير ماده النظام السياسي !! طيب لو تركنا غير النظام السياسي بتكون اكيد من مواد التخصص لان ما عندنا ماده عامه بالمستوى السابع غير النظام السياسي و فرضا وهقونا ما فتحوا الصيفي بنضطر نحط الماده التخصصيه مع النظريات الاجتماعيه بالمستوى الثامن فبكذا يكون المستوى الثامن عباره عن 10 مواد تخصص , فعشان كذا تركنا النظام السياسي عشان لو توهقنا بالضيفيو ما فتحوه لنا واذ فتحوه اخذنا المظام السياسي و النظريات اكيد اوك !

بعدين لا تنسوا ان المستوى الثامن فيه ماده مشروع التخرج يعني هالماده لحالها كثيفه لان ممكن يطلبون مننا شغلات و طلعات و نروح و نجي و نسوي عدد صفحات شكثر ....الخ


الحين بتكلم عن سبب اختيار مواد المستوى السابع بالتفصيل :-
- ماده العمل التطوعي و التدريب الميداني3 (شبيهن ببعض و يمكن مرتبطين فحلو ناخذهم مع بعض).

- الاحصاء الاجتماعي (ناخذه الحين افضل عشان زي الاحصاء و يمكن شغلته شغله و يمكن فيه برنامج ..الخ لان مانبيه نترك للمستوى الثامن بيكون وقت تخرج و فيه مشروع تخرج فصعب كذا).

- و التنميه الاجتماعيه و الخدمه الاجتماعيه لرعايه الشباب (مواد شبه حلوه و خصوصا انها تخصص زي ما قلنا فوق !) .

- و ماده تصميم و تنفيذ البحوث الاجتماعيه (مجبورين ناخذه لان يمكن يعلمنا شيء عن مشروع التخرج لما يطلبون نسوي صفحات يمكن يعلمنا كيف نصمم و كيف ....الخ ).


- و علم اجتماع البيئه و التغير الاجتماعي (مجبورين ناخذه لانهم مواد مستوى سادس فلو رحنا مستوى ثامن ما نقدر ناخذهم ليش ! لان لو رحنا مستوى ثامن بتكون المستويات المتاحه انذاك هم ثامن و سابع و خامس , ف من وين يجيبون للطالبيتن او للاربع او لل10 طالبات اللي بيتركون هالماده من وين يجيبون لهم مستوى سادس عشان يدرسون هالماده معهم) !!!

- و ماده علم الاجتتماعي الصناعي دخلناه عشان يصير 9 مواد مانقدر نحطه بالثامن يكثر علينا مواد تخصص ...


(حكايه ان ما نقدر ننام و تعب علينا فهذه موب عذر لان قد درسنا 9 مواد بالمستوى الاول و الثاني فعادي , بيجي احد يقول مواد المستوى الاول والثاني خفيفه و عامه بقول اوك صح , بس ولوو الدكاتره و احنا معروفين كيف طريقه اسئلتهم فمالنا عذر) .


و اهم شيئين لازم تعرفونه :-
* من جد وجد ومن زرع حصد *
* لازم تفكرون بالمستويات الجايه موب بس المستوى اللي بتدرسونه عشان تعرفون ايش ممكن العواقب تكون , وعشان محد يقول محد قال لي , محد علمني ! *




بالتوفيق للجميع

[j'adore]

مشرفين القسم ارجوا نقل الموضوع لقسم كليه الاداب علم الاجتماع ....

[o'clock]

المشاركة الأصلية كتبت بواسطة j'adore

مشرفين القسم ارجوا نقل الموضوع لقسم كليه الاداب علم الاجتماع ....

لم يسمح لي بتسجيل اكثرمن 9 مواد
وهذا جدولي ان شاءالله

[j'adore]

اوك واحنا كمان 9 مواد

[القلب المرهف]

فعلا احنا من بدينا في الجامعه وحنا نمشي على الخطه
يعني حتى ولو درسناالمادتين اللي في مستوى سادس

في مستوى سابع تسع مواد كان بمشي على الخطه حتى ولو درسنا المادتين اللي وقفت لنا

[ريمنقو]

حتى يتضح للجميع أن البعض يمشي على نفس اللي طرحتيه ياجادور
والبعض معدله أعلى وسجل 10 أو 11

فالنهايه القرار يرجع لكل طالب وطالبة
ولازم الاستخارة بأي قرار تتخذونه

[sara.sa]

انا بمستوى سادس ابي اسجل 10 مواد و علم اجتماع البيئة عيت تتسجل معي تجاوزت عدد الساعات اسوي طلب ولا الماده ماتسجلت مع احد للحين ؟؟؟؟؟

[j'adore]

محد قدر يسجل 10 و 11 النظام ما سمح

[fajr.a]

بــ توفيق

[sara.sa]

ابي اسجل ال9 مواد حقت مستوى سادس بس يطلع لي مااقدر اسجل المقرر لان اعلى من مستواي الدراسي بمستويين وهي كلها مواد مستوى سادس الي في جدول النهائي وانا ماعندي من قبل الا ماده بس بمستوى رابع ودخلت على المستوى الاكاديمي طلع لي مستوى خامس !!!