تنبيه بخصوص ملخصي في علم الاجتماع في خطأ بسيط

[ـألسآحر]

سلمت يداك على التنبيه

[*Mo_14_oN*]

الله يسلمكم ويعافيكم

[ابو روز]

بس هذا الخطأ :s12:

يهون والله ، كورين ، كوري ، كولي ..... ما يخالف


ان شاء الله مايطلع الاختبار من هالملخص ، رغم ان الدكتور يقول انه راح يجيب من الكتاب ومن بين السطور بعد ؟!

شكرا للتوضيح يا اخت قمر .. والله يوفقنا ويسهل لنا هالاختبارات يارب .

[عضو20]

الله يعطيك العافيه الصراحه ماقصرتي

مشكله هالمادة تعاريفها كثير ومتشابهه مادري نحفظ التعاريف ولا وش نسوي؟؟

[*Mo_14_oN*]

اشكركم على المرور

ذاكروا وتوكلوا على الله
والله ييسر لنا كل عسر

[نصف القمر]

مشكوره ياقلبي ع التوضيح

:150:

[*Mo_14_oN*]

عفواا ياقمر

[عضو20]

المشاركة الأصلية كتبت بواسطة *mo_14_on*

اشكركم على المرور

ذاكروا وتوكلوا على الله
والله ييسر لنا كل عسر

والله ياختي الكريمه مجهودك على العين والراس.. لاكن هالماده تعبتني بجد احس اني مافهمت منها شي " اعطيك مثال "

كيف يحدث التخلف الثقافي ؟؟؟

(( العنصر المادي اسبق من العنصر غير مادي وبكذا يحدث التخلف الثقافي) )
ولا الثاني لين قال اسرة نوويه .... بتنفجر الاسره ياختي والله مصطلحات غريبه
بالله عليك وش فهمتي من هذا ..

[*Mo_14_oN*]

اول شي لازم تعرف انه:
العناصر الماديه هي التكنولوجيا والادوات
والعناصر الاماديه هي العادات والتقاليد واسلوب التفكير

نفرض انه في مجتمع تطورت فيه العناصر الماديه يعني صار عندهم تكنولوجيا وتقدم
ولكن عاداتهم وتقاليدهم نفس ماهي ما تغيرت ولا تطورت
هنا يحدث التخلف الثقافي

اقرب لك اكثر مثلا شيبه عقليته ما تطورت باقي على عادات زمان وعنده في البيت لاب توب مابيعرف يستخدمه
هنا نقول تخلف ثقافي

ان شاء الله شرحي يكون واضح حاولت اقرب لك المعنى قد ما اقدر

[*Mo_14_oN*]

والاسره النوويه عاد هاذي مكتوبه كذه احفظها مثل ماهي
كيف اشرحها لك

زوج وزوجته وعيالهم ما فيه لا شيبان ولا عجايز