|
ملتقى الكليات الصحية بالاحساء ملتقى طلاب وطالبات الكليات الصحية التابعة لجامعة الملك فيصل بالأحساء |
![]() |
|
أدوات الموضوع |
#1
|
||||
|
||||
أحلى ...أصعب ..موقف صرت فيه في الكلية
سلااااااااام
لأخواتي وأخواني قد صار معك موقف مضحك :hahaha_2008: مبكي ![]() محرج ![]() أسدحووه هنا (لازم يكوون في الكلية )>>موب في المدرسة خخخخ أستنى الردود ![]() |
![]() |
#2 |
أكـاديـمـي مـشـارك
![]() |
رد: أحلى ...أصعب ..موقف صرت فيه في الكلية
في بداية دخولنا للكلية كنا ما نعرف انجليزي
المهم كانت الدكتورة تقول لنا اند ذس ثيوري و حنا مع الخيل يا شقرا نكتب وش تقول << علشان نترجم في البيت و بعدين حست انها تراجع نفسها و كأنها غلطانه قالت انت زس سيوري !! و حنا نمسح ثيوري و ايضا مع الخيل يا شقرا نكتب سيوري بدل ثيوري << و لما رجعنا البيت و ترجمنا اكتشفنا ان ثيوري = عند المصريين سيوري = نظرية ![]() و شكرا ع الفكرة الجديدة اختي |
![]() |
![]() |
#3 |
أكـاديـمـي
![]() |
رد: أحلى ...أصعب ..موقف صرت فيه في الكلية
ههههههههههههههههههههههههههه
فعلا طلاب سنة اولى (مع الخيل ياشقرا ) أشكرك على الرد والعفووووو :hahaha_2008: |
![]() |
![]() |
#4 |
أكـاديـمـي فـعّـال
![]() |
رد: أحلى ...أصعب ..موقف صرت فيه في الكلية
ههههههههههههههههههههههههههههه أما هذي كثري منها دايم تصير مع المصريين أما أنا أذكر لكم موقفين صاروا لي الموقف الأول: صار لي موقف بجد لا أحسد عليه الي حصل............ انو كنت أنا وصاحباتي بالمستشفى نستعد لإختبارالاوسكي للباطنه ايش الي حصل ؟؟؟؟؟؟؟؟؟؟ المفروض لأي examination في المدسن إنك تعمل\ي مقارنه بين الجهتين اليمين واليسار بأي جزء كان وبالقعل بدأت الأولى general examination وبدأت باليد اليمين من باب الحرص واللقافه في آن واحد قلت لها اعملي مقارنه مع اليد الثانيه قالت لي انتبهي وناظري مزبوط انا طبعا ما استوعبت قصدها هناااااااااا المشكله لكن المريض فهم <<<واختكم في الله في وادي ثاني ايش الي حصل ؟؟؟؟؟؟؟ الي حصل انو اساسا الرجال ايدوه الثانيه مبتووره ![]() أنا اهني لا تدوروني وجهي تقطع قطعه قطعه ع الأرض وعيوني ما ني قادره أرفعها وجلس الحجي يحكينا قصته وكيف صار له الحادث اهني زجلس يبكي اهني بجد اتمنيت لو الأرض انشقت وأكلتني وبجد لحظتها حقدت على نفسي وحتي ما أفتكر إني نطقت بكلمه وحده خرجنا من الغرفه وعيوني بالأرض طبعا والبنات يكلموني ولا أنا حولهم ورجعت السكن وحكيت البنات القصه ودموعي بعيوني على قد ما حاويلت إني أمسكها لكني ما قدرت وقت ما جيت أنام جلست أبكي ومن يومها حرمت انطق بشئ قبل ما أتأكد منه الموقف الثاني : في كورس الجراحه لا وفي أول يوم لي on call جلسنا في ER نستنى نشوف cases ما كان في حالات يومتها حولنا على Truma room في البدايه ياكسور يا رضوض بعد ما طفشنا وفقدنا الأمل جات بنت صغنووووووووووونه المسكينه كاحت وانجرحت براسها اهني مربط الفرس المجموعه الي كنت معاها كلهم تفريبا كلنوا يعرفون يعملون suture ما عداي أنا بحكمه اول on call لي قلت لهم خلاص أنا راح استلك المهمه اليوم جا مقيم الجراحه(د.ث ر) عشان local anasthesia عاد أنا م يوم ما أشوف الإبره أدوووووووووووووخ << اهني أنا مسويه حالي قويه وجالسه أحاول أقاوم لكن لا مفر المهم أنا وصلت عند درجة الصفر من المقاومه جلست ع الكرسي المشكله ( د.ث ر) جا وجلس بوجهي قالي شو دختي ؟ قلت له :اي قال لاااااااااااااااااااااا انتي ابدا ما تنفعين جراحه <<< تحطيم:011: المهم بعد ما خفت الدوخه رحت اساعد البنات قالوا لي امسكي البنت من ايدينها عشان لا تتحرك كذا ولا كذا وبالفعل مسكتها شويتين الا الدنيا ترجع تدور فيني ثاني مره ناديت بنت توقف مكاني وأنا رحت جلست ع الكرسي وقضيت on call جالسه ع الكرسي اتفرج: ![]() |
![]() |
![]() |
#5 |
أكـاديـمـي
![]() |
رد: أحلى ...أصعب ..موقف صرت فيه في الكلية
بجد مواقف احسها صعبة ودائما البنت ماتتحمل الابر والشقوق ودي السوالف
good luck ![]() |
![]() |
![]() |
#6 |
أكـاديـمـي فـعّـال
![]() |
رد: أحلى ...أصعب ..موقف صرت فيه في الكلية
ههههههههه مواقف فلللللللله ,, :hahaha_2008:
موقف أورجوان ذكرني يوم كنت صغيروووون في سنة ثانية ,, ![]() كنت جاي محاضرة التشريح متأخر شوي و كنت ذاك اليوم سهران على المباريات و جاي مخبط .. ![]() المهم تو جلست الا أسمع الدكتور المصري يقوول ( أناتومي أو ف زا ماوس ) ,, طبعاً أنا بذكائي الخارق رحت بعيد و تذكرت ميكي ماوس خخخخخ :hahaha_2008: قلت في نفسي الللللللله ألحين بعد هالعمر ذا كله يبون يرجعونا نشرح فيران مثل سنة أولى , و توني بسأل الدكتور الا تذكرت المعادلة التالية: دكتور مصري + ماوس = ماوث :t1: فقلت إيه ألحين صح عليك يا دكتور كمل بارك الله فيك .... بس هاااا ترى هذا سر لا تقولون حق أحد .. يالله ضحكوا عشان أجيب لكم موقف ثاااني .. ![]() تحياتي: أدمنت حبكــ.. ![]() |
![]() |
![]() |
#7 | |
أكـاديـمـي مـشـارك
![]() |
رد: أحلى ...أصعب ..موقف صرت فيه في الكلية
اقتباس:
<<<< مشكلة اذا الشخص ما كان نايم كويس , يقلب الدنيا |
|
![]() |
![]() |
#8 |
أكـاديـمـي
![]() |
رد: أحلى ...أصعب ..موقف صرت فيه في الكلية
مامر علي للهالحظة موقف اصعب من اول مرة ادخل الأناتومي
لدرجة أني اتخيل محتاجة معالجة من الــ nlp |
![]() |
![]() |
#9 |
أكـاديـمـي فـعّـال
![]() |
رد: أحلى ...أصعب ..موقف صرت فيه في الكلية
هلااااااااا بالدكاترة..
و الله صدقتي يا أورجوان أنا إذا فيني النوم تصير لي سوالف.. ![]() شوفوا أنا بصراحة أحب السودانيين لأنهم طيبين,, بس كثير سمعت عنهم نكت أنهم كسولين و ما يتحركون,, أنا كنت أفكرها أكاذيب إلى أن صار هالموقف.. يقول لكم مرة يوم كنت صغير في سنة خامسة ![]() و جا واحد سوداني شكله دكتور في الجامعة و كان عنده vertigo طبعا دكتورنا المصري تخصصه vertigo و ماخذ نص دقيقة إلا شخصة على ان عنده BPPV , ( و اللي ما أخذوا ENT عليهم هوم وورك يبحثون عن BPPV ![]() المهم قال له شوف مشكلتك بسيطة,, فيه بعض الترسبات موجودة في أذنك الداخلية تعال معي treatment room و بقول لك وش الحل.. رحنا treatment room و قال له انسدح على السرير, انسدح الزوول و قال له الدكتور علاجك بسيط أنا بأعلمك تمارين بسيــ.. أقول لكم ما مدى الدكتور قال هالكلمة ما شفنا إلا الزوول فز من على السرير خايف و مرعوب و يقوول تمريييين ![]() ![]() طبعا الدكتور هداه و قال له مو تمرين هي حركات بسيطة تسويها و انت على السرييييييير و علمه الطريقة ( Epley or Semont maneuvers ) عموما أنا في ذيك اللحظه حبست الضحكة و التعليقات الطريفة اللي خطرت على بالي لا أتوهق مع الدكتور,, قلت في نفسي صج أنك زووول تخاف من التمرين و لو أنه قايل لك بسوي لك عملية و بفتح راسك كان ما خفت هالقد.. ![]() و أحلى تحية لإخوانا في السودان الشغيييغ آآآآآآآآآي ![]() linaa تدرين احنا أول مرة شفنا المشرحة مفتوحة دخلنا كذا بس ما عندنا شي, تصدقين أشجع واحد فينا ما قرب من الجثة أقل من خمسة متر,, جينا يوم ثاني صافحنا الجثث يدا بيد :t1: تحياتي: أدمنت حبكــ.. ![]() |
التعديل الأخير تم بواسطة أدمنت حبك ; 2009- 3- 18 الساعة 10:39 PM |
|
![]() |
![]() |
#10 | |
أكـاديـمـي فـعّـال
![]() |
رد: أحلى ...أصعب ..موقف صرت فيه في الكلية
اقتباس:
اللااااااااااااااااي يا سلااااااااام أبغى أشوف BPPV <<< توها مخلصة ENT و متحمسة
و التدريب حقهم صراحة يتعب .. قوم و أجلس و دور على هالجهة و نزل راسك و مدري وشو <<< فيها عرق سوداني خخخ ايييييييييه يا أيام الطب <<< وش عندها الاستشارية الكبيرة ![]() و الله صاااارت مواقف بعضها يموت من الضحك .. و بعضها يمووت من الفشيلة .. و بعضها يموووت من الألم <<< و ما دايم الا وجهه يللا اسمحوا لي اقول لكم موقف كئيب كذا ![]() عشان تشوفون الجانب الثاني من الطب <<< أحس أني قاعدة من النوم و متحمسة المهم مرة كنت رايحة ICU تبع ناسات anesthesia و تأخرت الدكتورة .. و قالت انتظروني في هالمكان .. طبعا أنا _ أختكم في الله _ ما أعرف أجلس مكاني <<< من يوم ما كانت بالمدرسة مشاغبة .. ما علينا المهم و أطلع اتجول بذا ICU و أشوف الناسات .. دخلت غرفة لقيت عليها طفل صغير ... بوضعية decerebrate و مركب عليه NG tube - mechanical ventilation استغربت و رحت جنب سريره .. فتحت ملفه و جلست اقرا فيه .. سلطان 7 سنوات RTA تخيلوا الولد رجع لـ VEGETATIVE STATE مدري وش هي بالعربي .. لكن كانت حالة الولد مؤلمة أقصى درجات الألم لأول مرررة من دخلت المستشفى أتأثر مع مريض لهالدرجة .. لدرجة أني تمنيت أن الله ياخذ من عمري و يعطيه ![]() كان الولد جميييل .. و جهه أصفر من شدة اللي فيه .. ما حوله و لا شي من بقايا زوار .. غير مصحف و مسباح و آلاف الأجهزة الالكترونية و المونيترات ... و الممرضات يجون بس يحطون له الغذاء في NG و يقلبونه عشان ما يجيه BED SORES و الله ذاك الوقت حسيت باشيااااء غريبة و كثيييرة .. جلست على كرسي جنب السرير و جلست أبكي بحرقة و الله مع أني قايلة ما بصيح في المستشفى .. بس ما قدرت استغفر الله .. يالله ترزقنا حسن الخاتمة ![]() <<< يمكن أغلب المواقف المطروحة هي مواقف فكاهية .. لكن كان موقفي هذا من أصعبها ![]() يللا ارفوار حبيباتي |
|
![]() |
![]() |
مواقع النشر (المفضلة) |
الكلمات الدلالية (Tags) |
محمد, أصعب, موقف, الكلية, شرب, فيه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
نتائج الفصل الثاني | متدربة متفوقة | منتدى الكلية التقنية بالأحساء | 69 | 2013- 12- 29 02:01 AM |
جامعة الإمام تعلن أسماء المقبولين مبدئياً في برامج التعليم الموازي | علي المطر | ملتقى الدراسات العليا و الابتعاث | 0 | 2009- 1- 28 11:39 PM |
الخدمة المدنية" تدعو 424 مرشحا وناجحا في المسابقات الوظيفية لمراجعة فروعها | علي المطر | ملتقى المواضيع العامة | 2 | 2009- 1- 9 05:28 PM |
دعوة (1387) من المرشحات للوظائف التعليمية النسوية لمراجعة فروع ومكاتب وزارة الخدمة | خوية الحاسب | ملتقى المواضيع العامة | 15 | 2008- 12- 20 12:52 PM |
أسماء المقبولين بنظام الانتساب في جامعة نجران | علي المطر | ملتقى المواضيع العامة | 0 | 2008- 11- 19 08:00 PM |