[ تجمع ] : - pearl - | في الفخ الريآضي ..

[M-E-D-O]

اهلا اهلا

اجل تقول لي يا مشعلي غير متعصبه !!

دمه يقوووطر ازرق

ضيف ثقيل يستاهل اسئلة خفيفة


س1 /رتبي لي أفضل ثلاث معلقين عندك؟

س٢/ من تتوقعين ابطال المسابقات السعودية ( دوري، كأس ولي العهد، كأس السوبر ) ؟

س٣/ من تتوقعين هذا الموسم بطل :
الدوري الاسباني
الدوري الانقليزي
الدوري الايطالي
كأس الملك الاسباني
دوري الابطال

س4/ ابيك تسوين لي افضل تشكيلة في التاريخ ( شفتيها بعينك ) + مدربهم

س5/ قد صار لك موقف او مشكلة وتندمتِ عليها بسبب كوره ( خارج الملتقى ) ؟ اذكريها حتى لو اكثر من موقف.

س6/ كمشاركه في القسم الرياضي

- أكثر شي يفرحك :
- أكثر شيء يضيق صدرك:
- أشياء ترغبين باضافتها:
- اشياء ترغبين بازالتها:
- موقف سيء حدث لك في القسم:

س7/ لو قالوا لك اختاري لاعب من النصر ومن الاتحاد ومن الاهلي ومن التعاون ومن الشباب وضمهم للهلال من تختارين ؟

س8/ رأيك باللي يزعل اذا الاخرين ما شجعوا فريقه ؟

س9/ اعضاء افتقدتيهم بالقسم الرياضي ؟

[-- yasmeen --]

صباح الخير للجميع وللمشرفة الجميلة عيون سحاب


مدرعمه مادري وش السالفه

تومنين باني اذا شجعت هلالكم فاز واذا ماشجعت وتابعت خسر !؟


تقدرون تسموني المحرك الاساسي للهلال

[-PEARL-]

المشاركة الأصلية كتبت بواسطة مطنوخ مرجلة

هلا بالملكيه

هلا بك مطنوخ ،


رأيك في فيصل بن تركي

رئيس منآسب لـ فريق مثل النصر ..

عبدالعزيز المريسل

اذا اردت ان تشرح معنى السذاجه والغباء ! أشر بأصبعك الى هذا الرجل ..


رأيك في مقولة الرخصة الاسوية صعبة قوية


مافيه شي صعب على الهلال ان شاء الله ،
صعبه قويه على اللي ماوصلولها ولازالو يرددونها



خمسة لعيبة رتبيهم بنسبه للهلال على مدار التاريخ وكذلك المنتخب

الهلال / الثنيان ، ريفالينو ، النعيمه ، الجابر ، التمياط

المنتخب / الثنيان ، الجابر ، التمياط ، محمد نور ، العويران




مدرب يعجبك

الحالي دياز ، سابقا ً ايريك جريتس


لاعبك المفضل

ادواردو .. صحيح انه يختفي ويرجع ، بس يظل السوبر


افضل رأيس للملكي؟

نواف بن سعد ، محمد بن فيصل ..


رأيك في نواف بن سعد

الرجل المناسب في المكان والوقت المناسب
رجل بكل ماتحمله الكلمه من معنى
حمل الهلال على كتفيه ويحاول يوم عن يوم يسعدنا اكثر واكثر
لو امدحه منا الى يوم الدين ماوفيته حقه ابد .. وللابد بنظل نقوله
شكراً يا وجه السعد شكرا ً

شكلي اعضاء هنا كفريق كورة قدم

عيون سحآب حآرس > عشان يمزّعونها بالكوره


تركي + ميدو + الشلاحي + بيس


رمنقو + مطنوخ + هنديه زرقاء + سلطآن


منصور + مغترب

وراجعلك

اهلا وسهلا ..

[-PEARL-]

المشاركة الأصلية كتبت بواسطة عبدالله الشّلاحي

حركات ..

اريج في الفخ من يصيدها (:


انت صدتني

طبعاً سؤالي ..

ماسبب تشجيعك للزعيم ..؟

القلب وما يهوى ، + كل اللي حولي هلاليين


مباراة ابكتك ؟

نهآئي آسيا 2014 .... يعني مابكي ابكي ، لا بس غبننننننننننه الف


هدف لاينسى ؟

كثير والله ، مافي بالي حاليا ً الا هدف رادوي الخآمس على النصر

رأيك بتعيين النجم ماجد في إدارة المنتخب ؟

ما أأيدهم بالتعيين هذا ... طالما فيه الافضل اللي المفروض نتجه لهم ..
مثلا سامي ، عنده شهادات من الخارج وشهاده تدريب وشخص حاضر للمؤتمرات وسفير
والكل يؤمن بأنه أكفأ .. ولكن ؟ الامور حالت دون ذلك ..

+ هالكلام بغض النظر عن كوني هلاليه ..

أول مباراة شاهدتيها من كل قلبك ؟

مباراه الهلال ضد الاتحاد ، 2011 ..



واذا صار لي فرصه عدت (:

حياك الله عبيد ..

[M-E-D-O]

ثاني عضو يحطني مدافع

[-PEARL-]

المشاركة الأصلية كتبت بواسطة Turki201

هلا بالملكية هلا باريج

الدعوة تدبيس وتحقيط هههههه


هلا بك تركي ،

س/ منذ متى وانتي تشجعين الزعيم ؟ وهلا لاهلك علاقة بتشجيعك ؟

من عرفت نفسي وانا هلاليه ، لا ابد اهلي مالهم علاقه ، اصلا هم هلاليين بعد


س/ اجمل بطولة تحققت للهلال من وجهة نظرك ؟

بطوله الملك بهدف جحفلي ... الهلال كان محتاج هالبطوله بهالفتره والحمدلله ، وفرحت فيها من قلببب

س/ رايك بقرارات الاتحاد السعودي الحالي ؟

سليمه حتى الان ... الا فيما يخص تعيين ماجد في اداره المنتخب
و تعيين باوزا الغريب بعد الداهيه مارفيك ! وكذلك الغاء بطوله ولي العهد ( السوبر سابقا ) مابين الهلال و الاتحاد
واللي ينحط عليها مليون خط احمر !

هذي تحمية لك ولنا عودة وبانتظارك ياملكية

مرحبآ ومسهلآ ..

[ريمنقو]

حاطتني جناح ليه ..

سؤالي / برأيك النصر مما يعاني؟؟ وين الخلل اللي سبب كل التخبطات والمشاكل ؟
وبرأيك كيف قدر النصر ياخذ الدوري مرتين ع التوالي بعد غياب طويل ؟؟
وش اللي كان ناقصهم وبعد إكمال النقص حصلوا ع الدوري ؟؟ او انهم ماكملوا النقص لكن استغلوا ظروف الفرق المنافسة ؟

[-PEARL-]

المشاركة الأصلية كتبت بواسطة (مشعلي)

اهلاً بضيفة القسم الغير متعصبة سعدنا بتواجدك


هههههههههه بكيفك .. تخليني منب متعصبه ؟

من كنتي تتوقعين يكون الضيف بدالك؟

مدري .. ع اساس كنت اعرف اني الضيفه

اعتبر نادي الهلال افضل فريق سعودي على مدى 25 سنه الماضية ومازال.

سؤالي بين حين وآخر يبرز احد الأندية السعوديه بشكل لافت للنظر مثل الاتحاد قبل عدة أعوام والنصر قبل مؤسمين برأيك ما سبب تراجع مستوى الهلال اذا برزوا بالرغم انه شبه منافس وشبه مستقر من جميع النواحي؟


سبب عدم ثبات المستوى .. التغيير الكبير للمدربين ، او انهم يجيبون مدربين ماهم بمكانه الهلال !


بحيادية من تتوقعين يحقق البطولة الآسيوية ؟ ولماذا؟

هذي البطوله الوحيده اللي مقدر اعطيك جواب فيهاا ..
2014 اكثر سنه توقعت الهلال ياخذها !!! وصار اللي صار !


بوجهة نظرك مالذي ينقص الاتفاق لينافس على البطولات؟

لاعبين يحسون بالمسؤوليه اتجاه الشعار
واخذ الامور بجديه طوال الموسم
ومدرب فاهم للاعبين .. وجمهور يحضر بشكل مستمر لدعم الفريق

ما رايك بضم مواليد السعودية للمنتخب؟

هالشي المفروض يصير من زمان حنا نحتاجهم ولا زلنا

لقب الاسطوره بوجهة نظرك من اللاعب السعودي الذي يستحقه مع ذكر السبب؟ لازم اسم لاعب ما نبي دوبلوماسيه..

يوسف الثنيان ... ماا يختلف عليه اثنين .


انتهت

الحمدلله

[-PEARL-]

المشاركة الأصلية كتبت بواسطة عطرالحروف

-

موفقه ربي يسعدك

وياك يا رب ..

[-PEARL-]

المشاركة الأصلية كتبت بواسطة عيون سحاب

يا أهلاً و سهلاً بالصديقه الجميله


انتي خليتي فيها صداقه وجمال ؟


- ماسبب حبك للهلال ؟


المحبه من الله ...

- متى بدأتي التشجيع ؟

2004

- ماذا تتمنين أن يحقق الهلال ؟

آسيا

- إذا تم تعيينك لرئيس النادي مالعمل التي تتمنين أن تحققينه ؟

كل البطولات واسيا بالذات ..

- ماذا ينقص فريقك ؟

الاعلاميين ، او المتحدث باسم النادي في وسائل الاعلام

- هل ندمتي يوماً مآ على تشجعيك للفريق ؟

لا طبعا ً .. وفخوره اني اشجع الهلال .. وهذا يدل على رجاحه عقلي


- أجمل مباراة لاتنسيها لفريقك مع وضع رابط للأهداف ؟

برضو مباراه الهلال ضد الاتحاد .. 2011 > عجزانه اجيب رابط ..
يوم الـ 5


- مدرب و تشكيلة تتمنين أن تتحق وحبذا تكون تشكيلة عالمية و أخرى محلية ؟


والله اني دحين ناسي .. مخي معلق في هالقايله مافي بالي شي

- أسوء مباراة لفريقك ولماذا ؟

المباريات اللي يظهر فيها الهلال بدون روح بشكل عام , وكأن اللاعبين مو هامهم شي او تفكيرهم ف مكان ثاني غير المباراه


- هل أضطررتي يوماً مآ لعدم مشاهدة مباراة مهمه لفريقك ؟

اي اكيد .

- مع من تحبي أن تشاهد المباراة ؟

غالبا لحالي ، او مع اخواني ....

- متى تستمتعي بمشاهدة المباريات ؟

اذا كانت حاسمه .. او فريقين كبار ضد بعض .. واكون وقتها طرف محايد ..


- من وجهة نظرك أفضل الأندية العالمية و المحلية في الوقت الحال ؟

المحلي الهلال ، العالمي الريال

- قانون تتمني أن يلغى في كرة القدم ؟

نهائيين اسيا الذهاب والاياب !!

- قانون تتمني أن يطبق في كرة القدم ؟
اللي فوق ^^


- لاعب تتمنيه في الهلال ؟
- لاعب ما تتمنيه في الهلال ؟
- مارأيك في الضجه التي على ياسر القحطاني بسبب تواجده في الدكه أو في التمارين ؟

- من وجهة نظرك هل عندما يدخل ياسر آخر الدقائق في المباراة و يأخذ الكابتنيه من محمد الشلوب أمر عادي أم مخجل ؟

وسلآمتك حالياً

لاعب اتمناه في الهلال .. سعودي عمر هوساوي ، اجنبي .. السومه ومحمد صلاح ..
لاعب ماتمناه ... الخيبري ..

الضجه على ياسر ماتفق معهم .. صحيح مايلعب بس وجوده في الدكه مهم ومحفز كبير للاعبين ..
صحيح مستواه نازل مره .. بس كقائد صعب تنكر هالشي ..وعاد لين نحقق اسيا نقلعه هههههههه
نحتاجه شوي لين اسيا

الكابتنيه .. مخجل صراحه بس الشلهوب .. من نفسه يجي يعطيه يعني التفاهم واضح بينهم
واهم شي مايكون فيه زعزعه بالفريق والحمدلله ماشفنا هالشي يعني الامور في السليم ..



عيون / تنسيقاتك شكثرهاا .. وش ذا ماعاد ميزت بين كلامي وكلامك وانا ارد جاني حول ههههههههههههه