[ تجمع ] : الشعور اللي تجاهك غير حروف القوافي

[قعناص]

ليت من يدري بحبه وياثق من غلاه
‏لا سعى فـ جروح قلبي سعى فـ اعلاجها

‏واحدً ربي من الزين والقبله عطاه
‏يستلم عرش المحبه ويلبس تاجها

‏مثل مايحتاج الانسان لـ الماء فـ الحياه
‏الدروب اللي تودي عليه .. احتاجها !

[2COOL]

،'


ليتك مثل طيفك كثير .. المسايير
و بك ترتوي حدب الضلوع اليباسي

ما ينوصف حالي بكثر .. التّعابير
و مالي بعد زولك جليس و ونيسي

،'

[قعناص]

قُل للحروفِ إذا سكبتُ عبيرَها
من غير أحمدَ يستحقُّ مدائِحي ؟

صلى عليكَ اللهُ ما سارت بنا
أرضٌ .. وثارَ الشوقُ بينَ جوانِحي

[قعناص]

أحبّك ما بين أقواس ولا بدون أقواس
‏تراها كلمةٍ لا جات منّك .. لها رنّه

‏أعيشك شعورٍ ما يوَصّف شِعر وإحساس
‏تراني مثل من ودّه يوصّف لك الجنّه

[2COOL]

،'


كثر ما كنت أخاف المفارق صرت أشُوفه خير
مثل ما كنت أخاف البحر.. قبل أطلق شراعي

غديت أودِّع المقفي ولا أღـب أسمع التبرير
أشُوف إن التفاصيل الصغيرة .. مالها داعي

فـ أنا ياللي تظن إني بدونك ما أحسن التدبير
هجرتك و إشتعل نُور الحياة و زانت أوضاعي

فلا شكراً على وقتك ولا إعذرني على التقصير
أنا من يُوم فارقـتك .. تلاشـت مُعظم أوجاعي


،'

[قعناص]

‏لو يوم احد في وحدتك نادى عليك
‏ثم التفت وشفت ما حولك احد

‏هذا انا من كثر ما فكرت فيك
‏ناديت لككك والكل منا في بلد

[قعناص]

‏ولو تلمسين الغيم زادت رقته ..رقه
‏ ولو تضحكين النور من مبسمك بّين

‏ ولو تزهمين الريح جات الريح منطلقه
‏ كن الهبايـب تباشر .. عـودك اللّيــن

‏ لا تطلبين القلب و انتي حل لك سرقه
‏ شوفي غرامك بـ وجهي فعله .. مّبـين

‏ مدري من الورد و لا العطر مّنخلقه
‏ بس الأكيد إن جمالك ما هو بـ هّين

[2COOL]

،'

لا على عيني غشاوة .. ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم تأثير واضح .. على مستقبلي

والحياة .. ومجريات التلاقي.. والوداع
خضت لي فيها تجارب و جيت بْما يلي

يوم فضّلت انعزالي .. على كل اجتماع
استرحت .. وصارت الراحة ألزم ماعلي


، '

[قعناص]

انا وانت جعل الله ما ياخذ حدٍ من حد
‏نعيش الحياة .. و ندري ان العمر فاني

‏على الرغم من بعد المسافة وبعد الجد
‏لكن ما لأحـد منّا غناةٍ .. من الثاني

[قعناص]

زملوني عن غلاه وعن طيوفه
‏وعن هبوبه في ضلوعي لا استهبت

‏واستروا قلبٍ تولته الحسوفه
‏لين راجت في عروقه ثم شبّت

‏الهوى ماله على العاشق مروفه
‏شف لياليه القديمه ويش خبت .