تنبيه مهم بخصوص المشاركة في منتديات الحوار

[صوت الحلم]

,,, السلام عليكم ورحمة الله وبركاته ,,,

أحبتي في الله


اللي ما وصلهم الرقم السري راح يوصل
اصبروا ولن يضيع انتظاركم ان شاء الله كثير ما وصلهم الرقم للان

وغير كذا ترى ما راح يفوتكم ولاشيء لان كل المحاضرات ستبقى موجودة الى نهاية الترم
يعني اللي تاخر عليهم الرقم مجرد ما يستلموه يدخلون البلاك ويلحقون على اللي فاتهم


اما اللي استلموا الرقم والبلاك لازال عندهم ما فيه مواد
ينتظروا وراح تنزل لهم


اما اللي نزلت لهم موادهم يقدروا يشوفهم وياخذوا فكرة ويتعرفوا على اسماء الدكاترة اللي راح يدرسونه ان شاء الله

بالنسبة الى المحاضرات الموجودة المسجلة شوفوها

والمحاضرات المباشرة هاذي لقاءات تكون بين الطلاب والدكاترة ( تقريباً محاضرة او اثنتين في الترم لكل دكتور) تكون شات كتابي وصوتي
في حال احد عنده استفسار او شي او حاب يستفيد وممكن الدكتور يتكلم عن الامتحان ووو ....
يحضر المحاضرة يعني لو صار عندكم اسئلة جهزوها على جنب لين موعد المحاضرة المباشرة

اللي لازم تعرفوه

( المحاضرات المباشرة راح ينزل لها جدول بعدين فيه اليوم والتاريخ والوقت وقت مخصص للطلاب ووقت مخصص للطالبات واذا مش غلطانه مدتها المحاضرة ساعة او ساعة ونص )

طيب لنفترض لظرف ما الطالب ما حضر المحاضرة الباشرة او ما عنده اي استفسار هنا راح تنزل بعدين مسجلة يقدر يشوفها ويستفيد من الاسئلة اللي انطرحت ويسمع الدكتور شرد عليها

( المحاضرات المباشرة والمسجلة لازم تشوفوها كلها او تنزلوها ع الجهاز علشان تنحسب لكم ال 10 درجات كاملة )

وحالياً لان توها المواد نازله لنا فا انا اشوف لا تعتمدوا انكم شفتوا المحاضرة اليوم والحضور انحسب لكم ارجعو شوفوها او نزلوها بعد فترة لان جايز النظام بعده مخربط ومش مظبوط لان ناس نزلت لهم مواد وناس لا فلا تبدوا تنزلوا المحاضرات لكم من اليوم احتمال تتغير او يحصل اي شي )

طيب والواجبات اللي موجوده احتمال انها قديمه او تتغير يعني اللي حلها اليوم مثلا يرجع يشيك بين فترة وفترة يمكن تتغير او تنشال واهو ما يدري

أنا مستجدة مثلي مثلكم ما اقول ان كل كلامي صح بس مجرد نصائح اقولها لكم واستنتجتها


تقسيم الدرجات راح يكون
الاختبار من 70
و30 درجة تقدر تحطها بجيبك قبل الامتحان
10 درجات لحضور كل المحاضرات المسجلة والمباشرة او تنزيلها
10 لحل كل الواجبات وعلامة الواجب من خمسه
( الشي الحلو هنا ان لنا اربع محاولات لحل الواجب ونجيب العلامة الكاملة يعني فرضاً حليته اول مره لقيت الدرجة اربعة يعني في خطا في حلك هنا تقدر تعيد الحل لين ما تجيب العلامة الكاملة 5 طبعاً الحل الكتروني يعني مجرد ما تسوي ارسال راح تطلع لك الدرجة
10 الاخيرة للمشاركة في منتديات الحوار


وعلشان لا احد يخربط حبيت انبهكم الى شي جداً جداً مهم
المشاركة في منتديات النقاش الللي في هالرابط
http://kfuforums.kfu.edu.sa/index.php

ما عليها درجات هالمنتديات للاستفادة فقط

المشاركة اللي عليها درجات هي منتديات الحوار الموجودة في البلاك بورد راح تشوفوها لما تدخلوا على المادة وهاذي صورة لها

بعد ما نضغط على المادة مثلا انا ضغطت على مقدمة في التربية الخاصة



هاذي بعد ما ضغطت عليها من الداخل



ما عليكم من المشاركات الموجودة ممكن يتحدث وتنحدف


بالتوفيق لكم يارب وان شاء الله يكون مستوى اول

ممتع والكل هنا متعاون ومعدل عالي يارب

[شجون الرووح]

الله يعطيكي العافيه حبيبتي
دائما سباقه للمواضيع النافعه لنا
الله يوفقك يارب

[فيصل الموط]

الله يعطيك العافيه ولايحرمنا منك
بالتوفيق

[& ريــمــا &]

يعطيك العافيه

[أم لينا وليان]

سبحان الله وبحمده.... سبحان الله العظيم

[صوت الحلم]

سلمتم على المرور

بالتوفيق

[هدوء ..!]

طمنتيني الواجب لي4 محاولات : )

درجات الحضور والواجبات والحوار ضامنينها ان شاء الله

ألف شكر .. ..~

[نوغا]

مشششششششششكوره صووووووووووووت الحلم

وربي ماقصصرتي معنا
\

[ليان]

يعطيكي الف عافيه ياعسل

[صوت الحلم]

يعافيكم حبايبي

شكراً على مروركم