محتاره بين تخصصين ..

[روح الغلاا]

السلام عليكم ورحمة الله وبركاته

اخواني واخواتي الاعضاء فيه اسئله كثير تدوور في بالي بحكم اني ان شاء الله بسجل بالجامعه معكم اتمنى تساعدوني وتتحملون كثرة اسئلتي اللي اتعبتني مابين احباط وبين تفاؤل

لاحظت اغلب الاعضاء تخصصاتهم بين علم اجتماع وادارة اعمال وانجلش

وين تخصص اللغه العربيه !!

معقووله مافيه احد يدخله او فيه مشكله او صعب او وش وضعه بالضبط

انا محتاره بين لغه عربيه وبين انجلش

انا مو شاطره في الإنجلش بس اذا اجتهدت ممكن يكون الوضع تمام

بس اللغه العربيه أحبها لكن كما يقول البعض مالها مستقبل

احترت من كثر ما أسأل

انا ابي الإثنين ابي انجلش علشان الوظيفه وابي لغه عربيه لإني احبها

وشو الاسهل فيهم

وكيف الإنجلش هل هو صعب او عادي او ايش

اخاف ادخل انجلش ما اقدر اكمممل لصعوبته وهل كل اللي داخلين انجلش ممتازين فيه ولا وش وضعهم بالضبط كيف جالسين يتعاملون معه في الإختبارات وفي الشرح وفي كل شئ


قرأت مواضيع كثيره هنا تجيب الإحباط وتكرهك في الدراسه كليا وفيه مواضيع ترفع المعنويات

من نصدق ومن نكذب شئ متعب نفسيا


اتمنى تنصحوني وتساعدوني


الله يعطيكم العافيه

[ليدي قمر]

صباح الخير ياحلو شوفي انا اقولك ابداااا ماعليك من الاحباط ابدااا

كل مجال فيه سهولته وصعوبته انا بقولك استخري


وحلو كمان تستشيري غيرك براي انجلش

واتمنى لك التوفيق لا تترددي ابدا في تكملت تعليمك

[روح الغلاا]

صباحك ورد ياعسل


استشرت كثير من ضمنهم اختي مدرسة انجلش بس ما انصحتني فيه ابد قالت مراح تقدرين عليه


تحطمت لإنه هو التخصص الوحيد اللي مستقبله حلوو

[غرشـوب]

نصيحه لك


لا تهتمي للمستقبل الوظيفي بقدر حبك للتخصص

التخصص اللي تحسي نفسك بتبدعي فيه ادخليه بغض النظر عن ماذا سيحدث بالمستقبل ... لأن كل هذا لا يعلمه الا هو سبحانه وتعالى


أنا احب انبهك بس ان تخصص اللغه العربيه الاختبارات مقاليه وليست موضعيه

[فضيل]

ادرسي انقلش، واذا ودك تكملي ماستر عربي تقدرين على ما اعتقد

(( هذا الله وهذه حكمته جامعات كبيرة و تخصصات قليلة !))

[ليدي قمر]

صاحبتي داخله القسم ومشاء الله ماشيه فيه وزي ماقلت لك كل قسم فيهوصعوبته وشدي حيلك وتعدي


وان شاء الله يجي احد من هذا القسم ويفيدك

انا اداره عمال وحبيت هذا القسم

[العضيد1]

أهلاً وسهلاً يا روح الغلا.
العربي موجود وطلابه موجودين بكثرة ولله الحمد. وأكثرهم ما عندهم أي مشكلة مع الإنجليزي والأعمال، فضلاً عن الاجتماع، وأنت شوفي اللي يناسبك.
من يقول إن ما له مستقبل؟
ما دام الناس تركته من كم سنة، أكيد صار فيه جفاف وندرة، وبالتالي سيكون مطلوب لاحقاً
على أي حال التخصص يبدأ بعد ترمين. وبعد الترمين تحددين موقفك جيداً.
------------
خلاص أدخلي عربي. أختك أكيد عارفتك جيداً. ونوع الأسئلة سوف يعيدونها كما كانت إن شاء الله, اختيارية.

[روح الغلاا]

كلامكم حيرني أكثر

[فضيل]

المشاركة الأصلية كتبت بواسطة ليدي قمر

صاحبتي داخله القسم ومشاء الله ماشيه فيه وزي ماقلت لك كل قسم فيهوصعوبته وشدي حيلك وتعدي


وان شاء الله يجي احد من هذا القسم ويفيدك

انا اداره عمال وحبيت هذا القسم

ليش اكثر الطلبة يحبون ادارة الأعمال ممكن تنوريني، من فضلك!

[jOlya]

ادخلي اللي تحبينه