هاااااام الى جميع طلاب وطالبات الانتساب

[عاصفه الش]

المشاركة الأصلية كتبت بواسطة قلب سارآ

يارجال ماعندك سالفه انت والمحامي حقك
هذا اذا مو انت المحامي بعد
ثبل فتره المحامي يبي 1000 على كل طالب للمحامه
والان يبينا نتجمع عند الوزاره نسوي مظاهره
انا اقترح
نسوي هشتاق نطالب بعتقالك انت والمحامي
الانكم تحرضون الشعب على الحكومه

ليس لي بالمحامي علاقه لا من قريب ولا من بعيد
وموضوع الفلوس انا ماسمعته الا منك واذا هو طالب فهذا من حقه انا ماوكلته يترافع عني انا علاقتي بالموضوع هي متابعه بتويتر
ومادعوتك للمظاهره انا قلت مشاركه تويتر او مراجعه الوزاره اذا احد دعاك للمظاهره رح ظاهر لحالك
المطالبه هي حق مشروع للجميع ماهو تحريض للحكومه والحكومه تفتح ابوابها لابنائها وتسمع مطالبهم
بالامس خريجات الجامعات القديمات يطاالبو ن بالتوظيف واليوم اعلن وزير الخدمه اقامه اجتماع مع وزير التعليم ومدير صندوق الموارد لايجاد حلول لتوظيفهم
مااحد قال تحريض للشعب انما استمعو لمطالبهم ومعاناتهم
وقبلهم البديلات ومحضرات المختبر و.....

[نرجس222]

بالعكس هذا وقته ..
بعد الاختبارات قليل مين يجلس على المنتدى .. عن نفسي مستحيل اقرأ اي موضوع غير النتايج وبعد النتايج مستحيل ادخل ولا حتى تصفح.

[محمد عواض]

السلام عليكم ورحمة الله وبركاته
الموضوع مهم وكلام في الصميم لازم التعاون والتهبيط وكلمت ماله داعي والي يقول مو وقته المقصد من هذا الالتفاف والتكاتف ليكون الصوت اقوى ليصل الى المسؤل لكي يؤخذ الراي بعين الاعتبار وينظر في الموضوع في الحقيقه الارزاق بيد رب العالمين والتوكل مطلوب والتواكل منهي عنه فلذالك يجب علينا المطالبه وليس بشرط ان
يكون الان بعد الاختبارات فيه مجال اتمنا الفكره وضحة
وسلامة الجميع

[ابوباسل الحربي]

اللي ضد هالرأي او مايبون ينضمون ماحد جبركم
كأنهم راح ينضروا من هالموضوع
وبالنسبه مو وقته إلا وقته وتشتت الانتباه والتركيز على الاختبارات طيب وشوله تتعب نفسك بالرد ومتابعة الموضوع
وتشغل نفسك عن المذاكره علينا
واحد يفر بالمواضيع كلها ويشارك هذا مشغول بالمذاكره الا هذا متفرغ

[ابو هيمو]

الله يوفقكم وعساكم على القوة

[snow@white]

جزاك الله خير

[مشارق]

لايجوز كتابة إنشاءالله هكذا الصحيح تكتب (( إن شاءالله حتى لايختلف المعنى

[الله المستعان]

المشاركة الأصلية كتبت بواسطة قلب سارآ

يارجال ماعندك سالفه انت والمحامي حقك
هذا اذا مو انت المحامي بعد
ثبل فتره المحامي يبي 1000 على كل طالب للمحامه
والان يبينا نتجمع عند الوزاره نسوي مظاهره
انا اقترح
نسوي هشتاق نطالب بعتقالك انت والمحامي
الانكم تحرضون الشعب على الحكومه

ما حد ضيع الشعب غير امثالك
الرجال طرح وجهة نظرة في موضوع مهم يهمه ويهمك انت كامنتسب يحق لك تنتقد بمهنية وموضوعيه اما انك تتهمه بالنصب والاتفاق مع المحامي فهذا دليل انك متخلف فكريا
وفوق هذا تبي تسوي تجمع تطالب فيه باعتقاله بتهمة التحريض والخرابيش الي براسك
قسم انك مريض فكريا
طبعا انا معك يا صاحب الموضوع قلبا وقالبا الى متى السكوت على هذا الموضوع نحن درسنا حالنا حال غيرنا الفرق الظروف البعض انقطع عن الدراسه لاسباب عائليه او اقتصاديه او نفسيه ورجع يبي يكمل وشاف نفسه في كماشه الانتساب طيب وش يسوي اذا كان عنده المقد ره على اكمال التعليم ؟
يوم الانتساب مخرجاته ضعيفه كما يزعم البعض ليه المتخرجين يحصلون على درجات جيده في التحصيل والقدرات
ليه الانتساب معترف به من التعليم العالي وفي نفس الوقت بعض الوزرات كا التعليم نفسه يرفض الانتساب هذا تناقض عجيب ويدل على ان هالقرارات ما هي الا قرارات شخصيه ارتجاليه لا علاقه لها بالانظمه وخاصه انظمه التعليم العالي
ان كان غير معتمد فلماذا الاستمرار بتطبيقه ؟ ونهب اموال الناس على الفاضي
اتمنى من وزير التعليم ان يلتفت لهذا الموضوع ويضع حد لما يجري
اما الاعتماد او عدمه ويطبق على الجميع فلا يحق لاي وزاره التدخل في شؤون التعليم ليس كما جرى مع وزاره التعليم التي استبعدت الانتساب وحذت على خطاها بعد ذلك مؤسسه التامينات
والله العالم كم وزاره ومؤسسه ستسير على نهجهم
ايضا يكون الطالب على درايه بمستقبله
اما وعود خاويه تزرع الامل ثم تحرقه فهذا لايرضي لا الله ولا رسوله

[Inter Milan]

معاك ياصاحب الموضوع
حتى اللي ما يقدر يروح يقدر يغرد بتويتر ويسوي منشن لصاحب القرار لعل وعسى نطلع بنتيجة

[فني مكافح]

اشكرك اخووي عاصفه على كلامك وموضوعك الجممميل

بعض البشر مدري شلون تفكر تقل ماوده يتعين او يبتعث كانه مدخل راسه بسطل ودافنه

ردودهم مثل وجيههم الي يقول مظاهره والي يقول ماهو وقته مع ان الشي لمصلحته عالم غريبه

ياخي اذا تبي شهادتك تهف فيها عرق وجهك شي راجعلك

لكن الاغلبيه يبون يتعينون ويشوفون مستقبلهم

هذي الحين ردودكم وانتم اصحاب المصلحه وشلون ردود المسئولين

ماقول الا حليلاه من حشركم يالي ماهو عاجبكم الموضوع بقرنه ومصعكم بعقال

وشكرا اخ عاصفه مره اخرى