يوميات ينايريـه ♥ ! - ملتقى طلاب وطالبات جامعة الملك فيصل,جامعة الدمام

Amina Saleh · #1 2015- 2- 18

\

السلام عليكم ورحمة الله وبركاته
بما ان لي سوابق مع التدوينات

, و لي فتره ماكتبت و نسيت كيف ابدأ ب تدوينه جديده و احب أتواصل مع الناس الألكترونيا

,,
قررت اني افتح هنا و أكتب كل مابخاطري لان اعاني من ضغوط نفسيه هالفتره وأبي أفرغها هنا

!

اعرفكم بنفسي :

أسمي أمينه و من مواليد : 1995
كنت ادرس بـ جامعة الدمام إنتساب و ماجبت المعدل المطلوب للإنتظام وطلعت منها !
حاليا عاطله

عندي هوايه تصوير , رسم تطبيقي ! يعني احب اشوف شي وأطبق الدرس فقط

.
اما لاتخيلت الشي وأبي اسويه يطلع مسلسل كويتي بـ اخراج هندي

+ أكتب يوميات وأقرأ كتب ثقافه اما روايات واقع

!
كل الصور اللي بحطها هنا بتكون من تصويريّ لكن بعضها ماراح احط عليها حقوق < عجازه
لكن حلال عليكم

.
وبس راح اوقف هنا , مع السلامه

\

سبحانك اللهم و بحمدك أشهد أن لا إله إلا انت أستغفرك وأتوب إليك

Amina Saleh · 2015- 2- 21

/

أحسن نيتك يحسن الله حالك وتمنى الخير
لغيرك يأتيك الخير من حيث لاتحتسب !

Amina Saleh · 2015- 2- 21

مساء الخير , قاع احاول اني اكتب بس كل مافتحت الصفحه يعلق مخي !
مع إن متعبيه كلام وابي افرغه بس اصابعي تعجز تكتب :/

\

خن أقولكم موقف صار لي مع صديقتي ايام الثانويه

2013 || 1434 هـ

بـ ثاني ثانوي بـ وقت فسحة الصلاة طبعا مدري ليش حاطينها اقل من 10 دقايق
محد كان يصلي الا 10 طالبات , الكل كان يهج للساحه بالدور الارضي
المهم قررنا بذاك الوقت ان الحصه الاخيره ماندخلها الا اذا قربت تخلص :d < شر

وهربنا من الدور الثالث < فصلنا بهالدور
وبنفس الدور معانا المراقبات وغرفة المدرسات و غرفة الوكيله
رحنا للدور الاول وقعدنا بحمام البزران تبع التمهيدي وتوابعهم و بزر داخل وبزر طالع ومتحملين
وجمب دورة المياة غرفه للعاملات ! [ مطبخ وفيه جلسة ] !

سمعنا صوت مراقبتنا من بعيد بس صوتها قوي ومزعج لدرجة خفنا منها
تطيح علينا بس لما سمعنا الصوت هجينا للعاملات نتخبى عندهم <
وبعدها قبل يرن الجرس بلحظات قلنا خلاص خن نصعب الا بـ وجهنا طالبات كانو طالعين من الفصول
خلاص عالبيت يعني وارتحناا ..

لكل المره الثانيه عدناها و وقعنا بالفخ !!! سوينا نفس المره الاولى لكن
واحنا راقين من الدرج كانت هي المراقبه فـ وجهنا وتصارخ تقول لنا [ وين كنتو ] وربي ما اكذب
ان لسانها طلع يردح لنا من قوة الصراخ هههههههههههههههههههههههههههـ
و كان صدق نهاية الدوام وكانت عندنا معلمه جديده وهي بلغت عننا !

المهم , صديقتي شوق تبرر لها وصار فيه شد بالكلام وانا ساكته وجاتني الوكيله
تقول لي لييش تسوين كذا ؟ قلت اخر مره وماراح نعيدها وشوق تتلاسن مع المراقبه
المهم انا قالو لي روحي الفصل وكنت شبهه ببكي ع بضحك مادري كيف كان وضعي من الروعه
وشوق مسكينه ماتعرفون ان كانت معصبه او رايقه لان ف كل الحالتين نفس ماهي ماتتغير
المهم هي كلمو اهلها ! وانا لا !!!

عاد المراقبه بعد ماعصبت علينا؟ قالت لنا لاتجون المدرسه غيبو احسن
تعرفون وش كان ودي؟ كان ودي اهفها بـ طفاية الحريق !

وموقف ثاني بـ اول ثانوي كان عادي نسوي موديل بالمريول [ نفس المراقبه ] ^
كان تنوره وقميص , وكان موديل التنوره ميدي فـ يوم شافوني الوكيله تقول ان لازم تغيرين
قلت طيب معليه بغير بس خلوني اطلع اتفسح [ كان وقت فسحه وبينتهي الوقت ] !
و فيه كثير مخالفين وموقفينهم معاي بس مشوهم ! يساحلونهم بالكلام الحلو
لكن انا ما اتحمل بسرعه اعصب واطول لساني ووقفتني [ المراقبه ام لسان ]

ومشيت بطلع من الغرفه قالت لي المراقبه : امينه وقفي
ومارديت عليها كنت مخنوقه من الحره خلاص وصلت حدي وبكيت
جلست بالفصل اقل من 5 دقايق وقمت واخلاقي زفت وكانت المراقبه واقفه بـ وجهي
ودفيتها بـ اقوى ماعندي !!!!!

>>> انا يطلع مني كل هذا ,, صراحه انا مصدومه من نفسي
لاعصبت وخرو عني , و الله ما احس بنفسي

المهم هي بـ وقت الدفه كانت حامل وبشهورها الاولى بس ما كنت ادري
وادري ان غلط ادف المراقبه وكذا بس قهرتني !

تخيلو الفسحه انحرم منها عشان التنوره قصيره! حسبي الله ونعم الوكيل
طبعا تنورتي مب قصيره هي فوق الكعب ع طول ! بس تعرفون لعانه بعض المدارس !

و نزلت للبنات ودموعي اربع اربع ويهدوني البنات وتجمهرو بنات
تعرفون لقافه يبون يعرفون شسالفه

وبعدين هجدت
رجعت البيت سألتني امي وش مسويه بالمراقبه ؟
طبعا اانا انهديت ع امي وقلت لها كل شي ,, عبالكم وقفت معاي؟
لا لا وقت مع هالزفته ولا بعد تبيني اعتذر منها واحب راسها !

قلت اوكي بكرا اعتذر ورحنا المدرسه وكانت امي معاي
قايلين لها ماتدخل بنتج الا وانتي معاها . ودخلنا المدرسه وشفتها بالصباح وسلمت عليها وقلت اسفه
وقالت امي حبي راسها انا صفطت وطلعت للفصل هذا اللي ناقص ابوس راسها امي ولا اختي؟

وخلاص عدى اليوم على خير ومشت الايام وضعي تمام معاها
وبعدين جاها نقل هالمراقبه وخويتها وكل بنات المدرسه احتفلو بنقلهم وافتكينها منهم

وتوته توته خلصت الحتوته < صح ولا غلط , مشو مشو
تصبحون على خير

+ بقول شي بس لاتوقفون عضويتي!
لازم اوصل 300 مشاركه عشان اقـدر اقيم
ترا كلش مو حلو هالنظام نظام تعجيزي !!!

Amina Saleh · 2015- 7- 7

..
صباح سعيد ويوم رمضاني جميل , يامسرع الأيام وما كأن توه بادي رمضان ماشاء الله .
شخباركم عساكم طيبين بس ؟ ادري محد بيرد بس لازم الهذره والمقدمه الطويله ههه
يازين مدونات القسم ياكثرهم اللي يعجبوني وما اقدر اقيم والله قهر :(
وللحين ماوصلت للمشاركات المحدده للتقيم بس ماعليه الأيام بيننا إن شاء الله < بتجاهد ذي

قريت سالفه بـ مدونه ريمنقو بخصوص المدرسه هنا مدونتها وذكرتني بـ سالفه عن ايام الدراسه

معاناه بـ صف اول ابتدائي :
كنت مجتهده بس ماكنت أحب اداوم لـ درجة إني اروح بدموعي
امي كانت تسحبني سحب من الغرفه عشان ادخل دورة المياه (تكرمون) اتسبح
مانسيت التسحيب من كثر ماعاملتني فيه امي هههههههههههههههههههـ

و كنت دلوعه وراسي يابس بس طيبه حيل ومغلوب ع امري
وما كنت احب اغير مكاني بالصف الكل يغير الا انا ما اقوم من الكرسي واقعد اصيح لين يخلوني
مشا معاي هالعناد لين صف رابع وتعدلت صرت اسمع كلام المعلمات !
ومن اول مره اسمع الكلمه واغير المكان حتى اذكر المعلمه والبنات اندهشو مني لما قمت على طول

وبس والله .
تمسون على خير

Amina Saleh · 2015- 8- 17

ايواان
السلام عليكم , كيف الحال ؟ إن شاء الله كلو نفر ميه ميه

الحمد لله تم قبولي بـ سعد الأهلية للتمريض و العلوم الصحية وذاك يبدأ دوامي
بـ 15 / 11 / 1436 هـ
-
خن أقول لكم كيف انقبلت .
انا سجلت بالموقع بعد عناء طويل ماعرف أنجليزي والتسجيل انجلش طلع عيوني وصدع راسي
طبعا كنت حاطه فـ بالي بس كذا بس اشوف انقبل او لا و سجلت وصار قبول الحمد لله

طبعا كنت حاطه فـ بالي بس كذا بس اشوف انقبل او لا و سجلت وصار قبول الحمد لله
طبعا بدون مايرسلون رسايل عالجوال
دخلت الموقع كذا صدفه قلت خن أشوف إنقبلت أو لا !!! وانقبلللت وطرت من الفرحه
رحت الكليه شفت وش متطلباتهم وكذا ودفعت رسوم التسجيل كانت 1000 ريال
واللي بعد العيد يكون 1500 ريال
المهم إنتهينا من اجراءات التسجيل وسو لي مقابله
سألوني تبين إنجلش ولا عربي و عادي لا سألتوني بالأنجلش < لازم الهياط
ويسألون بالإنجلش وأرد بالعربي < قايله هياط !
وتحدد يوم الإختبار تحديد المستوى .
جا يوم الإختبار كان بـ شوال تاريخ 18 / 10 / 1436 هـ
رحت من بدري وإنتظرت البنات < اول الناس واصله هههههههههههههههههـ
و صار وقت الاختبار ووزعو الأوراق ولازم اللقافه اخذت لفه عالإختبار !
ويجي صراخ من بعيد لحد يفتح الورق ويحل !!! - لقط وجهك عاد -
و فيه ورقه كشف للإسماء تمشي بالدور تشوفين إسمك وتوقعين جمب الإسم
النكبه ان اسمي مش موجود معاهم :(
ياليييييل بولمبه وخبرت المسّات وقالو لي إنزلي للإدارة

دخلت ع الإداره وكيت وكيت .. قالت إنتي مش من ضمن اللي بيختبرون قلت ليه عسى ماشر؟
قالت لي القدرات والتحصيلي اقل من المطلوب
< عبالي انا مطروده خلاص !!! الزبده تداركت الموضوع وقالو لي توكلي على بيتك مالك إختبار
لان من وقت المقابله وقايلين لي إنتي ع طول فاونديشن .
عاد الغلط من اللي كانت تسجلني قالت تعالي يوم الاختبار وإختبري
و بس هذا كان يومي كنت فرحانه الحمد لله بس كان ودي أختبر شفت الاسئله كانت حلوه وسهله!
بس يلا خيره إن شاء الله

Amina Saleh · 2015- 8- 23

أقدّر اللي باركو لي بـ قبولي بالكليه .
[ rosy+ , كلي أمل =) ] : الله يجزاكم كل خير .

كنترول حط موسيقى حزينه وانا بتزحلق عالجدار :(
سافر سواقنا وبيقعد بديرته شهرين كاملين لين محرم الله يصبرنا .
الحياه بدون سواق؟ مملله .

ايواا . بتكلم عن نظامي بالدراسه بما إن الدراسه ماباقي عليها شي
انا إنسانه فـ السابق كنت فاشله دراسيا وصارمه مخياً !
بـ تسألوني كيف ؟
كنت أقول مع نفسي بجتهد بس ما أشوف شي مني!
انا كنت أنصح غيري وأحفزهم بس لما أمسك نفسي؟
يتبخر كل شي وما أطبقه على نفسي .

كنت مهمله لـ أبعد حد وأعتمد عالنهائي وبس ومافيه مراقبه من الأهل
كان كل شي أسويه بنفسي وأنجح عالحفه والحمد لله راضيه بنفسي ..
كنت أذاكر أي كلام وما أحب أتعب نفسي وعجازه كثييييير
و لما أحد يجي يعرض خدماته علي؟ انا أرفض !
بيني وبينكم كنت أستحي منهم
مفروض أرحب فيه بس انا مخي فـ بطني همي أستانس واسحب عالدراسه
رغم ان عندي طموح وأبي أحققها بس مابي أتعب نفسي
عاد الحين بدرس و تخصصي اللي أبيه يباله دراسه وبال طويل
وإن شاء الله إني قـدها ..
+ وبالتوفيق لـ اللي بيبدون دراسه من بكرا

Amina Saleh · 2015- 8- 23

.

سبحان الله وبحمده سبحان الله العظيم

Amina Saleh · 2015- 8- 23

مساء الخير
غريبه القسم نايم بالعاده لما اكتب وارجع بنفس اليوم الاقي مدونتي بعيده بالصفحات
بس اليوم نفس الصفحه ..
اخ ياتعديل النوم شـ قد أزمه !
انا عدلته وبنفس اليوم أخترب واليوم بالذات حاطه منبه عساس يقومني الساعه 1 الظهر
بـس من عادتي لما احط لي منبه أقوم قبل المنبه بـ ساعه وهذا ماحدث اليوم
قمت الساعه 12 صليت الظهر ورجعت نمت وإنتبهت 2 الظهر
وهم رديت نمت بس تعرفون النومه اللي تكون يأنبك ضميرك وبتندم بالليل؟
ايييه هذا كنت أحس فيه بسهر بروحي
صحيت 4 العصر وصليت وماشفت احد بالبيت
عبالكم جلست؟
قلت أهلي هم نايمين نومة العصر وانا بسوي زيهم وبنسدح يعني ما بنام !!!!
والمصيييبه ماقمت الا الساعه 6 وربع المغرب وأدور باب الغرفه < من تخريف النوم
اذكر من سنين اختي ايام الثانويه
كانت تحب النوم وبالموت اصلا تداوم المدرسه ودايما اهي اخر وحده تقوم وتخلص
من شدة ماهي متعمقه بالنوم " اهي قامت من السرير بس بين الصاحي والنايم "
وتصقع بالتلفزيون بدل ماتداوم المدرسه داومت بالمستشفى ! وإنشق حاجبها وخيطوه
عاد الاثر للحين موجود بـ جبتها وهاهي الحين متزوجه وعايشه حياتها
ايواان اكمل لكم احداثي
قمت وانا كلي الم واحزان < لا أمزح شدعوه
سويت لي عشا و افكر من الحين وش اسوي عشا دور ثاني بالليل

-
الفتره الأخيره صايره اتابع افلام هنديه
ادمنت بـ صراحه يعجبني الكوميديا والأكشن .
يعجبني لما تلحق البطل عصابه ويصفقهم ويطب من فوق العماره لين الثانيه سبحان الله فلم هندي
ولا اللي يطب فـ البحر بالدباب وفجأة يطلع من البحر بـ جسكي سلامات يالطيب !!!
صراحه الهنود فن و لهم نكهه فـ حياتنا بس مبالغين كثير يعني
وبس والله .

Amina Saleh · 2015- 8- 30

وعشآن ما تندم ! لا تبيّن لشخص قد ايش هو يهمك ..

صباح الخير
اليوم اول يوم دوام لي بالكليه ويارب يكون حلو و خفيف
30/8/2015

سـ أوافيكم بكل ماهو جديد !!

Amina Saleh · 2015- 8- 30

[ بيآض - شجون - البعد الرابع - a.aldossary94 ]
الله يعطيككم العافيه عالتقيمات وأكييد بس تفتح لي التقايم راح ارد لكم الجميل

-

^ واجهةة الكليييييه

اخييييرااا
من عقب توتر وقلق وش بيصير لي بـ أول يوم بالكليه؟

مشى زي شربة المويه !!

دخلت الكليه اليوم الساعه 7 ونص .. عاد تعرفون شعور اللي مالها صاحب
يعني ماتعرف أحد , تفكر مع مين بقعد ولا بقعد لحالي طول الدوام ؟
كل هذي تساؤلات قبل ما اوصل الكليه

هذا مدخل الكليييه بعد الباب الأبيض

.
تفتح النفس ماشاء الله بس الكلاس لكم عليه شوي

جلست مع شلة كانو معاي بـ وقت التسجيل وحسيت ب أمان كأنهم أهلي

رغم إني ماعرف احد بس يعني شعور حلو إنك شايف أحد قبل

الساعه 8 ونص جمعونا بالمسرح وسوت لنا مس رنا , برنامج تعريفي سريع سريع .
قسمتنا على قروبين [ a - b ] وانا من ضمن قروب a ..
و كل قروب عدد معين بـ كلاس .

وبعدها خلونا نروح للكلاس نجلس فيه إلين ماتجي لنا مسّ وتاخذنا
عشان تخلينا نستلم الكتب وهيج!

الله وكيلكم انا بالإنجليزي صفر عاد هي تتكلم وانا مادري شنو تقول

القط الكلمات اللي تقولها بالإنجلش " و أدور الترجمه بمخي " واضيع
اقول شنو تقول هذي

ماقصرت تعرفت علينا وبعدين عطتنا الضوء الأخضر إن نروح للمكتبه

و استلمت الكتب و طبعت الجدول .
اليوم كان حلو مثل ماتمنيت وأحسن بعد بس كان حر :(

الله يجيرنا من نار جهنم .

وبس هذا يومي ..
+

2015- 2- 21	#2
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	رد: يوميات ينايريـه ♥ ! / أحسن نيتك يحسن الله حالك وتمنى الخير لغيرك يأتيك الخير من حيث لاتحتسب !

2015- 2- 21	#3
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	من أحلى أيام العُمر ! مساء الخير , قاع احاول اني اكتب بس كل مافتحت الصفحه يعلق مخي ! مع إن متعبيه كلام وابي افرغه بس اصابعي تعجز تكتب :/ \ خن أقولكم موقف صار لي مع صديقتي ايام الثانويه 2013 \|\| 1434 هـ بـ ثاني ثانوي بـ وقت فسحة الصلاة طبعا مدري ليش حاطينها اقل من 10 دقايق محد كان يصلي الا 10 طالبات , الكل كان يهج للساحه بالدور الارضي المهم قررنا بذاك الوقت ان الحصه الاخيره ماندخلها الا اذا قربت تخلص :d < شر وهربنا من الدور الثالث < فصلنا بهالدور وبنفس الدور معانا المراقبات وغرفة المدرسات و غرفة الوكيله رحنا للدور الاول وقعدنا بحمام البزران تبع التمهيدي وتوابعهم و بزر داخل وبزر طالع ومتحملين وجمب دورة المياة غرفه للعاملات ! [ مطبخ وفيه جلسة ] ! سمعنا صوت مراقبتنا من بعيد بس صوتها قوي ومزعج لدرجة خفنا منها تطيح علينا بس لما سمعنا الصوت هجينا للعاملات نتخبى عندهم < وبعدها قبل يرن الجرس بلحظات قلنا خلاص خن نصعب الا بـ وجهنا طالبات كانو طالعين من الفصول خلاص عالبيت يعني وارتحناا .. لكل المره الثانيه عدناها و وقعنا بالفخ !!! سوينا نفس المره الاولى لكن واحنا راقين من الدرج كانت هي المراقبه فـ وجهنا وتصارخ تقول لنا [ وين كنتو ] وربي ما اكذب ان لسانها طلع يردح لنا من قوة الصراخ هههههههههههههههههههههههههههـ و كان صدق نهاية الدوام وكانت عندنا معلمه جديده وهي بلغت عننا ! المهم , صديقتي شوق تبرر لها وصار فيه شد بالكلام وانا ساكته وجاتني الوكيله تقول لي لييش تسوين كذا ؟ قلت اخر مره وماراح نعيدها وشوق تتلاسن مع المراقبه المهم انا قالو لي روحي الفصل وكنت شبهه ببكي ع بضحك مادري كيف كان وضعي من الروعه وشوق مسكينه ماتعرفون ان كانت معصبه او رايقه لان ف كل الحالتين نفس ماهي ماتتغير المهم هي كلمو اهلها ! وانا لا !!! عاد المراقبه بعد ماعصبت علينا؟ قالت لنا لاتجون المدرسه غيبو احسن تعرفون وش كان ودي؟ كان ودي اهفها بـ طفاية الحريق ! وموقف ثاني بـ اول ثانوي كان عادي نسوي موديل بالمريول [ نفس المراقبه ] ^ كان تنوره وقميص , وكان موديل التنوره ميدي فـ يوم شافوني الوكيله تقول ان لازم تغيرين قلت طيب معليه بغير بس خلوني اطلع اتفسح [ كان وقت فسحه وبينتهي الوقت ] ! و فيه كثير مخالفين وموقفينهم معاي بس مشوهم ! يساحلونهم بالكلام الحلو لكن انا ما اتحمل بسرعه اعصب واطول لساني ووقفتني [ المراقبه ام لسان ] ومشيت بطلع من الغرفه قالت لي المراقبه : امينه وقفي ومارديت عليها كنت مخنوقه من الحره خلاص وصلت حدي وبكيت جلست بالفصل اقل من 5 دقايق وقمت واخلاقي زفت وكانت المراقبه واقفه بـ وجهي ودفيتها بـ اقوى ماعندي !!!!! >>> انا يطلع مني كل هذا ,, صراحه انا مصدومه من نفسي لاعصبت وخرو عني , و الله ما احس بنفسي المهم هي بـ وقت الدفه كانت حامل وبشهورها الاولى بس ما كنت ادري وادري ان غلط ادف المراقبه وكذا بس قهرتني ! تخيلو الفسحه انحرم منها عشان التنوره قصيره! حسبي الله ونعم الوكيل طبعا تنورتي مب قصيره هي فوق الكعب ع طول ! بس تعرفون لعانه بعض المدارس ! و نزلت للبنات ودموعي اربع اربع ويهدوني البنات وتجمهرو بنات تعرفون لقافه يبون يعرفون شسالفه وبعدين هجدت رجعت البيت سألتني امي وش مسويه بالمراقبه ؟ طبعا اانا انهديت ع امي وقلت لها كل شي ,, عبالكم وقفت معاي؟ لا لا وقت مع هالزفته ولا بعد تبيني اعتذر منها واحب راسها ! قلت اوكي بكرا اعتذر ورحنا المدرسه وكانت امي معاي قايلين لها ماتدخل بنتج الا وانتي معاها . ودخلنا المدرسه وشفتها بالصباح وسلمت عليها وقلت اسفه وقالت امي حبي راسها انا صفطت وطلعت للفصل هذا اللي ناقص ابوس راسها امي ولا اختي؟ وخلاص عدى اليوم على خير ومشت الايام وضعي تمام معاها وبعدين جاها نقل هالمراقبه وخويتها وكل بنات المدرسه احتفلو بنقلهم وافتكينها منهم وتوته توته خلصت الحتوته < صح ولا غلط , مشو مشو تصبحون على خير + بقول شي بس لاتوقفون عضويتي! لازم اوصل 300 مشاركه عشان اقـدر اقيم ترا كلش مو حلو هالنظام نظام تعجيزي !!!
	التعديل الأخير تم بواسطة Amina Saleh ; 2015- 2- 21 الساعة 11:19 PM

2015- 7- 7	#4
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	رد: يوميات ينايريـه ♥ ! .. صباح سعيد ويوم رمضاني جميل , يامسرع الأيام وما كأن توه بادي رمضان ماشاء الله . شخباركم عساكم طيبين بس ؟ ادري محد بيرد بس لازم الهذره والمقدمه الطويله ههه يازين مدونات القسم ياكثرهم اللي يعجبوني وما اقدر اقيم والله قهر :( وللحين ماوصلت للمشاركات المحدده للتقيم بس ماعليه الأيام بيننا إن شاء الله < بتجاهد ذي قريت سالفه بـ مدونه ريمنقو بخصوص المدرسه هنا مدونتها وذكرتني بـ سالفه عن ايام الدراسه معاناه بـ صف اول ابتدائي : كنت مجتهده بس ماكنت أحب اداوم لـ درجة إني اروح بدموعي امي كانت تسحبني سحب من الغرفه عشان ادخل دورة المياه (تكرمون) اتسبح مانسيت التسحيب من كثر ماعاملتني فيه امي هههههههههههههههههههـ و كنت دلوعه وراسي يابس بس طيبه حيل ومغلوب ع امري وما كنت احب اغير مكاني بالصف الكل يغير الا انا ما اقوم من الكرسي واقعد اصيح لين يخلوني مشا معاي هالعناد لين صف رابع وتعدلت صرت اسمع كلام المعلمات ! ومن اول مره اسمع الكلمه واغير المكان حتى اذكر المعلمه والبنات اندهشو مني لما قمت على طول وبس والله . تمسون على خير

2015- 8- 17	#5
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	يوميات ينايريـه ♥ ! ايواان السلام عليكم , كيف الحال ؟ إن شاء الله كلو نفر ميه ميه الحمد لله تم قبولي بـ سعد الأهلية للتمريض و العلوم الصحية وذاك يبدأ دوامي بـ 15 / 11 / 1436 هـ - خن أقول لكم كيف انقبلت . انا سجلت بالموقع بعد عناء طويل ماعرف أنجليزي والتسجيل انجلش طلع عيوني وصدع راسي طبعا كنت حاطه فـ بالي بس كذا بس اشوف انقبل او لا و سجلت وصار قبول الحمد لله طبعا كنت حاطه فـ بالي بس كذا بس اشوف انقبل او لا و سجلت وصار قبول الحمد لله طبعا بدون مايرسلون رسايل عالجوال دخلت الموقع كذا صدفه قلت خن أشوف إنقبلت أو لا !!! وانقبلللت وطرت من الفرحه رحت الكليه شفت وش متطلباتهم وكذا ودفعت رسوم التسجيل كانت 1000 ريال واللي بعد العيد يكون 1500 ريال المهم إنتهينا من اجراءات التسجيل وسو لي مقابله سألوني تبين إنجلش ولا عربي و عادي لا سألتوني بالأنجلش < لازم الهياط ويسألون بالإنجلش وأرد بالعربي < قايله هياط ! وتحدد يوم الإختبار تحديد المستوى . جا يوم الإختبار كان بـ شوال تاريخ 18 / 10 / 1436 هـ رحت من بدري وإنتظرت البنات < اول الناس واصله هههههههههههههههههـ و صار وقت الاختبار ووزعو الأوراق ولازم اللقافه اخذت لفه عالإختبار ! ويجي صراخ من بعيد لحد يفتح الورق ويحل !!! - لقط وجهك عاد - و فيه ورقه كشف للإسماء تمشي بالدور تشوفين إسمك وتوقعين جمب الإسم النكبه ان اسمي مش موجود معاهم :( ياليييييل بولمبه وخبرت المسّات وقالو لي إنزلي للإدارة دخلت ع الإداره وكيت وكيت .. قالت إنتي مش من ضمن اللي بيختبرون قلت ليه عسى ماشر؟ قالت لي القدرات والتحصيلي اقل من المطلوب < عبالي انا مطروده خلاص !!! الزبده تداركت الموضوع وقالو لي توكلي على بيتك مالك إختبار لان من وقت المقابله وقايلين لي إنتي ع طول فاونديشن . عاد الغلط من اللي كانت تسجلني قالت تعالي يوم الاختبار وإختبري و بس هذا كان يومي كنت فرحانه الحمد لله بس كان ودي أختبر شفت الاسئله كانت حلوه وسهله! بس يلا خيره إن شاء الله
	التعديل الأخير تم بواسطة Amina Saleh ; 2015- 8- 17 الساعة 10:15 PM

2015- 8- 23	#6
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	رد: يوميات ينايريـه ♥ ! أقدّر اللي باركو لي بـ قبولي بالكليه . [ rosy+ , كلي أمل =) ] : الله يجزاكم كل خير . كنترول حط موسيقى حزينه وانا بتزحلق عالجدار :( سافر سواقنا وبيقعد بديرته شهرين كاملين لين محرم الله يصبرنا . الحياه بدون سواق؟ مملله . ايواا . بتكلم عن نظامي بالدراسه بما إن الدراسه ماباقي عليها شي انا إنسانه فـ السابق كنت فاشله دراسيا وصارمه مخياً ! بـ تسألوني كيف ؟ كنت أقول مع نفسي بجتهد بس ما أشوف شي مني! انا كنت أنصح غيري وأحفزهم بس لما أمسك نفسي؟ يتبخر كل شي وما أطبقه على نفسي . كنت مهمله لـ أبعد حد وأعتمد عالنهائي وبس ومافيه مراقبه من الأهل كان كل شي أسويه بنفسي وأنجح عالحفه والحمد لله راضيه بنفسي .. كنت أذاكر أي كلام وما أحب أتعب نفسي وعجازه كثييييير و لما أحد يجي يعرض خدماته علي؟ انا أرفض ! بيني وبينكم كنت أستحي منهم مفروض أرحب فيه بس انا مخي فـ بطني همي أستانس واسحب عالدراسه رغم ان عندي طموح وأبي أحققها بس مابي أتعب نفسي عاد الحين بدرس و تخصصي اللي أبيه يباله دراسه وبال طويل وإن شاء الله إني قـدها .. + وبالتوفيق لـ اللي بيبدون دراسه من بكرا
	التعديل الأخير تم بواسطة Amina Saleh ; 2015- 8- 23 الساعة 12:42 AM

2015- 8- 23	#7
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	رد: يوميات ينايريـه ♥ ! . سبحان الله وبحمده سبحان الله العظيم
	التعديل الأخير تم بواسطة Amina Saleh ; 2015- 8- 23 الساعة 01:04 AM

2015- 8- 23	#8
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	رد: يوميات ينايريـه ♥ ! مساء الخير غريبه القسم نايم بالعاده لما اكتب وارجع بنفس اليوم الاقي مدونتي بعيده بالصفحات بس اليوم نفس الصفحه .. اخ ياتعديل النوم شـ قد أزمه ! انا عدلته وبنفس اليوم أخترب واليوم بالذات حاطه منبه عساس يقومني الساعه 1 الظهر بـس من عادتي لما احط لي منبه أقوم قبل المنبه بـ ساعه وهذا ماحدث اليوم قمت الساعه 12 صليت الظهر ورجعت نمت وإنتبهت 2 الظهر وهم رديت نمت بس تعرفون النومه اللي تكون يأنبك ضميرك وبتندم بالليل؟ ايييه هذا كنت أحس فيه بسهر بروحي صحيت 4 العصر وصليت وماشفت احد بالبيت عبالكم جلست؟ قلت أهلي هم نايمين نومة العصر وانا بسوي زيهم وبنسدح يعني ما بنام !!!! والمصيييبه ماقمت الا الساعه 6 وربع المغرب وأدور باب الغرفه < من تخريف النوم اذكر من سنين اختي ايام الثانويه كانت تحب النوم وبالموت اصلا تداوم المدرسه ودايما اهي اخر وحده تقوم وتخلص من شدة ماهي متعمقه بالنوم " اهي قامت من السرير بس بين الصاحي والنايم " وتصقع بالتلفزيون بدل ماتداوم المدرسه داومت بالمستشفى ! وإنشق حاجبها وخيطوه عاد الاثر للحين موجود بـ جبتها وهاهي الحين متزوجه وعايشه حياتها ايواان اكمل لكم احداثي قمت وانا كلي الم واحزان < لا أمزح شدعوه سويت لي عشا و افكر من الحين وش اسوي عشا دور ثاني بالليل - الفتره الأخيره صايره اتابع افلام هنديه ادمنت بـ صراحه يعجبني الكوميديا والأكشن . يعجبني لما تلحق البطل عصابه ويصفقهم ويطب من فوق العماره لين الثانيه سبحان الله فلم هندي ولا اللي يطب فـ البحر بالدباب وفجأة يطلع من البحر بـ جسكي سلامات يالطيب !!! صراحه الهنود فن و لهم نكهه فـ حياتنا بس مبالغين كثير يعني وبس والله .

2015- 8- 30	#9
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	رد: يوميات ينايريـه ♥ ! وعشآن ما تندم ! لا تبيّن لشخص قد ايش هو يهمك .. صباح الخير اليوم اول يوم دوام لي بالكليه ويارب يكون حلو و خفيف 30/8/2015 سـ أوافيكم بكل ماهو جديد !!

2015- 8- 30	#10
Amina Saleh أكـاديـمـي فـعّـال الملف الشخصي: رقم العضوية : 179788 تاريخ التسجيل: Sun Jan 2014 المشاركات: 268 الـجنــس : أنـثـى عدد الـنقـاط : 8144 مؤشر المستوى: 54 بيانات الطالب: الكلية: - الدراسة: انتظام التخصص: تحضيري المستوى: المستوى الأول	يوم التعريفي " 30 / 8 / 2015 م . [ بيآض - شجون - البعد الرابع - a.aldossary94 ] الله يعطيككم العافيه عالتقيمات وأكييد بس تفتح لي التقايم راح ارد لكم الجميل - ^ واجهةة الكليييييه اخييييرااا من عقب توتر وقلق وش بيصير لي بـ أول يوم بالكليه؟ مشى زي شربة المويه !! دخلت الكليه اليوم الساعه 7 ونص .. عاد تعرفون شعور اللي مالها صاحب يعني ماتعرف أحد , تفكر مع مين بقعد ولا بقعد لحالي طول الدوام ؟ كل هذي تساؤلات قبل ما اوصل الكليه هذا مدخل الكليييه بعد الباب الأبيض . تفتح النفس ماشاء الله بس الكلاس لكم عليه شوي جلست مع شلة كانو معاي بـ وقت التسجيل وحسيت ب أمان كأنهم أهلي رغم إني ماعرف احد بس يعني شعور حلو إنك شايف أحد قبل الساعه 8 ونص جمعونا بالمسرح وسوت لنا مس رنا , برنامج تعريفي سريع سريع . قسمتنا على قروبين [ a - b ] وانا من ضمن قروب a .. و كل قروب عدد معين بـ كلاس . وبعدها خلونا نروح للكلاس نجلس فيه إلين ماتجي لنا مسّ وتاخذنا عشان تخلينا نستلم الكتب وهيج! الله وكيلكم انا بالإنجليزي صفر عاد هي تتكلم وانا مادري شنو تقول القط الكلمات اللي تقولها بالإنجلش " و أدور الترجمه بمخي " واضيع اقول شنو تقول هذي ماقصرت تعرفت علينا وبعدين عطتنا الضوء الأخضر إن نروح للمكتبه و استلمت الكتب و طبعت الجدول . اليوم كان حلو مثل ماتمنيت وأحسن بعد بس كان حر :( الله يجيرنا من نار جهنم . وبس هذا يومي .. +

الذين يشاهدون محتوى الموضوع الآن : 1 ( الأعضاء 0 والزوار 1)