 |
|
||||||
| E7 English Literature Students level seven Forum |
 |
|
|
أدوات الموضوع |
|
#1
2017- 1- 6
|
||||
|
||||
|
تغيب عن الاختبار واستفسار عن عدد الساعات المسموحة
السلام عليكم ورحمة الله
اعتذر لاختنا الغالية نهر العطا يمكن موضوعي مكانه مهو هنا بس قلت عشان يشوفه اكبر عدد ويطمنوني بالرد أنا من دفعة نهر العطا لكن سبحان الله كل فترة اختبارات تمر علي ظروف إما حالة وفاة أو مرض لأحد أقربائي وحاليا والدتي وقرة عيني ترقد في العناية المركزة اسأل الله أن يشفيها ويحفظها لي يارب أنا تغيبت عن اختبارين ادب الاطفال وطرق البحث ويمكن اتغيب الاسبوع الجاي بعد وعندي 3 مواد من المفترض ان الترم الثاني يكون بس عندي 7 مواد لكن مع غياباتي راح يزيد عدد الساعات ل23 ساعة الترم الثاني هل تسمح لي الجامعة لو كتبت لهم ظروفي او لازم ترم آخر جديد لاني قريت ان المسموح بس 22 ساعة فقط نفسيتي ماتتحمل دراسة وجامعة لكن يحز بخاطري الرسوم اللي صرفتها وتعب امي معي وتفكيرها الزايد بدراستي خصوصا واني قبل كنت طالبة بكلية تربية ايام كليات البنات بحائل وعام 1425 كنت بآخر سنه وباقي ترم واتخرج وأجلت لظروف إختفاء اخي الصغير واللي لازال مختفي وبعد سنوات حاولت ارجع وتعب والدي وأجلت مره ثانية وتوفى الله يرحمه ولاكملت وعام 1430 جيت بكمل وتحولت الكليات لجامعة حائل ولقيتهم مسوين لي طي قيد وطلعوني بشهادتي الثانوية بعد سنين دراسة وتضحيات حسبي الله عليهم لكني قلت استحالة استسلم وطموحي ورغبتي بالعلم ماتضيع هدر غصبا عليهم ادرس واكمل فما لقيت حل إلا إني اسجل تعليم عن بعد لان مافيه جامعة بهالبلد تقبلك بعد مضي اكثر من 5 سنوات على تخرجك من الثانوي وليتي ماسجلت والحمدلله على كل حال اعتذر عن كثرة التشكي لكن قلت في نفسي لعل منكم من لو أقسم على الله لابره فلاتنسوا والدتي من دعائكم شكرا لكم جميعا واتمنى لكم التوفيق والسداد فيما مضى وبقي من اختباراتكم التعديل الأخير تم بواسطة Against Gravity ; 2017- 1- 6 الساعة 07:51 AM 
|
|
2017- 1- 6
|
#2 |
|
أكـاديـمـي
|
رد: تغيب عن الاختبار واستفسار عن عدد الساعات المسموحة
حبيبتي الله يشفي لك والدتك ويعطيها الصحه والعافيه ويعوضك خير عن كل هالتعب
صدقيني مااشتدت الا لتفرج ،،، بالنسبه للغياب بالاعذار الطبيه او اكتبي ظرفك وان شاءالله بيقبلون العذر ويعيدو لك الاختبارات بالترم الجاي لا تاخذين المواد اللي مااختبرتي فيها هم بيحطونها لك لانك دفعتي رسومها وبالنسبه لعدد الساعات ان شاءالله يكون الترم الجاي اخر ترم وتتخرجي واذا رفضت الجامعه تأكدي ان الخيره فيما اختاره الله موفقه حبيبتي |
|
|
|
2017- 1- 6
|
#3 | |
|
مميزة مستوى 7 E
|
رد: تغيب عن الاختبار واستفسار عن عدد الساعات المسموحة
اقتباس:
الله يجزاك خير عيوني  والله يسعدك واشكرك على كلامك الطيب بالنسبة للاعذار الجامعة تتقبل اي شي الله يوفقهم من سنة اولى وانا دايم اتغيب احيانا اجيب لهم عذر من خاص واحيانا اكتب لهم كتابة شرح لوضعي ودايم يقبلونه الله يجزاهم عنا كل خير انا مشكلتي الحين ازدياد عدد الساعات عن 22 ماودي اجلس بعد سنه سادسة بالجامعة |
|
|
|
|
2017- 1- 6
|
#4 | |
|
أكـاديـمـي
|
رد: تغيب عن الاختبار واستفسار عن عدد الساعات المسموحة
اقتباس:
ماده او مادتين تراني نفس حالتك الترم الجاي المفروض اخر ترم بس مابتكفي عدد الساعات وباخذ ترم اخر ماتدرين وين الخيره الله ييسرها من عنده 
|
|
|
|
|
2017- 1- 6
|
#5 | |
|
مميزة مستوى 7 E
|
رد: تغيب عن الاختبار واستفسار عن عدد الساعات المسموحة
اقتباس:
آمين والله ييسرلك ويوفقك ويرزقك التخرج بالمعدل العالي اللي يسعد قلبك |
|
|
|
|
2017- 1- 6
|
#6 |
|
أكـاديـمـي نــشـط
|
رد: تغيب عن الاختبار واستفسار عن عدد الساعات المسموحة
اسأل الله ان يشفي والدتك ويقر عينك برؤيتها متعافيه والله يخليها لك عادي حبيبتي واذا اخذتي ترم السنه الجايه مايضر اهم شي لاتضغطين على نفسك لانك بتمرضين لاسمح الله اخذي الي تقدرين عليه الفصل الثاني والباقي لسنه الجايه الله يفرج همك ويكون بعونك ....
|
|
|
|
2017- 1- 6
|
#7 |
|
مُتميز في قسم الخيمة الرمضانية
|
رد: تغيب عن الاختبار واستفسار عن عدد الساعات المسموحة
أسأل الله العظيم بهاليوم الفضيل إنه يشفي والدتك و يعافيه و يقومه بالسلامة يارب و يغفر لوالدك و يرحمه و يرد غايبكم و يقر عيونكم به،
ما تشوفون شر إن شاء الله، ربك كريم سبحانه يستجيب للمتضرعين بالدعاء خصوصا بهاليوم الفضيل فيه ساعة إجابة ، تواصلي مع الجامعة و إن شاء الله هم متعاونين و ما يقصرون، و إن شاء الله تتخرجين الترم الثاني و إذا الله ما كتب إن شاء الله خيره أنا أخذت ترم تاسع علشان مادتين بحث التخرج و الترجمة التتابعية و الحمد لله كان أفضل ترم لي و سهل و راحة بال .. الله يكتب لكم اللي فيه الخيرة .. |
|
|
|
2017- 1- 6
|
#8 |
|
أكـاديـمـي فـعّـال
|
رد: تغيب عن الاختبار واستفسار عن عدد الساعات المسموحة
اسأل الله في هذا اليوم الفضيل ان يشفي لك قرة عينك
وييسر امورك يااارب ياكريم مثل ماقالوا الاخوات قدمي عذر وان شاء الله ماتظطري تدفعي رسوم وتنزل دايركت الفصل الجاي وزعي موادك على الفصلين القادمة وان شاء الله تتسهل لك اسأل الله لك التوفيق حبيبتي |
|
|
|
2017- 1- 6
|
#9 |
|
أكـاديـمـي فـعّـال
|
رد: تغيب عن الاختبار واستفسار عن عدد الساعات المسموحة
اسأل الله الكريم رب العرش العظيم ان يشفي والدتك ويقر عيونكم برجعة اخوك سالم
انا كمان الي اعرفه ٢٢ ساعه فقط لكن زي ماقلتي الجامعه متفهمه فتواصلي اما بايميلهم او ارسلي للفريدان او الشعيبي بظروفك كامله وبإذن الله يستثنونك ويسمحوا لك بأكثر : ولو عندك ماده الاثنين او الثلاثاء مانحتاج دراسه جامده اضغطي على نفسك وروحي اختبرتها ويارب الترم الجاي نحتفل بتخرجنا جميعا |
|
|
|
2017- 1- 6
|
#10 |
|
:: مشرف سابقا ً::
للمستوى 5+6 E 
|
رد: تغيب عن الاختبار واستفسار عن عدد الساعات المسموحة
الله يشفي الوالدة ويحفظها
ويعيد لكم مفقودكم ان شاءالله والحمدلله على كل حال وضعك فعلاً صعب والله معكم يعينك ويساعدكم ويأجركم في صبركم والي مابتلقوه في الدنيا بتلقوا افضل منه في الآخرة. لكن على المسلم السعي والاجتهاد. اعتقد اذا ارسلتي الوضع الصحي للوالدة والتقارير ان شاءالله انهم يقبلوا تاجيل الاختبارات لهم. اهتمامك بوالدتك هو اهتمام باختبار دخول الجنه واهتمامك بالاختبارات هو اهتمام باختبار حصول على شهادة دنيا. بوركتي وبارك الله فيك ان شاءالله اذا فيه مجال تدخلي الاختبار وتكسبي الاثنين تمام. اذا ماستطعتي فلا يوجد خيار غير الاعتذار. اتوقع الاقصى هو22ساعه للتسجيل. لكن احد الاخوان الفصل الماضي اسمه (شمري جنتل) يقول انه سجل 23 ساعة. ما ادري اذا كان خطأ في الطباعة او صحيح. وتبقى 23 ساعة ضغط كبير جداً. واذا كنتي تخرجتي من فصلين ،فيبقى لك فصلين زيادة فقط. لان لا ُيسمح بدارسة اكثر من اربع فصول بعد تجاوز الاثمان فصول الرئيسية للتخرج. يعني بعدها يتم طي قيد الطالب اجباري. اتمنى ان وضعك يسمح لك بدخول الاختبارات القادمة حتى لا يتاخر تخرجك اكثر. ونفرح بتخرجك معنا. داعياً الله يشفي والدتك في هذا الساعة ، وان يوفقك ويسهل لك امرك وييسر لك ظروفك ، وتكملي دراستك وتعليمك، وتدخلي معنا اختبار بكره. |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
