 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2014- 8- 5
|
|||
|
|||
|
اللي تعدوا مستوى خامس ياليت يفيدونا 🙊
السلام عليكم ..
ياليت اللي عندها خلفيه عن مواد مستوى خامس تعطينا نبذة بسيطه عن المواد والدكاتره الكويسين 😢 Art of speach, essay, english thougth and culture ,translation theory, phonctics and phonology, english Lit of the 17th C , the rise of the novel. والمواد العامه ايش تنصحون فيه بعد 🙊 النظام الاقتصادي في الاسلام ، الحضاره الاسلاميه ، الاسلام وقضايا التقنيه ... وشكراً ❤️❤️ 
|
|
2014- 8- 5
|
#2 |
|
أكـاديـمـي
|
رد: اللي تعدوا مستوى خامس ياليت يفيدونا 🙊
اي والله ي ليت البنات اللي تعدوا ليڤل 5 يفيدونا كل ماده و اي دكتوره كويسه لها
|
|
|
|
2014- 8- 5
|
#3 |
|
أكـاديـمـي فـعّـال
|
رد: اللي تعدوا مستوى خامس ياليت يفيدونا 🙊
وعليكم السلام الله يوفقكم ياارب ويسهل عليكم ويجعل هالترم بركة وخير عليكم .. ما أبي أخوفكم بس ترى مستوى خامس من اثقل واصعب المستويات .. يبي له شدة حيل ومذاكرة أول بأول لانه بيفتح لكم مواد كثيره . فنون المحادثة ماده سهلللة وممتعه فكرتها تعتمد على البرزنتيشن والمحادثة داخل الكلاس ، طبعاً المحاضرة تكون كله سوالف بالانجليزي عشان تتطور عندك مهارة التحدث ، وراح يكون عندك 3 برزنتيشن تسوينهم طول الترم بأي موضوع انتي حابه وتقيمك عليه الدكتورة وراح يكون فيه اختبار شفوي تقعدين مع الدكتوره وتقعد تسألك كم سؤال . أنا أخذتها مع ازدهار طبعاً ماعليهاا كلاااام عسل هالدكتوره . ويمدحون لبنى باهمام لهالماده بعد . مقال : نفس الرايتنق 2 بس بشكل أوسع ، راح تتعلمين انواع للمقالات وكيف تكتبينها وكيف تحطين رأيين متناقضين بالمقال وتفندينهم ، طبعاً الماده تعتمد على مهارتك بالكتابة وكمية الفوكاب اللي عندك . تدرس هالمادة فوزية زكي ونداء عزام وآمنه صالح وفيه كثيير بعد وتقريباً كللهم كويسيين . فكر وثقافه : مادة فلسفية بححححته تتكلم عن الفلاسفه في القرن ال 17 وراح تدرسين اكثر من 20 فيلسوف وأفكارهم وايش العلاقه بين فلسفاتهم . الزبده المادة تحوووس . كل اللي عليك انك تذاكرينها اول بأول ، نصيحه أول بأول ! وان شاء الله تعدينها . اللي يدرس المادة هذي عادة لمياء المبارك واكييد الكل يعرفها. بس يقولون هالترم ماراح تكون موجوده فما أدري مين بيمسك هالمادة . نظريه الترجمة : مادة حلوة وسهله ، راح تتعلمين مبادئ الترجمه وبعض النظريات اللي فيها وكيف تترجمين نصوص وعبارات من عربي لانجليزي ومن انجليزي لعربي بعيد عن الترجمه الحرفية ، المادة سهله جداً اذا انتي عندك محصول كلمات زين . درستني سلوى الوفائي متمكنه من الماده جداً وماتظلمم بالدرجاات ابدد ، بس انا ابداً ماحبيتها ما أدري ليش كذا من الله . وفيه عندك ليلى الحسن روووعه من جميع النواحي اذا لقيتي اسمها لا تفوتينها . صوتيات : ماده دسسمه شوي بس ممتعه ، هي تتكلم عن الاصوات ومخارجها وكيفية نطقها . مواضيعها كثيييرة بس ممتعه بدون استهانه فيها . هالماده هذي ما أتخييل أحد يدرسها اروع من أميمه مغربي . أدب القرن 17 : تنقسم هالماده قسمين شعر ودراما . الشعر راح تاخذين قصايد وتحللينها وتشرحينها ومن هالكلام نفس اللي أخذتوه بعصر النهضة والدراما بعد نفس الشي راح تدرسون مسرحية the way of the world . درستني حصه الكهلان شرحها بسيط ومختصر واسألتها كويسه مع انها بعض الاحيان تحوسك بالمحاضرة وتخربط افكارك ، يعني باختصار مو مرتبه بالشرح . تدرس هالمادة معها علياء بدر ماعمري جربتها ناس يمدحونها وناس العكس . بس اذا اضطريتي خذي عند حصه . نشأة الرواية : مادة حلوووه مرره ، تدرسون روايتين مختلفات ، تدرسين فيها القصه والثيم والشخصيات وكل شي . وراح يجيك بالفاينل مقال تكتبين عن وحده من الروايات . المادة ماسكتها ليلى العقيلي لحالها ، رووعه هالدكتوره شرحها يجنن يعيشك جو واسألتها سهلله بس بالدرجات لك عليها شوي ماتاخذين الا حقك فقققط . وشديده شوي بالبرزنتيشن مو اي شي يعجبها . بس بشكل عام مره كويسه . نجي للمواد العامه : النظام الاقتصادي : تتكلم عن الاموال والبنوك والمصارف في الاسلام ماكانت صعبه قد ما كانت كثيرة ، دكاترة الدراسات كللهم كويسين . بالنسبه للماده الثانية لا تفكرين تاخذين الاسلام وقضايا التقنية لانه ماسكها دكتور واحد وجنن البنات على وقتي وندموا انهم اخذوها . انا اخذت حضاره اسلاميه : سهللله الماااده وخفيييفه اتمنى ادرسها مرره ثانيه تتكلم عن عن العلماء المسلمين زي ابن سيناء والرازي وجهودهم في تطور العلوم وتتكلم عن بعض الحضارات بالدول الاسلاميه . انا اخذتها مع هدى الحسين رووووعه هالدكتوره شرح ، تعامل ، درجات ماتتفوت الصراحه . وبالاخير حابه اقول كلمتين تقرقع بقلبي وما ودي البنات يمرون في اللي انا مريت فيه : شوفوا المستوى هذا منعطف طريق يحدد بقائك في الجامعه من عدمها . لو تشيكون ع الخطه راح تلاحظون ان المستوى هذا الوحييد اللي فيه 9 مواد اغلبيتها دسمه وكل وحده فيها حقها ، اذا انتي مو مستعجله ع التخرج لا تاخذينهم كلههم مع بعض ! نصيييحه لا تاخذينهم كللهم .. اجلي المواد اللي مالها متطلب قدر الامكان . راح تنضغطون مع كل هالمواد و كل ماده ولها برزنتيشن لحال وكويزات وبحث وميد وفاينل ، راح تتشتتين وماراح تقدرين توفقين بين كل هالمواد ويمكن لاسمح الله ينزل معدلك بسببها او تحملين ماده . وبس ياارب كلامي فادكم واذا تبون اي شي اسألوا لا تتردون ، ومافيه مانع تنسخون كلآمي وترسلونه عشان يستفيدون اكبر عدد من البنات . ولاتنسوني من دعائكم وبالتوفييق للجميع ياارب   |
|
|
|
2014- 8- 5
|
#4 | |
|
أكـاديـمـي نــشـط
|
رد: اللي تعدوا مستوى خامس ياليت يفيدونا 🙊
اقتباس:
Art of speach ماده بسيطه خفيفه محاظرتين بالاسبوع كل محاضرة تخليكم تتكلمون عن موضوع تعلمك كيف تقدمين برزنتيشن وتتكلمين عنه والدكتوره تقيمك عليه اصعب مافي الماده اختيار الموضوع والبحث عنه وحتى المد والفاينل القاء برزنتيشن انا درستني د/ لبنى باهمام الحق يقال الاستاذه تعلمك وتحاول تخلي الكورس ممتع ولكنها نظاميه حدها ما تقبل التاخير عن المحاضرة ولا تأجيل عرض حتى لو كان عندك امتحان وحتى اذا قبلت لازم تنقصك درجه essay ماده كتابه .. طول الكورس يعلمونك كيف تكتبين مقال وبالاخص المقال جدلي واقصد بالمقال الجدلي هو مقال تحاولين من خلاله تقنعين القارئ ان رائيك هو الصح تكتبين في البراقراف الاول الراي المخالف لك وفي البرقرافات الباقيه الاسباب والاشياء اللي بتقنعين فيها القارئ والبرقراف الاخير خاتمه درسني الماده د/ احمد حسن هلكنا .. كثير يعطي واجبات كلها عباره عن كتابه و شديد شوي بالدرجات ما كان يشرح كثير يمكن لان الماده ما تستاهل شرح اهم شي عنده المشاركه ليلى الحسن دكتوره رائعه وطيبه وتشرح وتساعدك قد ماتقدر اذا حصل لك رغم اني ما اتوقع انها تدرس الماده خذي عندها english thougth and culture  مابي اخوفك لكن جد انا نتفت شعري بهالماده الى ان قام يتساقط من نفسه ماااااااده دسمه ونظريه جداااا شدو حيلكم فيها ودرسوها وافهموها من اول وسألوا لو تخربطت الافكار تتناول العلماء من العصور القديمه الى العصر الحديث تقريبا وتشرح لك كل عالم ايش قال وايش قدم وكيف بعض العلماء طوروا افكار العلماء اللي قبلهم وكيف ان في علماء من نفس العصر لكن كل واحد قدم فكره معاكسه للاخر درسوني الماده نداء عزام بالصيف اللي راح تشررررح من قلب شرحها مرتب تمشي شوي شوي وفي النهايه تربط لك الافكار كلها ببعض لكــن اسألتها صعبه ومب كل شي يعجبها وماكانت ترضى نسجل لها  وعاددي عندها تشرشحك درسني بعد دكتور تونسي ناسيه اسمه شرحه نص كم دقيق في التصحيح من ناحيه القرامر والسبلنق حاولي تجمعين اكثر من 30 درجه اعمال سنه لان غالبا ماحد ينجح عنده وهو جايب اقل ويجيب اسئله ماشرحها خصوصا اذا كان معاه دكتور ثاني ويغيب واجد ميزته الوحيده ان كل شي يكتبه على البورد وينزله بالكوبي سنتر اخر كورس درست فيه هالماده الكورس اللي راح واخيرا نجحت درستني بدايه الترم دكتوره هنديه لكنها سافرت واتركتنا الله يسامحها الزبده درستني بعدها د/ لمياء هذي الدكتوره للامانه شرحها جدا بيرفكت وتستمتعين فيه لولا نبره صوتها العاليه عندها معلومات كثير الى درجه ماتقدرين تلحقين وراها كتابه وعادي تخلص المحاضرة وهي ماخلصت شرح تطلعين من عندها فاهمه ترجعين البيت ماتفهمين عادي كل عالم تربطه بالعالم اللي جاب الفكره قبله والعالم المعاكس له تصحيحها دقيييييييييييييييييييييييييييييييييييييييييييييييي ييييييق جدا لكن احنا نظرا لظرف اللي انحطينا فيه صلحت لنا دكتوره غيرها اسألتها صعبببه بس على قد شرحها وكل شي تقوله يجيي بالاختبار ومب اي احد ياخذ فل مارك عندها تحب اللي يتفاعل معاها ويحسسها انه فاهم النجاح مب مستحيل لكن يبي له كرف معاها translation theory اول كورس ترجمه الثلاث ارباع الكورس يعطونك نظريات الترجمه واساسياتها وكيف تترجمين والربع الاخير يعطونك قطعه وتترجمينها درستني د/ ليلى الحسن زي ماقلت فوق انسانه رائعه شرحها حلو وبسيط وتساعدك قد ماتقدر من الدكاتره اللى من اشوف اسمها اسجل عندها phonctics and phonology هالماده صعبه شوي يعلمونك كيف تقرين الكلمه وتكتبينها كيف تنطقين كل حرف متى تشدين على الحرف ومتى ترخين كل حرف من وين يطلع د/ اميميه من الدكاتره المميزين في هالماده تشرح من قلب لكنها نظاميه وقد تطرد من المحاضرة عادي اسئلتها صعبه شوي english Lit of the 17th C ثاني مااااااااااااااده دسمه بهالسمستر لكنها مو صعبه حيل بس المحاظراات فيها كثير محاظرتين بالاسبوع غالبا هالماده يدرسونها دكتورين احد يدرسك القصايد الشعريه والثاني روايه في القرن17 اهم شي في الكورس ان تفهمين شنو كان ذاك العصر شالمميزيات اللي في فيه وشنو افكارهم وش يعتقدون وكيف هالاشيا تنعكس في الادب درست هالكورس السنه اللي فاتت السمستر الاول حصه شعر والدكتوره الثانيه اللي سافرت في نص الكورس الثاني حصه  عصبيه جداا وماتقبل النقااش ابدا وعادي تهزأ بكلام يسم البدن شرحها مقبــول بالاختبار اسئلتها مب صعبه ولا تحب تكتبين لها اجوبه طويله تحب المختصر المفيد تبيك تشاركين كل محاضرة وتكونين قاريه عن القصيده ولاااازم تجيبين القصيده معاك ولا عادي ماتعطيك حظور the rise of the nove تتناول بدايات الروايه وكيف طلعت وانتشرت ومين اول من بدا يكتب روايات وتطبقونها على روايتين كل دكتور يحدد الروايات اللي يبي مافي شي محدد درسني دكتور لكنه مو موجود الحين بتول من الدكاتره اللي تشرح من قلب في هالماده تشرح وتفصل في كل شي تعيشك جو الروايه يجوز انها من كثر ما تفصل تضيعين شوي لكنها رهيبه خليك معاها من اول الخط وانشالله ما تضيعين علشان كذا في بنات درسوا معاها قرامر وضاعوا لان القرامر مايبي له تفصيل الزبده وبس تساعد بالدرجات خصوصا البنات اللي يشاركون معاها وتعرفهم رهيبه جدا لا تفوتينها ليلى العقيلي ما اعرفها لكن يقولون بعد شرحها حلو وسهل لكنها نظاميه من الدرجه الاولى ومب اي شي يعجبها خصوصا في البرزنتيشنات يعني الدرجه بالصعبوبه تطلع نظام اقتصادي يدرسك الانظمه شنو سلبياتها وايجابياتها وكيف ان النظام الاسلامي احسن الانظمه موفقين  |
|
|
|
|
2014- 8- 5
|
#5 |
|
أكـاديـمـي
|
رد: اللي تعدوا مستوى خامس ياليت يفيدونا 🙊
جزاكم الله خير ��❤️
|
|
|
|
2014- 8- 6
|
#6 |
|
أكـاديـمـي ألـمـاسـي
|
رد: اللي تعدوا مستوى خامس ياليت يفيدونا 🙊
البنات ما قصروا بس راح اتكلم عن الدكاتره الي درسوني هذي المواد
Art of speach درستني ازدهار مره عسسسسل وتستمتعين بالمحاضره ومثل ماقالوا البنات كلها سوالف وبرزنتيشن تختارين 3 مواضيع تتكلمين عنها , essay درستني امنه الصالح مره احبها هالانسانه تشرح بذمة وضمير و محاضراتها ما تنمل والماده عموما حلوه بس شدي حيلك فيها , english thougth and culture درستني نداء عزام حبيت الماده منها حلوه وتخلي مخك شغال كلها فلسفات ونظريات انا يعجبني هذا النوع من المواضيع عشان كذا حبيتها ونداء شرحها رووووعه ,translation theory اخذتها عند ليلى الوفائي حليوه وشرحها كويس بس اشوف ليلى الحسن افضل , phonctics and phonology, درستني اميمه وتساعد بالعروض والشرح بس الماده اساسا دسمه يبغالك تذاكرينها اول بأول واميمه اسألتها دايما مقالي english Lit of the 17th C درستها عند مها سلام و عليا البدر .. الدكتوره عليا الله يهديها شرحها مدري كيف مو مفهموم وتلخبط البنت وحملتها ودرستها مره ثانيه عند حصه الكهلان ودكتور شمس الدين والحمدالله نجحت .. شرح حصه حلوه بس يبغالك تكتبين معها دايما لأن اسألتها من شرحها , the rise of the novel. اخذتها عند ليلى العقيلي حلو شرحها مرره |
|
|
|
2014- 8- 6
|
#7 |
|
أكـاديـمـي
|
رد: اللي تعدوا مستوى خامس ياليت يفيدونا 🙊
روان الله يجزاك خير ويطمنكم جميعاً ��❤️
عندي سؤال ثاني �� ودي اعرف ايش المواد اللي كلاسين بالاسبوع غير english lit , art of speach ? |
|
|
|
2014- 8- 6
|
#8 |
|
أكـاديـمـي ألـمـاسـي
|
رد: اللي تعدوا مستوى خامس ياليت يفيدونا 🙊
^
كلهم مرتين بالاسبوع الادب ينقسم شعر ودراما والمحادثه مرتين بالاسبوع طبعا |
|
|
|
2014- 8- 6
|
#9 |
|
أكـاديـمـي فـعّـال
|
رد: اللي تعدوا مستوى خامس ياليت يفيدونا 🙊
والفونتيكس والفونولوجي مرتين بالاسبوع بعد ..
|
|
|
|
2014- 8- 6
|
#10 |
|
أكـاديـمـي
|
رد: اللي تعدوا مستوى خامس ياليت يفيدونا 🙊
الله يعطيكم العافيه بنات ماقصرتو الله يسعدكم ويوفقكم بالدارين .
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ صعوبات تعلم ] : غرفة مذاكرة لااعداد برامج تربوية لصعوبات التعلم | ام ريناد5816 | تربية خاصة 6 | 81 | 2014- 5- 20 02:57 PM |
