مباديء الاداره ؟؟ الدعوى تطفيش من الجامعه مثلا ؟؟

[Alshehri2011]

السلام عليكم

بدون مقدمات

الحين هالدكتور احد مزعله منكم ؟

وراه حاقد علينا بهالطريقه ؟

يا دكتور تبينا نقول لك شاطر ؟ خلاص ابشر ولا يهمك ترى اسمك سيد الشطار

اليوم طلع في راسي شيبتين من الاسئله حسبي الله عليه والله اني قلبتها عدد الى عشره

ومن يقع عليه الرقم عشره من الخيارات اظلله وما جاء من الله راضي فيه

اما الدكتور فما ودي اقصمه بدعوه تالي الليل تعميه رفع ضغطنا من جد

الا اذا كنتم انتم دوافير وحليتوا هذا شيء ثاني يمكن بس انا المتضرر منها

عموما شوفوا لنا بالله احد صور الاسئله من هون ولا هون يسدحها هنا خلوني اشوف اجابات

العدد عشره جابت نتيجه ولا لا

الشيء الثاني ودي اسألكم البلاك بورد متى يقفل حيث اني رجال ما حليت واجبات ولا

حملت محاضرات انا ووجهي انا ووجهي

وشكرا لكل من يساعدني في ما يتعلق بالموضوع

[عشق القصيد]

وعليكم السلام
عاد مبادى الاداره اذكر دسم بس مو صعب بس كان الدكتور نذير عاد مدري هو نفسه ولالا ~
وهونها وتهون فيه مواد تقول يارب اعديها باي طريقه
والله يعوضك بغيرها , بالنسبه للبلاك الحق على عمرك ترى مابقى شي ويرصدون الدرجات خلاص يوم الثلاثاء اخر شي , ترى مافيه شي رسمي بس عوايدهم كذا
موفق

[rna]

والله هو انا متوقعه شي اصعب من كثر الكلام وتضخيم موضوع مباديء االادارة بس الله الشاهد اني ذاكرتها كلها بيوم وتعرفت عالمادة امس بالعربي ويوم شفت مافيه وقت دخلت المنتدى وفادني موضوع وحدة الله يوفقها منزلة ملخص للمحاضرات وذاكرت منه ونفعني هههههههههه صحيح كثيرة بس الاسئله ماقولك كلها مية مية لكن اكثر من 50 بالمية صريح وواضح عموما ماعندي تصوير للاسئله بس اسأل ونجاوبك الليلة لان الحين مفيش وقت ابد توني بستلم الصحة واللياقة واتعرف عليها < قصة حياتها

وبالنسبة للمشاركات والمحاضرات الحق عليها بتقفل اخر يوم اختبارات وتضيع الدرجات عليك وبالتووووووفيق

[رحـال 1]

كلامك بالصميم وانا اخوك

[ام رغودة4]

والله صعبة جداً الأسئلة بالرغم اني درستها .لكن قدر الله وما شاء فعل.

[يارب يارب يارب]

لا الاختبار صعب انا مذكره اول بأول واغلب المحاضرات شفتها وانصدمت من الاسئله اقول هذا منهجنا او شيء ثاني
ونفسس حالتك اعد للعشره والاختيار الصحيح هو رقم عشره هههه الله ياخذه جد جد طول المحاضرة قاعده ادعي عليه ماحليت شيء يمكن تقريبا 8 او يمكن اقول عدد الاسئله اللي تعرفت عليها الباقي منهج ثاني

[ابو جنااا]

اسئله يهووووووووووووووووووووووووديه مذاكر و ملخص المحاضرات ووووووو
واخر شي اشيل الماده
لعبت بخطة 3/4 يعني كل ثلاث اسئله نفس الاختيار


كلام فاضي وفي اسئله مهي موجوده بالمحاضرات اصلا

يعني من الكتاب جايبها

ثلاث اربع الطلاب مجبورين على التعليم وكلنا ضروفنا متشابه

سؤال بسيط مافي البلد و احد سعودي يحاضر هذي المحاضرات

سبحانك ربي اني كنت من الظالمين


.

[Alshehri2011]

شكرا لكم يا زملائي الطلاب حاملي هذه الماده معي

اما الدوافير مبسوطين الان وفالينها لكن حسبنا الله عليه من دكتور

كنت بسوي جريمه في واحد بعد ما طلعنا من الاختبار يقول والله سهله المشكله ما اعرفه قلت له شكلك خبصت فيها وما تبي تول لنا مستحي الا انه يحلف انها سهله تركته ومشيت وشعر راسي واقف من هو الصدمه يعني يمكن هو دافور مثلا ؟

[sadeem_5]

الحمدلله على كل حال وهونها و أنا أختك

السمستر اللي فات مثلك طلعت متحطمه وأستخدمت شختك بختك * حقره بقره

والحمدلله و الشكر لله عديت الماده

صحيح معدلي ب الماده نفس خشتي بس انبسطت على أنه مروح
أن شاء الله و بإذن الله ناجح خل ثقتك بربي كبيره وتشوف كل خير

موفق لكل خير وناجح ان شاء الله خلك واثق وقلت لك ب تنجح ب إذن الله

وابشرك ب + a بعد > >

[sunflowers]

لا ان شاء الله ما نحملها ,,,

صحيح الاسئلة كانت صعبه


اتوقع لانها من الكتاب!!!!!!!!!!!


الله يوفقنا وإياكم ياااااااااا رب