[ شعر ] : طرائف الشعر

[التعب منسي]

السلام عليكم ورحمة الله وبركاته

أحبابي ..

كثيرة هي الابيات التي تتصف بخفة الدم والمرح ويغلب عليها طابع الفكاهه

هنا نحاول ان ندوّن هذه الابيات لإضفاء جو المرح على الملتقى و ليكون هذا الموضوع متنفسًـا للاعضاء
والزوار كذلك ..


ونبدأ بهذه الابيات للشاعرة الراحلة" عابرة سبيل " رحمها الله


لي صاحب منه تبي تطلع الـروح=خبل ومنهي مولعـه فيـه خبلـه
عامين المّح له من الجد ومـزوح=وأقـول ياعنتـر تناديـك عبلـه
طال المدى ثم قلت انا أغليك يالوح=مجروحة جرح مخاطـره عجلـه
دنق:وقال أنا من العـام مجـروح=واشر لجرح مبطي وسط رجلـه


نرجو من الجميع التفاعل

[besho alqahtani]

موضوع جميل ..
عوآفي عَ آلطرح آلمبدع ..
لي مرور بآبيآت طريفه بآذنه !!
.. ~

[التعب منسي]

^
الله يعافيك خيتي والابداع مرورك وننتظر مشاركتك ومشاركات الجميع بفارغ الصبر

وهذا بيت لا تعليق


سقاك الله يا سوق ٍعليه الزين كوم اكوام
وانا لا من تنصيته ضمنت الليل بالهيئه

[هلال الوطن]

ياخبلي الغايب متى تردّ للعين ------ متى أشوفك أو تجيني رساله
صحيح بالدنيا خبولٍ كثيرين ------ لكن خبالك ياحياتي لحاله

لعابرة سبيل...
شكرا التعب على هيك موضوووع

[التعب منسي]

العفوو هلال ورحم الله الشاعره عباره سبيل رغم ان ابياتها طريفه لكن قمة الجزاله

هذا بيت مدري من هو له لكن اعجبني


ياثقل دم السبت من بين الايام
جعله فدا يوم الربوع السنافي

[التعب منسي]

تدرون وش هي مشكلة يوم الاثنين ؟؟؟





























إنّه يجي بين الاحد والثلاثاء

[التعب منسي]

الا يالله عفـوك لا معي بيـجــر ولا جــــوال=ولا عنـدي وضيـفه والتجـــاره فاشـلٍ فيـها
ولاعندي شهـاداتٍ ولاحــرفه تسـد الحــال=ولا حــظٍ كبير لا اخـطـت الجــــره يقديها
مخابي الثوب تومي مادخلها من زمان ريال=بها فاتورة الكهــرب ولا يمـديني اقضيـها
علىذيك العراوي تتعب الحادي مع الجمّال=ثلاث اشهـور فالورشـه وشهـرينٍ مغطيـها
ابيها لو تجـمّـل يـوم واجلـبـها على الدلاّل=يجيـها واحـدٍ حـظه مثل حـظي ويشــريها
نصيت العسـكـريّه يوم قالوا للنظـام رجــال=وقـدّمـت المـلـف وصـورةٍ متشــخـصٍ فيـها
خـذا الاوراق مني واحـدٍ مـا عند ابـوه دلال=سلوم الناس واهل المعرفه والطيب مخطيها
قراهـا في دقيـقه والتفـت عـجـلٍ علي وقـال=شهادتك العظيمه يا ولد وين انت مخفـيها
هزّيت الراس ماعندي تقول اني من البنقال=وقمـت احـب خشـمه واطلبـه بالله تمشّـيه
حـذفها من يده شين الطبيـعه والنبا والفـال=وقـال ازين تعـوّد صـوب نوقاتـك تعشّـيها
تناوشته من الكرسي وعفت الحل والترحال=وضربته بالبياله عقب ما بيّحت شـاهـيها
خذوني للسجـن لا نيب لا ظـالم ولا محـتال=مجـرّد واحـدٍ جـا يكـحل عيونه فيعمـيها
ويوم اني خرجت اقفيت لارض الله وسيع الجال=عـلى بـرٍ هـواه يـداوي العـلّـه ويـبـريـهـا
ادوّر قصعة الجـربوع والضـب الفتي يخـتال=والارنب يا شفاة الروح ما احلاها وطاريها
بـلا كهــرب ولا بيجــر ولا غـازٍ ولا نقّــال=قوانين الحضــاره لا تبي شـوفي ولا ابيـها


هذه لسعيد الاكلبي .. بري حالي صدق

[هلال الوطن]

شريت لي ثوبٍ على شان لقياك *** والثوب راحت موضته ما لبسته

[هلال الوطن]

حتى أنت يــ "البيبســي" علينا تغليـــت
هذا وحنــا مـا يــوم (ن) قـاطعنـــاك ...؟؟
هــذا وغـــازك فتــتـ الكبــــد تفتيــت
نــــدري بضـررك ورغــم هــذا شـربنــاك..
بسبتـــك؟ لـو جعـــت الظهـــر مـا تغـديـت
مـا فيــه لــذة دامنــي مـا أتحســااااك
وقلنــا فـــداااااك كبـــود راحـت فتـافيــت
ولا ردنــا غـــازك ولـو كـان فتـــاك
ليتـــك عن" نصيــص الزيـــادة " تعليــت
ولا قلــت بعيـــن الـزبـايـن حـلايـــاك
حـرمـة عنــك عقبهـا دخلــة البيــت
مـااانــي زبـونـــك داااام هذي سـوايــاك
مـادام للكــولا غـدت وجهــة الصيـت
وسط المخــاااازن تنثبــر مـا شرينــاك ...

[التعب منسي]

^^

ههههههههههههههههه اي والله فتت كبودنا حسبي عليه .. بس ماله بديل نعنبوه



هذا واحد " طفران " من الأوليين
وكانوا ( الاخوان ) يدورون على الناس ويمسكونهم واحد واحد ويخلونهم يدفعون الزكاة غصب
وحصلوا خوينا هذا في سبيل الله
و هم يمسكونه قالوا طلللللع الزكاه .!
ثم قال لهم :

قالوا تزك ّ و قلت و الله ما أزكّـي ..
ـــــــــــ من يوم ربي جابني ما تزكيـت .!
الفقر عانه وسط بيتي متكـّـــي ..
ـــــــــــ ما كنه الا واحد من هل البيـت .!

قالوا
مادام هذا حالك الله يرزقنا ويرزقك و تكول على الله