[ الدراسات الاسلامية ] : كل مايتعلق بقسم الدراسات الأسلامية " فكرة عامة عن القسم "

[تسذآ]

السلام عليكم
تسيف الحال

كل العام و أنتم و بخير بمناسبة العطلةة مابغينا , الله يوفقنا ونجتاز جميع المواد بكل أريحيه , وتكون عطله جميلة من كل النواحي و الفله والدجةة و تسذا ..

راح آتكلم عن قسمي الدراسات الأسلامية ..
قسم جميل , يكفي بإنك تأخذين منه العلوم الشرعية و تستفيدين منها بإذن الله تعالى , لتكن نيتك عند دخولك للقسم و إي قسم آخر هي :
" أحتساب الأجر "

اولاً المعدل :
أقل معدل يعني لو 2 دخولك دراسات , مع أنه أهم قسم , و كذلك تدخله بعض الفئات من المجتمع للأسف ماتستحقه , لان عقيدتنا لابد إن تكون سليمة , نؤمن بالله - عز و جل - وبإن محمد صلى الله عليه و سلم رسوله , من غير أي بدع و خرافات تصدر من أشخاص مرضى ..

مدى الصعوبة في القسم !

القسم مش صعب للدرجة التعجيزية و لاسهل , القسم وسط بين الصعوبة و السهولة , يبي لك تركزين مع الدكاترة لان غالبية دكاترة الدراسات يعتمدون على الكلام في المحاضرة , تنصدمين في ورقة الأختبار بـ أشياء ماتدرين عنها أذا كنتي ماتتابعين مع الدكاترة ..


عدد المواد كل سمستر :
9 مواد

الخطةة الدراسية لقسمنا :
http://www.kfu.edu.sa/ar/Colleges/ar...udyPlans1.aspx


رئيسة القسم :
الدكتورة نوال المطيري
قمةة ربي يسعدها

دكاترة القسم الي أذكرهم :

د/ مريم المغربي : لله درها , شرح , تعامل , سهولة في المادة , المحاضرتين الأولى ماراح تحبونها لانها شديدة لكن بعدين راح تحمدين الله دخلتي عندها , نظامها واجبين و تقراهم وتعطي كل بنت حقها , ماتحب الحكي الدش واللق لق الواجد ابداً , تقول لنا في آختبار الأسانيد أنها احتمال كبير تمسك مادة علوم الحديث , محظوظين أذا مسكتها لان المادة شوي يبي لها , و الدكتورة مريم راح تتركها سهله لكم بإذن الله ..

د/ وداد الخان : ذي وش أقول عنها , حبيتي هالدكتورة , أم للطالبات , محترمة حبوبه , نصيحة الدكتورة وداد لا أحد يطوفها , أسئلتها واضحه جداً , تكب الدرجات كب , شرحها يعجبني مع أنها تسولف كثير و سوالفها حلوه ..

د / مصلح النجار حبيبي هالدكتور , أجمل دكتور مر علي , اكتبوا معه في المحاضرة و اللي كتبوته راح يجيكم نصاً في ورقة الأختبار , أسلوبه جميل جداً , يتعامل معنا كأننا بناته , الله يسعده وين ماكان , يارب يدرسني من ثاني

د / جمال نور الدين : يالبى قلبهه , مثل مثل الدكتور مصلح النجار , نفس مواصفات الدكتورين في بعضهم , يكتب واكتبوا معه اللي يكتبه يجيبه و اسئلته سهلهه جداً ..

د/ المبروك الشيباني : مثل الثنائي اللي فوق , لبى قلبهه , أقسم بالله أسلوب و شرح , شوفوا مواصفاتهم مثلهم , يكتب معنا واللي يكتب يجيبهه , اسئلته سهههله ..

د/ عمر مكحل : أسلوبة و شرحه حلو , اسئلته حلوه , لكن اسئلته في النهائي تكون صعبه , و يحب يجيب تطبيق عملي , لكن يدف في النجاح ..

د/ محمود مبارك : ي لبى هو , يهبل ورب البيت , اسئلته أسلوبه تعامله معنا , طريقته في الدرجات رهيببةة , الله يوفقهه بس ..

د / أحمد دسوقي : يهبل يهبل , بس الورقة خلها له مليانة وراح تجيبن فل ماركك يحب الهذره حتى لو السؤال أجابته سطر يحب تسولفين له بالورقة , بحوثه سهلهه جداً , الله يوفقهه وين ماراح ..

د/ كمال يوسف : يالبى , جميل جميل جميل , مايشرح ويقرأ لكن اسئلة سهلهه حححيل , ويعطي درجات , ياليت يجينا سنة رابع ..

د / منيرة الدوسري : رهيبه , تشرح بذمه , تعتمد موادها على العروض التقديمة , محاضرتها دائما قصيرة و مش ممله ابداً , واجباتها ححلوه , اختباراتها سهله جداً , لكن توزيع الدرجات يعور القلب , ماتزيدك لو درجة للنجاح ذا عيبها الوحيد , لكن دكتورة قمةة ..

د / انتصار العمر : تقرأ , حقانية , ماتحذف ولاشي من المنهج , شديدة , النجاح عندها مش بنسبة كبيرة , و أذا عديتي من عندها بدرجة مش بطموحك , برغم أنها مسكت مصطلح الحديث على دفعتنا و المادة سهله لكن الحمدلله عدينا منها ..

د / مريم التميمي : م أستلطفها ابداً , طيبه , تسولف تضحك في المحاضرة , ماتشرح , بحوثها صعبه حيل , تتوقعين تأخذين معها آي بلس , تنصدمين بالنجاح بدرجة متدنية أو أف , حسبنا الله و كفى , كانت تدرس أصول فقه سيئة جداً في المادة , لكن متمكنه جداً في المواريث و شرحها جميل ..

د / سمية أبراهيم : تشرح بذمه , طويلة محاضرتها , أسئلتها بين السهله و الصعبة , لكن عندها أمانه وتخاف الله , وتعطي بحوث جماعية بس تأخذين معها درجة ترضيك المهم تكونين معها في المحاضرة مركزة وتكتين و كذلك تخططين , أتمناها تدرسني سنة رابع ..

د/ رقية عبدالصمد : تقرأ , اسئلتها بين السهولة و الصعوبة , ماتدف ابداً , بحوثها تترك لين آخر الترم وتعطيك بحث يقهر , ماحبيتها عموماً



نسيت لو فيه ذكروني و بعطيكم نبذه عن الدكاترة اللي درسوني ..


موفقات جميعاً
حياكم الرحمن في قسمنا الجميل

[Ďσα'α♔]

يعطيك العافيه يَ عسل.. بس بسألك عن الدكتور احمد طيآر


ويديك العافيه

[ṁΐṣş-ṯяḟ..]

صبآآآآآحووو

يعطتيس العافيه تسذآآآ
كفيتي ووفيتي .. ماشآء الله عليتس

بس نسيتي دكتوووور محمد أسسسسسود

مايشرح كويس وماينجح .. وإذا نجحتي عنده تاخدي D


لححححد يسجل عندهـ نصيحهـ

[نديم السهر]

هلا بالحلوات
نسيتي دكتوره رجاء هذي الاخلاق كله اسميها ام البنات
ودكتوره امل بعد رهيبه صح اسيلتها صعبه بس تنجحين عندها بدرجات عاليه
بصراحه قسمنا اسهل قسم وغير كذا الدكاتره كلهم طيوبات وياخذوا ويعطوا مع البنات

[البريئه]

بالنسبة لي .. بصفتي تخرجت هذا الترم بعد سبع سنوات قضيتها بين جنبات القسم العزيز
أقول وبالله التوفيق :

هدى مرعي : طيبه اذا كلمتيها على انفراد .. بس عصبيه بالمحاضره .. شرحها حلو ومو حلو يعني مشكلتها
تشرح وهي متوقعه ان احنا عباقره وترفعنا لمستواها .. مستوى الدكاتره ..يعني تشرح لدكاتره مش طالبات مشان هيك يجيك النوم بالمحاضره .. اسئلتها صعبه وغير واضحة الاجابه .. درستني مرتين ورسبت عندها .. بحوثها حلوه تعطيك موضوع واحد والمصدر مفتوح لك .. دقيقه في الدرجات

فرحة الدوسري : درست عندها سنه اولى بس واحسها تبذل مجهود وهي تشرح لنا عشان تبسط الماده
ولكن لاحياة لمن تنادي .. لكن تعاملها ممتاز ومبتسمه دايم .. طبعن مانجحت عندها ..

مريم التميمي : شرحها حلوو وتنكت وتضحكنا .. اسئلتها صعبه مع اني نجحت عندها بس كنت شاده حيلي
وصامه المنهج .. اخذت عندها اصول .. تعاملها للي مايعرفها او ماتعرفه فيه شده ..

سارة الشهري : جميله اسلوب وتعامل واسئله .. ومحاضرتها حلوه .. لكنها شديده وتطرد اللي تسوي
ازعاج بالمحاضره وتسولف .. ويهمها جدا الاحترام .. ممكن تعطيك درجه على اخلاقك


وداد الخان : وااي عليها بس .. احن ام في الدنيا .. تساعدك شوي وتضمك من حرصها انك تنجحين
وتدف وتكب الدرجات على قولتهم .. وسوالفها تهبل .. تحسسك انك بمجلس حريم مو محاضره


نوال المطيري : تعاملها حلو .. اسئله حلوه .. نجحت عندها بدون اي صعوبه


شريفه الصافي : تعامل وادب وذوق ووجه يفتح النفس .. واسئله مباشره .. ونجاح بدون صعوبه


اممم تعبت .. يمكن اكمل بعدين
وكان ودي اكتب عن مراقبات الشبكات بس ماعرف اساميهم كلهم ..

[Ďσα'α♔]

البرآئه مبروك التخرج,,,

[big hart]

هالقسم بالذات دين ودنيا يعني اللي بتدخله ماراح تخسررررر ابدا

[Shasha]

بنات قيسوا مستوى الدكتور من شرحه و أسلوبه و تعامله و أسئلته و منهجه
و اتركوا النجاح و الرسوب
لأن شي طبيعي اللي تذاكر تنجح و اللي ماتذاكر ترسب
إلا إذا كان عدد الرسوب كبير جدا مثل عند الدكتوره ليلى شكري

والله يوفقكم للخير و يجنبكم الشر

[طالبة متوهقة]

نسيتوا ,
حنان منيدي : اول مره اخذ عندها شديده شوي اسئلتها صعبه ماتساعد احسها تدقق ع البحوث وماتقبل اي بحث تسال بنت بنت بالاسماء , ماتساعد ابد بالدرجات عطتني اعمال سنه واطي مره , يارب تساعدني بالفاينل و قولوا يارب انججح عندها
نوال ال روزه : درست عندها مره وحده فقه ماتدخل متاخر لازم تنضبطي عندهآ اسئلتها حليوه نوعا ما , نجحت عندها بدرجه حلوه متساهله من ناحية البحوث , اتذكر طلبت منا نقوم نشرح مو بحث , وكانت متساهله مره ع الشرح..
عادل حسن : ماقد اخذت عنده مقدر احككم عليه بس مايمدحونه ..
صالحة الوادعي : حليوه اسئلتها حلوه وواضححه مره , انا توني اخذ عندها هالترم بس ان شاءالله اكون ناجحه عندها بشيء حلو يارب ..

[ftosha]

ياليت ماعليتس امر تضيفين مواد النظام القديم للدراسات الاسلاميه

ومشكوره مقدما