|
ملتقى الدراسات العليا و الابتعاث منتدى الدراسات العليا ; ملتقى يهتم بالدراسات العليا و كل ما يتعلق بها و نقل آخر أخبار القبول و التسجيل في الدراسات العليا في الجامعات السعودية و غيرها ، و نقل مواعيد و أخبار إقامة الرسائل بالخصوص في جامعة الملك فيصل و جامعة الدمام كليات المعلمين و كليات البنات التابعة لها.والابتعاث الداخلي والخارجي |
![]() |
|
أدوات الموضوع |
#1
|
|||
|
|||
![]() تجربتي مع الدبلوم التربوي بجامعة الدمام
السلام عليكم ورحمة الله وبركاته سبب كتاباي هذا الموضوع كثير أسئلة جتني بالخاص من بنات مسجلين دبلوم ومتخوفين مرة بكتب لكم تجربتي كما أراها أنا ، يعني ممكن غيري نظرته تكون مختلفه عن الموضوع بداية تختلف الأسباب اللي تدفعنا للتسجيل للدبلوم التربوي الغالبية عشان الوظيفة الحكومية وبعض البنات عشان يكملون ماجستير في تخصصات تربوية بحكم إنهم ما لقو نفسهم بتخصصهم البكالريوس ويدورون مجال جديد يحبونه ويستمتعون فيه عني ما كانت هالأسباب ببالي أبدا يعني ممكن حاطتها احتمال ضعيف لكل واحد منهم ، وما أدري ايش اللي خلاني أسجل دبلوم تربوي أصلا ! يعني تقدرين تقولين هدف ضعيف وما فيه دافعية قوية له ، فسجلت على عماها ، ورحت المقابلة برضو ما اهتميت واجد ، وبصراحة ما كنت أعرف إن دراسة الدبلوم دراسة صدقية مثل الجامعة كنت أحسبها مثل المعاهد وكذا ! وأكلتها صح مع الدبلوم : ( ليش أقول هالكلام بتعرفون بعد شوي في المقابلة الشخصية أهم الأشياء ذكرتها بهذا الرابط وأهم نصيحة لك : لا تحفظين كلام وتجين تسمعينه قولي الصدق لكن بذكاء يعني اذكري هدفك بطريقة تشجعهم والجاد والصادق يبين من غيره بالشخصية والإجابات بعد القبول : بصراحة كنت أتوقع الدراسة بالدبلوم أسهل من البكالوريوس ، لكن هي أصعب ( على حسب كلام بنات التخصصات المختلفة ) ومن وجهة نظري الصعوبة بالدبلوم تنبع من الأسباب التالية : 1 - معاملتك كطالبة دراسات عليا ، يعني في كل شيء مستوى الإتقان المطلوب منك أعلى من البكالوريوس ، في البحوث ، في العروض ، في دقة الاختبارات ، في كل شيء . 2 - الدرجات المطلوبة لاجتياز الدبلوم كمعدل عام جيد جدا وكمادة لازم جيد ، يعني لو جبتي في مادة د+ تعتبرين راسبة ، ولو كان معدلك العام جيد مرتفع ما يمشي الوضع ، وما أدري ايش الإجراءات المتبعة ، سمعت كلام من البنات لكن موب متأكدة منه إنك تعيدين المادة أو المعدل منخفض يعطونك ساعات زيادة سمعت هالكلام لكن ما ادري إلى الان صح أو لا ، وبصراحة لا تخوفكم هالنقطة واجد لأني ما شفت أي بنت عانت من هالمشكلة . والسبب بالنقطة اللي بعدها . 3 - أغلب بنات الدبلوم ( بسم الله عليهم ) شطوورات مررة وحريصات جدا ، يعني تحسين القاعة كلها شاطرة سواء بالمحاضرات أو بالدرجات ، تقريبا ما فيه درجات نازلة الا اللي يكون سببها تكون ام وموظفة وطالبة دبلوم احيانا درجاتهم تتأثر بس برضو يعتبرون امتياز جدا ، فأنت تشوفين الكل شاطر وهالشيء عليه تبعات : أ - مستوى الأسئلة دقيق جدا وصعب وفيها لعب يعني تشكين بنفسك واحيانا اجابات اصح يعني لازم تكونين قارية الكتاب زيييين ومركزة لأقصى حد لا تتوقعين بيجيبون لك أسئلة واضحة يعني كلمات جمل واضحة بنفس صيغة الكتاب ، لا ، بيجبون شيء يبون يقيسون التميز من الطالبات الممتازات أصلا ، ب - مستوى البحوث مرتفع ، ج - البنات يتكلفون بشغلهم ( هذا كان بالبداية قبل لا ينهد حيلهم ) يعني تتعبين عشان تسوين شيء يعجب أستاذ المادة ناهيك عن تعب جمع المادة . د - البنات حريصات بزيادة ، يعني تشوفينهم يدققون على كل شي ويكلفون نفسهم بزيادة ، وهالشي مرهق إذا كان فيه إضافات واجبات جديدة أو كذا . 4 - في الدبلوم يراعون الفروق الفردية فعشان ما يخلون كل الدبلوم يقيس مهارة الحفظ فقط فيكثرون البحوث والأنشطة ، وبصراحة بالنسبة لي اختبر أهون من البحوث والواجبات الكثيرة ، قبل لا أدخل الدبلوم قالت لي بنت الله يجزاها الجنة : نزل معدلي عن الامتياز لأني أجلت البحوث ، ،،، فحاولت أدارك خطأها ومع كذا مع كثرة الواجبات في واجبين ما سلمتهم مع ان كثير بنات سلموهم بس عدت سليمة الحمد لله . مع بداية الدوام : * أول قضية هي قضية كتب الدبلوم ترا تختلف من سنة لسنة بعدها ومن شعبة لشعبة ثانية وأحيان يقررون علينا كتاب بعدين يغيرونه او ندرس منه محاضرتين ثلاث وبعدها يقولون اعتمدوا العرض كل دكتور له طريقته وأسعار الكتب جدا جدا غالية بالبكالوريوس أذكر كتبي ما تعدي 250 بالدبلوم بالراحة توصل 700 بعض الكتب أسعارها 75 وهيك وترا من مكتبة لمكتبة تفرق شريت كتاب من جرير ب 35 صديقتي شرته من المتنبي ب 50 فانتبهوا وترا فيه شي بالجامعة اسمه تبادل كتب يمديك تاخذين كتب قديمة لبنات درسوا اول بس ما ادري كيف آليته او متى يطبق * ثاني قضية : صعوبة الدبلوم بالبداية من وجهة نظري لأن ما عندنا خلفية سابقة عن ايش بتدرسين ، وما عندنا حصيلة كلمات ومفاهيم ، فتقريبا أول اختبارات شهرية هي الأصعب لأنها بمثابة وضع الأساس على العدم ، بعدها بتكون أهون عليك ، ما أقول سهلة لكن بتكون أهون من أول اختبار فلا تتحطمون كثير ، أهم شي مع كثرة البحوث والواجبات والاختبارات الدقيقة جدا جدا جدا لا تستسلمون ، بصراحة مريت بفترة قلت لأمي : خلاص هالشيء فوق طاقتي ولا أقدر أكمل ، فردت علي قالت : مراح تخسرين شي اذا كملتي لكن بتخسرين اشياء اذا تركتي ، واذكر كلام دكتورة علم النفس التربوي : ( كلكم ممتاز إلا من أبت ، اعتبري اي صعوبة تحدي بنفسك ) فهالشيء شجعني كثير أكمل وأواصل وبصراحة تفاجأت من درجاتي كانت أفضل مما أتوقع بس بصراحة تعبنا وانكرفنا تعب مش طبيعي . عشان كذا أقولك اذا كان لك هدف قوي وواضح بتقدرين تتحملين صعوبات الدبلوم اما اذا ما عندك هدف واضح اعتبريه تحدي او تطوير قدراتك ومهاراتك في الحفظ ووش وراك منتي خسرانة شي * ثالث قضية : ببداية الدبلوم بعض البنات كانوا مستسهلينه فكل ما تكلم ددكتور قالوا له حنا اصلا شاطرات ونقدر وهيك وهيك فالدكاترة يصعبون الاسئلة اكثر ويزيدون اكثر في البحوث والنشاطات عشان تكونون في الصورة اقل مادة متطلبات في الدبلوم كالاتي : ( 2 اختبار شهري ، اعداد عرض مادة مع شرحها ، بحث ، واجبات ، مشاركة ) وشوفي كل دكتور ومزاجه وكل بحث يبيله وقت وتفهمين ، وكل واجب نفس الشيء ، المصيبة ان غالبية الدكاترة يخلون البنات يشرحون وتختلف قدرة كل بنت على توصيل المعلومة فاذا كان شرحها زين بترتاحين فهمتك على الاقل واذا شرحها قراءة الله يعينك ( على فكرة كثير بنات تطور شرحهم يعني المستوى الاول كان شرحها قراءة بس المستوى الثاني تطورت بكثير حسيت اثر الدبلوم بان علينا ، ويا ليت يا بنات اذا بتشرحون لا تقرون حاولوا تفهمون البنات لانه تعب من جد تفهمين نفسك بنفسك المنهج غير البحوث والواجبات والله المستعان الحمد لله على الخلاص بس ) اهم نقطة في قضية الواجبات تقريبا عندك تسع مواد كل مادة نقول كأقل شي بحث وعرض وبيكون جماعي فأهم النقاط اللي لازم تنتبهين لها في العمل الجماعي ؛ أ - حاولي يكون قروبكم واحد بكل المواد عشان توزعون العمل بالتساوي ولا تتشتين . ب - حاولوا تنسقون مع ليدر الشعبة بحيث يكون عدل في المهام والعروض يعني ما تجي مجموعة 1 وتحجز عروضها كلها باول اربعة اسابيع ونفسها مجموعة 2 و 3 وويخلصون ويفتكون ويتفرغون للامتحانات ويذاكرون زين بينما مجموعة 4 و 5 و 6 يصيرون مساكين كل عروضهم ايام الاختبارات ، لازم يكون توزيع اعمال . ج - حاولي قد ما تقدرين يكون توزيع الشغل بالعدل بين بنات المجموعة ، شي يقهر لما يكون كل الشغل على بنتين مثلا ويضيعون وقتهم على شغل المجموعة بعدين تنصدمين ان البنات اللي ما يشتغلون من قلب معكم درجاتهم بالاختبارات احسن منك جالسين يذاكرون وانت تشتغلين لهم ، ادعي الله يرزقك بركة فريق متعاون متفهم ) د - عشان ما انسى في الدبلوم ومع الضغط التمسوا للبنات اعذار فيما لو تاخرت بتسليم شي او قالت كلمة بعصبية وهيك لان مع الايام بتكتشفين نفسك مع الضغوط تسوين مثلها ،، * رابع قضية التدريب الميداني : عبارة عن خمس اسابيع دوام بالكلية تدريس مصغر يعني تشرحين جزء من الدرس بربع ساعة لبنات القاعة باستخدام طرق التدريس اللي بتدرسونها و 8 اسابيع دوام بالمدرسة يوم واحد بالاسبوع تاخذين حصتين درس وتمسكين فراغ وتفعلين نشاط مدرسي واذاعة ( هم بيعطونك ورقة بالمطلوب منك ) وعليها ساعتين بالمعدل صعوبة التطبيق تقريبا ب اختيار طريقة التدريس و كتابة الخطة اكثر شي وحاولي تاخذين ابتدائي اذا كان بامكانك تختارين اذا الدكتورة مععها اكثر من مدرسة اما اذا دكتورتك مدرسة وحده الله يعينك كثير بنات كانوا يقولون صعب ابتدائي ووش يفههم وخذوا متوسط وتندموا تندموا لانهم مراهقات وصعب ضبطهم الابتدائي اللي تبي حلاوة تسكت وانتهينا : ) * خامس شي سو لكم قروب ع الجيميل لان كثير عروض واوراق عمل ورسايل فقروب الجيميل راح يسهل عليكم المطلوب بس تنسخين الايميل للقروب وترسلين عليه وتوصل الرسايل لكل بنات الشعبة ختاما كل شخصية عن شخصية تختلف ممكن تكون هذي رؤيتي عن الدبلوم واشياء اشوفها صح من منظوري بينما يمكن زميتلي اللي معي دائما تخالفني باشياء كثيرة فلا تتوقعين كل الكلام اللي كتبته مطابق للواقع لان كل شخص نظرته تختلف حاولت اكتب لكم كل اللي اذكره واذا فيه اي استفسار حياكم الله ممكن كل سنة تختلف انظمة او طريقة الكلية بعرض الدبلوم فممكن كثير من الاشياء تتغير اهم شي لا تتحطمون من كلامي تحدوا انفسكم وبتنبسطون ان شاء الله بنتيجتكم بالوثيقة باذن الله في حفظ الرحمن |
![]() |
#2 |
أكـاديـمـي ذهـبـي
![]() |
رد: تجربتي مع الدبلوم التربوي ! جامعة الدمام .
|
![]() |
![]() |
#3 |
أكـاديـمـي
![]() |
رد: تجربتي مع الدبلوم التربوي ! جامعة الدمام .
للأسف اعرف بنات كثير كانت فكرتهم عن التسجيل بالتربوي انو نجتمع من جديد على مقاعد الدراسه مع صديقاتهم مأخذين الوضع اللي فرصه نتقابل كل يوم وانصدمو بالواقع من جد الدراسات العليا ابد مو سهله ويبيلها شخص جاد وله هدف ومتفرغ
أضافه الى ذلك المكان مو مكان تكوين صداقات ابد وبالعكس الاجواء تنافسيه بحته وبعضهم يغارمن مستوى بعض وطبعاً مافي احد يفوت محاضرات او يتمشى برا لان الكل جاي لهدف من يداومون الى ان ينتهي دوامهم بقاعتهم حتى البريك كله ربع ساعه للصلاه الاختبارات على حسب الدكتور او الدكتوره بعضهم اسئله تعجيزيه ويكون الاختبار تحدي من ينجح. بعضهم معقوله الاسئله لكن مافي شيء سهل ابد مشكوره على نقل تجربتك الأكثر من رائعه واللي رح يستفيد منها كثير ![]() ![]() |
![]() |
![]() |
#4 |
أكـاديـمـي نــشـط
![]() |
رد: تجربتي مع الدبلوم التربوي ! جامعة الدمام .
يعطيكم العافية ماقصرتوا
|
![]() |
![]() |
#5 |
أكـاديـمـي نــشـط
![]() |
رد: تجربتي مع الدبلوم التربوي ! جامعة الدمام .
اخوات اللى درسوا دبلوم تربوي حصلتوا على وظيفة خلونا نتفائل اشوي بعد التعب وش وراره وظيفة لو جلسة بعد
|
![]() |
![]() |
#6 |
أكـاديـمـي
![]() |
رد: تجربتي مع الدبلوم التربوي ! جامعة الدمام .
جزاك الله خير
طيب ممكن أسالك انا اول مره ادري انه فيه تطبيق ميداني في جامعة الدمام نقدر نختار المدرسه ؟ عادي او نختار مدرسه اهليه ؟ |
![]() |
![]() |
#7 |
متميزة في الرد على الاستفسارات الأكاديمية
![]() |
رد: تجربتي مع الدبلوم التربوي ! جامعة الدمام .
الاختلاف جامعة فيصل التطبيق من اول أسبوع واربع أيام في الأسبوع ماعدا الخميس يعني يلا تلحقين دوام مدرسة وجامعة
أتمنى أدرس التربوي في فيصل مع انه مافيه مقابلة يعتمدون بشكل كبير على المفاضله بالمعدل بعكس الدمام |
![]() |
![]() |
#8 |
أكـاديـمـي ذهـبـي
![]() |
رد: تجربتي مع الدبلوم التربوي ! جامعة الدمام .
طيب الي سمعته لازم اختبار قدرات هل هذا صحيح ؟ ومايخذون الا المعدلات المرتفعه وتكون الاولويه للخريجات الدمام ؟؟ والمقاعد محدوده !! هل هذا الكلام صحيح افيدونا !!!
|
![]() |
![]() |
#9 |
أكـاديـمـي ألـمـاسـي
![]() |
رد: تجربتي مع الدبلوم التربوي ! جامعة الدمام .
يعطيك العافية آمال ماقصرتيطيب اخر سؤال بالنسبة لوقت الدوام والمحاضرات كيف كآن ؟
*** ندى أيوه لازم قدرات جامعيين , ومو شرط معدل مرتفع اهم شي تقديرك ماينزل عن الجيد ! الأساس بقبولك وعدمه هو المقابلات وكيف ردة فعلك ع اسئلتهم ! + اعرف بنات انقبلو من جامعات مختلفه عندنا بس العام المقبل لا اعرف اذا بيكتفون فقط بخريجات الجامعة خصوصا بعد القرارات الجديدة لعزام |
![]() |
![]() |
#10 |
أكـاديـمـي ذهـبـي
![]() |
رد: تجربتي مع الدبلوم التربوي ! جامعة الدمام .
بالنسبة للمدرسة ما تختارينها انت
حتى لو كنتي مدرسة باهلية او حكومية ما يعتبرونها لازم تروحين لنفس المدارس اللي بتجيك فيها دكتورتك يعني الجامعة تحدد لكل دكتورة مدرسة او مدرستين وتكون قريبة من الجامعة غالبا """""" لازم قدرات جامعيين الافضيلة حسب اداءك في المقابلة كثير معنا بنات من جامعة عبدالعزيز وبعضهم الامام بس الغالبية جامعة الدمام ،،، ،،،،،، وقت المحاضرات من ٢ الى ٦ بس الظاهر تغير والا ؟؟ |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
[ غير ذلك ] : تجربتي مع دورة كامبردج للحاسب الآلي في جامعة الدمام ,,, | غرام القلب | ملتقى الخريجين | 15 | 2015- 6- 16 09:45 PM |
الدبلوم التربوي في جامعة الملك فيصل | N-to | ملتقى الدراسات العليا و الابتعاث | 6 | 2015- 5- 29 03:48 PM |
جامعة الملك فيصل تعتذر عن قبول خريجي الانتساب في الدبلوم التربوي | طموح فتاه | ملتقى طلاب التعليم عن بعد جامعة الملك فيصل | 18 | 2015- 2- 3 01:54 PM |
[ موضوع للجميع ] : الدبلوم التربوي جامعة الدمام | أم زونا | ملتقى الدراسات العليا و الابتعاث | 3 | 2015- 1- 23 07:09 AM |
ماجستير جامعة الدمام .. | غربة نفس | ملتقى طلاب التعليم عن بعد جامعة الملك فيصل | 20 | 2015- 1- 14 06:41 AM |