|
المستوى الثالث - إدارة اعمال ملتقى طلاب وطالبات المستوى الثالث إدارة اعمال التعليم عن بعد جامعة الدمام |
|
أدوات الموضوع |
#1
|
||||
|
||||
وداعاً مستوى ثالث .
السلام و عليكم و رحمة الله و بركاته
صباح / مساء الخير صراحه كنت متردده اكتب هالموضوع او لآ وجلست والله افكر كثير بس لقيتني داخله و اكتب رُغم انه اول موضوع لي ويكون وداع ! معليش نعديها يانوها الحمدلله خلصنا مستوى ثالث بكل مافيه من تعب و حلآوة ايام كانت فيه و اليوم فرحنا بالنتائج رُغم انه كانت في مواد معكره مزاج البعض منا بس الحمدلله عدينا بكل جداره و اقول لكل اخ و اخت ما حالفهم الحظ ببعض المواد لآتوقفون ولا تخلون هالشي يوقف قدامكم المشوار ما باقي عليه شي كلنا بإذن الله بنتخرج مع بعض و نفرح و نواصل ماراح نوقف على الشهاده الجامعيه بس اتمنى من كل قلبي كلنا نسامح اي دكتور ماكان متعاون معنا كلنا نغلط واعرف بإذن الله كلكم قلوبكم بيضاء واخر شي اتمنى كل شخص يدخل موضوعي يقول رأيه بشكل عام في " مستوى ثالث " عشان يكون للي بعدنا بإذن الله يشوفون اتمنى تكون عبارات كلها ايجابيه لازم نراعي ان البعض تأثر فيه كلمه اخيراً اسأل الله العظيم رب العرش العظيم ان يوفقنا كلنا لما يحبه ويرضى اسفه اذا طولت عليكم |
2015- 1- 19 | #2 |
أكـاديـمـي فـعّـال
|
رد: وداعاً مستوى ثالث .
كلمات رائعه وفعلا كان ترم عجيب ولله الحمدالله عدينا وخلصنا
وبالتوفيق لأخواننا المتعثرين وبأذن الله ينجحون بداية الترم صادني تشائم واكتئاب من النمري لما نزل قرار تدريسه مادة النظام الاقتصادي والاقتصاد الكلي حوسه والمحاضرات ماتنزل كانت بداية سئيه نوعا ما وبمساعدة الاعضاء نجوم الملتقى جزاهم الله كل خير خففو علينا الصعاب اخلاقيات العمل والاحصاء حتى لو ذاكرتها من بداية الترم مانفع لان المشكله بالدكاتره المحاسبة الماليه والنظام الاجتماعي روعة واتمنى يكون مستوى رابع سهل ويسير والدكاتره كويسين يعطيك العافيه نوهاا |
2015- 1- 19 | #3 | |
أكـاديـمـي فـعّـال
|
رد: وداعاً مستوى ثالث .
اقتباس:
|
|
2015- 1- 20 | #4 |
أكـاديـمـي فـعّـال
|
رد: وداعاً مستوى ثالث .
حلو موضوعك كلمات تحمل ايجابيه للبعض
هالترم بالنسبه لي كان الاسو لظروفي النفسيه اولا وكمان كان فيه اهمال من قبل الجامعه نفسها لكن الحمدلله بفضل لله مر هالترم بالنسبه لي ع خير اعتقد مهما كان سلبيه الدكاتره والجامعه بنعدى بتعاون طلاب وطالبات الملتقى الله يجزاهم الجنه ع تعبهم ومجهودهم وماقصرو بصراحه وودى اذكر اسماء لكن اخاف انسى اسماء واحد يزعل اقول لطلاب المستوى الثالث ركزو ع الاحصاء والاقتصاد الكلي واخلاقيات العمل اذا كانو نفس دكاتره حقنا اممممم الله يوفق الجميع يارب وشكرا لك |
2015- 1- 20 | #5 | |
أكـاديـمـي فـعّـال
|
رد: وداعاً مستوى ثالث .
اقتباس:
|
|
2015- 1- 21 | #6 |
أكـاديـمـي
|
رد: وداعاً مستوى ثالث .
بسم الله الرحمن الرحيم
السلام عليكم ورحمه الله وبركاته تسلمي جزاك الله خير اختي الغالية على الموضوع الجميل فعلا هذا الترم كان ثقيل على مع مبادي الرياضيات ودش الكلام في الاقتصاد الكلي بس الحمد لله شديت حيلي وذاكرت وكان التوفيق من الله سبحانه وتعالى |
2015- 1- 21 | #7 |
أكـاديـمـي فـعّـال
|
رد: وداعاً مستوى ثالث .
فالك التوفيق يارب بالمتسوى الرابع بإذن الله .
|
2015- 1- 21 | #8 |
متميزة بالمستوى الخامس - إدارة أعمال
|
رد: وداعاً مستوى ثالث .
كوناباوآ ..
تسلم يمناك ع الطرح .. نوهآ المستوى كان بين الكفتين .. بين الصعب و السهل .. لكن لا بد من المذاكرة و المراجعة المستمرة .. اسوءء شي حصل .. تغيير دكتور النظام الاقتصادي .. و تغيير النظام بنص الطريق و التحديثات اللي توقيتها غلط .. ب النسبة للدكاترة .. د.حسن للمحاسبة كفى و وفى ولا عليه غبار ما شاء الله .. و اسئلته كانت على قد ما شرح .. ب النسبة للاختبار التقصير حصل مني .. بسبب ظروف خايسة حبكت تطلع وقت الاختبارات د.محمد للاقتصاد نيته ان يحفظنا و يفهمنا بنفس الوقت ، ب نفس المحاضرة و بنفس الوقت برضو استخدم اسلوب تعليم غلط .. و عفس الدنيا .. و اللي لخصوا المادة .. اكيد اكيد واجهوا صعوبة ف تجميع المهم و عدم التكرار بنفس الموضوع ! لا احنا اللي فهمنا ولا احنا اللي حفظنا هذا كوم و سرعته ب الشرح و الكلام كوم ثاني .. لكن اختباره كان مقبول د.شرقاوي مدري اسمه محمد بعد المهم تبع الاخلاقيات .. حلاته فوق انه متاخر خفف شوي من المقرر .. بآلنسبة لي شرحه كويس ف آلمحاضرات و يركز ع نقاط كويسة و المحتوى تبعه م اعتقد يحتاج لتلخيص عميق .. و هذا احسن شي .. لكن .. اسئلة الفآينل مو بمستوى الشرح .. كانت اعلى و ادق شوي و الاغلبية موافقين ع هالكلام .. د.صالح للنظام الاجتماعي .. برضو كفى و وفى جزاه الله خير .. و للحين قاهرني حذف جزئية حلوة يجيب منها اسئلة .. و ف الاختبار ما لقى جزئيات يجيب منها اسئلة راح جاب من بين السطور و عفسنا .. بدل ما يكون الاختبار في النظام الاجتماعي ف الاسلام صار اختبار تاريخ لكن عموما اسئلته كانت جميلة و الكل جاب A+و A .. د.فهد تبع النظام الاقتصادي .. يشرح شي و يختبر ف اشياء مدري من وين يجيبها و يلغم السؤال و لا يصيغ السؤال صح واحنا نفحط د.رائد للاحصاء .. حدث ولا حرج لا شرح ولا اسئلة .. وفوق هذا مدري اقول غدار ؟؟ نتدرب على الجدول الاحصائي بشكل معين و سهل و بالاختبار يجيبه لنا بطريقة ثانية !! مو كفاية الوقت م يساعد ، مو كفاية ان الاسئلة صعبة و تحتاج تفكير و حل و تظليل و مراجعة بعد يسوي هالحركة هالمستوى انا ما حبيته من اوله .. لكن لكل اللي بيجون من بعدنا : المواد النظرية الـ3 تحتاج فهم و حفظ بنفس الوقت .. المواد العلمية الـ3 تحتاج تركيز و فهم و تدوين ملاحظات و حفظ و مذاكرة و مراجعة دورية و حل كويزات .. مهما كان شرح الدكتور مو داخل مخكم .. انتو مفتاح النجاح ما عرفت اعبر .. لكن ب التعاون و الاصرار بتعدون بنجاح ان شاء الله ب التوفيق للجميع .. احس اني القي خطاب ولا ندوة يعطيك العافية حبيبي و قوومييين "سوري" ع الاطالة |
2015- 1- 21 | #9 | |
أكـاديـمـي فـعّـال
|
رد: وداعاً مستوى ثالث .
اقتباس:
يعطيك العافيه جميلتي كلامك جميل و بالضبط المره الجايه ترجمي لي طلاسمك ههههههههه |
|
2015- 1- 22 | #10 |
متميز بمستوى ثالث إدارة أعمال
|
رد: وداعاً مستوى ثالث .
وعليكم السلام ورحمة الله وبركاته ,
وصباح النور عليك اخت نوها وعلى الجميع وداعيه جميلة لهذا المستوى العجيب انا بدئت فيه قبل ان يبدء , بعد نهاية التيرم الثاني استعرضت مواده ووجدتها اسهل مواد من التيرمين الاول والثاني ماعدا الاحصاء فقط من ضمن السته مواد وبدئت ادرسه في الصيفيه وكنت اعيد المحاضرة الوحدة 4 مرات خلال الاسبوع حتى افهم ايش قاعد يقول ورتبت اوراقي مبكر واستعديت له وحطيت لي هدف وهو رفع المعدل مستغل وجود النطامين الاقتصادي والاجتماعي في الاسلام واخلاقيات العمل لاني رحت حليت كوزات من سبقونا من دون ان ادرسها ونتائجي كانت فوق 70% لانها معروفه , وشبه معروف اغلبها عند الانسان العادي وبامانه كان استعداد يفوق الوصف وحماس منقطع النظير لكن , وهذه حطي تحتها عشرين خط انصدمت بسوء النظام المتبع من الجامعه والمعتاد مع كل تيرم عدم نزول المحاضرات ونزول محاضرات واخرى لم تنزل , نزول الواجب الاول للاقتصاد ومحاضراته لم تنزل وتاخر الدكاترة المعتاد من عبد القادر الى النمري مرورا بالشرقاوي واخيرا المصيبة الكبرى سوء اداء اغلبهم وتعنت البعض منهم كالنمري والشرقاوي وثلاثة لايملكون ملكت وفن وحضور وتكنيك التدريس وهم النمري وعبد المُطلب والخصاونه ربما يكونوا فاهمين بالمادة كاعداد لها او مراجعتها لكن كمحاضرين ومدرسين لها فلا والف لا بل كارثة لكل من ياتي بعدنا , اما الشرقاوي من النوعية العسرة الكريهة اللي يعسر كل امر يسير اضافة لما سبق لم يخلو اين منهم من اخطاء وكان افضلهم على الاطلاق حس عارف بامانه مغرد خارج السرب هو في ناحية والبقية في ناحيه الا انه يؤخذ عليه اخطائه الكثيرة في ملخصاته اما عبد المطلب اعجب من طريقة لم ترى عيني ولن اشاهد كمن ينسخ الكتاب 4 مرات ثم يفك اوراق كل كتاب على حده ويخلط الاوق فيما بينها وتجد صفحات متكرره من اخر الكتاب باوله واخرى من اول الكتاب باخره ثم يعجز عن تنظيمها ويجعل من مادة تحتوي على 100 صفحه الى مادة مملة معقدة مكونه من 800 صفحة وزيادة ولاتعرف لها راس من رجلين خالط الحابل بالنابل وفوق هذا وذاك اخطاء قاتله بالاختبار الفصلي بلغت 4 اخطاء وهذه نسبة كبيرة جدا في اختبار يقرر مصير طلبه لكن لاحياة لمن تنادي , النمري يعورني قلبي لاتكلمت عنه لاني لن ارى اسوء منه اطلاقاً ولا اعرف سر تاخره في العمل , في التيرم الثاني تاخر 40 يوم من بداية التيرم وفي التيرم الثالثث تاخر شهر ونصف ومدري عنده واسطة ولا وش سالفته ويشرح تقل نايم واسئلته ملتويه ومعقدة لاهي على قد شرحه ولا على قد حضوره , اما رائد الخصاونه اول مره تجد مدرس مادة علمية تعتمد على الرياضيات يشرح وكانه يسرد قصه دائما متأفئف في نبرته السلبية قرفان من المادة يرسل لك اشارات سلبية يمللك من المادة ولايمكن تفهم منه من اول او ثاني مره لابد ان تعيد المحاضرة الوحدة اكثر من مرتين الى 4 مرات الحقيقة طقم مدرسين عجبه هم اسوء مافي المرحلة ولااحد يجي يقول انت انتقدتهم لانك لم تفلح وحيلة البليد مسح السبورة فانا ولله الحمد انتقدتهم وانا حاصل على اعلى الدرجات وهنا يكون النقد اكثر صدق ودقة انا ماحققت هذه النتائج لانهم جيدين لكن لانني قدمت جهد خارق فوق العادة لم يسبق لي ان قدمته من قبل وكنت موفق في ظل هذا الطاقم التدريسي العجيب وكان الله في عون من ياتي بعدنا ان لم يتغيروا اجمل مافي هالتيرم هو تكاتفنا والتفافنا حول بعض وبذل مجهود مضني وواضح من بعض الاعضاء وظهور وجوه جديدة تبذل مابوسعها لم يكن لها حضور في السابق وهذا من ايجابية هذا التيرم وختاماً لايسعني الا ان اشكر كل من ساهم في مساعدتنا فردا فردا واخص بالذكر الاكثر تاثيرا في المجموعة بدون ترتيب وهم : ملاك , وعد , سرو , الحان , سونا , مشعل , هكونا , تووتا , مهريما , سومياا وشكر خاص للرائعه دوما نصرون بالرغم من انها خارج المجموعة جهدودكم واضحه وملموسه من اول التيرم لاخره ربي يحفظكم ويجزاكم عنا الخير الكثير شكرا نوها على الموضوع ,, وداعاً مستوى ثالث والى غير رجعه باذن الله فراق ابدي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
النثر الإنجليزي مستوى رابع جميع الملخصات 1434هـ | وائل خضر | E4 | 44 | 2014- 12- 26 09:40 PM |
[ اسئلة اختبارات ] : اسئلة اختبارات سابقة لجميع مقررات ادارة اعمال مستوى ثالث | سفير الظلام | إدارة أعمال 3 | 5 | 2014- 12- 22 08:52 AM |
[ المستوى الثالث ] : الجغرافيا الاقتصاديه تجمع مستوي ثالث | fahad15 | الجغرافيا | 17 | 2014- 12- 20 05:08 PM |
[ استفسار ] مستوى ثالث عندي سوال | اميررة | اجتماع 3 | 10 | 2014- 12- 20 03:08 AM |
[ اسئلة اختبارات ] : طلاب مستوي ثالث يبون فزززعتكم يا مستوي رابع | حائلي100 | اجتماع 4 | 15 | 2014- 12- 18 01:46 PM |