انطباعاتكم قبل وبعد اختبار ادارة مالية

[Bushra Alghamdi]

بصراحة حركة الدكتور في إن الاجابة ماتكون موجودة ويكون اغلب الحل إجابة أخرى حركة نذالة منه
لأنه كذا يشكك الطالب ويخليه يعيد الحساب أكثر من مرة وهذا اللي ضيع وقتنا بالحل
حسيت ان الوقت مايكفي .
غير كذا إن أغلب الفقرات تحتاج أكثر من قانون عشان نوصل للحل ، واذا غلطت في فقرة اكيد مابتقدر تجيب اللي بعدها .


المشكلة كانت بكثرة القوانييييين اللي نحل فيها ، وعدم وجود الوقت الكافي .
الحل يحتاج أكثر من ساعتين عشان نحل ، فما بالك إذا كنا محتاجين نتأكد من الحل عشرين مرة بسبب الخيار الأخير .

ما أقول إلا حسبي الله على الدكتور تعمّد يصعب الاختبار ، وما راعى إن احنا بنحل بساعتين فقط !

[H A N O]

المشاركة الأصلية كتبت بواسطة الجادل.

اوﻻ الله يكتب لي ولكم التوفيق

اﻻختبار كان جدا صعب مومعقول انا مدري وش هدف كل دكتور يصعب على طلبه عن بعد المشكله اننا عن بعد وغير كذا كثير مننا مرات عليه سنين من تخرج الثنوي يعني ناسي الدراسه والحساب ككل

ثانيا استغرب من الطلبه ماشالله اللي يقولون حنا مانلوم الدكتور حنا نلوم انفسنا ماذاكرنا كويس ﻻياروح امك انت وياها اللي شاك في نفسه انه ماذاكر بكيفه ﻻكن ﻻيجمع خلق الله معه ويسوي نفسه ان النقص فيه وفي الطلبه

انتو تفكرون انكم ماشالله مره كاشخين بكﻻمكم ذا

بسمي وبسم كل طالب وطالبه ذاكرو الماده قبل اﻻختبارات بشهر ومع مدرسين خصوصيين وفاﻻخير شفنا ان الماده صعبه بمعنى الكلمه ايش يعني معقوله بشك في نفسي واقول صدق والله يمكن اني ماذاكرت زين ﻻبالله مذاكره ونص وثﻻث ارباع بس حضرته فاضي ماعند شغله فحب يثبت اني دكتور يتفلسف ويلف ويدور باﻻسئله ياخي خاف الله واكسب لك دعوه تنفع باخرتك ××× على كل تعب وكل دقيقه خليت فيها عبادتي وامي عشان اذاكر الماده ×××

اخر كﻻمي ادري طولت عليكم لكن اسمحولي مغبونه حد الموت حسبي الله وحده عليه توكلت

مشكور صعب لجهدك وتفاعلك معنا الله ﻻيضيع لك تعب
والله يوفقنا وينجحنا

انا معك بصراحه اللي ماذاكرت زين لا تحط هالسبب هو الرئيسي وتجمع الكل معها !
الغلط من طريقة اسئلة الاستاذ انا واختي نفس حالتك جبنا مدرسه خصوصيه قبل الاختبارات ب شهر وزياده
وبالاخير تعبي طول هالمده يروح كذا ؟
حسبي الله بس

[رَذاذُ مَـطرْ]

وأنا اللي كنت أفكر إني الغلطانة في الحسابات وقلت مو معقولة تطلع إجابات كثيرة مو موجود حلها بالخيارات أثاري الشغلة ...... !!

<< ارتبكت وضيعت وقت في إعادة الحل وخلطت الحابل بالنابل وعفست الدنيا وبالأخير صرت أختار حل عشوائي لهالأسئلة

هذا الاختبار من أنكد الاختبارات اللي مرت علي في المستويات الأربع

مانقول إلا حسبنا الله ونعم الوكيل !!

..

صعب أنساك .. يا أخي جهودك نرفع لها القبعات .. بارك الله فيك وفي جهودك

[&حنين الوجدان&]

بيض الله وجهك صعب انساك والحيمود وكل من قام معك برفع شكوى
ان شاء الله خير
يارب

[sumai]

،


صعب انساك الله يوفقك و يسعدك
الاختبار كان مخيس و الدكتور كاتب سؤال خطا
لو حط القوانين وش بيضره
الزبده اذا تبون نرسل بعد شكوى خبرونا ..

[Dr. nsroon]

المشاركة الأصلية كتبت بواسطة jass

السلام عليكم ورحمة الله وبركاته اخواني انا دخلت مع الدكتور في نقاش على عدم وضع بعض القوانين وكان الرد انه اتفق مع الطلبه على عدم وضع القوانين فيا حلوين الي شايف نفسه فاضي ولا عنده شغله لا يفتي ثاني مره بالقبول على شي ممكن يضر بغيره هذا انتم جبتوا العيد فينا مشكورررررين

وينهم هالطلاب اللي اتفق معهم !
معليش بس الطلاب سألوه وقال انه مابيرفقها
ولا احد اتفق معه بشيء
هو عارف ان القوانين كثيره المفروض يجيب منها حق الفصول الاخيره على الاقل

[زهق15]

نظام التأشيير سيطر علي بأغلب الأوقات خلاني أنلمخ

كثير حذروني من المادة لكن بعد مادرستها حسيت أنـها سهلة

لكن وقت الأختبار الدكتور ماقصر

كرهني بالحساب
لدرجة افكر اوقف دراسة
لان حالنا حال الطالب المنتظم

مايقدر الدكتور انا في ناس مرتبطة ومنها المتزوجه ومنها الموظفة

الدكتور نفسه مايقدر يربط اكثر من شي بوقت واحد

[الجادل.]

وانا بعد افكر ماكمل خﻻص بسحب ماعاد فيني جهد اهلكت عمري عالفاضي كل مره اقول السمستر الجاي احسن السمستر الجاي اسهل السمستر الجاي بيرتفع المعدل واكتشف فاﻻخير مامعنا اﻻ دفع الفلوس وبس

[صَعب]

كل سمستر الدراسه تزيد صعوبه وتزيد تركيز وأقل شموليه وأكثر تخصيص ..
شدو حيلكم وعلو همتكم مو تخلو الاحباط يسيطر عليكم وتنشروه وتبثوه لغيركم .. المقرر ذا راح بخيره وشره والدكتور صالح وعد خير فيه مثل ما صار السمستر اللي فات في الاقتصاد الكلي وطلب مني أعدي عليه يوم الاثنين بعد اختبار البحث حتى يبشرنا با لخير ان شاء الله ..


ما بقا الا ايام قليله بيننا وبين إننا ننهي نصف مشوارنا الجامعي .. لازم نجدد الأمل والتفاؤل بالقادم حتى نقدر نستمر .. الايام والسنين تجري بسرعه ومع قليل من الصبر وكثير من الاجتهاد راح نلاقي أنفسنا وصلنا لخط النهايه ونكون حققنا أملنا اللي سهرنا وتعبنا عليه ليالي على مر السنين ..


بالتوفيق للجميع ..

[شوية كلام]

أكثروا من الاستغفار

فيه تفتح الاقفال