مواقف الغش في الامتحان والظن في غير مكانه...؟؟؟

[عاشق الانجلش]

السلام عليكم ورحمة الله وبركاته
هذي قصة صارت معي ثاني ايام الاختبارات انا واخوي اللي اصغر مني ندرس مع بعض ونفس التخصص ونفس المستوى المهم ناوين انا نجلس بجنب بعض بالقاعة دايما ليس بنية الغش ولكن نرتاح بس لااكثر ولااقل واول يوم بجنب بعض وثاني يوم جلست على كرسي وفيه طالب جالس بجنبي واخوي وراه الى درجة ان اخوي قال للطالب لوسمحت ابي نتبادل بالاماكن بس عشان يصير بجنبي وصار بجنبي ولاحظ كبير المراقبين وجودنا بجنب بعض وجلس يضحك وقال انتم وراكم شي وقلنا له اننا اخوان ونرتاح بجنب بعض وجلس يضحك على باله اننا مو اخوان صدق المهم جابوا لنا ورقة الاجابة وجلسنا نعبيها وفجأة مسك المراقب الكبير المايك والكبير الله سبحانه وتعالى وجلس يقول لااحد يكتب على ورقة الاسئلة ولا يحل عليها فقط الحل على ورقة الاجابة وجلسنا نكمل الاجابات المهم انا تعودت من بداية الاختبارات اني السؤوال اللي احله احط بجنبه علامة صح والسؤال اللي مااحله احط بجنبه علامة خطأ عشان اذا رجعت مره ثانية اعرف اللي حليت واللي ماحليت هذا قصدي والله يعلم ماتخفي الصدور المهم لاحظوا(بجانب السؤال وليس تحته يعني عند الاجابات ) المهم شافني من بعيد وجا يهرول هرولةً واخذ اوراقي كذا بدون مايشوف انا وش كتبت بالضبط وراح وفهيت انا ما ادري وش السالفة وربي شكيت بنفسي مااذكر اني غشيت ولا حاولت اصلا ولا نويت اني اغش والحمدلله المهم القاعة فيها مايقارب ال200 طالب وماتسمع اي صوت ماغير صوت الاوراق ولاحس ولانفس وجلست اتكلم لحالي احس اني صلعت بس انا والطلاب والمراقبين جالسين يناظرون لي كان فوق راسي سهم صراحة زي الكورة بالبلاي ستيشن المهم جلست اناديه ابيه يشوف ورقتي قبل يحكم على بهالسرعة وماترك لي فرصة صراحة كانه مسكر اذانه وربي انقهرت احس ضغطي وصل 100000 المهم قلت مستحيل انظلم واتركه بهالسهولة اقسم بالله كان ودي اقوم بس تعوذت من الشيطان قلت لازم بهالحظة اتصرف زين لانه من صالحي الموضوع المهم من بعيد قلت له اذا انت رجال تعال وجاني موعشان ابرر له اللي حصل ولكن لاني مسست رجولته بكلامي وحنا الشباب نعرف وش اللي يقهرنا المهم وقلت له انت مسؤل عننا قدام الجامعة وقدام رب العالمين وماتحب انك تظلم احد وقلت له انا كتبت بورقة الاسئلة صح لكن شوف انا وش كتبت لاتحكم علي بهالسرعة قال لي كييف يعني؟ قلت له انا حطيت بجنب السؤال اللي حليته صح واللي ماحليته خطأ بس يعني ماقربت للاجابات ابدا قالي متاكد من كلامك قلت له روح شوف الدليل بورقة الاسئلة وخل كلامي عنك وراح تاكد وجاني يتعذر ويقولي اسف تخيلوا بكل برود صراحة حسيت باحراج قدام الطلاب والناس لان الصورة ماوضحت لهم على بالهم اني غشيت المهم قبلت عذره لاني مااتحمل احد يتعذر مني وجاب لي اوراقي وقالي اذا تبي اعتذر لك قدام الطلاب ابشر وعلى المايك بعد وقلت له ماله داعي وصار معي زي العسل يمكن لو اساله عن سؤال يجاوبني لانه اكيد يتبهذل لو اشتكي عليه بس انا مااحب اضر احد واكملت حلي مع اني احس ان بعض الاجابات طارت والله العظيم بسببه الله يسامحه وبعدها جاني كذا مراقب يتعذرون مني عشانه المهم صرت معروف عند المراقبين حتى بطاقتي صاروا مايطلبونها مني وصرت مااجيبها معي وطلعنا من القاعة والطلاب اغلبهم يناظر لي كان فوق راسي سهم زي ماقلت لكم هههههه وجلسنا انا واخوي نضحك صراحة من هالموقف احسه مضحك وويقهر بنفس الوقت واخوي قال انه لما شاف المراقب سوا معي كذا حتى هو مسح كل شي مع انه كان يسوي زي مااسوي انا بالنسبة للعلامة اللي نحطها بجنب السؤال يقول والله اني طقتني ام الصوفة (الخوف بمعنى اصح) واخوياي بعد اغلبهم مسح كل شي هههههههه بجد موقف ماانساه والمشكلة انه بمقرر الانجليزي عاد تخصصي ومن ثاني يوم واخوي باخر الصف وانا باوله خخخخخخخخ.
ودمتم بود وعقبال النتايج المفرحه ان شاءالله>>>>مع انه خايف من الانقلش

[سيدة الأسئلهـ]

.

عادي جدا أنا أسوي كذا دايم أحل بورقة الأسئلة وأحط أكبر صح عند الاختيار الصح


يالله تعيش وتاكل غيرها



.

[بنت الداود]

يؤيؤيؤيؤ والله نذل ليه كذا سوا فيك وانت تختبر قهر والله

انا دايم احط علامه صح محد قالي شي صح في مراقبه قالت لي لا تكتبين وقلت لها مآعرف لازم اكتب وسكتت

بس والله موقف مرره شين كذا تحس حتى نفسيتك تتعب بالاختبار

[عيون ALmaha]

اكيد اللي يراقب عليكم هذا من مدرسة ابتدائي وخريج معهد اعداد المعلمين القديمين

عندنا وعندك خير

انا الحمدلله ماحصلي موقف

بس مسكينة وحدة من البنات اللي معي في قاعة الاختبار كان علينا محاسبة 2 نست الالة الحاسبة في شنطتها والشنطة داخل القاعة تحت البورد
المهم طلبت من المراقبة تعطيها الالة من الشنطة ورفضت المراقبة !!!! انا انقهرت على حال البنت يا قلبي عليها والمراقبة ولا على بالها واللي اختبر محاسبة 2 يعرف حجم المسائل اللي جابها الدكتور

في النهاية البنت قامت تبكي بصوت الين جت المشرفة على المركز وحاولت تهديها وجابت لها الة من عندهم بس كان باقي على انتهاء الوقت 30 دقيقة

تخلف مراقبات

[farahq8]

غريبه!!!! الله يعينك وينجحك بهالاختبار وبالفل مارك بعد!!!
انا عاد أشخبط مو بس اكتب!!!
واحط دوائر وخطوط فوق وتحت وعلي الجنب بعد!!!
والله محد قالي شي!!!

[عاشق الانجلش]

شكرا على مروركم جميعا بصراحة احسه مو مراقب جايبينه من بواب عمارة الى مراقب والا المتعلم مايسوي كذا الا وهو متاكد

[من و الى]

المشاركة الأصلية كتبت بواسطة عاشق الانجلش

السلام عليكم ورحمة الله وبركاته
هذي قصة صارت معي ثاني ايام الاختبارات انا واخوي اللي اصغر مني ندرس مع بعض ونفس التخصص ونفس المستوى المهم ناوين انا نجلس بجنب بعض بالقاعة دايما ليس بنية الغش ولكن نرتاح بس لااكثر ولااقل واول يوم بجنب بعض وثاني يوم جلست على كرسي وفيه طالب جالس بجنبي واخوي وراه الى درجة ان اخوي قال للطالب لوسمحت ابي نتبادل بالاماكن بس عشان يصير بجنبي وصار بجنبي ولاحظ كبير المراقبين وجودنا بجنب بعض وجلس يضحك وقال انتم وراكم شي وقلنا له اننا اخوان ونرتاح بجنب بعض وجلس يضحك على باله اننا مو اخوان صدق المهم جابوا لنا ورقة الاجابة وجلسنا نعبيها وفجأة مسك المراقب الكبير المايك والكبير الله سبحانه وتعالى وجلس يقول لااحد يكتب على ورقة الاسئلة ولا يحل عليها فقط الحل على ورقة الاجابة وجلسنا نكمل الاجابات المهم انا تعودت من بداية الاختبارات اني السؤوال اللي احله احط بجنبه علامة صح والسؤال اللي مااحله احط بجنبه علامة خطأ عشان اذا رجعت مره ثانية اعرف اللي حليت واللي ماحليت هذا قصدي والله يعلم ماتخفي الصدور المهم لاحظوا(بجانب السؤال وليس تحته يعني عند الاجابات ) المهم شافني من بعيد وجا يهرول هرولةً واخذ اوراقي كذا بدون مايشوف انا وش كتبت بالضبط وراح وفهيت انا ما ادري وش السالفة وربي شكيت بنفسي مااذكر اني غشيت ولا حاولت اصلا ولا نويت اني اغش والحمدلله المهم القاعة فيها مايقارب ال200 طالب وماتسمع اي صوت ماغير صوت الاوراق ولاحس ولانفس وجلست اتكلم لحالي احس اني صلعت بس انا والطلاب والمراقبين جالسين يناظرون لي كان فوق راسي سهم صراحة زي الكورة بالبلاي ستيشن المهم جلست اناديه ابيه يشوف ورقتي قبل يحكم على بهالسرعة وماترك لي فرصة صراحة كانه مسكر اذانه وربي انقهرت احس ضغطي وصل 100000 المهم قلت مستحيل انظلم واتركه بهالسهولة اقسم بالله كان ودي اقوم بس تعوذت من الشيطان قلت لازم بهالحظة اتصرف زين لانه من صالحي الموضوع المهم من بعيد قلت له اذا انت رجال تعال وجاني موعشان ابرر له اللي حصل ولكن لاني مسست رجولته بكلامي وحنا الشباب نعرف وش اللي يقهرنا المهم وقلت له انت مسؤل عننا قدام الجامعة وقدام رب العالمين وماتحب انك تظلم احد وقلت له انا كتبت بورقة الاسئلة صح لكن شوف انا وش كتبت لاتحكم علي بهالسرعة قال لي كييف يعني؟ قلت له انا حطيت بجنب السؤال اللي حليته صح واللي ماحليته خطأ بس يعني ماقربت للاجابات ابدا قالي متاكد من كلامك قلت له روح شوف الدليل بورقة الاسئلة وخل كلامي عنك وراح تاكد وجاني يتعذر ويقولي اسف تخيلوا بكل برود صراحة حسيت باحراج قدام الطلاب والناس لان الصورة ماوضحت لهم على بالهم اني غشيت المهم قبلت عذره لاني مااتحمل احد يتعذر مني وجاب لي اوراقي وقالي اذا تبي اعتذر لك قدام الطلاب ابشر وعلى المايك بعد وقلت له ماله داعي وصار معي زي العسل يمكن لو اساله عن سؤال يجاوبني لانه اكيد يتبهذل لو اشتكي عليه بس انا مااحب اضر احد واكملت حلي مع اني احس ان بعض الاجابات طارت والله العظيم بسببه الله يسامحه وبعدها جاني كذا مراقب يتعذرون مني عشانه المهم صرت معروف عند المراقبين حتى بطاقتي صاروا مايطلبونها مني وصرت مااجيبها معي وطلعنا من القاعة والطلاب اغلبهم يناظر لي كان فوق راسي سهم زي ماقلت لكم هههههه وجلسنا انا واخوي نضحك صراحة من هالموقف احسه مضحك وويقهر بنفس الوقت واخوي قال انه لما شاف المراقب سوا معي كذا حتى هو مسح كل شي مع انه كان يسوي زي مااسوي انا بالنسبة للعلامة اللي نحطها بجنب السؤال يقول والله اني طقتني ام الصوفة (الخوف بمعنى اصح) واخوياي بعد اغلبهم مسح كل شي هههههههه بجد موقف ماانساه والمشكلة انه بمقرر الانجليزي عاد تخصصي ومن ثاني يوم واخوي باخر الصف وانا باوله خخخخخخخخ.
ودمتم بود وعقبال النتايج المفرحه ان شاءالله>>>>مع انه خايف من الانقلش

عرفته المطوع القصير النحيف هذاك لو طلعت حلاوه وعطيته كن سكت وبعدين هو هواوي يجامل ناس عن ناس وقبله لازق عندي لين كرهت حياتي ما احب احد يكون جنبي ابدا

[لــوســي]

معقوله ..أنا لاازم أسوي الشخابيط الي على الورقه اللي ما أعرفه أاشر عليه .. واللي أعرفه أحط جنب الخيار الصحيح علامة

وأعبي الورقه حلول جانبيه وشخابيط ..

لازم .. وخصوصا اذا كانت ماده يبي لها حسابات ..

أصلا أنا يمكن الفجيعه ومن الحركه اللي سواها ما أعرف أكمل شي .. بأقعد فتره حتى أهدأ وأرجع طبيعيه .

بس أحسن شي النهاية السعيده .. أعتذر منك وعاملوكك معامله سبيشل ..

بس مسكينة وحدة من البنات اللي معي في قاعة الاختبار كان علينا محاسبة 2 نست الالة الحاسبة في شنطتها والشنطة داخل القاعة تحت البورد
المهم طلبت من المراقبة تعطيها الالة من الشنطة ورفضت المراقبة !!!! انا انقهرت على حال البنت يا قلبي عليها والمراقبة ولا على بالها واللي اختبر محاسبة 2 يعرف حجم المسائل اللي جابها الدكتور

في النهاية البنت قامت تبكي بصوت الين جت المشرفة على المركز وحاولت تهديها وجابت لها الة من عندهم بس كان باقي على انتهاء الوقت 30 دقيقة

من جد تخلللف ..

ايش هذه الحركات ؟؟ أيش أستفادت يعني الحين غير أنها تقهر البنت وتشتت تركيزها

وبعدين أختبار المحاسبه كان أغلب الأسئله حساب ..

[قلبي مملكتي]

والله احراج

المفروض يتاكد قبل يسوي شي

اهم شي انتصرت في الاخر

الله يفرحك ويفرحنا بنتائج

[Dima]

الحكمة مطلوووووبة في مثل هذي الاموووور,,

وانت كسبت احترام الناس بحسن تعاملك ,,





انا اذكر ان اول يوم كاان فيه ازعاااج من مستوى اول تربية .. ومر نصف الوقت وهم بهذي الحالة ,, ما عرفت اركز ,, وكان علينا 3 مراقبات .. وقفت في مكاني ,, والكل ناظرني ,, وقلت لو سمحتوا اعتقد ان حنا الحين في لجنة ياليت كل وحدة تحل وهي ساكته عشان نعرف نركز ,, مو معقولة هذي الفوضة اللي مسوينها ,,, حل السكون في اللجنة والكل قاااعد يناااااظرني حت المشرفة على المراقبين ,, تذكرت قصة الديكة اللي في كتاب الانجليزي قراءة ,,,المهم جلست احل وحل السكون في القاااعة ,, وجات احد المسؤولات تقول الاخت مدرسة ,,كنت بضحك بعدين مسكت نفسي ,, قلت لا ليش ؟؟ قالت الموقف اللي سويته امس كان يدل على انك مدرسة >>> تقص يوم سكت قاااااعة فيها 3 مراقباااااات >>>>>>>هذا من باب الشيء بالشيء يذكر ,,

بالتوفيق