 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2012- 7- 5
|
||||
|
||||
|
ردّ من زوجة سعودية .. .. عن الزوج السعودي
السلام عليكم ورحمة الله وبركاته ... لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو ... و وين تلاقيه ..... !! ؟؟؟ فحوى الرسالة : - إن اللي تبي الدلع تاخذ لبناني واللي تبي الكلام الحلو تاخذ سوري واللي تبي مدري إيش تآخذ ..... واللي تبي مدري إيش تآخذ ..... واللي تبي الأجر تاخذ سعودي. عاد الأخيره هي الشاهد .... :: :: معلومه أفتتح فيها رسالتي: أنا من بيئة زراعية تؤمن أن الأرض الطيبة ... تعطيها ... تعطيك .. وكثر ما تهتم فيها ... يكون الثمر أطيب ..... :: :: :: إلى كل إمرأه سعودية تعتقد أنها مأجوره لأنها ماخذه زوج سعودي..... إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومنسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي..... إلى كل إمرأه سعودية تعتقد أنها مظلومه عاطفيا لأنها مع زوج سعودي..... إلى كل إمرأة سعودية تبحث عن زوج حق دلع ولا كلام حلو...... :: أختي الفاضله: إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه: صباح الأمس الباكر؛ من أيقظ زوجك للعمل؟ أنت أم الساعة المنبهه؟ إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟ لما خرج والأمل يحذوه في وجبة إفطار؛ هل كنتي جهزتي له إفطاره؟ (ولا كوب قهوه وكيكه على المكتب) قبل أن يخرج للعمل؛ من أين أخذ ملابسه؟ (من بين يديك ولا من الدولاب) هل ساعدتيه في لبسه؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي: 1- خرج وأنا نايمه. 2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه. 3- كنت جالسه بالصاله، وهو خارج قلت له لاتنسى الأغراض اللي وصيتك عليها. 4- رافقته للباب، وكان وداع حار. ( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام وياخذ دش؛ (كرري السؤال حق دش الصباح). بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوه قبل الغدا، هل ساعدتي على توفير الجو الهادئ؟ لما صحي؛ هل وجد الغدا جاهز ولا هو اللي جابه معه من المطعم؟ بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه) بإختصار لكل الأسئله السابقه: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها. إلى كل إمرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها. كم مجوع الدرجات اللتي حصلتي عليها؟ 0% ولا 10% ولا 50% ؟ طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجتي مساعدة. في النهايه: أتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي.... كفايه يكون في العالم العربي كله بس السعوديين محرومين من أنثى. معلومة أختتم فيها رسالتي: تعرفون ليه الزوج السعودي تولع عيونه لما يشوف امرأه متبرجه وتطيح سعابيله. تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه. تعرفون ليه الزوج السعودي لما يتزوج من سوريه ولا مغربيه ولا... ولا... يحس ان فعلاًَ فيه جنس آخر بالكون غير الذكور. لأنه في الأصل عايش مع واحد من ربعه. ما انا الى ناقل لكم الموضوع ودي وتقديري لكم : طـــويل المـــــدى 
|
|
2012- 7- 5
|
#2 |
|
Banned
|
رد: ردّ من زوجة سعودية .. .. عن الزوج السعودي
اممم
م حبيت ادخل ولا ارد لي عوده باذن الله  <<< مشمره يدينها 
|
|
|
|
2012- 7- 5
|
#3 | |
|
مُتميز في ملتقى الفنون الأدبية
|
رد: ردّ من زوجة سعودية .. .. عن الزوج السعودي
اقتباس:
حياااااااك ,,,, ونتظر رجعتك |
|
|
|
|
2012- 7- 5
|
#4 |
|
متميز بقسم اللغة الإنجليزية
|
رد: ردّ من زوجة سعودية .. .. عن الزوج السعودي
يعطيك العافيه اخوي طويل المدى
ملخص هذه الرسائل " رسائل ماجنه هدفها فرقة المجتمع المترابط وتقليل الثقه بين افراده لتفكيكه لاحقاً ومن ثم زرع السموم في طياته " لاعتقد امرأه عاقل تؤمن بهذه الرسائل الا اذا عاشت القهر بعينه من زوج ظالم ، حتى لو حصل ذلك فإن ذاك الزوج لايمثل الا نفسه . ودي واحترامي
|
|
|
|
2012- 7- 5
|
#5 | |
|
مشرف عام سابقاً
|
رد: ردّ من زوجة سعودية .. .. عن الزوج السعودي
اقتباس:
انت كما قلت انها رساله متداوله يعني كلام ياتي على عدة جوانب !!! اختلف معك في هذه الجزئيه المقتبسه فانت عممت على جميع الازواج وهذا خطا فادح ،،، وكذلك ختمت موضوعك بان الانثى رجل ( عايش مع واحد من ربعه ) لا ينبغي لنا من التعليقات او النكت ان تسيطر على عقولنا ونتوهمها كحقيقيه موجوده ،،، اتمنى ان تتقبل ردي بكل صدر رحب ،،،،،
|
|
|
|
|
2012- 7- 5
|
#6 | |
|
مشرفة سابقة
|
رد: ردّ من زوجة سعودية .. .. عن الزوج السعودي
اقتباس:
.gif "(204)")
|
|
|
|
|
2012- 7- 5
|
#7 |
|
أكـاديـمـي نــشـط
|
رد: ردّ من زوجة سعودية .. .. عن الزوج السعودي
أشكرك أخي الكريم على الطرح برغم تحفظــي على بعض النقاط
|
|
|
|
2012- 7- 5
|
#8 | |
|
مشرفة سابقة
|
رد: ردّ من زوجة سعودية .. .. عن الزوج السعودي
اقتباس:
موضوع رائع
شكرا طويل المدى لهذا الموضوع لاكن ليس الناس سواء . . |
|
|
|
|
2012- 7- 5
|
#9 |
|
أكـاديـمـي ألـمـاسـي
|
رد: ردّ من زوجة سعودية .. .. عن الزوج السعودي
اوافقك في كثير مما قلت وليس كل ماقلت
ودي واحترامي 
|
|
|
|
2012- 7- 5
|
#10 |
|
أكـاديـمـي مـشـارك
|
رد: ردّ من زوجة سعودية .. .. عن الزوج السعودي
يوم .. انت تنتقد الرسائل ...
 إنت مشيت على نفس المساار ... بالاخير الرجل السعودي يعيش مع واحد من ربعه ...  الكلام اللي قلته .. كوني انثى مبالغ فيه ... وحكمت على الكل ... إنت متزوج .. على شأن تحكم ... طيب شف اللي حولك ... من النساء ... أمك كيف تعاامل ابوك ..  لا تحكم .. على الكل بنظرة واحده قاصرة ...  لو تبي نفتح جانب أفعال المراءة السعودية ... أقل شيء ممكن أقوله ... من مسؤول عن الاطفال أكاد اجزم ... إن الرجل السعودي لا يعرف من اطفاله سواء الاسماء والاشكال ... تسأله يقول احب عيالي لكن ماافيه اهتمااام ... والكلمة الشائعه ... أنا علي اوفر لهم المادة وهي تربيهم ... ولو عطيت نفسي المجال ... طلعت كثير ... بس اكتفي ... لاني مااعرف اعبر كثير .. وبالنهااية .. اقول النماذج التي رايتهاا بحياتي لرجال  ... هم قدوتي ... افتخر فيهم ... طبعا أبوي واخوواني ... الله لا يخلينهم ... منهم ....
|
|
التعديل الأخير تم بواسطة أسيــــره. ' ; 2012- 7- 5 الساعة 03:58 PM |
|
|
|
|
| مواقع النشر (المفضلة) |
| الكلمات الدلالية (Tags) |
| السعودي, الزوج, ردّ, سعودية, زوجة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عمالة التغريبيين .. بقلم ابراهيم السكران . | البريئة2 | ملتقى المواضيع العامة | 27 | 2012- 6- 13 02:10 PM |
| ادلع يآ كآيدهم ! خليهم يشوفوونك // دراسة أسترالية: الرجل السعودي أكثر رجال العالم دلالاً | سوسو الرياض | ملتقى المواضيع العامة | 11 | 2012- 6- 2 08:35 PM |
| للي يبي جدول للمذاكره..مع اسئلة الاختبارات السابقة لكل مادة | [saro0ona] | ارشيف المستوى 2 تربية خاصة | 115 | 2011- 5- 24 03:57 PM |
| سلسلة مراجعة محاضرات (( بناء وتطوير المناهج )) اجتهاد صبا زهران | صبا زهران | ارشيف المستوى 2 تربية خاصة | 48 | 2011- 5- 9 09:27 PM |
| بناء وتطويرالمناهج | بنت عبد الله | ارشيف المستوى 2 تربية خاصة | 12 | 2011- 3- 31 02:28 PM |
