قصة حصلت لي في قريه مسكونة بالجن

[علآووي~~]

[CENTER]

بسم الله الرحمن الريحم
اصدقائي وصديقاتي في الملتقى
السلام عليكم ورحمة الله وبركاته اما بعد
كما وعدتكم من قبل سوف أروي لكم اليوم قصتي مع قرية مشهورة بان سكانها من الجن
وصارت لي السالفة هذي في 22 من رمضان من هذي السنة
المهم
في 21 من رمضان قررت ان اخذ اجازة من العمل وان اذهب الى القصيم
طبعا في القصيم ديرة عمامي بعيدة عن ديرة خوالي
لان اعمامي في محافظة اما خوالي في قرية
هالمرة قررت ان اذهب الى خوالي
مع ان الطرق التي تؤدي اليها وعرة وغير معبده المهم مشيت من الرياض وانا بالطريق اقول بكرة يصير التاريخ 22 من شهر رمضان طبعا انا ميلادي ب22 من شهر رمضان وجالس افكر وش اسوي هل احتفل بعيد ميلادي مسوي كان احد بيهتم وانا ما حولي احد فقلت بخليها احتفالية بمناسبة اجتماعي مع خوالي واجيب ترتات لاني لو بقول بسوي حفلة عيد ميلاد بيضحكون علي عاد غسلت يدي ان احد بيهتم المهم وصلت للقرية بعد جهد جهيد وسلمت على خوالي وجداني وسولفنى واستانسنى لاني ساعتين امشي بالبر على سيارتي لانها صغيرة نوع زوم المهم
جى اليوم الثاني
وانا ادور خالي هو كبري وماخذ اجازة من العمل لان رجله تعرضت لكسر ومجبرة ويوم لقيته
وانا اقول لخالي اسمع قال نعم
قلت نعامة ترفسك ساعة ادورك
قال وجع انا خالك
قلت مدام انك كبري اغسل يدك اقولك خال
قال طيب وش عندك
قلت مدام النفس طيبة قلت انا بسوي حفلة
قال الله بتذبح ذبيحه وانا اصكه على راسه
لا يالدبشة يعني مافيه حفله الا ولازم ذبيحه
قال اجل وش بتحط ؟؟؟؟؟؟؟؟؟؟؟
قلت بجيب ترتات
قال وشو
قلت ترتات يالثور
الا وهو يفطس من الضحك!!!!!!!
قال من اولتها ترتره
وانا مستغرب من ضحكاته اثريه فاهم غلط الرجال
وانا امسكه مع اذنه ترتات يالغبي يعني كيكه بس كبيرة كبر راسك
قال طيب وش المطلوب مني
قلت وصلنى خير
اللي ابيه منك نروح انا وياك على سيارتك الجيب للمحافظة اللي تبعد عنى 50 كيلو
عشان نجيب منها ترتات وتخبر سيارتي صغيرة وما هي حمل صحرى قال حلو وانا بزين الجبيرة اللي برجلي قلت حلو مشينى قال طيب انت سوق فينى قلت طيب واحنى ماشين بالصحرى مرينى من عند قرية مهجورة مشهورة انها مسكونة بالجن بس بعيدة عنى واحنى نسولف عنها وعن سبب ترك اهلها لهذي القرية المهم
وصلنى المحافظة ونزلت خالي المستشفى طبعا كانت الساعه ال10 بالليل المهم ورحت انا للسوبر ماركت واشتريت التورتات الموجودة عندهم بس اربعه وكبار وانا اشتريهن واخذت البارد وشكلت من الحلى وشوية حركتات مسوي اتكيت المهم واحط التورتات في المرتبة الخلفية بالسيارة وزي ما قلت لكم نوع السيارة (جيب باث فاندر نيسان )
المهم
عقب ما خلصت دق خالي
الو
هلا
علاوي وينك انا خلصت انتظرك بالمستشفى بسرعه تعال
طيب طيب يا انك غثيث
اخلص يالله توتوتوتو
سكرت بوجهه ههههههههههههاي
المهم رحت له بالمستشفى طبعا هو كبري بس متزوج وعنده بنت صغنونة
وبعد ما اخذته مشينى من المحافظة واحنى ماشين بالخط لقينى نقطة تفتيش قدامنى الا وخالي يصرخ لااااااااا
خير وش فيه ؟
نسيت الاستمارة في البيت
وانا اقول وش السوات الحين
قال ما فيه الا حل واحد قلت وش
قال ننزل صحرى ونختصر الطريق للقرية قلت بس تدل الدرب لاننا بنمر من عند القرية المهجورة قال
افى عليك الا ادل ونص بعد
وانا انزل صحرى وكانت الساعه 12 حكم
وطبعا كنت مرتاح نفسيا لان سيارتنا جيب وحديث الصنع ودبل عشان التغريز
وظلينى ماشين في البر وهو يقول يمين يسار وانا انفذ ويوم اقبلنى على القريه المهجورة قال روح يسار مانبي نطب فيها نبي نجي من جنبها طبعا جنبها مكان الوادي اذا جت الامطار وكان داخل الوادي كله غراز وبينما احنى ماشين قالي لف من هنى بسرعه وانا ارتبك والف وننزل بوسط الوادي وكان كله غراز المهم غرزنا وانالسه مرتاح شوي بس بنفس الوقت متخوف شوي لان القريه المهجورة بجانبنا ونشوفها مع اننا بالليل المهم يوم جيت بعشق الدبل قال خالي
علاوي
قلت هلا
قال وش تسوي
قلت بشغل الدبل عشان نطلع ونكمل الطريق
وهو يقول بصوت مرتبك ممكن تنزل بوريك شي معاي بالدبة حقة السيارة
قلت اوكي
ويوم اتجهت للدبة وفتحناها طلع شي ملفوف بقطعة قماش انا فكرت انه سلاح
لكن يوم كشف القماش عنه وانا اصرخ لااااااااااا مو معقولة لا يكون هذى
قال ايوه هذى هو
وانا اقول انت غبي فيه احد يسوي مثل سواتك عطني مبرر يالله
طبعا انتم تبون تعرفون ايش اللي مخبيه بقطعه القماش
اللي مخبيه كان العامود الخاص بالدبلات اللي تشغل الدفع الرباعي والاخ كان منزلها عشان تصير خفيفة السيارة وما حسب حساب اننا بنحتاجها مثل هالوقت وطبعا الجيب بدون عامود الدبل كانه اي سيارة عادية ما تقدر تطلع من الغراز واللي اشين من كذى ان السيارة قير اتوماتيك وطبعا اي سيارة قير اتوماتيك ما تطلع من الغراز الا بجهد وجهيد
المهم قلت له وش الحل سكت ما رد علي طلعت الجوال قلت بدق على امن الطرق يساعدونى لكن ما فيه شبكة والساعه 12 والنصف من الليل والسيارة مغرزة مرة المهم قال خالي وش رايك نركب عامود الدبل قلت بس ما معنى عدة قال نركب المسامير باليد اهم شي يدور العامود وعلى ما نطلع من الغراز نفكه قلت حلو وحاولنى نحفر تحت السيارة عشان يقدر يخش تحتها لان كان التراب ماليها من الجنب وانا حاولت ادخل من تحت السيارة من جهة الامام واساعده المهم وانا اركب معاه حسيت بواحد يحك رجولي وانا ارفع راسي بسرعه وصقعت راسي بالسيارة قال خالي وش فيك قلت لا ولا شي خفت اقوله ويخاف قلت انا بطلع برى بدور اذا فيه عده قال زين وانا اطلع من تحت السيارة واتامل المكان صوت الهوى قوي واصوات النخل اللي بالوادي تخوف من جراء الرياح واللي اشين من كذى منظر القرية المهجورة المهم وانا اتامل بالمنظر المخيف حسيت ان واحد يحك اذني وانا التفت بسرعه وما كان فيه احد ابد
قلت بنفسي اكيد هذي بزارين الجن تبي تلعب فيني لعب المهم والتفت لخالي ما اشوف الا سيقانه وحدة مجبرة والثانية بدون نعال اعزكم الله جالس يركب العامود وفجأة يحك اذني مرة ثانية والتفت ما فيه شي وانا اقول يالله يارب يعديها على خير واتذكر سالفة الشمري اللي مات هو واهله بسبب انهم تاهو في البر وانا اقول الظاهر بناكلها مثلهم بس جراء الجنون
وبينما انا سرحان رن جوالي وكلمني واحد قلت
هلا
قال جوال خالد
قلت لا غلطان
قال طيب شكرا
وسكرت الجوال ورديته بمخباي وكملت الفلم اللي براسي
وفجأة وقفت حبل افكاري واطلع الجوال بسرعه
استغربت ان فيه شبكة ويوم طالعت ما فيه ولا شبكة
وقلت انا متاكد اني كلمت
ويوم جيت بافتح السجل طاح جوالي من يدي وطارت البطارية بجهه والجهاز بجهه ثانية
ويوم ركبته رحت للسجل ما فيه ولا مكالمة امسح كل شي والشبكة ما فيه ولا اشارة
وانا شوي واستخف المهم
خالي قال علاوي عشق القير بالفاضي وانا اركب بالسيارة واسمع صراخ وضرب تحت السيارة من خالي قلت اكيد شاف شي يخوف وانااقول وش فيك وهو يصرخ انزل فغصتني انزل من السيارة وانا انزل اثريني بغيت اقضي عليه هههههههههاي
انا وقفت بمكاني بسبب اللي صار معي الا وخالي يقول يالله ركبت العامود
وانا واقف بمكاني بدون حراك ويقول هيه علاوي وانا اقول هاه هاه نعم
قال وش فيك يالله ركبت العاموود قلت طيب يالله مشينى
وانا اركب من الفرحه وهو بعد ونشغل السيارة ونعشق الدبل
والسيارة علقت احدى كفراتها وما قدرنى نتحرك
وفي هذي اللحظة عم الخوف الجميع
عاد انا قلت خلاص ما فيه امل يا رجال
ما عاد عقب الدبل شي
وهو يقول انا وراي بنت من يربيها
قلت انا ما تزوجت ولا ذقت حلاوة الزواج لكن انت عادي اخذت حلاوة الزواج وزيادة
اما بنتك انا اربيها اذا انت مت قبلي
قالي ما بقى الا هي
قلت احمد ربك تبرعت اربيها
المهم سكتنا فترة وانا اقول
اذا عدلنى الكفرة وخلينها متواسية نقدرنطلع قال اكيد
قلت حلو عطني العفريته (الرافعه) عشان ارفع السيارة واوزنها
قال طيب وهو يحاول يطلع العفريته من المرتبة الخلفية انشغلت انا بجوالي وخالي بينما هو
يدور كانت عندي في المرتبة الامامية بس سيقانة وباقي جسمه في الخلف متحمس يدور العفريته وبينما انا ملتهي بجوالي وهو يناديني علاوي بصوت خافت
وانا التفت له واصرخ بسم الله بسم الله وقال لاتخاف هذى انا
لاني يوم التفتت لقيت وجه اسود وابيض وبالاخير طلع خالي بينما هو يدور على العفريته زحلق وطاح على الترته عن طريق خشته
المهم لقى العفريته حاولنى نرفع بس ماش لاسف العفريته او الرافعه تغوص في الرمل وحاولنى ندور اي شي نسنده على الرافعه عشان نقدر نرفع السيارة بس ما لقينى شي ورجعنى لمرحلة اليأس من جديد وجلسنى بوسط السيارة وانا التفت ورى وتقع عيني على شي على شكل مربع وقلت هذاك ايش قال كرسي المدام حق البر وانا اصكه على راسه وليه ا علمتني من البداية وانا اخذه واسنده تحت الرافعه ونرفع السيارة واحنى فرحانين الى ان وضعنها بشكل متوازن ودفنى الحفرة اللي تحتها ووازيناها وركبنى السيارة وشغلنى الدبل ومشت السيارة وطلعنى من المكان المشؤم وتحمدنا الله بالسلامة وانطلقنى الى قريتنا ودخلنى على خوالي وحالتنى صعبه والملابس رايحه فيها وقصينى قصتنى عليهم
وضحكو جميعا وقال احد خوالي وهو ملتزم
راح اقولكم اشياء راح تعرفون من بعدها انكم تسرعتو بخوفكم الشديد بدون تفكير قلنى تفضل
قال اولا اصحاب القرية المهجورة تركوها لانها ليست مسكونة بل تركوها لانهم ارادو الانتقال الى المحافظة التي تبعد عنهم 20 كيلو متر
والثانية بما انكم خفتم من الجن فا احب اذكركم ان رمضان الشياطين في تصفط
وفجأة رجع شي يحك اذني زي يوم كنى عندالقريه وانا امسكه بيدي
وبالاخير طلع احد الحشرات التي تخرج بسبب الاضواء
وضحكنى واستمتعنى بباقي الترتات التي لم تتعرض للتلف
وهذي
احد القصص التي مريت فيها
وارجو تنال اعجابكم
واتمنى ان احظى بردودكم
مع
تحيات
علاوي الحربي[/center

]

[دنيتي قلبك]

خخخخخخخخخخخ:m07:


أقسم بالله أنك تحفة أنت وخااالك


أما عيد الميلاد

:127::126:


:134:لو دروا بسالفته علقوك بالمروحه


لييين تصير رجااال:hahaha_2008:



ودي أني معكم

:g23:


أمنيتي الثالثة يصير فيني موقف مع الجن :097:

بس ربك ستر وللحين ماصار لي موقف


حلو أسلوبك بالكتابة :o2:

استمر ...:conversation:

ويشرفني أني أكون أول وحده:222g:


ترد عليك :g26::g19:

تحياتي لك:g6:


دنــــــــيــــــــتــي قـــــــــلــــــبـــكـ

[توتة بنفسجية]

هههههههههههههههههه
والله أنكم فلهـ
أحمد ربي أني ماكنت معاااكم كان تصروعت بمكاني من الخوف

خخخخخخ

الحمدلله على سلامتكم

أقول عسى خذت حقك من الحشرهـ خخخخخخخ



وأقول ألحين أنا أصوم وأصوم وأفطر على بصل

سبقتيني يا دنيتي في قراءة القصة
كلا منك ياعلاوي طولت وأنت تكتبها لين نمت


بصراحهـ مااااشاااء الله عليك مبدع
أستمر لك مستقبل بالكتاااابهـ

[نسُـِـِـِيت آنسُِـِـِـِآڪْ]

مشكووووووووووور أخوي

ننتظر جديدك

[علآووي~~]

هههههههههههاي
ترقبو كل جديد
والمرة الجاية عقبالك يا توتة
ههههههههه
وربي ان فرحتي بقرائتكم شي ما تتصورونه
مع
تحيات
علاوي الحربي

[توتة بنفسجية]

أحرجت تواضعنا

[ذكرى]

علاوي
اسلوبك بالسرد حيل حلو:066:
استمر:g8:

من جد ضحكت

:hahaha_2008::hahaha_2008::hahaha_2008:

[علآووي~~]

احم احم مشكورين على ردوكم الحلوة
سوري انقطعت كم يوم خرب الهاتف
وضرب ومضارب انا وشركة الاتصالات يوم جو حلفت ما يصلحون شي لين يتقهوون
طبعا هم فلبينيين هههههههاي
صبيت لهم سفن اب حق وواجب
هههههههههههههاي
وترقبو كل جديد
مع تحيات
علاوي الحربي

[توتة بنفسجية]

ههههههههههههههههههههههههههه:hahaha_2008:

تو ما أنور المنتدى

أهم شي التلفون والخط تعالج

خخخخخخخ

يالله ننتظر ترا الجديد من القصص

تحياتي ..توتة بنفسجية

[علآووي~~]

هلا وغلا بتوتة شخبارك
غريبة كني ما وحشتك
واثق الاخ <<<<<<
هههههههههاي
على العموم فرصة حلوة اني تطمنت عليكي
مع تحيات
علاوي الحربي