شرح مبسط لخطوات خوارزمية التحويل, < مجهود شخصي > - ملتقى طلاب وطالبات جامعة الملك فيصل,جامعة الدمام

أسماء عبدالعزيز · #1 2013- 5- 8

مساء الخير, مساء التوفيق من رب العالمين

طبعاً اللي حضر المحاضرة المسجله لهذي المحاضرات

بيلقى الدكتور مأكد إن احنا نطبق السبع خطوات و و و و

راح أسردها لكم تحت بعض بثلاثة عناوين رئيسية,,

قبل كذا بقول لكم إن:

المعين: العلاقه

المعين المزدوج: علاقة التعريف

الخط: هو اللي يربط الكيان

الخط المزدوج: إشتراك كلي

المستطيل: كيان

المستطيل المزدوج: كيان ضعيف

البيضاوي: صفة للكيان

البيضاوي المنقط: صفه مشتقه

البيضاوي المزدوج: صفه متعدده القيم

البيضاوي اللي متفرعه منه بيضاويات: صفه مركبه

1) تحويل الكيانات العادية,

نحولها إلى جداول,

الكينونه المستطيله هي بتكون إسم الجدول

والصفات المتفرعه منها البيضاويه بتكون هي الحقول أعمدة الجدول,

جدا سهله هالخطوه, تحط كل الموجود بالبيضاويات داخل هالجدول بإسم الكينونه المستطيل

بإستثناء البيضاوي المنقط (المشتق) مانحتاجه أبد لأنه مشتق

وبإستثناء (المركبه) اللي بيضاويه متفرعه منها كم فرع,, نشيل البيضاويه الاساسيه ونحط فروعها بسس

وبإستثناء البيضاوي المزدوج (متعدد القيم)
هذا بيصير له جدول لحاله بنفس الكينونه اللي هو عليها
لكن بس أحط بهالجدول المفتاح الرئيسي والصفه المتعدده اللي داخل البيضاوي المزدوج,,

2) تحويل الكيانات الضعيفة,

نسوي جدول عادي نفس اللي قبل شوي بإسم الكيان الضعيف
نضيف فيه جميع صفاته اللي بالبيضاوي
ومفتاحه الأجنبي > اللي تحته نقط, يصير رئيسي
ونزيد عليه المفتاح الرئيسي المرتبط بالكينونه الثانيه عن طريق المعين المزدوج (علاقه التعريف) ,

3) تحويل العلاقات,

في تحويل العلاقات, بكل الحالات الثلاث بنلاحظ إنه بالجدول اللي بنسويه نظيف الصفه اللي طالعه على المعين اللي نسميه (العلاقه) اللي نشتغل عليها بس

أ) تحويل علاقة واحد إلى واحد,

نشوف المعين اللي يمينه 1 ويساره 1
ونشوف اللي مرتبط بخط مزدوج هذا نسميه اشتراك كلي.
الكينونه اللي عندها الاشتراك الكلي تعتبر العجوز الثقيله اللي ماتتحرك
إذا نحترمها ونجيب لها المفتاح الرئيسي اللي من الكينونه الثانيه

نحط اسم الكينونه اللي عندها اشتراك كلي

ونحط صفاتها بالاضافه للمفتاح الرئيسي اللي جبناه من الكينونه الثانيه

بس تصير مفتاح أجنبي في هذا الجدول ,,

وطبعا إذا كان بالعلاقه صفه طالعه نزيدها بعد على هالجدول,,

ب) تحويل علاقة واحد إلى كثير

نسوي نفس قبل شوي.. قبل شوي اللي عندها الاشتراك الكلي قلنا العجوز الماتتحرك نجيب لها المفتاح الرئيسي

الحين العجوز بهالحاله اللي عندها علاقة كثير بتشوفها بالرسم البياني حرف n

نجيب لها المفتاح الرئيسي ونسوي الجدول بإسم الكينونه اللي عندها حرف إن

ونظيف المفتاح الرئيسي حق الكينونه المقابله ويصبح مفتاح أجنبي

ونظيف أيضا صفة العلافه البيضاوي اللي طالع بالمعين

ج) تحويل كثير إلى كثير

في هذي مختلفه لان كلهم تساوو مافيه اشتراك كلي ولا فيه أحد قليل واحد كثير كلهم عجز هالمره

لازم نسوي لهم ديوانيه يتكّون فيها كل وحده ماتبي تسويه ببيتها

الجدول بيكون غير

بيصير بإسم العلاقه اللي هم عليها المعين

والحقول حقته الصفات كل المفاتيح الرئيسيه لكل الكيانين اللي تحتها خط متصل,

بالإضافه للصفات اللي على العلاقه اللي طالعه على المعين,,

وووبس

يارب أكون وفقت بتوصيل المعلومه بشكل أسهل ما أكون صعبتها عليكم

وبالتوفيق يارب كلكم تطلعون مثل هالفيس

بيآض · 2013- 5- 8

الله يسلم يدينك ياقمر ويعافيك
ماقصرتٍ

أسماء عبدالعزيز · 2013- 5- 8

منورتني بياض,

الــغـــدراء · 2013- 5- 8

مشكورة الله يعطيك العافية

عندي استفسار
المعين المزدوج = هو العلاقة الضعيفة

أسماء عبدالعزيز · 2013- 5- 8

اقتباس:

المشاركة الأصلية كتبت بواسطة الــغـــدراء

مشكورة الله يعطيك العافية

عندي استفسار
المعين المزدوج = هو العلاقة الضعيفة

ويجب أن يرتبط الكيان الضعيف بكيان قوي بواسطة علاقة تعريف(تمثل علاقة التعريف بشكل معين مزدوج الإطار)، وذلك في سبيل تقوية الكيان الضعيف.

^

كلام المحتوى,,

ومافيه غيره اسمه علاقه ضعيفه > حسب مذاكرتي

بس أذكر المحاضرات المسجله كتبت جنب المعين المزدوج من كلام الدكتور وشرحه علاقه ضعيفة!

ولا أعلم أين الصحيح

ويمكن اثنينهم صح علاقه ضعيفه تعرف الكيان الضعيف,,

وحياك الله,,

الــغـــدراء · 2013- 5- 8

المعين المزدوج و الكيان المزدوج

جميعها ضعيفة

abady alomari · 2013- 5- 8

برافو عليك اخيرا وصلت لفهم قريب.. الحمداللة

أسماء عبدالعزيز · 2013- 5- 8

اقتباس:

المشاركة الأصلية كتبت بواسطة الــغـــدراء

المعين المزدوج و الكيان المزدوج

جميعها ضعيفة

وش يعني هذا إخبار أم تأكيد على كلامي ؟؟

اقتباس:

المشاركة الأصلية كتبت بواسطة abady alomari

برافو عليك اخيرا وصلت لفهم قريب.. الحمداللة

الحمدلله وهذا المرجو

الله يوفقنا ويفتح علينا ويعدي اختباراتنا على خير يارب

الــغـــدراء · 2013- 5- 8

المعين المزدوج هو / علاقة رابطة و لكنها ضعيفه

Ŝǎ7ąβ · 2013- 5- 9

مررا شكرا ي اسماء وربي يوفقكك ويجزاك خير
اعجبتني العجوز اللي نحترمه عرفتي كيف توصلينها

2013- 5- 8	#2
بيآض Banned الملف الشخصي: رقم العضوية : 89964 تاريخ التسجيل: Thu Oct 2011 المشاركات: 4,593 الـجنــس : أنـثـى عدد الـنقـاط : 46202 مؤشر المستوى: 0 بيانات الطالب: الكلية: جامعة فيصـل الدراسة: انتساب التخصص: علم إجتماع المستوى: خريج جامعي	رد: شرح مبسط لخطوات خوارزمية التحويل, < مجهود شخصي > الله يسلم يدينك ياقمر ويعافيك ماقصرتٍ

2013- 5- 8	#3
أسماء عبدالعزيز صديقة الساحة العامة الملف الشخصي: رقم العضوية : 8141 تاريخ التسجيل: Thu Jul 2008 العمر: 33 المشاركات: 5,034 الـجنــس : أنـثـى عدد الـنقـاط : 50364 مؤشر المستوى: 167 بيانات الطالب: الكلية: جامعة الملك فيصل .. الدراسة: انتساب التخصص: إجتماعية مجتهدة ^_* المستوى: خريج جامعي	رد: شرح مبسط لخطوات خوارزمية التحويل, < مجهود شخصي > منورتني بياض,

2013- 5- 8	#4
الــغـــدراء مشرف عام سابقاً الملف الشخصي: رقم العضوية : 77576 تاريخ التسجيل: Wed May 2011 العمر: 39 المشاركات: 14,472 الـجنــس : ذكــر عدد الـنقـاط : 1109024 مؤشر المستوى: 1308 بيانات الطالب: الكلية: الاداب الدراسة: انتساب التخصص: علم الإجتماع والخدمة الأجتماعية المستوى: خريج جامعي	رد: شرح مبسط لخطوات خوارزمية التحويل, < مجهود شخصي > مشكورة الله يعطيك العافية عندي استفسار المعين المزدوج = هو العلاقة الضعيفة

2013- 5- 8	#6
الــغـــدراء مشرف عام سابقاً الملف الشخصي: رقم العضوية : 77576 تاريخ التسجيل: Wed May 2011 العمر: 39 المشاركات: 14,472 الـجنــس : ذكــر عدد الـنقـاط : 1109024 مؤشر المستوى: 1308 بيانات الطالب: الكلية: الاداب الدراسة: انتساب التخصص: علم الإجتماع والخدمة الأجتماعية المستوى: خريج جامعي	رد: شرح مبسط لخطوات خوارزمية التحويل, < مجهود شخصي > المعين المزدوج و الكيان المزدوج جميعها ضعيفة

2013- 5- 8	#7
abady alomari متميز في كلية ألأداب_قسم الأنجلش الملف الشخصي: رقم العضوية : 108477 تاريخ التسجيل: Sun May 2012 العمر: 38 المشاركات: 388 الـجنــس : ذكــر عدد الـنقـاط : 1478 مؤشر المستوى: 55 بيانات الطالب: الكلية: الاداب الدراسة: انتساب التخصص: انجليزي المستوى: المستوى الثامن	رد: شرح مبسط لخطوات خوارزمية التحويل, < مجهود شخصي > برافو عليك اخيرا وصلت لفهم قريب.. الحمداللة

2013- 5- 9	#10
Ŝǎ7ąβ أكـاديـمـي ألـمـاسـي الملف الشخصي: رقم العضوية : 93667 تاريخ التسجيل: Wed Nov 2011 المشاركات: 1,459 الـجنــس : أنـثـى عدد الـنقـاط : 473 مؤشر المستوى: 67 بيانات الطالب: الكلية: جامعة الملك فيصل الدراسة: انتساب التخصص: English language المستوى: المستوى الرابع	رد: شرح مبسط لخطوات خوارزمية التحويل, < مجهود شخصي > مررا شكرا ي اسماء وربي يوفقكك ويجزاك خير اعجبتني العجوز اللي نحترمه عرفتي كيف توصلينها

الذين يشاهدون محتوى الموضوع الآن : 1 ( الأعضاء 0 والزوار 1)