شرح التسجيل في جدارة بالتفصيل وماهي متطلبات البرنامج للتقديم على الوظايف الحكومية ...

[o_lg_ll]

بسم الله الرحمن الرحيم

السلام عليكم ورحمة الله وبركاتة

طبقو المكتوب بالحرف الواحد وراح يتم تسجيلكم في جدارة بشكل سليم وراح تقدمون على الوظايف

والله يوفق الجميع


اولاً تدخل على موقع جدارة


https://eservices.mcs.gov.sa/Jadara3...ers/Index.aspx

وتسجل جديد


بعدها تدخل وتروح الى هذي الصورة



أول مربع ترفعو فيه الشهادة الى أسمه نسخة من الدرجة العلمية

تصور شهادتك سكنر من مكتبه وتحطها في فلاش او في البيت اذا عندك سكنر

وقول للمكتبه يخلي لك صورة الشهادة في ملف PDF ويحطها لك في الفلاش عشان تاخذها البيت وترفعها في الايقونه

والي عنده سكنر في البيت خلاص يسويها في البيت

والى مايبي يروح مكتبه ولا عنده سكنر

خلاص يصورها عن طريق الجوال ويحطها في كمبيوتره ويحولها PDF ويرفعها


باقي المربعات اتوقع واضحه للجميع

كل مربع ترفع فيه حاجه والى عنده شهادة تربويه يرفعها في ايقونة التربوي

والشهاده العلميه في ايقونة العلميه

اتوقع مايبيلها شرح


طبعاً لازم تعبى السيرة الذاتيه أسمك وتاريخ ميلادك ورقم الجوال

ومعلومات الشهادة الخ الخ من الهذره تعبي السيره كلها وترفع الشهادة مثل ماوضحت لك

واذا عندك خبرات حطها المهم خانة السيرة الذاتيه اشحنها معلومات عنك في كل شي

كل هذي الاشياء تعبونها في خانة السيرة الذاتيه


بعد ماتخلص كل هذي الاشياء تحط لكل خطوة حفظ


وبعد كذا تنتظر لمن يدققون شهادتك ويردون عليك ويكتب في حسابك في جدارة تم التدقيق والتوثيق

بكذا خلصان الخطوة الاولى

================================

بعد كذا تنتظرون كل سنة اعلان الوظايف الى ينزل من الخدمة المدنية

الى مثل هذا الجدول



انت كل سنة تتظر هذا الاعلان وهذا الجدول

وكل شخص يطالع في تخصصه متى يفتح التسجيل الوظائف المشمولة بسلم رواتب الموظفين العام

وركزو فيه أيام للرجال وأيام للنساء

اذا بداء التسجيل تدخل على ملفك في جدارة

وراح تشوف الوظايف الى مرشح لها من الحكومة




مثل كذا



وتروح تختار لك الوظايف الى تبيها انت وفي اي مكان وعلى اي رتبة مرشح لها

مثلاً انزلت لك 60 وظيفة واخترت منها 30 بكيفك اخترت 60 وظيفة كلها بكيفك

وتنتظر شهر وتشوف النتيجة هل ترشحت لوحده من الوظايف الى اخترتها انت والا الله يعوض عليك

وبس هذا الطريقة من الألف الى الياء


========================


الى متخرج جامعي ومقدم على جدارة ويبي وظيفة حكومية

لازم تختبر اختبار القدرة المعرفية الخاص بالخدمة المدنية << ويطلق عليه أسم ثاني ( تقييم 1 )

طبعاً الان هذا الاختبار انتهاء لانهم هذي السنه افتحو الاختبار هذا من قبل 3 شهور وبس

واظاهر ناوين كل سنه اختبار لمره واحده فقط في السنه وفي شهر 3 تختبره


ملاحظة مهمه

هذا الاختبار للرجال فقط الى بيقدمون على وظايف حكومية

اما النساء بس يرفعون شهادتهم وينطقون ينتظرون معنا هع

بالنسبة للرجال الى مابعد يتخرجون يقدرون يختبرون هذا الاختبار قبل مايتخرجون حتى لو قبل مايتخرج بـــ 4 سنوات

يعني يجهز نفسه يختبره كل سنه يمكن يرسب ويعيده الخ الخ قبل مايتخرج وبلغو اي شخص لايتوهق



وبس هذا الى يبي وظايف حكومية يطبق الكلام الى كتبته بالحرف الواحد

واذا تبون وظايف حكومية شوفلك واسطه واختصر على عمرك هع هع الله يرزقنا


الله يرزقنا بالوظيفة الحكومية يارب ادعولنا

بالتوفيق للجميع ...

[Fatima999]

وعليكم السلام ورحمة الله
يعطيك العافية ع الشرح
الله يرزقنا واياكم يارب ..

[zoozi]

الله يرزق الجمييع