|
ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
![]() |
|
أدوات الموضوع |
#1
|
||||
|
||||
كفاية فضايح وتشهير كلنا متضررين في النهاية
بخصوص الدعوات المطالبة برفع كل صغيرة وكبيره الى وسائل الاعلام . سؤال هل يظن احد منكم ان الضغط على الجامعة والتشهير بها في وسائل الاعلام لا يؤثر على معاملة الجامعة سلباً مع طلابها في المستقبل ؟ وهل هذا الزخم الاعلامي بالتشهير وانتقادها من طلابها قد لا يؤثر سلبا على نظرة الشركات والمؤسسات الحكومية والخاصة على شهادة الطلاب الحاصلين على درجة البكالوريوس . رفعتوا وطالبتوا وتذمرتوا ووصلتوها الى الاعلام بخصوص نظام البلاك بورد عشان بس تمديد كم يوم وتم ذلك طبعا من اجل مصلحة الطالب . والآن تطالبون بترم صيفي والبعض يبي التشهير يكون على مستوى اوسع مع داوود الشريان. هل هناك ما يثبت ان الجامعة التزمت معكم بترم صيفي ثم اخلفت الوعد ؟ والذي يتحجج بجامعات اخرى عندها فصل صيفي , طيب يا أخي روح انتسب فيها وريح راسك دام هالجامعة ما ترتقي لطموحك وكلها سلبيات . انتقدتوا نظام البلاك بورد وما لكم حق فيه ابد لو الواحد فيكم يدخل في الاسبوع ساعة بس كانت كافية للتحميل و المشاركات والواجبات والمناقشات وكل ما هو مطلوب منكم في سبيل الحصول على 30 درجة لا احد يقول انا مشغول وعندي التزامات ,يومك منتسب ما تدري انه مطلوب منك متابعة شبه اسبوعية على اكثر احتمال .لمدة ساعة (يعني ما تطلع تتمشى او تسهر ولا ساعة في الاسبوع)يا أخي بلاها سهره وتابع البلاك ولك 30 درجة مقابل ساعة في الاسبوع . هل احد منكم عنده استعداد انت يتلقى خبر الغاء المشاركات 30 درجة ويكون الاختبار من 100 درجة ؟؟ وقتها تعالوا خلونا نشوف نسبة النجاح كيف بتصير . طيب فرضنا ان الجامعة حطت ترم صيفي غصب بضغط من وسائل الاعلام وغيروا نهج الاسئلة وحولوها من المتوسطه الى الصعبة او المستحيلة هل راح ينفعكم الفصل الصيفي ؟ يا جماعة الخير خفو على الجامعة شوي وخلوكم قد المسئولية . اخباركم واصله أميركا واستراليا اقول استهدوا بالله وترى جامعتنا مثل ما فيها كم سلبية فيها إيجابيات كثير حالها من حال الجامعات الثانية يكفيكم 30 درجة تجيكم بأقل مجهود (نسخ ولصق) جدول الاختبارات تعرفونه من قبل تسجيل المواد .وتسجل مواد بناء على الجدول تختبرون عن بيوتكم وغيركم يسافر اختباراتكم اختيارات متعددة وغيرها كثير . ,,,,,,,,,,, ارجوا من الجميع ان يتقبل وجهة نظري بصدر رحب
التعديل الأخير تم بواسطة NOW OR NEVER ; 2012- 6- 6 الساعة 04:12 AM |
![]() |
#2 |
أكـاديـمـي ذهـبـي
![]() |
رد: كفاية فضايح وتشهير كلنا متضررين في النهاية
بيض الله وجهك
وفيت و كفيت مايعرفون انوا هذا الشي ممكن يغير اشياء كثير ف الجامعه ع العموم الله يهديهم بس |
![]() |
#3 |
أكـاديـمـي ألـمـاسـي
![]() |
رد: كفاية فضايح وتشهير كلنا متضررين في النهاية
دايم موضيعك فيها ابداع
![]() مشكور |
![]() |
#4 |
أكـاديـمـي فـضـي
![]() |
رد: كفاية فضايح وتشهير كلنا متضررين في النهاية
لا تشيل هم ولا تخاف
اصلا اللي جالس يتكلم هنا عارف انه ماحد حوله بس من باب طق الحنك وخلافه ![]() وحط في بالك شيء مهم عميد ولا وكيل ولا موظف عادي في الجامعة ماهو فاضي يدخل ويطلع على اشغاله في موقع الجامعه ![]() فما بالك بموقع غير رسمي ![]() قول يا مسهل وغض عين وتلاقي الدراسة خلصت بحلوها ومرها بتلاقي ان البكالرويوس ما صار له قيمه وبتطمح للماجستير عن بعد وبتدور على اي جامعه تعطي ماجستير عن بعد تحت اي شروط :) تحياتي |
![]() |
#5 |
أكـاديـمـي ذهـبـي
![]() |
رد: كفاية فضايح وتشهير كلنا متضررين في النهاية
الله يعطيك العافيه
كلام في الصميم ![]() |
![]() |
#6 |
متميز بالكويزات
![]() |
رد: كفاية فضايح وتشهير كلنا متضررين في النهاية
30 درجة تجيكم بأقل مجهود (نسخ ولصق)
غيركم يفحط وتضرب فيوزه ماجاب درجة |
![]() |
#7 |
أكـاديـمـي ذهـبـي
![]() |
رد: كفاية فضايح وتشهير كلنا متضررين في النهاية
موضوع جميل
على إني ماني راضي كامل الرضا عن الجامعة إلا أنه مطالبنا تكون بيننا وبين الجامعة وليست من صالحنا ندخل جهات خارجية بيننا |
![]() |
#8 |
أكـاديـمـي
![]() |
رد: كفاية فضايح وتشهير كلنا متضررين في النهاية
شكرا
وكلام كبير ![]() |
![]() |
#9 |
أكـاديـمـي مـشـارك
![]() |
رد: كفاية فضايح وتشهير كلنا متضررين في النهاية
اتخيل بعد هذا التشهير بالجامعه الغاء نظام ال 30 درجة للمحاضرات ويكون الاختبار من 100 درجة
|
![]() |
#10 |
مراقب الساحة العامة سابقاً
![]() |
رد: كفاية فضايح وتشهير كلنا متضررين في النهاية
هلا بكم انا ما اتكلم عن الفضفضة والتذمر اللي صار سمة نسبة كثيرة من الاعضاء للأسف
عادي هنا كلنا ستر وغطا لبعض . ![]() الكلام عن وسائل الاعلام اللي تخلي الفضيحة بجلاجل . ![]() واي متابع للإعلام في مجتمعنا للأسف اول ما راح يقول ان الجامعة هذي سيئة وما عندها مصداقية او التزام مع طلابها بالتالي جامعة متخبطه وضعيفه واكيد خريجين هالجامعة راح يكونون بنفس مستوى الجامعة ![]() يعني نظره سليبة للجامعة تؤدي الى نظره سليبة لطلابها وخريجينها ![]() شاكر لكم على المرور ![]() |
التعديل الأخير تم بواسطة NOW OR NEVER ; 2012- 6- 3 الساعة 08:59 PM |
|
![]() |
مواقع النشر (المفضلة) |
الكلمات الدلالية (Tags) |
متضررين, النهاية, فضايح, وتشهير, كلنا, كفاية |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|