 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2007- 7- 2
|
|||
|
|||
|
مساعدة عاجلة ،،، لطالب من مملكة البحرين !!!
السلام
كيف الحال ؟ بصراحة أنا طالب متخرج من القسم العلمي ( مملكة البحرين ) ، وقررت الدراسة في جامعة الملك فيصل ، بس للأسف أنه لما إتصلت للجامعة خبروني أنه متطلبات الإلتحاق في الجامعة هو تقديم إختبار القدرات والإختبار التحصيلي ، المهم خبرني موظف من قسم القبول أنه لازم أراجع المركز الوطني للتقويم والقياس حتى يعلمون لي إمتحان إذا في مجال لأنه فاتني إمتحان القدرات ، وقال لي أنه أدفع 100 ريال لبنك الراجحي وبيعطوني رقم إشتراك أدخل أسجله في موقع المركز الوطني للقياس والتقويم حتى أحجز مقعد لللإمتحان وكذلك في موقع الجامعة من خلال إستمارة التسجيل أضع رقم الإشتراك ( بصراحة مافهمت عليه إذا فاتني إمتحان القدرات شلون أحجز لي مقعد من الموقع لأنه اللي بالموقع فقط ألحين التسجيل لللإمتحان التحصيلي ) ، المهم قمت بدفع المبلغ عن طريق أحد المعارف في السعودية وإتصلت فيه وعطاني رقم الإشتراك ولكن لحد الحين مادري شنو أسوي ؟ ( مع العلم في موقع المركز لما بسجل يطلب من الرقم المدني وأنا بحريني ماعندي ) !!! يعني الله يرحم والديكم فهموني بالضبط شنو أسوي لأنه بصراحة ضايع في السالفة ، ألحين أنا ناوي أدرس طب في جامعة الملك فيصل وأدري أنه آخر موعد للتسجيل اليوم ، يعني بصفة عامة هل بكرا أسافر للسعودية وأروح الجامعة أسجل وشنو أسوي في رقم الإشتراك بالتفصيل الممل وكذلك شنو الحل مع الإمتحانين ؟؟؟ إن شاء الله فهمتوا قصدي وأتمنى منكم تردوا في أسرع وقت ممكن ،،، تحياتي : Ronaldo 
|
|
2007- 7- 2
|
#2 |
|
أكـاديـمـي فـعّـال
|
رد: مساعدة عاجلة ،،، لطالب من مملكة البحرين !!!
السلام عليكم ورحمة الله وبركاته
أخوي الفاضل أنت ماتستوفي الشروط للقبول في الجامعه لأنه من الشروط انك لازم تكون سعودي الجنسيه اذا مو سعودي ماعندك سجل مدني أغلب التقديمات للجامعه تتطلب السجل المدني أحنا الحين في التقديم لازم نقدم لهم رقم السجل المدني وعلى فكره أخوي أنت يمكن فاتك أختبار القدرات لكن لمن تسجل في الجامعه لك أختبار تحصيلي تدفع له يعني ياخوي انت اذا سمحوا لك بأذن الله في التسجيل تسجل اليوم وبكره بأذن الله تجي على السعوديه لجامعه الملك فيصل تقدم أوراقك اللي هي صورة من بطاقه العايله وصوره من شهادة الثانويه وصوره من شهادة حسن السيره والسلوك مع صور شخصيه لك وكل اللي كتبته لك تجيب معاه الأصل لأنهم يطابقون راح يعطونك على ماأظن بطاقه للأختبار التحصيلي اللي موعده الثلاثاء الجاي تاريخ25/6/1428 الموافق10/7/2007 مع يوم الأربعاء راح يكون الأختبار التحصيلي اخوي أنت لمن اتصلت قلت لهم أنك بحريني يعني جنسيتك بحريني مو سعودي لأن اول شرط في التقديم انك تكون سعودي نفس ماقلت لك هذا اللي قدرت انا فيه وبأذن الله تستفيد ارجع اتصل على الجامعه مره ثانيه وبالتوفيق بأذن الله تحياتيـ: جمانة عشق |
|
|
|
2007- 7- 2
|
#3 |
|
مؤسس الملتقى
|
رد: مساعدة عاجلة ،،، لطالب من مملكة البحرين !!!
Ronaldo و عليكم السلام مثل ما قالت جمانة عشق من شروط القبول لا بد يكون المتقدم سعودي .. ما فيه حل غير أنك تحصل على منحة يا خوي ... فيه طالب يدرس عندنا في الطب في الحسا و من البحرين و واحد ثاني من الكويت |
|
|
|
2007- 7- 7
|
#4 |
|
أكـاديـمـي
|
رد: مساعدة عاجلة ،،، لطالب من مملكة البحرين !!!
مشكووووووووووووورين جميعاً على الردود ،،،
سجلت للمنح وإن شاء الله نحصل على شي ! |
|
|
|
| مواقع النشر (المفضلة) |
| الكلمات الدلالية (Tags) |
| لملكة, لطالب, البحرين, عاجلة, ،،، |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
