|
المستوى الأول - كلية الأداب ملتقى طلاب وطالبات المستوى الأول جميع تخصصات كلية الآداب التعليم عن بعد جامعة الملك فيصل. |
|
أدوات الموضوع |
#1
|
||||
|
||||
الدكتور بحــــااار و الدرس ألاول في الـــ English
احم احم مرحبآآ بكم طبعآ اول شي اعرفكم في نفسي انا الدكتور البرفسوور / بحااار تخرجت من جامعه قديمة مرة ماذكرها بس المهم اني تخرجت وبس والجامعه في أمريكاء وتدرون وش قووة الدراسة في امريكاء سنة تدرس واربع سنوات في السجن <<<< حشاء مو دكتور ذا خريج سجوون المهم ماودي اطول عليكم ادري فيكم طلاب تملوون بسرعه هذا درس ان شالله تستفيدوون منه وطبعا هذا الدرس الاول يعني راح يكون فية درووس جااية وفية تقييم ودرجاات والي مايحضر اخلي لاكوست يسحب عضويتة يومين <<<< وش رايكم اصلح دكتور من جد خخخخخخخخخخ يلا احس اني طولتها الدرس الاول / 1 السلام عليكم ....درسنا اليوووووم حلللللللو مره....يالله ركزوا معي... ازعجونا في اللغه وهي سهله بس المشكله, فقعوا روسنا بالقواعد والفاعل والمنصوب والناصب والحرامي <<<< وش دخل ذا في السالفة خخخخخ لكن انا جيتكم وبعلمكم بدون وجع راس يالله نبدأ: افرض واحد ضربك على اصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,, i = معنها = انا هل تحب جبنة بوك= لاحظ بوك بس نوع فاخر +بوك= book = كتاب هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟ الجواب: فار مر فار مر ,,,, معنها مزارع ,,,,, ككك; farmer <<<< مزارع من مايعرف الرئيس الأمريكي ( بوش ) بوش -بوش = push = يدفع _يعني = يدف = وتلاحضونها على الأبواب يعني تقدار تقول= ادفع الباب او دف الباب = push the door = بوش ذا دور كلمه ثانيه:واحد يقولك: كيل تفاح تصير قوي_ كيل برتقال _كيل موز لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him كلمه ثانيه: واحد يطق الباب وش تقوله: اكيد تقول ( مين) مين مين مين mean = مين = تعني = معنى = او قصد = كأنك تسئل وش معنى كلامك او وش قصدك مثال: تسئل واحد وش قصدك ؟ what do you mean = وات دو يو مين كلمه ثانيه: وعلى فكره كلمة = com الي تشفونها في الرابط = تعني = شركه = وهي اختصار كلمة = company تسمعون البزر يقول الى امه : ماما يالله قوه البيت = قوه قوه = ياقليب قليبوه المهم واضح معنها لكم : go = كوه = قوه يالله نروح= let is go = ليتس قوه كف = فيه احد ما جاه كف على وجه ؟ انا بصراحه تصفقت لين دخت كف= معنها = كحه . كف = cough تقدار تقول= i have cough = اي هاف كف = انا عندي كحه او سعال مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو انا اهتم = i care = اي كير باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان هورس = حصان = horse باوار= قوه =power ركزوا معي في تركيب الجمله = انا عندي حصان = i have horse = لاحظوا = i have = متكرره , i have = انا عندي يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره الرئيس الأمريكي السابق ( بيل كلينتون ) بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل او تقول = بيل بليز = فاتوره لو سمحت = اهم شي تدبر عمرك بلوتوث = واواواواو bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟ بلوتوث تعني = الناب الأزرق = او لو حبيتوا نقول الضرس الأزرق ماشي, بلو= blue = ازرق توث= tooth =الناب او الضرس هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر فار = مخلوق نذل يصعب مسكه الى اذا جبت له قطو فار= far = معنها = بعيد = تقدار تقول = انت بعيد مره = you are so far = يو ار سو ( فار) = so = تعني جدا ,مثل very يعني تقدار تقول= you are very far =يو ار فيري فار = على كيفكم ني = اللحم ني او الدجاج مو مستوي ني ني= knee = معنها = ركبه بس ماعليكم من حرف الكاف في بداية الكلمه ماينطق =k nee = تنطق = ني كان = ( كان زمان ) ياما( كان) في قديم الزمان كان = CAN = يستطيع او يقدر = انا استطيع = I CAN ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه طيب ok كذا ؟ طيب يلا اللحين انا بعلمكم الالوان وايام الاسبوع : نبدأ بالالوان : طيب اللون الاصفر : أنت لما يجي واحد يتصل عليك وش تقول بتقول ( الوو ) طيب الو هي اللون الاصفر yallo . طيب اللون الاحمر :أنت لما تروح المطبخ وتبي تسويلك اكله بسيطة وفجاة لقيت صرصور في المطبخ الله لايبلانا <<< صارت معاه مشكله مع صرصور . طيب المهم وش رايح تسوي اكيد رايح تجيب مضاد الحشارات ( ريد ) طيب ريد هي اللون الاحمر red . طيب اللون الاخضر : في مدينة حلوة بالخارج ومخضرة اسمها ( غرين ) طيب غرين هي اللون الاخضر Grean . طيب اللون الاسود : أنت لما تجي تتهاوش مع واحد بره المدرسة <<< راعي هوشات ههههه وش رايح يقولك بيقولك وش بلاك أنت ارمي الوش وخلي ( البلاك ) طيب بلاك هذه اللون الاسود ( Bllack ) . طيب اللون الابيض : أنت لو عندك خزان ماء في البيت اذا فضى وش رايح تجيب أكيد ( وايت ) طيب وايت هي اللون الابيض White . طيب نروح أيام الاسبوع : طيب يوم السبت : أنت اذا جيت تدعي لله تقول يارب استر طيب ( ستر ) هي يوم السبت Satr Day . طيب يوم الاحد : اذا جيت انت والشباب تلعبون بلوت وجاء واحد قال حك أنت رايح تقول ( صن ) طيب صن هذه يوم الاحد Sun Day . طيب يوم الاثنين : طيب يوم انعزمت عند واحد وجاك واحد قال العزيمة وشو انت رايح تقوله ( مندي ) طيب مندي هذه يوم الاثنين Mon Day . طيب يوم الثلاثاء :أنت اليوم الثاني بعد العزيمة جيت اشتقت للمندي وكان نفسك تعزم اخوياك على ( تيوس ) طيب تيوس هذه يوم الثلاثاء Tuose Day . طيب يوم الاربعاء : طيب عندك واحد خويك وعنده مشكله في اسنانه لازم بعد كل كلامه ينطق ث ( يعني بالعربي يصفر في كلامه ) طيب انت جيت قلتله تجي معي هو رايح يقول ( وينث ) طيب وينث هذا يوم الاربعاء Wendse Day . اما يوم الخميس والجمعة فاجازة كلنا مانشتغل ولا ندرس يوم الخميس والجمعة يعني مالها داعي تعرفونها ههههههههههه .
تحياااتي لكم ولا تنسووون تسجلوون الحضوووور لكم مووودتي |
2011- 11- 9 | #2 |
مشرفة عامة سابقاً ..
|
رد: الدكتور بحــــااار و الدرس ألاول في الـــ English
ما شاء الله تبارك الله
جزااااااااك الله خيييييييير |
2011- 11- 9 | #3 |
أكـاديـمـي ألـمـاسـي
|
رد: الدكتور بحــــااار و الدرس ألاول في الـــ English
هلابك خيتوووو
نورتي الدرس |
2011- 11- 9 | #4 |
أكـاديـمـي فـعّـال
|
رد: الدكتور بحــــااار و الدرس ألاول في الـــ English
جعل ربي يستر عليك لو المدرسين مسوين كذا لنا ماكان حالنا كذا
|
2011- 11- 9 | #5 |
متميزة علم اجتماع المستوى الثامن
|
رد: الدكتور بحــــااار و الدرس ألاول في الـــ English
احلآ محاضره
الله يعطيك العافيه |
2011- 11- 9 | #6 |
أكـاديـمـي ذهـبـي
|
رد: الدكتور بحــــااار و الدرس ألاول في الـــ English
الله يعطيك العافية
معلومات مفيدة |
2011- 11- 9 | #7 |
متميزه بملتقى التعليم عن بعد - ادارة اعمال
|
رد: الدكتور بحــــااار و الدرس ألاول في الـــ English
الله يعطيك اللللف عااافيه من جد حلو الأسلوب تعلمت وضحكت
اتحفنا بجديدك ... |
2011- 11- 9 | #8 |
متميز في قسم المدونات
|
رد: الدكتور بحــــااار و الدرس ألاول في الـــ English
الله يجزاك خير
فيه اشياء تخفي علينا ولكن طريقة شرحك فعلا بسطة الشي الكثير وزادت الفهم اكثر وياليت كانت الدراسة بهذي الطريقة السلسه لأنها تزيد التركيز الله يعطيك العافية لايك + تقيييم |
2011- 11- 9 | #9 |
متميزه بقسم التعليم عن بعد - كلية الاداب م2
|
رد: الدكتور بحــــااار و الدرس ألاول في الـــ English
يارب يارب ننجح في الانقلش
|
2011- 11- 9 | #10 |
أكـاديـمـي ذهـبـي
|
رد: الدكتور بحــــااار و الدرس ألاول في الـــ English
ههههههههههههههه بحار من موضوعك الاول وانا غاسله ايدي منك
تسلم غلاي على هالدرس الفكاهي |
مواقع النشر (المفضلة) |
الكلمات الدلالية (Tags) |
للاول, الجرس, الدكتور, الـــ, بحــــااار, english |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الدكتور غسان قدم استقالتة | ابوريان | ملتقى طلاب التعليم عن بعد جامعة الملك فيصل | 89 | 2011- 10- 9 10:14 PM |
رسالة الدكتور غسان | ياسر البكري | المستوى الثاني - كلية الأداب | 47 | 2011- 6- 18 02:20 PM |
بخصوص موضوعي عن الدكتور غسان انه مظلوم هذا البيان موجود هنا | منصور التميمي | إدارة أعمال 2 | 24 | 2011- 6- 17 10:21 AM |
هااام جدا الطلاب والطالبات المتضررين من مادة ( الدكتور : غسان نايفه ) بيان توضيحي | النمر2009 | إدارة أعمال 2 | 45 | 2011- 6- 4 01:53 PM |
خدمة الفرد والجماعه من 1 الى 5 | ابوالشيخ | اجتماع 3 | 5 | 2010- 12- 27 08:55 PM |