مقابلتي الشخصيه مع د.عبدالله النجار بخصوص اختبار نقود وبنوك يوم الخميس 26/6

[carlo]

السلام عليكم

يوم الخميس بعد اختبار مادة ادارة اعمال دولية الساعه 5:00 اتجهت الى مبنى التعليم عن بعد

وقابلت الدكتور عبدالله النجار وكلمته بخصوص اختبار نقود وبنوك وصار النقاش التالي

سئلته عن اختبار نقود وبنوك وعن الي صار بسئلة الاختبار وقلت له انه صار فيه اسئله من بره السلايتات واشياء ماشرحها وقوانين مو معنا بالسلايتات وكان رده كالتالي

قال انه لقد تمت مراجعة الاختبار مع بعض الطلابه وعددهم 5 طلاب وبحضور دكتور المادة
وتوصلو الى انه الاختبار كان كله موجود بالكتاب ولا فيه شي من بره المنهج

طبعا صار اعتراض من الطلاب على هالشي وقالو انه هالنقاط موجوده بالكتاب بس انه الدكتور لم يتطرق لها بالمحاضرات المسجله

قال د.النجار انه الاختبار ماطلع من المنهج والغلط من الطلاب انهم لم يذاكرو من الكتاب واعتمدو على السلايتات بس وقال بعد انه اي دكتور يقدر يجيب اشياء من الكتاب ماشرحها
لانه اعتمد للطلاب هذا الكاتب فاعلى الطلاب تغطيت كافة محتوياته العلمية وهم مطابين فيه
وقال انه هالشي من مسئولية اي طالب جامعي انه يغطي اي شي موجود بالكتاب

الحين دوري انا في الرد عليه على هالكلام
قلت له انه هالنقاط هذي لم يشرحها الدكتور زفيه مسائل جابها بالاختبار ولم يشرح لنا طريقة حلها وقاوانين واشياء ثانيه وووووثانيه ,,,,, احنا ويش ذنبنا اذا جاب شي ماشرحه
احنا شلون بنفهمها وبنحلها اذا هو ماشرحها
وقلت له اذا 5 طلاب الي جوك واعترضو فا اعرف انه كل الطلاب معترضين على الاختبار وقلت له شوف ايقونة الشكاوي وشوف كم واحد معترض وقلت له بعد فيه اسئلة غلط في الاختبار بعد

د.النجار رد علي وقال انه من حق الدكتور انه يحط الاسئلة الي يبيها من الكتاب وحتى لم يتطرق لشرحها ونحن لن نعتبر انه الاختبار جا من بره المنهج مادام الاختبار في حدود الكتاب المقرر وقال بالنسبه للاسئلة الي فيها اغلاط سيتم تعويض الطلاب بدرجات طبعا انا حاولت اعرف كم عدد الاسئلة الي فيها اخطاء وحسبها لنا بس ماقدرت لانه يقول مايذكر كم عددها


النهاية طبعا انا حاولت اني اكون في محل دفاع عن هالظلم وسويت الي اقدر عليه وصار نقاش طوووووويل مع الدكتور بس للاسف ماطلعت بنتيجه مرضيه



مدت المقابله كانت 40 دقيقه

[سمو الاخلاق]

الله يجزاك خير



والله لا يوفق الظالم وين ما يروح ( دكتور النقود والبنوك) ما ابي حتى اذكر اسمه العفن

[ميمو العبدالله]

اجل وش فايدة الدكاتره اللي حاطتهم الجامعه ودافعه لهم فلوس اذا بنعتمد ع الكتاب
وش فايدة المحاضرات اللي يسجلها الدكتوره وفنيين يرفعونها ع الموقع وزحمه ودنيا اذا بنعتمد ع الكتاب
اجل توفر ع نفسها الجامعه ومايحتاج دكاتره
وكل بداية سمستر تقولنا كل مادة واسم الكتاب اللي نذاكر منه وانتهينا
مايحتاج تحط دكتور يقرا كلمتين بالمسجله وبعدين يجب اسئله من اشياء لا شرحها ولا تطرق لها
اخاف بس الدكتور اصلا مو عارف للماده ولا يعرف كيف تنحل المسائل :)

[carlo]

طبعا انا قلت له نقطة ويش فايدة الدكتور والمحاضرات ونتعب روحنا ونشوفها واذا مايشرح حاجه ويجيبها في الاختبار احنا في الحاله ويش نستفيد من الدكتور

رد علي وقال انه الدكتور وسيله لفهم الماده وعلى الطالب الجامعي ان يبحث عن المعلومه ويتعب على روحه

اشكرك انك ذكرتيني بهذي النقطه

[KFU STUDENT]

الله يعينكم ويساعدكم ويفرج همكم

[أبو زيــــاد]

كان قلت له ان المفتري قال بالمحاضرة المباشره ان الكتاب غير مطلوب كله ولكن فقط النقاط والمواضيع اللي تطرقنا لها بالشرايح او المحاضرات يعني لو ماقال هالجمله كان ممكن اقتنع بكلام طويل العمر راعي البشت

بس الظاهر الدعوى ظلم في ظلم وقالو مو معقول هالدفعه بتتخرج بدون خطه فشيله لنا خل نعطلهم شوي ونمص دمهم

لو حملت الماده ماراح اخذها مع التعيس لو مايبقى غيره دكتور بالكره الارضيه

[carlo]

اخوي ابو زياد

بالنسبة للكلام في المحاضره المباشره صحيح قال انه انذاكر من الكتاب النقاط الي ذكرها بس

بس مع الاسف ما انتبهت لهالكلام الا بعد مارجعت من عند الدكتور

بس انا ماراح اسكت وعندي هالدليل انا برجع له يوم الاثنين وبسمعه المحاضره المباشره الثالثه الدقيقه 27

[أبو زيــــاد]

قوااااك الله وياريت تنوه للنجار ان احنا طلاب انتساب ومادفعنااا فلوس الا عشان عارفين ان معاملتنا اسهل من الانتظام ومانطالب مثلهم وماعندنا وقت كافي والا شفايدة الانتساب !!

وبعد لازم تضغط عليه بسالفة ان احنا قدرنا الجامعه في تاخير الخطه وماضغطنا اكثر ومفروض هي كمان تراعينا في ابسط حقوقنا مع الدكاتره لايقولون شي ويسوون عكسه لو ساكت ابرك له *

[badercom]

المشاركة الأصلية كتبت بواسطة أبو زيــــاد

كان قلت له ان المفتري قال بالمحاضرة المباشره ان الكتاب غير مطلوب كله ولكن فقط النقاط والمواضيع اللي تطرقنا لها بالشرايح او المحاضرات يعني لو ماقال هالجمله كان ممكن اقتنع بكلام طويل العمر راعي البشت

بس الظاهر الدعوى ظلم في ظلم وقالو مو معقول هالدفعه بتتخرج بدون خطه فشيله لنا خل نعطلهم شوي ونمص دمهم

لو حملت الماده ماراح اخذها مع التعيس لو مايبقى غيره دكتور بالكره الارضيه

هذي النقطه من صالحنا والنجار الله يهديه بس صاف مع ذا الحاقد على السعوديين ياخي يجبون لنا سعوديين بدل ذولا الحقدين علينا ياكلون من خيرنا :( اه يا القهر يا من يجمعني مع النجار 10 دقايق ...

[دلـــو]

اذا كان خصمك القاضي من تقاضي ..!!