[ المحاضرات ] : المحاضرة بالشرائح "نسخة للجوال > ( ضــروري )

[alharbimas]

السلام عليكم ورحمة الله وبركاته :


يا أخوان وخوات ،،

هل يتم احتساب الدرجه اذا شاهدت المحاضرة عن طريق ( المحاضرة بالشرائح "نسخة للجوال ) .


انا افتح المحاضرات عن طريق عملي فالدوام ... ولا يفتح معي إلا الحقل ذا .

ياليت تفدوني الله يحرم على وجيهكم النار .

[{تهاويل}]

انا دائماً احمل واشاهد المحاضرات بنسخة الجوال من البلاك بورد
ونعم تُحسب لك
لا تقلق

[tahani.m.t]

سوال. لو افتح المحاضرات من الجوال واشوفها هل تحسب لي درجه

[alharbimas]

المشاركة الأصلية كتبت بواسطة {تهاويل}

انا دائماً احمل واشاهد المحاضرات بنسخة الجوال من البلاك بورد
ونعم تُحسب لك
لا تقلق

طيب أخوي تهاويل .... لازم افتح المحاضرة وأنتظر لين تكمل ولا افتحها خمس دقايق واقفل وتحسب الدرجه .

ارجوك رد ... أو اي شخص آخر عنده علم اكيد يرد لي خبر ضروري الله يجزاكم خير

[{تهاويل}]

المشاركة الأصلية كتبت بواسطة alharbimas

طيب أخوي تهاويل .... لازم افتح المحاضرة وأنتظر لين تكمل ولا افتحها خمس دقايق واقفل وتحسب الدرجه .

ارجوك رد ... أو اي شخص آخر عنده علم اكيد يرد لي خبر ضروري الله يجزاكم خير

عني انا اخلي الشريط الابيض الي يمشي يكمل مو لازم تشتغل المحاضرة
فيه شباب يقولوا انه بس يقول الدكتور بسم الله يقفلوه خلاص ويحسب لهم
لكني ماجربت اخليه من اول كلمه واقفله

[tahani.m.t]

الله يعافيكم احد يجاوبني اذا فتحتها من الجوال. تحسب لي درجه

[{تهاويل}]

المشاركة الأصلية كتبت بواسطة tahani.m.t

سوال. لو افتح المحاضرات من الجوال واشوفها هل تحسب لي درجه

استخدم تطبيق البلاك بورد على الاندرويد
وكنت احمل به بعض المحاضرات نسخة الجوال واشاهدها بالجوال وتحسب لي
رغم اني اكثر المحاضرات احملها بالكمبيوتر.
وماواجهت مشكلة في حساب التحميل من تطبيق البلاك بورد
رغم ان الجامعة في التعليمات الخاصة به ينصحوا بعدم استخدام هذا التطبيق.
وانما ينصحوا تدخل بالجوال من المتصفح على موقع الجامعة والبلاك بورد من هناك.

[alhazena]

انا عني احمل المحاضره المسجله نسخه الجوال اتوقع حجمها اقل وبسرعه تتحمل عكس تحميل المحاضره المسجله العاديه تكون حجمها اكبر واطول بالتحميل تاخذ وقت
وأحمل باللاب ماجربت بالجوال

[نهرالعطا]

وعليكم السلام ورحمة الله وبركاته

ماقصرو الي قبلو كفو و وفو
بالنسبه لي
كنت احمل المحاضرات بصيغة الجوال للمواد العامه
زي حاضر العالم الاسلامي ونظريه المعرفه وفقه السيره والتجويد

وتنحسب لي كامله الحمدلله
اما مواد التخصص احب احملها بصيغة rar
لاني استفيد منها لاحقا في متابعة الدكتور وتقويه اللغه
والاستماع لدكتور حتئ استفيد من اللغه اكثر واكثر

هذي تجربتي

[tahani.m.t]

الف شكر لكم جميعنا نورتوني الله ينور عليكم ويجزاكم خير الدنيا والاخره