هندسة عماره وتخطيط بجامعه الدمام !؟ آو كليه الجبيل الصنآعيه .!؟

[قصيمي وأفتخر]

[align=center]
السلام عليكم

يا شباب ابي شوركم
و وش تنصحوني فيه :s12:

من بين هالخيارين
هندسة عماره وتخطيط بجامعه الدمام !؟ آو كليه الجبيل الصنآعيه .!؟


1- بالنسبه للمستقبل الوظيفي

2- وبالنسبه للشهاده أيهم اقوى من الثانيه

3- وهل تخصص هندسه العماره والتخطيط مطلووووب أو لا




ولكم منــي جزيــل الشكــر ..
[/align]

[طارقtariq]

بكل ثقة كلية الجبيل

وشهادة اقوى ومستقبل وظيفي احسن اذا اخذت البكالوريوس

[maro]

[align=center]اكيد الجبيل يكفي انه انا بكون هناك اهم شي الثقة
لا أخوي
:praying::praying::praying::praying:
انا بعد جاتني عمارة وتخطيط ومن كثر اسألتي عالتخصص قالولي الي متخرجين منه ومن نفس الجامعة لا تفكر تخش .. دراسة صعبه وماتظمن الوظيفة للإكتفاء ولجاتك حدك 5آلاف ومن البلدية اذا عندك واسطة بعد ...
اما الجبيل حاول تاخذ البكلوريس وراح تكون في السليم :)
بالتوفيق :)
[/align]

[حبيب المصطفى]

شوف خد الكلام الصريح مني

تعال الجبيل وانت مغمض

اولا الجبيل راح تخرجك مساعد مهندس اي بشهادة دبلوم

ثانيا بعد ماتتخرج بمعدل يرفع الراس لاتفكر انك ما راح تشتغل والارزاق بيد الله سبحانه وتعالى
ثالثا لما تريد تكمل بكلوريوس نصيحتي لا تكمل في الكليه اطلع بره لان الكليه تأخد قليل جدا من الطلاب والوظيفه تخوف فيه صايره شهاذة الدبلوم اقوى بعشرين الف مره من شهادة البكلوريوس لاتتفاجئ تالي لما تتخرج من الجبيل بكلوريوس تشتغل بالدبلوم وثانيا راتب الدبلوم في خريج الكليه ماراح يكل ابدا عن السبعه الاف في مصانع الجبيل هذا

رابعا تخطيط هندسه قول لي من راح يشغلك وقولي لما تفتح لك مكتب خاص لك من راح يجيك المصاروه تارسين البلد منهم وارخص من السعوده

خامسا : دراسة الكليه سهله اذا كانت عندك لغه انكليزيه

سادسا ادا انت تحب التخطيط فدخل الكليه واندرج تحت تخصص هندسه ميكانيكية

سابعا واخير ك توكل على الله واركب السياره وتعال الكليه وربي يوفقك


لاتنسونا من دعواكم

[قصيمي وأفتخر]

الله يعطيكم الف عآفيه على الردود ..

والله يكتب لي الي فيه الخير ..




لكم ودي ..